Morgunblaðið - 15.12.1978, Síða 3

MORGUNBLAÐIÐ, FÖSTUDAGUR 15. DESEMBER 1978
35
Lifið - eina þjóð-
félagsumræðan
— segir Guðmundur L. Friðfinnsson
I tilefni af útkomu nýrrar
skáldsögu eftir Guðmund L.
Friðfinnsson. Blóð. litum við til
hans og niðurstaðan var þetta
spjall.
„Þú ert enn úti í kuldanum,"
segi ég formálalaust og horfi á
manninn.
„Aldrei er kalt þar sem maður
á heima. Það er aðeins útlend-
ingurinn sem kennir kuls,“
svarar Guðmundur L. Friðfinns-
son að bragði og hagræðir sér í
stólnum.
„Ég hélt þú værir fluttur
hingað suður."
„Kemur einn enn,“ segir Guð-
mundur og kennir nokkurrar
óþolinmæði í röddinni. „Enn er
verið að bera það á mig að ég sé
fluttur frá Egilsá. Þótt hingað
færu í eina tíð fáeinir pottar,
grautarsleif og gaffall til að
stinga í kartöflur er sannleikur
málsins sá að við hjónin höfum
alltaf verið heima á Egilsá."
„Nú ekki var það neinn
glæpur þó þið hefðuð flutt."
„Auðvitað ekki. Margt er vel
um okkar ágætu höfuðborg.
Samkvæmt mínum skilningi
eiga ekki að búa tvær þjóðir í
þessu landi, þéttbýlisþjóð og
dreifbýlis. Öll erum við íslend-
ingar og eigum líka að vera það í
verki, taka hæfilegt og eðlilegt
tillit til andstæðra sjónarmiða
og hagsmuna, reyna að vinna
saman og burt með allt kyn-
slóðabil. Kynslóðirnar þurfa
hver annarrar með. Svo hefur
ævinlega verið. Rithöfundur
þarf að setja sig í annarra spor
og helst að kunna þá list að
bregða sér í allra kvikinda líki.“
„Já, þú býrð og skrifar enda
stundum kallaður skáldbóndi."
„Þeir ráða sínum nafngiftum,
ég mínum störfum. Annars er
nú búskapurinn lítið annað en
nafnið núorðið. Ég held ekki
þurfi að refsa mér fyrir offram-
leiðslu. En framtíðin fyrirgefur
það aldrei ef fólkið er flæmt úr
sveitunum. í þeim efnum er
ekkert eins aðkallandi nú og að
finna viðbótaratvinnu handa því
fólki sem vill lifa í sveit og hafa
ýmist ofurlítinn eða hæfilegan
búskap. Án þess ég mæli með
nefndarfargani þá hafa oft verið
búnar til nefndir af minna
tilefni og til að athuga ómerki-
legri hluti."
„Hvað kallar þú hæfilegan
búskap?"
„Að þar grói kvistur sem áður
var holt, að kýr mjólki okkar
fólki, lömb leiki í haga og
gróðurlendið standi ekki í stað
heldur vaxi.“
„Kannski við víkjum að öðru.
Þú ert að gefa út bók.“
„Eg gaf út ljóðabók í fyrra.
Hún heitir: Málað á gler.“
„Um hvað eru ljóðin?"
„Þau eru um lífið. Það eru mín
ljóð.“
„Þú gefur skáldsögu út núna.
Af hverju heitir hún Blóð?“
„Hún getur ekki heitið neitt
annað. Lífverurnar eru seldar
undir það undarlega lögmál að
þurfa jafnvel að drekka blóð
hver annarrar. Sumar hljóta að
drekka sitt eigið blóð. Þetta er
hin skelfilega þjáning lífsins og
leyndardómur um leið.“
Guðmundur L. Friðfinnsson
„Um hvað fjallar annars þessi
bók?“
„Hún fjallar um lífið. Engin
önnur þjóðfélagsumræða er til.
Annars er svipað um bók og
hvert annað afkvæmi. Þegar
fuglinn er floginn úr hreiðrinu
er lítið hægt að gera annað en
óska góðrar ferðar og vonast
eftir að fuglinn kunni sitt flug.
