Morgunblaðið - 04.07.1974, Blaðsíða 10
10
MORGUNBLAÐIÐ, FIMMTUDAGUR 4. JULÍ 1974
n
M
M
U
„Fólkið vill bara hljóm-
sveitirnar sem hamast”
r r
segir Amundi Amundason og telur engan
grundvöll fyrir innflutningi
gæðahl j ómsveitanna
.. dansa, lemja og hamast á sviðínu...“ (Teikn-
ing Jens Kristjáns.).
Örn Petersen vi8 upptöku þáttarins „Tiu á toppnum".
• •
Orn Petersen svarar:
Hér og nú
NO ERU liðnar þrjár vikur frá
heimsókn Procol Harum til Is-
lands og Ámundi umboðsmaður
ætti því að vera búinn að telja alla
seðlana, sem hann græddi á heim-
sókninni. Eða græddi hann ekki
einhver lifandis býsn? Það halda
sumir.
„Nei, það er mesti misskilning-
ur,“ sagði Ámundi f samtali við
SLAGSÍÐUNA daginn sem Olaf-
ur Jóhannesson baðst lausnar fyr-
ir sig og ráðuneyti sitt. „Og ég
komst að þvf f sambandi við þetta
hljómleikahald," bætti Ámundi
við, „að þessar greinar poppskrif-
ara um, að hingað þurfi endilega
að fá topphljómsveitir músfklega
séð, þvf að hér sé svo mikill áhugi
fyrir þeim, eru eintómt rembings-
bull, slagorð og kjaftæði. Það er
enginn markaður fyrir þessar
hljómsveitir hér. Fólkið vill bara
fá hljómsveitirnar sem dansa,
lemja og hamast á sviðinu, eru
með „show“. Það er það eina, sem
gildir hér. Og ég mun einbeita
mér að þvf f framtfðinni að fá
hljómsveitir af þvf tagi, eins og
Slade, Sweet og fleiri. Ég er ein-
mitt að fara út f næstu viku til að
athuga með erlendar hljómsveit-
ir, þvf að ég vil endilega halda þvf
áfram að fá þær hingað.“
Raunar hefði Ámundi verið bú-
inn að koma með eina enska
hljómsveit til viðbótar hingað til
lands, ef leyfi hefðu fengizt.
Hann ætlaði að fá ensku hljóm-
sveitina Love Affair hingað í júní
til að leika á dansleikjum úti um
allt land, ásamt fslenzkum hljóm-
sveitum, eins og hann hafði áður
gert með John Miles Set og Writ-
ing On The Wall. En félagsmála-
ráðuneytið óskaði umsagnar
Félags íslenzkra hljómlistar-
manna um umsókn Ámunda um
atvinnuleyfi fyrir Love Affair og
mun sú umsögn væntanlega hafa
verið neikvæð, þvf að Ámundi
fékk ekki leyfið í júní og hefur
raunar ekki fengið enn.
„Mér finnst það alveg furðu-
legt, að FlH skuli stoppa þetta af.
Þessar erlendu hljómsveitir taka
enga vinnu frá fslenzku hljóm-
sveitunum, þvert á móti, þvf að ég
hef haldið böll með útlenzku
hljómsveitunum á stöðum úti á
landi, þar sem engin leið hefur
verið að halda böll með fslenzk-
um hljómsveitum. Utlenzku
hljómsveitirnar spila aðeins f
50—60 mfnútur — og það er eng-
in leið að halda ball f klukkutfma.
Þess vegna hef ég alltaf haft fs-
lenzkar hljómsveitir með á böll-
unum og þannig skapað þeim
vinnu með þessum heimsóknum
erlendra hljómsveita. — Já, ég er
svekktur yfir þessari afgreiðslu
málanna, þvf að ég taldi, að þess-
ar heimsóknir lyftu upp fslenzku
tónlistarlffi og ykju á gæði fs-
lenzkra hljómsveita þegar til
lengdar léti. En ég ætla f staðinn
að fara út f það áð taka hljóm-
sveitir af Norðurlöndunum, þær
þurfa ekkert atvinnuleyfi hér,“
segir Ámundi.
