Morgunblaðið - 11.07.1974, Blaðsíða 30
30
MORGUNBLAÐIÐ, FIMMTUDAGUR 11. JULl 1974
ÍmilAIRIIIlK \llllti;il\BlADSIIÍS
Tvö Islandsmet hjá
stúlkunum síðari dag
Rey kj avíkurleikanna
TVÖ Islandsmet litu dagsins ljós
á Laugardalsvellinum f fyrra-
kvöld, er þar fór fram sfðari hluti
Reykjavfkurleikanna. Ingunn
Einarsdóttir lét sig ekki muna
um það að bæta lslandsmet sitt f
400 metra hlaupi, þó svo að hún
væri nýkomin úr 100 metrunum.
Tími Ingunnar var 59.0 og bætti
hún eldra metið um 2 sekúndu-
brot, úr 59.2. Sveit Armanns setti
nýtt Islandsmet f 4x100 metra
boðhlaupi kvenna. Hljóp sveitin á
Ingunn Einarsdóttir bætti
Islandsmet sitt f 400 metra
hlaupi.
50.3 sekúndum. 1 sveitinni voru
Ása Halldórsdóttir, Lára Sveins-
dóttir, Erna Guðmundsdóttir og
Sigrún Sveinsdóttir. Raunar á
landssveit betri tfma, 50.1 sek.
Sovétmennirnir Plunge og
Piskulin náðu beztum árangri á
Reykjavíkurleikunum, Plunge í
kúluvarpi og Piskulin í þrístökki.
Plunge setti nýtt vallarmet á
Laugardalsvellinum fyrri dag
keppninnar, er hann kastaði vel
yfir 19 metra. Síðari daginn tókst
honum ekki eins vel upp, en kast-
aði eigi að síður 18.82. Piskulin
var aðeins 7 cm frá vallarmeti
Vilhjálms Einarssonar í þristökki,
er hann stökk 16.63 metra. Er það
annar bezti árangur Sovétmanns-
ins í þrfstökki.
Kolesnikov hafði talsverða yfir-
burði f 100 metra hlaupinu og
fékk tímann 10.8 sek. Bjarni
Stefánsson var á 11.1 og Marinó
Einarsson á 11.7. 1 1500 metra
hlaupinu háðu þeir skemmtilegt
einvígi Ágúst Asgeirsson og Norð-
maðurinn Arne Hovde. Fóru leik-
ar svo, að sá norski sigraði á
3:51.7 og er það vallarmet á
Laugardalsvellinum. Ágúst fékk
tímann 3:52.8 og gerði sig sekan
um mistök f hlaupinu. Hóf hann
endasprettinn of snemma, ætlaði
greinilega að hrista Norðmanninn
af sér, en tókst ekki.
Bretinn Huge Symonds sigraði
örugglega í 5000 metra hlaupinu á
15.37.6. Keppnin um þriðja sætið
var mjög hörð og hlupu þeir í
hnapp nærri allan tímann,
Halldór Matthfasson skfðagöngu-
garpur frá Akureyri, Erlingur
Þorsteinsson Stjörnunni og Jón
Sigurðsson HSK. Með stórgóðum
endaspretti náði Erlingur öðru
sætinu örugglega og sýndi í raun-
inni með þessum góða spretti, að
óþarfi var hjá honum að láta Bret-
ann sigra svo örugglega. Halldór
varð í þriðja sæti, en Jón varð að
láta sér fjórða sætið nægja að
þessu sinni. Tími Erlings var
16:10.2 og Halldórs 16:18.0.
1 þrístökkinu eins og áður sagði,
náði Alexej Piskulin 16.63 metr-
um og varð þar með öruggur
sigurvegari. Segal frá Sovétríkj-
unum varð annar með 15.93 metra
og Friðrik Þór Öskarsson þriðji
með 14.83 m. Karl West sigraði í
stangarstökki stökk 4.10 metra en
Valbjörn varð annar með 4 metra
rétta.
