Tíminn - 30.11.1918, Blaðsíða 4

240
TIMINN
Léleg málsvörn.
í síðasta ísafoldarblaði sem út
kom »fyrir pestina«, er grein til
Tímans út af »þingmannasíldinni«,
eftir Magnús Péturson síldarþing-
mann. Er greinin þar á 14 dáik-
um. Prentarinn og prófarkalesarinn
hafa neyðst til að lesa greinina,
af eðlilegum ástæðum. Ritstjóri
Tímans lagði það sömuleiðis á sig
— með hvildum — til þess að
leita að hvort eitthvað nýtt og
svara vert kæmi fram i málinu.
Hefir ekki spurst að fleiri hafi
enst til að lesa greinina til enda.
Og skal það engum láð.
í greininni kemur ekki fram eitt
einasta nýtt atriði. Hún er enda-
Iaus þvæla utan við aðalatriðið.
Hún ber það svo ótvírætt með sér
sem á verður kosið, að verið er
að reyna að verja alóverjanlegan
málstað.
Að eins eitt er ástæða til að á-
rétta og er það út af dæmum þeim
sem M. P. nefnir til þess að reyna
að afsaka að hann framdi síldar-
söluna í þinghelginni. En dæmi
hans eru algerlega röng.
Rétt dæmi, alveg hliðstæð því
sem hann gerði, hefði það verið:
ef forsætisráðherrann hefði, þegar
hann keypt síldina af Bretum á
15 kr. tunnuna, látið kaupin ganga
undir sínu eigin nafni og selt
landsverzluninni tunnuna t. d. á
20 kr. — og ef forstjórar lands-
verzlunarinnar hefðu svo gert þau
kaup í sínu nafni og selt síldina
út um land á 25 kr. tunnuna.
Þingmenn eru trúnaðarmenn
bygðarlaganna alveg á sama hátt
og forsætisráðherra og forstjórar
landsverzlunarinnar eru trúnaðar-
menn alls landsins.
Af því að M. P. er þingmaður
veit hann að sildin er fö! og að
landsstjórnin muni þó fresta þyí
að kaupa hana.
Þá kaupir hann síldina og fær
samþingismenn sína til að halda
því að kjósendum að kanpa hana.
M. P. hefir ekki einungis sjálfur
notað sér aðstöðu sína sem þing-
maður til þess að græða fé, held-
ur hefir hann og nolað aðstöðu
samþingismanna sinna »sem þing-
manna« — sem ekkert vissu að
um gróðabrall var að ræða, en
gengu út frá því sem sjálfsögðu,
alveg eins og þeir sem kej^ptu, að
verið væri að vinna óeingjarnt
verk — til þess að auðga sjálfan
sig á kostnað almennings. Því að
það er þó öllum lýðum ljóst, að
ef M. P. befði ekki ráðisl í þetta
»bjargráðafyrirtæki«, hefðu þeir
sem af honum keyptu fengið hverja
síldartunnu 3—5 kr. ódýrari.
Hað er að rjúfa þinghelgi ef
þetta er það ekki? Hvað er að
drýgja synd á móti drengskapar-
anda trúnaðarstarfs, ef þetta er
það ekki?
Spyr Sá sem veit.
»Pað er fornt mál að engi taki
svo í tjörnina að eigi verði votur
af« — sagði Þórir erkibiskup við
Guðmund góða.
Undirritaðan vantar hryssu, mó-
toppskjótta; mark: stýft hægra,
(geta verið undirben) járnuð; hár-
laus blettur á miðju baki. Finn-
andi geri svo vel og geri mér við-
vart.
Guðlaugur E. Einarsson.
Litlu-Tungu.
F j á r m a r 1í mitt er: geirstýft
bægra, blaðstýft a. stfj. fr. vinstra.
Brm.: Guðl. E. — Þetta eru menn
í nærliggjandi sveitum beðnir að
athuga, því markið er ekki á
markaskrá.
Guðlaugur E. Einarsson.
Litlu-Tungu.
Magnús Péturson hefir tekið hendi
í tjörnina og orðið votur af. Hann
reynir að þvo hendur sínar, en sá
þvottur er kendur við Pílatus.