Annars hefur hann lítið mátt
vera að þvi að hugsa um hljóm-
sveitainnflutning nú síðustu dag-
ana, því að hann hefur verið önn-
um kafinn við undirbúning þess
að setja á markað tvær segul-
bandskassettur með tónlist, sem
kom út á Á. Á.-plötum í fyrra. Á
annarrri kassettunni verða lögin
af stóru plötunni „Lítið eitt“, en á
hinni verða ýmis vinsæl lög af
stórum og litlum plötum, þ.e. með
Jóhanni G. Jóhannssyni, Pónik og
Þorvaldi Halldórssyni, Logum og
Litlu einu. Sú kassetta ber nafnið
„Urval af Á. Á.-hljómplötum
1973“. Þessi lög hafa flest öll ver-
ið mjög vinsæl — „og það er gíf-
urleg eftirspurn eftir þeim á kass-
ettum. Mér finnst gaman að geta
sett þetta á markað," segir
Ámundi. Hann hefur f undirbún-
ingi útgáfu á fjórum kassettum til
"víðbótar, þ.e. með tónlistinni af
stóru plötunum með Roof Tops og
Pelican og tvær með úrvali af Á.
Á.-plötum ársins 1974. Þá er heil-
mikið af plötum á leiðinni: Ný
tveggja laga plata með Stuðmönn-
um, tveggja laga plata með Jó-
hanni G., tvær tveggja laga plötur
með Pónik, stórar plötur með
Roof Tops og Pelican og stór
barnaplata með leikriti og söngv-
um um Róbert bangsa. Þá vonast
Ámundi til, að Jóhann G. geti
farið sem fyrst utan til að taka
upp stóra plötu. Ymislegt annað
er einnig á prjónunum hjá
Ámunda:
Mig langar til að koma með
Brimkló, 14 Fóstbræður og lfka
eitthvað nýtt, en ég hef bara ekk-
ert nýtt fundið, sem gaman væri
að koma með.“
— En alltaf má fá annað skip og
Ámundi er einnig að hugleiða að
hefja innflutning á skemmtikröft-
um, þ.e. einhverju öðru en hljóm-
sveitum. Það er því nóg að gera
hjá honum — og nóg að gera hjá
blaðamönnum við að skrifa um
athafnasemi hans! Því að þótt
Ámundi sé maður umdeildur,
bæði vegna starfa síns að umboðs-
mennsku og vegna skoðana sinna
— sem hann er ófeiminn við að
skýra frá — þá verður því ekki
neitað, að hann kemur miklu í
verk og hefur fjörgað íslenzkt
popplíf heilmikið.
Kæri „jákvæði" St. Guðm!
Þó að ég hafi nú ekki getað
annað en brosað þegar ég las
skrif þin í Slagsíðunni 23. þ.m.
sé ég fulla ástæðu til að svara
skrifum þínum, eða a.m.k.
benda þér á nokkra Ijósa
punkta, sem þú þó virðist ekki
skilja.
Hlutverk þáttarins Tíu á
toppnum er að mynda íslenzk-
an vinsældarlista út frá þeim
lögum, er ná vinsældum í ná-
grannalöndum okkar, svo og
þeim lögum, sem gefin eru út á
plötum hérlendis og flokkast
undir dægurlagatónlist. Þessi
lög eru eingöngu kynnt af
stjórnanda þáttarins, en síðan
er það hlutverk hins „jákvæða"
hlustanda að velja og hafna.
Hann greiðir þremur lögum at-
kvæði og fær hvert þeirra eitt
atkvæði. Út frá því ætti að
liggja Ijóst fyrir, hvaða lög njóta
mestra vinsælda á hverjum
tíma, en þau fimm lög, er fæst
atkvæði hljóta, falla af listanum
og fimm ný lög eru kynnt í
þeirra stað. Þessi fimm lög vel
ég sjálfur og tek þar tillit til
vinsældalista erlendis og að
flestir fái þar lag við sitt hæfi.
En þú ert bersýnilega súr út í
þennan „afturhaldssama
óskapnað" vegna þess, að
þátturinn býður þér ekki upp á
þyngri tónlist (eða þróaða, eins
og hún er stundum kölluð).
Jæja vinur, ég get nefnt þér
margar ástæður fyrir þvi, að ég
kynni ekki of mikið af þyngri
tónlist — ég hef reynt það
nokkrum sinnum og þá hafa
viðkomandi lög fengið undir tíu
atkvæði — en ég ætla að láta
eina nægja. Fáðu þér eitthvert
enskt, bandarískt, danskt eða
sænskt poppblað og líttu á vin-
sældalista þessara landa, já,
hin frábæra hljómsveit Yes
kemst ekki einu sinni á vin-
sældalista heimalands sins.
