Mosfellingur - 11.07.2024, Side 10
- Fréttir úr bæjarlífinu10
Guðlaugur Þór Þórðarson, umhverfis-, orku- og loftslags-
ráðherra hefur staðfest stjórnunar- og verndaráætlun fyrir
friðlandið við Varmárósa í Mosfellsbæ.
Friðlandið við Varmárósa var friðlýst árið 1980 og síðan
stækkað árið 2021. Markmið friðlýsingarinnar er að vernda
og viðhalda fitjasefi og búsvæði þess, sem og náttúrulegu
ástandi votlendis svæðisins, ásamt sérstöku gróðurfari og
búsvæði fyrir fugla.
Einnig er markmiðið að tryggja rannsóknir og vöktun á
lífríki svæðisins og jafnframt skal unnið að því að treysta
útivistar-, rannsókna– og fræðslugildi svæðisins.
Staðinn vörður um sjaldgæfa plöntu
„Varmárósar eru eitt af mörgum friðlýstum svæðum
á höfuðborgarsvæðinu. Hér stöndum við vörð um afar
sjaldgæfa plöntu, fitjasef, sem eingöngu finnst á tveimur
stöðum á landinu en einnig verndum við búsvæði fugla og
tryggjum að hér sé hægt að njóta náttúrunnar á ábyrgan
hátt,“ segir Guðlaugur Þór Þórðarson umhverfis-, orku- og
loftslagsráðherra.
„Það er ánægjulegt að staðfesta stjórnunar- og vernd-
aráætlun fyrir svæði sem hefur mikið gildi með tilliti til
líffræðilegrar fjölbreytni og lýðheilsu.“
Tryggja vernd náttúruminja
Í stjórnunar- og verndaráætlun er mörkuð stefna um
hvernig tryggja megi vernd náttúruminja friðlandsins og
viðhalda verndargildi þess í sátt við nærsamfélag og aðra
hagaðila.
Friðland er einn flokkur friðlýstra svæða sem hefur það
að markmiði að vernda tilteknar vistgerðir og búsvæði og
styrkja verndun tegunda lífvera sem eru sjaldgæfar eða
í hættu samkvæmt útgefnum válistum, eða til að vernda
lífríki sem er sérstaklega fjölbreytt eða sérstætt.
Friðlandið við Varmárósa friðlýst árið 1980 og stækkað 2021 • Vernda fitjasef og búsvæði fugla á svæðinu
Stjórnunar- og verndaráætlun fyrir
friðlandið við Varmárósa staðfest
að lokinni undirskrift