Ritverk er ekki ljósmynd af
lífinu heldur röntgen."
„Hefur þessi bók ekki boð-
skap?“
„Lífið er hinn mikli og sígildi
. boðskapur. Sú bók sem röntgen-
myndar lífið ber boðskap í
sjálfri sér.“
„I auglýsingu er sagt að þessi
bók sé um refi.“
„I þeim myndum sem málaðar
eru með prentsvertu í þessari
bók birtast allmargar lífverur
úr þeirri breiðfylkingu lífkeðj-
unnar sem kallast refir og að
sumra sögn birtast í all fjöl-
breytilegum myndum. Allt frá
því að skríða eða ganga á fjórum
fótum upp í það að gerast
lóöréttar og slampast áfram á
tveimur. Skaphöfnin er fjöl-
breytileg og allvíða er drepið
niður fingri. Kannski er þetta
ævintýri í bland. Ég held að
þroskuð börn geti lesið þessa
sögu sér til sálubótar og ánægju.
Samt er þetta ekki hugsað sem
barnabók. En meðal annarra
orða. Erum við ekki öll börn?“
„Viltu segja eitthvað fleira?“
„Það er sjálfsagt hægt að láta
kvörnina ganga. En athöfn er
orðum ofar. Þegar ég kem heim
þarf ég að klappa hundunum.
Hver þarf sitt.“
„Eigum við þá að setja punkt
hér?“
„Verður nokkurs staðar settur
punktur meðan ennþá er verið í
hringnum og eftir eru óskráð
blöð? Hins vegar er alltaf hægt
að segja amen eftir efninu."
Kór Langholts-
kirkju heldur
jólatónleika
Föstudagskvöldið 15. desember
n.k. heldur kór Langholtskirkju
árlega jólatónleika sína og verða
þeir að þessu sinni haldnir í
Kirkju Krists konungs í Landa-
koti og hefjast klukkan 23t00. Á
efnisskránni eru innlend og erlend
jólalög, gömul og ný. Einsöngvari
með kórnum verður Ólöf Kolbrún
Harðardóttir en hún hefur annast
raddþjálfun kórsins undanfarin
ár. Hún mun syngja lög af hinni
nýútkomnu plötu „Hátíðarstund“,
en á henni koma fram auk Ólafar
og Kórs Langholtskirkju Garðar
Cortes og Kór Söngskólans í
Reykjavík.
Vetrarstarf kórsins hófst í
september sl. og nú eftir áramótin
hefjast æfingar á C-moll messu
Mozarts sem flutt verður með
vorinu.
Stjórnandi Kórs Kangholts-
kirkju er Jón Stefánsson. Söng-
félagar eru um 50 talsins.
Doktorsvörn
í læknisfræði
Laugardaginn 16. des. n.k. fer
fram doktorsvörn við læknadeild
Iláskóla íslands. Mun Jón G.
Hallgrímsson læknir þá verja
ritgerð sína „Spontaneous Pneu-
mothorax in Iceland" fyrir dokt-
orsnafnbót í læknisfræði. And-
mælendur af hálfu læknadeildar
verða Tryggvi Ásmundsson læknir
og Hrafn Tulinius prófessor.
Deildarforseti læknadeildar, próf-
essor Víkingur H. Arnórsson,
stjórnar athöfninni. Doktorsvörn-
in fer fram í Hátíðarsal Háskólans
og hefst kl. 14 og er öllum heimill
aðgangur.
Haustmeist-
ari TK
HAUSTMÓTI Taflfélags Kópa-
vogs lauk nýlega. Tefldar voru 7
umferðir eftir Monradkerfi og
voru þátttakendur 22.
Sigurvegari og skákmeistari TK
1978 varð Egill Þórðarson með 6'/z
vinning. í 2—5. sæti urðu Bjarni R.
Jónsson, Einar Karlsson, Jóhann
Stefánsson og Þröstur Einarsson
með 5 vinninga.
IUSAI___- ■—*—
Cdi uno oarn ncnir
ííT lítid sjónsvid