Morgunblaðið - 27.07.1984, Blaðsíða 1
64 SIÐUR
STOFNAÐ 1913
170. tbl. 71. árg.
FÖSTUDAGUR 27. JÚLÍ 1984
Prentsmiðja Morgunblaðsins
Hruni stór-
banka afstýrt
Wukngton, 26. júlf. AP. »
BANDARÍKJASTJÓRN hyggst leggja fram 4,5 milljarða dollara í því skyni að
bjarga stórbankanum Continental Illinois National Bank frá hruni. Verður
þetta gert með því að keyptar verða ótryggar kröfur bankans á hendur öðrum
aðihim að upphæð 4,5 milljarðar dollara með afföllum eða á 3,5 milljarða
dollara, en sfðan verður lagður fram 1 milljarður dollara sem aukning við
hlutafé bankans.
Hluthafar í bankanum verða að
samþykkja það samkomulag, sem
gert hefur verið og er fyrirhugað að
halda hluthafafund þennan í sept-
ember nk. Verði samkomulaginu
hafnað á þessum fundi, verða þau
framlög afturkölluð, sem bankan-
um hefur verið heitið til viðreisnar
honum og yrði hann þá lýstur
gjaldþrota.
Continental-bankinn hefur lán-
að geyismikið fé til landa Suður-
Ameríku þar á meðal 476 millj.
dollara til Brasilíu, 699 millj. doll-
ara til Mexíkó og 436 millj. dollara
til Venesúela. Offramboð á olfu
hefur dregið mjög úr getu þessara
landa til þess að endurgreiða er-
lend lán sín og hefur það bitnað
mjög á Continental-bankanum.
7 Pólverjar flýðu
til Svíþjóðar
Stokkbólmi, 26. júlí. Frá fréttoriUra Morgimblatoins, Olle Ekström.
EINN þeirra sjö Pólverja, sem flúöu
til Svíþjóðar í gærkvöldi, hyggst fá
landvistarleyfi annars staðar á Vest-
urlöndum, en allir hinir hafa beðið
um pólitískt hæli í Svfþjóð. Flótta-
mennirnir komu frá Póllandi með
flugvél af sovézkri gerð og lentu þeir
á Everöds-flugvelli fyrir utan Krist-
ianstad á Skáni. Sænskar eftirlitsvél-
ar flugu á móti flugvél flótta-
mannanna og fylgdu henni þar til hún
var ient
{ hópi flóttamannanna, sem
komu frá Norður-Póllandi, voru
þrír karlmenn, tvær konur og tvær
tíu ára gamlar telpur. Flugvélin,
sem þeir notuðu til flóttans, var
gömul rússnesk vél af gerðinni Ant-
onóv-2. Vélar af þessari gerð eru
enn í notkun í Póllandi og eru þar
einkum notaðar við áburðardreif-
ingu. Sams konar vélar hafa áður
verið notaðar af flóttafólki frá Pól-
landi til þess að flýja til Svíþjóðar.
Olympíuleikar ( „sjónmáli
Símamynd AH.
Pólsku flóttamennirnir við komuna til Svfþjóðar. Flugvélin, sem þeir notuðu
til flóttans, er í baksýn, en það var gömul vél af gerðinni Antonov-2, smíðuð
í Sovétríkjunum.
íslenski sundkappinn Ingi Þór Jónsson bregður á leik við upphaf æfíngar sinnar í Los Angeles í gær. Óhætt er
að segja að sólgleraugu hans minni meira en lítið á að Ólympíuleikar eru í nánd, en þeir verða settir á morgun.
Líbanon:
Karami ræðir við
sýrlenzka leiðtoga
21 maður fellur í bardögum í Tripoli
Beirút, 26. júlí. AP.
RASHID Karami, forsætisráðherra
Líbanon, kom til Damaskus, höfuð-
borgar Sýrlands, í dag til viðræðna
við sýrlenzka leiðtoga um leiðir til
þess að binda enda á stríðið f Líban-
on. Eftir þriggja klukkustunda fund
í Damaskus hélt Karami heim að
nýju, en lýsti því yfir við brottför
sína þaðan, að líbanski herinn
myndi taka við öryggiseftirliti í norð-
urhluta Líbanon, sein verið hefur á
valdi Sýrlendinga.
