Fróðskaparrit - 01.01.1985, Qupperneq 81

PLANTUFRØÐILIGAR BÓKMENTIR FØROYUM VIÐVlKJANDI
85
gerning sín arbeiddi hann við plantufrøði,
og her vóru tað serliga skónirnar, ið høvdu
áhuga hansara. Hann var ikki í Føroyum
sjálvur, men navngreindi tær innsavningar,
sum danir gjørdu um aldaskiftið.
Brøgger, Anton W. (1884-1951). Norskur forn-
frøðingur. Brøgger var í Føroyum í 1934.
Hann gjørdi kanningar um Føroya forn-
frøði og nýtti eisini úrslitið av teimum kann-
ingum av plantuleivdum í føroyskum
mógvi, sum Knud Jessen og R. Rasmussen
høvdu gjørt. Hann skrivaði Løgtingssøgu
Føroya, sum Jóannes Patursson týddi
beinleiðis eftir handritinum.
Brøndegaard, Vagn Jørgensen (f. 1919).
Danskur serfrøðingur í etnoplantufrøði,
t.e. hvussu fólk hava nýtt plantur — til
matna, heilsubót, litingar og týdningur
plantanna í t.d. pátrúgv. Hevur skrivað
umleið 650 ritgerðir hesum viðvíkjandi.
Hann hevur ikki verið í Føroyum, men
hevur kannað t.d. Svabo, Landt, R. Ras-
mussen og R. K. Rasmussen. Hevur búð í
Spaniu síðan 1956.
Buchwald, Niels Fabritius (f. 1898). Danskur
plantufrøðingur. Cand. mag. (plantufrøði)
1924. Vísindaligur hjálparmaður og lærari á
deildini fyri plantusjúkur á Kgl. Veterinær-
og Landbohøjskole. Professari í plantu-
sjúkum 1944-68 sama stað. Serkønur í
soppum. Buchwald var ongantíð í Føroy-
um, men navngreindi tað, sum F. H. Møller
hevði innsavnað hiðani.
Bærentsen, Holger (1905-1975, f. í Tórshavn).
Læraraprógv úr Havn 1926. Lærari og
seinni skúlastjóri við kommunuskúlan í
Havn.
Bocher, Tyge Wittroch (1909-83). Danskur
plantufrøðingur. Mag. scient. (plantufrøði)
1934, dr. phil. 1938. Starvaðist við Keyp-
mannahavnar universitet. Professari 1954-
79. Var í Føroyum í juli 1935.
Børgesen, Frederik Christian Emil (1866-
1956). Danskur plantufrøðingur. Mag.
scient. (plantufrøði) 1891. Arbeiddi sum
vísindaligur hjálparmaður á Botanisk
Museum og var frá 1900 bókavørður á
Botanisk Haves Bibliotek, seinni nevnt
Botanisk Centralbibliotek. Hann var ser-
frøðingur í tarasløgum og vistfrøði og varð
við árunum mettur at vera ein av heimsins
kønastu á sínum øki. Hann gjørdi sera ná-
greiniligar kanningar um taravøksturin við
Føroyar og er tann útlendski plantufrøð-
ingurin, ið hevur ferðast mest í Føroyum.
1895: 8. juni-21. juli. 1896:7. mai-15. juni.
1898: 4. apríl -16. juni. 1899: 24. juni - 16.
juli. 1900: 1. juni - 24. juni. Eisini var hann
her aftur í 1902. Hann ferðaðist seinni nógv
í Vestindisku oyggjunum og á Miðalhav-
inum. I 1904 gjørdist hann dr. phil. við
ritgerðini Om Algevegetationen ved Færø-
ernes Kyster. Umframt sín stóra kunnleika
til algur og tarasløg, hevði hann eisini
stóran áhuga fyri urtagørðum og skrivaði
um hesi evni Føroyum viðvíkjandi. Sjálvur
hevði hann ein sjáldsaman og víðagitnan
urtagarð í Hellebæk n. f. Keypmannahavn.
Børgesen var frálíkur myndatakari og
hevur tikið hópin av myndum av plantu-
vøkstri okkara. Hann tók eisini nógvar
fólkalívsmyndir úr Føroyum.
Christensen, Carl Frederik Albert (1872-
1942). Danskur plantufrøðingur. Mag.
scient. (plantufrøði) 1900. Hevur serliga
arbeitt við trøllakampum, og hann hevur
skrivað Index Filicum (1905-06), ið verður
roknað sum eitt høvuðsverk á hesum øki.
Sera virðismikið er stóra arbeiði hansara við
plantufrøðibókmentum og søgu um dansk-
ar plantufrøðiligar rannsóknir. I hesum