Ingunn Einarsdóttir sigraði í
100 metra hlaupi á 12.7 sekúnd-
um, meðan þær Erna Guðmunds-
dóttir og Petra Ziethen frá V-
Þýzkalandi fengu tímann 13.0.
Ingunn fór svo beint í 400 metra
hlaupið og setti þar nýtt Islands-
met. Þar varð Svandís Sigurðar-
dóttir í öðru sæti á 62.2 sek. og
Dagný Pétursdóttir þriðja á 69.4.
Eins og sést af þessu, fékk Ingunn
ekki mikla keppni og ætti því
Alexej Piskulin dró ekki af sér I
þrfstökkinu og náði 16.63 metra
stökki sfðari daginn.
s
auðveldlega að geta bætt met sitt
enn.
50.3 var hinn nýi íslandsmet-
tími Ármannsstúlknanna f 4x100
metra hlaupinu, sveit v-þýzkra
stúlkna fékk tfmann 50.5 og ÍR-
sveitin 51.8. Lára Sveinsdóttir
sigraði f hástökkinu á 1.55 metra,
en sömu hæð stökk Björk Eiríks-
dóttir einnig. Lára Halldórsdóttir
stökk 1.50.
Erlendur Valdimarsson átti að-
eins tvær gildar tilraunir í
kringlukastinu og mældust köst
hans þá 57.42 m og 56.42. Öskar
Jakobsson kastaði 49.46 m og
Hreinn Halldórsson 47.70. Plunge
varpaði kúlunni 18.82 metra,
Hreinn 18.18 og Óskar 14.69.
Þó svo að þessir Reykjavfkur-
leikar hafi verið svipminni en
hinir fyrri, fór það þó ekki svo að
áhorfendur fengju ekki að sjá
ágæt afrek. Tvö Islandsmet voru
sett af stúlkunum, og erlendu
keppendurnir settu tvö ný vallar-
met á Laugardalsvellinum. FRl á
þakkir skildar fyrir að koma móti
sem þessu á. Skipulag var gott og
verðlaun þau, sem sigurvegarar
hlutu hin glæsilegustu.
Þrfr sterkir. Plunge, sovézki kúluvarparinn, sem á bezt 20.24 metra,
tekur við hamingjuóskum frá Öskari Jakobssyni. Hinn nýi Islandsmet-
hafi, Hreinn Halldórsson, varð annar f kúluvarpinu báða dagana. Fyrir
framan kúluvarparana er stúlka á þjóðbúningi, sem afhenti öll verð-
laun.
Óskar mikið efni
Hreinn
sterkur en vantar meiri tækni
SOVÉZKI kúluvarparinn Rim-
antas Plunge náði beztum
árangri keppenda á Reykjavfkur-
leikunum f frjálsum fþróttum, er
hann varpaði kúlunni 19.51 metra
fyrri dag keppninnar. Hann
hefur þó kastað enn lengra og á
bezt 20.24 metra. Blaðamaður
Morgunblaðsins ræddi stuttlega
við Plunge að keppninni á þriðju-
daginn lokinni, en Plunge þykir
meðal efnilegustu frjálsfþrótta-
þjálfara Sovétmanna.
Sagði Plunge, að sér hafi líkað
vel að kasta á Laugardals-
vellinum, sér finnist þægilegt að
keppa á litlum leikvöngum sem
þessum. — Ég hefði þó náð enn
betri árangri, hefðu andstæðingar
mínir verið sterkari og ég fengið
meiri keppni. Um íslenzku kúlu-
varparana sagði Plunge: —
Hreinn Halldórsson er mjög
sterkur kúluvarpari, sem gæti
bætt árangur sinn til muna, sinnti
hann tæknilegu hlið kúluvarpsins
meira. Óskar Jakobsson er hins
vegar mjög efnilegur og ég vildi
gjarnan fá tækifæri til að leið-
beina honum. Hann gæti með
réttri meðferð orðið mjög góður
kúluvarpari innan fárra ára, sagði
þessi 29 ára gamli kúluvarpari,
sem er fjórði bezti kúluvarpari
Sovétmanna og stefnir að þvf að
kasta vel yfir 21 metra.
