Morgunblaðið - 22.03.1979, Blaðsíða 3

MORGUNBLAÐIÐ, FIMMTUDAGUR 22. MARZ 1979
3
DukafuUbyssu-
kúla i dauð-
um haferni
HRÆ hafarnar sem fannst í Breiðafjarðareyjum á
miðjum varptíma fyrir tveimur árum hefur verið í
krufningu að undanförnu hjá Náttúrufræðistofnun
íslands. í skrokk arnarins fundu krufningarmenn-
irnir byssukúlu. Það er þó ýmislegt mjög dularfullt
við þetta mál, því að margt bendir til þess að örninn
hafi alls ekki drepist af skotinu. A arnarhræið
vantaði hálft höfuðið og ekkert við krufninguna
hefur enn bent til þess hvernig á því stendur, en
örninn er talinn hafa tapað fjörinu við það að hafa
misst höfuðið hvort sem það hefur verið af völdum
byssukúlu eða ekki.
Ævar Ptersen hjá Náttúru-
fræðistofnuninni sagði í viðtali
við Mbl. að litlar líkur væru á
því að kúlan sem fannst hefði
drepið örninn, hún væri úr
ævagamalli byssu, einhverjum
forngrip sem ekki væri lengur í
notkun. Auk þess bæri byssu-
kúlan engin merki þess að henni
hafi verið skotið úr byssu. Virt-
ist honum sem skotinu hafi
frekar verið komið fyrir í ernin-
um dauðum. Hvaða hvatir þar
lægju að baki væri ekki gott um
að segja. Dánarorsök arnarins,
sem er um fimm ára gamall
kvenfugl, er því ókunn. Örninn
var allur röntgenmyndaður, en
það leiddi ekkert í ljós, sem
varpað gat ljósi á málið. Það er
þó skoðun þeirra á Náttúru-
fræðistofnuninni, að höfuðsárið
hafi örninn hlotið frá kraftmikl-
um riffli. Ymsar aðrar skýring-
ar eru fyrir hendi, t.d. að örninn
hafi flogið á línu, eða að eitt-
hvert dýr hafi leikið höfuð
arnarins á þennan hátt. Þó að
engin merki byssukúlu hafi
fundist á höfði arnarins, er það
engu að síður talið líklegast að
hann hafi verið skotinn. Þess
má geta að kúlan sem fannst var
í kviði fuglsins og hafði gengið
inn undir vænginn. Ekkert sár
var þar að sjá, aðeins holu þar
sem kúlan hafði smogið inn.
Ævar sagði að lokum, að segja
• Starfsmaður Náttúrufræðistofnunar íslands skoðar höfuðsár
arnarins. Undir vængnum, sem að lesendum snýr, var smáhola
þar sem byssukúlan hafði smogið inn. Ljósm. - gg.
mætti að engin viðurlög væru til
fyrir að drepa erni. Samkvæmt
núgildandi fuglafriðunarreglum
er sektin fyrir arnardráp aðeins
10.000 krónur. I þinginu lægju
hins vegar drög að nýjum regl-
um og væri þar gert ráð fyrir
300.000 króna sekt við fyrsta
brot. Fjárupphæðin myndi síðan
fylgja vísitölunni framvegis.
Alþýðubandalagið
hefur aðgang að
spjaldskrá SÍNE
ALÞÝÐUBANDALAGIÐ
heíur haft aðgang að
spjaldskrá yfir nöfn og
heimilisföng Sambands ís-
lenskra námsmanna erlend-
is (SÍNE) að því er kemur
fram í síðasta tölublaði
SÍNE-blaðsins sem kom út
hinn 15. þessa mánaðar.
Hefur einn SÍNE-félaga,
Þórólfur Matthíasson,
kynnt tillögu er hann
hyggst flytja á vorfundi
SINE í vor, um að „Spjald-
skrá SÍNE svo og önnur
gögn er varða samskipti
SÍNE og meðlimi sam-
bandsins skulu ekki undir
neinum kringumstæðum
afhent þriðja aðila til
afnota eða aflestrar nema
tij komi samþykki stjórnar
SÍNE og viðkomandi með-
lims/ meðlima“.
í greinargerð með tillögunni
segir Þórólfur, að hún sé flutt
vegna þess að stjórn SÍNE hafi
veitt Alþýðubandalaginu heimild
til að notfæra sér spjaldskrá SÍNE
við útsendingu kosningaáróðurs
vorið 1978. Tilgangur tillögunnar
sé að standa vörð um lýðréttindi
SÍNE-félaga þótt í smáu sé„ og að
koma í veg fyrir að atburðir af
þessu tagi endurtaki sig.