Magnús Pétursson verður kend-
ur við sild alla æfi héðan af. Og
allir samferðamenn hans á lífsleið-
inni munu vita hversvegna.
Dánir ir ðrepsóttinni.
Ingvar Johanspn, bróðursonur
Rolf Johansen kaupm. á Reyðarf.
Asta Blomsterberg húsfrú.
Ragnheiður G. Gísladóttir, Vita-
stíg 8.
Magnús Þorsteinsson, barn s. st.
Jensína ísleifsdóttir, Laufásvegi.
Guðjón Jónsson, Miðstr. 3.
Steinþór Ásmundsson, Lauga-
veg 68.
Herbert Jóhannesson, barn,
Grettisg. 70.
Guðmundur Jónsson, sjóm. á
Snorra goða.
Sveinn Pálsson, Hlíðarenda.
Sesselja Ellen Kristjánsdóttir,
barn, eins árs, Grettisgötu 45.
Valgerður Sveinbjörnsdóttir,
Grænuborg.
Edvard Jensen, danskur sjó-
maður.
Sigurður Ólafsson, barn, Lauga-
veg 24 B.
Ingvar Guðmundsson, trésm.,
Grettisgötu 22 C.
Trausti Guðmundsson, Grettis-
götu 50.
Sigurbjarni Guðnason, vélstjóri
á Skaliagrími, dó í Englandi 20.
þ. m.
Hulda Guðmundsdóttir, Holts-
götu 8.
Oddný S. Jónsdóttir, Hverfis-
götu 60.
Páll Jónsson, Bræðraborgarstíg
39.
Steinunn Bjarnadóttir frá Minni-
bæ.
Þóra Sigríður Jónsdóttir, Mjó-
stræti 2 (dáin 13. nóv.).
Einarína Sveinsdóttir, Framnes-
veg 30.
Carl Fondanger, prestssonur frá
Jótlandi.
Jón Magnússon, vökum.
Helga Markúsdóttir, Túngötu 48.
Dánir á Akranesi:
Súsanna M. Clausen, Grímsstöð-
um.
Sveinn Ingjaldsson, Nýlendu.
Sigríður Jónsdóttir, Sigurvöllum.
Valdimar Björnsson, s. st.
Ragnheiður Finnsdóttir, Breið.
Ragnheiður Magnúsdóttir, Sönd-
um.
Magnús Hallgrímsson, s. st.
Gróa Halldórsdóttir, Bjargi.
Guðm. Björnsson, Hreiðri.
Guðrún Eyleifsdóttir, Breið.
Eggert Símonarson, Lambhúsum.
Guðm. Jónsson, Marbakka.
Jón Magnússon, Bergstöðum.
Jóhannes Jónsson, Hlíðarenda.
Jórunn Þorkelsdóttir, Kothúsum.
Gestur Pétursson, Þaravöllum.
Ólöf Jóhannsdóttir, s. st.
Páll Jónsson, Sólmundarhöfða.
Fréttir.
Tíðin hefir verið með afbrigð-
um góð undanfarið, frostlítið ílest-
ar nætur og þýða um daga. Má
enn vinna alla jarðabótavinnu hér
um slóðir.
Samskota hefir verið leitað til
þess að reyna að bæta kjör þeirra
mörgu, sem nú búa við þröngan
kost hér i bænum. Hafa margir
gefið mjög rausnarlega. — Thor
Jensen útgerðarmaður lét botn-
vörpung fara á veiðar og var
fisknum útbýtt ókeypis og enn-
fremur lagði hann til það sem
þurfti til matargerðar sem stofnað
var til í húsum Sláturfélags Suð-
urlands og var matnum útbýtt ó-
keypis.
Minningardisk, »Platte«, hefir
Jóhannes Kjarval málari látið gera
til minningar um sambandslögin
sem nú ganga í gildi. Hugsunin
sem listamaðurinn leitast við að
sýna er sú, að þennan dag, 1. des.