Lyubimov sviptur
sovézku ríkisfangi
Franska menningarmálaráðuneytið felur honum yfirstjórn nýrrar listamiðstöðvar
Moskvu, 26. júlf. AP.
SOVÉZK stjórnvöld hafa svipt leikstjórann Yuri Lyubimov ríkisborgara-
rétti f Sovétrfkjunum. Áður hafði hann verið rekinn úr kommúnista-
flokknum og sviptur stöðu sinni sem leikhússtjóri hjá Taganka-leikhús-
inu í Moskvu.
Þessi frægi en umdeildi leik-
stjóri fór til Vesturlanda fyrir
ári. Hann fékk að taka með sér
konu sína og son, sem er mjög
óvenjulegt og sem kom strax af
stað bollaleggingum um, að sov-
ézk stjórnvöld væru að hvetja
hann til þess að snúa ekki aftur
heim.
Lyubimov fór fyrst til London,
þar sem hann stjórnaði verki
Dostojevskys „Glæpur og refs-
ing“ í leikgerð, sem hann hafði
samið sjálfur. Samtímis
leikhússtarfsemi sinni bæði á
Bretlandi og á Ítalíu hélt hann
uppi miklu orðastrfði við yfir-
stjórn menningarmála í Sovét-
ríkjunum, sem hann sakaði um
að hafa vald langt umfram list-
ræna þekkingu.
í marz var hann rekinn úr
kommúnistaflokknum og sú
skýring gefin, að hann hefði ekki
greitt félagsgjöld til flokksins.
Síðan var hann sviptur stöðu
sinni sem leikhússtjóri Tag-
anka-leikhússins, sem hann
hafði komið á fót fyrir 20 árum
og gert að vinsælasta nútíma-
leikhúsi Moskvuborgar.
Franska menningarmálaráðu-
neytið tilkynnti í dag, að það
hefði boðið Lyubimov að taka að
sér yfirstjórn listamiðstöðvar
fyrir utan París og hefði hann
tekið þessu boði. „Hæfileikar
þeir, sem Lyubimov hefur sýnt í
leikhússtarfi sínu, eru í fullu
samræmi við þann metnað og
þau markmið, sem þessi nýja
menningarstofnun hyggst til-
einka sér,“ segir f tilkynningu
franska menningarmálaráðu-
neytisins.
Karami sagði ennfremur, að
stjórnir Líbanon, og Sýrlands
hefðu orðið sammála um að sam-
ræma stefnu sína á öllum sviðum.
Þá hefði Sýrlandsstjórn ennfrem-
ur lýst yfir fullum stuðningi við
það markmið Líbanonstjórnar að
fá ísraela til þess að kalla her sinn
skilyrðislaust burt frá Suður-
Líbanon. Lauk Karami orðum sfn-
um með því að segja, að „sú stund
færðist stöðugt nær, er friður
kæmist á í Líbanon".
Þrátt fyrir þessi ummæli Kar-
amis voru bardagar sízt minni í
Líbanon í dag en verið hefur und-
anfarið. Var barizt af hörku í
hafnarborginni Tripoli, heima-
borg Karamis sjálfs, og beið 21
maður þar bana og 82 særðust,
sumir mjög alvarlega.
Ovænt hækk-
un dollarans
New York, 26. júlí. AP.
ORÐRÓMUR var á kreiki um upp-
lausn OPEC í dag og þótt hann væri
borinn til baka snarhækkaði verð á
dollar. Verð á gulli lækkaði og hefur
ekki verið eins lágt í tvö ár.
Áður en sá orðrómur komst á
kreik að eitt eða fleiri OPEC-riki
hefðu ákveðið að segja sig úr sam-
tökunum hafði gengi dollars lækk-
að annan daginn i röð. Ástæðan
var talin sú yfirlýsing Paul Volck-
ers, bankastjóra bandarfska seðla-
bankans, að draga skyldi úr útlán-
um og stefna að lækkun vaxta.