Vildi sýna Vil-
hjálmi gottstökk
Á Ólympíuleikunum í Mel-
bourne árið 1956 náði Vilhjálm-
ur Einarsson þeim frábæra
árangri að verða annar f þri-
stökkskeppninni, eins og menn
eflaust vita. 1 þriðja sæti hafn-
aði þá Sovétmaðurinn Kreer.
Sá er nú orðinn einn aðalþjálf-
ari sovézka frjálsíþróttalands-
liðsins, og einn af nemum hans
er þrístökkvarinn Piskulin,
sem hjó nærri bezta árangri
Vilhjálms á Reykjavíkurleik-
unum f fyrradag.
1 fyrrakvöld hittust Vilhjálm-
ur Einarsson og fararstjóri
Sovétmannanna. Hafði Sovét-
maðurinn meðferðis bók eftir
Kreer um þjálfun frjálsfþrótta-
fólks og færði Vilhjálmi að gjöf
með beztu kveðju og árnaðar-
óskum. Þakkaði Vilhjálmur
fyrir sig og sagði meðal annars
um Kreer, að hann hefði verið
skemmtilegur íþróttamaður og
drengilegur, en f stórmótum
hafi hann oft skort herzlu-
muninn til að sigra, heppnin
hefði ekki verið fylgifiskur
hans. Sagði Vilhjálmur, að það
hefði komið sér skemmtilega á
óvart hve góðum árangri
Piskulin náði f þrístökkinu og
spurði, hvort honum hefði ekki
þótt erfitt að stökkva á Laugar-
dalsvellinum.
— Þrátt fyrir að aðstæðurnar
væru ekki sérlega góðar, var ég
ákveðinn í að gera mitt bezta,
sagði Piskulin. — Þjálfari minn
hafði beðið mig sérstaklega um
að sýna sfnum gamla vini, Vil-
hjálmi Einarssyni, virkilega
gott stökk, og ég gerði hvað ég
gat til að uppfylla óskir hans.
Björgvin 1 sér-
flokki á Akranesi
BJÖRGVIN Þorsteinsson, Is-
landsmeistari f golfi, gerði góða
ferð á golfmót á Akranesi um
sfðustu helgi. Björgvin sigraði f
þeim tveimur mótum, sem fóru
fram á Skaganum og virðist vera
að komast 1 sitt gamla form. Fyrri
daginn fór fram unglingakeppni
GSl og sigraði Björgvin á 48 stig-
um (111 höggum), Átli Arason
GR varð annar með 45 stig (113
högg) og þriðji varð Loftur Ólafs-
son á 115 höggum. Var keppnin
f unglingaflokknum mjög
skemmtileg og þá einkum á milli
Björgvins og Atla, en það var ekki
fyrr en á sfðustu 9 holunum, sem
Björgvin tryggði sér sigurinn
með þvf að leika mjög glæsilega.
1 SR-keppninni, sem fór fram á
sunnudeginum, sigraði Björgvin
aftur, en þó ekki fyrr en eftir
bráðabana við Þorbjörn Kjærbo.
Fóru þeir báðir á 156 höggum, en
Björgvin vann á 2. holu f auka-
keppninni. Jóhann Ó. Guðmunds-
son varð þriðji á 157 höggum,
Loftur Ólafsson þriðji með 158
högg og Óskar Sæmundsson f
fjórða sæti með 160 högg. Atli
Arason fór á 161 höggi, Einar
Guðnason á 162 og þeir Elvar
Skarphéðinsson og Sigurður
Thorarensen báðir á 164 höggum.
Keppnin gaf 130 stig til landsliðs
og skiptast milli átta þeirra efstu.
1 1. flokki sigraði Kristinn
Ólafsson án forgjafar og Rúnar
Hjálmarsson með forgjöf.
Kjartan L. Pálsson sigraði 1
meistaraflokki með forgjöf og
þar varð Atli Arason annar.