1918, bœtist í hópinn fjórða sjálf-
stœða ríkið á Norðurlöndum. Er á
diskinum tré með fjórum greinum
og er það Askur Yggdrasils. Tákna
greinarnar Norðurlandaríkin ísland,
Danmörk, Noreg og Sviþjóð og eru
nöfnin við, en yfir trénu er dag-
setningin: 1. desember. En yfir
þessu friðarboginn. »Dansk Kunst-
handel« hefir mótað diskinn og
brent í leir, mun sú stofnun i
mestu áliti samskonar stofnana á
Norðurlöndum fyrir það að fást
að eins við það sem stenst strang-
ar kröfur listdómara. Takmörkuð
tala verður gerð af minningar-
diskinum, er búist við markaði
fyrir hann um öll Norðurlönd, en
þó einkum hér og í Danmörku.
Mun þetta fyrsta sinni sem íslend-
ingur gerir listaverk af þessu tagi,
og væri gott að honum yrði styrk-
ur að. Tekið er á móti pöntunum
í Bókaverzlun ísafoldar. Þurfa
þær að koma sem allra fyrst svo
pöntun verði simuð út og send-
ingin nái með Botníu hingað heim
fyrir jól. Verðið er 12 krónur.
Tii kaupenda barnablaðsins Æskan.
Sökum inflúenzunnar, sem geys-
að hefir yfir Reykjavík allan nó-
vembermánuð, hafa stöðvast allar
framkvæmdir viðvíkjandi undir-
búningi og prentun jólablaðs Æsk-
unnar 1918; okkur er því ómögu-
legt að senda jólablaðið og desem-
berblaðið fyr en með janúarpóst-
unum. Við treystum því að kaup-
endurnir taki tillit til þessa, því
það er óviðráðanlegt og þeim getur
ekki fallið ver en okkur að svona
skyldi fara.
Vinsamlegast.
Aðalbjörn Stefánsson. Sigurjón Jónsson.
Veikindin út um land. Af Vest-
urlandi eru verstar fréttir frá Þing-
eyri við Dýrafjörð og Flateyri við
Önundarfjörð, lögðust flestir þar
og mjög samtímis. Var símað eftir
hjálp héðan og botnvörpungur
sendur vestur með lækni og hjúkr-
unarfólk. Breiðist veikin út um
sveitir Vestfjarða en fremur hægt
því flestir reyna að verjast til
lengstra laga. — ísafjörður kvað
ekki hafa orðið hart úti, margir
veikst en hlutfallslega fáir dáið.
Talsímasamband er enn ekki kom-
ið á við ísafjörð og fregnir þaðan
því eigi ítarlegar. — í Borgarfirð-
inum breiðist veikin fremur hæg-
fara. og hefir eigi verið þar mann-
skæð annarstaðar en á Akranesi,
en þar hafa dáið um 20 manns.
— í Keflavík befir veikin ekki
lagst~þungt á, en hins vegar er
hún mjög skæð í Garðinum. 4
hafa dáið í Grindavík. — I Ár-
nessýslu er veikin mjög útbreidd,
og bágt ástand þar víða og einna
verst í Hraungerðishreppnum. Á
einu heimili þar, Langholti, eru
fjórir menn með lungnabólgu, 9
börn og konan dáin. Á Hrygg í
sama hreppi eru hjónin með
lungnabólgu, annað fólk á bænum
þrjú börn ung og gömul kona. Á
Bygðarhorni í Sandvíkurhreppi eru
18 manns í beimili, börnin 13 á
öllum aldri, hjónin með lungna-
bólgu og enginn til að hugsa um
skepnurnar þegar stúlku úr Reykja-
vík kom á bæinn. — Á Eyrar-
bakka eru 20 lungnabólgutilfelli.
Og alstaðar að úr sýslunni eru lung-
nabólgufréttir meiri og minni, en á-
byggilegar fregnir um manndaða eng-
ar fyrir hendi. — í Rangárvallasýslu
er veikin komin í alla hreppa aðra
en Vestur-Eyjafjöll og er þar ekki
síður illkynjuð en í Árnessýslu,
eru dæmi þess að þrír og fjórir
liggi þar í lungnabólgu á sama
bænum.
Sambandslögin voru samþykt í
þjóðþinginu danska með 100 at-
kvæðum gegn 20. í landsþinginu
voru þau samþykt með 42 atkv.
gegn 15.
Ritstjóri:
Tryggvi Þórhallsson
Laufási. Sími 91.
Prentsmiðjan Gutenberg.