Fróðskaparrit - 01.01.1985, Qupperneq 95

99
Hammershaimb
sum heimildarmaður. . .
Jóan Pauli Joensen
í eini grein um V. U. Hammershaimb sigur
Christian Matras, at árið 1843 var eitt av
merkisárunum í lívi hansara, tí hetta árið
hittust hann og Svend Grundtvig fyri fyrstu
ferð og vórðu vinmenn fyri lívið.1. V. U.
Hammershaimb greiðir sjálvur frá hesum
fundi í endurminningum sínum.2 Samstarvið
og vinalagið millum hesar báðar menn
kom at fáa stóran týdning fyri føroyskt ment-
anarstrev.
Tað løgna er, at sama árið sum Svend
Grundtvig og V. U. Hammershaimb hittust,
hittust eisini svenski fólkaminnisfrøðingurin
Gunnar Olof Hylten-Cavallius og V. U.
Hammershaimb. Hetta hendi 18. juli 1843.
Tað er av tilvild, at vit hava fingið kunnleika
um henda fund.
í stóru bók síni um Hylten-Cavallius sigur
Nils-Arvid Bringeus, at Hylten-Cavallius á
eini granskingarferð til Týsklands steðgaði
nakrar dagar í Keypmannahavn, og her »fann
hann ett par islandska och en faroisk student,
som gav utforliga uppgifter om folktro och
folksed i sina hemlánder«.3
Skjalið, sum er grundarlagið undir hesum
upplýsingum er funnið fram, * og kann tann
føroyski studenturin »Kandidat Hammers-
haimb«, sum hevur givið Hylten-Cavallius
upplýsingar um føroyska pátrúgv, ikki vera
annar enn V. U. Hammershaimb, sum eisini
hevði nógv samband við íslendingar.5 Men
Hylten-Cavallius nevnir ikki í uppskrift síni,
hvar hann hevur hitt V. U. Hammershaimb.
Hylten-Cavallius hevði um hetta mundið
sera stóran áhuga fyri tí lægru gudalæruni
(Die niedere Mythologie). Her var tað van-
lig hugsan, at pátrúgv var ein leivd av fornari
heidnari trúgv, sum livdi sum minni í hugan-
um á almúguni.
Hesin áhugin fyri »Die niedere Mytholo-
gie« man vera orsøkin til, at hann bert hevur
fingið V. U. Hammershaimb at greiða sær
frá pátrúgv. Hann hevur eisini skrivað av tað,
sum Jørgen Landt skrivar um pátrúgv í bók
síni um Føroyar.6 Hesa bók hevur hann sæð
inni hjá V. U. Hammershaimb.
Tað sum Hylten-Cavallius skrivaði upp
eftir V. U. Hammershaimb er hetta:
Kiøbenhavn, d. 18 Juli. Færoingen Kandid.
Hamershaimb Færoarne, d. 18 Juli 1843.
áska »Tora gengur« áskan kór.
Torustajnur (sing.) en sádan sten som faller
ned nár áskan gár. Anses befria fr(án) áskan.
Fródskaparrit 32. bók (1985): 99-102.