Margt smátt : fréttabréf Hjálparstofnunar kirkjunnar - 01.06.2015, Síða 11

11
menntað sig frekar og elja hennar orðið til þess að nú á hún
litla búð þar sem hún selur föt og sólarrafala til að hlaða síma
og kveikja ljós með vistvænni orku. Marijam hefur getað sent
öll börnin sín 11 í skóla og tryggt þeim læknisaðstoð sem var
óhugsandi áður en henni var veitt þetta litla lán, lán sem hún
greiddi tilbaka fyrir löngu síðan, svo aðrir gætu notið sömu
aðstoðar. Já, sögurnar skipta þúsundum, hægt væri að tala enda-
laust um vatnsbirkurnar og brunnana sem Hjálparstarf kirkjunnar
hefur byggt með heimamönnum og tryggja þeim hreinna vatn
og bætt aðgengi. Þá mætti segja frá dýraliðunum sem hafa fengið
þjálfun og bólusetja nú dýr gegn sjúkdómum og bæta þannig
lífsgæði dýranna og afkomu eigenda eða verkefninu Valdeflingu
kvenna, en fyrir tilstilli verkefnisins njóta konur nú meira sann-
mælis og jafnréttis þó enn sé langt í land. Það er gleðiefni að í
Sómalíhéraði eru konur að eignast úlfalda í fyrsta sinn, verða
dýraliðar og breyta þannig hugarfari og kynjahlutverkum smám
saman.
Upplifunin af því að vera á hjálpar svæðinu fær mann til að muna
að það eru einstaklingar sem eru að njóta, ekki prósentubrot, hag-
stærðir eða tölur á blaði. Einstaklingar sem þiggja hjálp og fræðslu,
í þeirri von um að þau geti síðan áfram hjálpað öðrum. Enginn
getur hjálpað öllum en allir geta hjálpað einhverjum.
Marijam leigir aðgang að sólarrafhlöðu til fólks sem vill hlaða símann sinn hjá henni. Hún á ellefu börn sem öll hafa gengið í skóla.
Stutt er í vatnsbrunninn sem byggður var fyrir fé frá Íslandi og dýraliðinn hefur fengið þjálfun í að bólasetja búfénað sem bætir lífsgæði.