Ég reikna með, að þeir, sem
taka þátt í myndun vinsælda-
listans hérlendis, séu yfirleitt á
aldrinum 13—17 ára og verð-
ur því listinn vissulega eilítið
léttmetinn, og á meðan þeir
neikvæðu bara sitja á rassinum
og ergja sig yfir þessu, verður
því ekki breytt. Þátturinn er
ekki ætlaður neinum sérstök-
um flokki hlustenda og því síð-
ur aldri — hann er öllum opinn
og tillögur ætíð vel þegnar. Að
lokum vil ég annars þakka þér
(hvað sem þú nú heitir hr.
„Neikvæður") fyrir skrif þín, án
þeirra hefði ég varla haft tæki-
færi til að leiðrétta þennan mis-
skilning þinn. Ef þú vilt þroska
tónlistina í Tíu á toppnum þá
taktu sjálfur þátt í myndun vin-
sældalistans, (og svo getur þú
meir að segja unnið þér inn
plötu með David Cassidy).
Með kveðju,
Örn Petersen.
P.s. Um leið og ég svara bréfi St.
Gu8m. langar mig til a8 nota tæki-
færiS og þakka Hönnu Marfnósdótt-
ur fyrir jikvæS skrif — takk.
Kæru SlagsíSumenn!
Mig langar til að koma með smá
athugasemd i sambandi við bréf
eftir St Guðm , sem birt var hjá
ykkur sunnudaginn 23. júní
Þar segir bréfritari, að „Tíu á
toppnum" sé eingöngu með ,,nei-
kvæða" tónlist Hann má auðvitað
hafa sínar skoðanir En bezt væri (til
að gera St Guðm ánægðan) að
hafa sérstakan þátt fyrir neikvæða
tónlist og sérstakan þátt fyrir
„jákvæða" tónlist En það er eflaust
ekki rúm fyrir tvo slíka þætti á
útvarpsdagskránni, því að ekkí má
stytta morguntónleikana og því sið-
ur miðdegistónleikana! En hvers
vegna má þá ekki hafa annan þátt-
inn (fyrir valinu varð „neikvæði'
þátturinn)?
Svo er St Guðm herfilega dóna-
legur að segja að Örn Petersen sé
beinlinis að troða ákveðnum tónlist-
arsmekk uppá fólk!! Ég held bara,
að þessi St Guðm sé svona öfund-
sjúkur út i Örn Petersen, auk þess
sem hann (þetta getur ekki verið
stelpa sem er með svona mikil-
mennskubrjálæðí) er hryllilega illa
innrættur!!
St. Guðm , ger þú betur og dæmdu
þá
M.V.
P S Hvernig væri að hafa Slag-
siðurnar fjórar?"
Slagsiðan þakkar bréfið. „Tíu á
toppnum" er greinílega að verða
stórmál Vegna hugmyndar M V
um tvo sérstaka þætti með
„jákvæðri" tónlist og „neikvæðri"
vill Slagsíðan aðeins minna á hin
ágætu Popphorn siðdegis á virkum
dögum Þar er oft talsvert um
„jákvæða" tónlist Og um P S.-ið:
Það væri vafalaust fínt að hafa fjórar
Slagsiður vikulega; á því eru bara
þvi miður engin tök eíns og nú
standa sakir
„Hálfvitinn" skrifar:
Hvað heitir Gilbert O'Sullivan
fullu nafni?
Hvað er hann gamall?
Er hann giftur?
Hvað hefur hann gefið út margar
plötur?
Hvað heita þær
Svör:
Raymond O'Sullivan, fæddur 1
des 1 946 — 2 7 ára — , ókvænt-
ur. Þrjár stórar plötur: Himself
(1971), Back to Front (1972) og
l'm a Writer not a Fighter (1 973).
Fjölmargar litlar plötur, sem of
langt mál yrði að telja upp, enda
mun SLAGSÍÐAN i þessum dálkum
einungis telja upp stórar plötui
listamanna, nema sérstaklega
standi á, Stóru plöturnar gefa bézta
mynd (yfirleitt) af listamönnunum,
— og svo getur lika reynzt erfitt að
fá lista yfir litlu plöturnar.
Tveir forvitnir spyrja:
Hvað hafa Deep Purple gefið út
margar plötur?
Svar:
Shades of Deep Purple (1968),
Book of Taliesyn (1969), Deep
Purple (1969), Concerto for group
and orchestra (1970), Deep Purple
in rock (1970), Fireball (1971),
Machine Head (1 972),Madein Jap-
an (1972), Wo do we think we are?
(1 973) og Burn (1974).