Tillaga um spjaldskrá
Vorfundur SlNE 1979 ályktar: Spjaldskri SlNE svo
og önnur gögn er varða samskipti SlNE og meðlimi
sambandsins skulu ekki undir neinum kringumstæð-
um afhent þriðja aðila til afnota cða aflestrar nema
til komi samþykki stjórnar SÍNE og viðkomandi
meðlims/meðlima.
Greinargerð:
Þessi lillaga er lOgð íram vegna
þess að sijóm SlNE veilli alþýöu
bandalaginu heimild lil aö notfarra
sér spjaldskri SlNF. við uisendingu
kosningaáróðurs voriö 1978. þelia
vegna þess að þeir áUlu spjaldskrá
SlNE opmbera eign, eða etllhva
þeim dúr. Tilgangur lillögunnarer
Sianda vOrð um lýðrétiindi SlNE fé
PóroKur Mallhiasx
BHM:
„Þurfaekki
önnur f yrir-
mæli
en k jara-
samninga”
STJÓRN launamálaráðs BHM,
Bandalags háskólamanna, hefur
senf frá sár athugasemd vegna
Þeirra ummæla Guðmundar Karls
Jónssonar deildarstjóra launa-
deildar (jármálaráóuneytisins í
fjölmiðlum 20. marz s.l., að launa-
deildin hafi ekki fengiö fyrirmæli
frá fjármálaráöherra um að
greiða umsamda kauphækkun 1.
apríl. Athugasemdin hljóðar svo:
Stjórn launamálaráós BHM vekur
athygli á pví, aó samningsbundin
launahækkun 1. apríl n.k. er 3%.
Stjórnin telur að launadeild fjár-
málaráðuneytis purfi ekki önnur
fyrirmæli um greióslur launa en
kjarasamninga.
Kröflusvæðið:
Landris
hefur
aukist
LANDRIS heíur heldur aukizt á
Kröflusvæðinu undanfarna daga
að sögn Hjartar Tryggvasonar.
Er landið orðið nokkrum senti-
metrum hærra en það hefur orðið
mest áður.
Að sögn Hjartar er ástandið Hkt
og var árið 1977. Þá var búist við
umbrotum í marz en^ær drógust
fram í apríllok. Land var þá orðið
hærra en nokkru sinni áður og í
apríllok hljóp kvikan suður með
þeim afleiðingum að miklir jarð-
skjálftar urðu í Mývatnssveit og
mikið tjón á Kísiliðjunni og víðar.
Þá varð einnig eldgos í Leirhnúk
en stóð stutt.
Skattstofa
Reykjanessumdæmis:
Vilyrðifyrir
lóð í miðbæ
Hafnarfjarðar
BÆJARRÁÐ Hafnarfjarðar sam-
þykkti nýverið á íundi sínum að
leggja til við bæjarstjórn, að
fjármálaráðuneytinu yrði gefinn
kostur á lóðinni milli Suðurgötu
8 og Suðurgötu 14 eftir nánari
ákvörðun bæjaryfirvalda um
endanlega staðsetningu og gerð
hússins fyrir húsnæði Skattstofu
Reykjanesumdæmis.
Vegna þessa er talið nauðsyn-
legt að fjarlægja húsið númer 14
við Suðurgötu þar sem nú er
Ásmundarbakarí og verði í því
sambandi samningar hafnir við
eigendur hússins um kaup á því,
með því fororði, að samningar
takist við ráðuneytið um greiðslu
kaupverðsins.
Þá er talið nauðsynlegt, að
aðsetur bifreiðaeftirlitsins verði
flutt frá Suðurgötu 8.
I áliti bæjarráðsins er lögð þung
áherzla á, að bæjarfógetaembættið
í Hafnarfirði og Skattstofa
Reykjanesumdæmis verði áfram í
miðbæ Hafnarfjarðar.
INNLENT
Sæluvika Skagfírðinga að ganga í garð
Sauðárkróki 21. marz.
SÆLUVIKA Skagfirðinga hefst á
Sauðárkróki um næstu helgi,
laugardaginn 24. marz. Á laugar-
deginum mun Sinfóníuhljómsveit
íslands halda tvenna tónleika í
Bifröst og mun Páll P. Pálsson
stjórna sveitinni. Sunnudaginn
25. hefst hin eiginlega Sæluvika
samkvæmt venju á eftir forsælu
Sinfóníusveitarinnar. Þá verður
guðsþjónusta í Sauðárkróks-
kirkju og mun séra Sigfús J.
Árnason prédika og um kvöldið
frumsýnir Leikfélag Sauðár-
króks hinn góðkunna gamanleik
Agnars Þórðarsonar, Kjarnorku
og kvenhylli, undir leikstjórn
Hauks Þorsteinssonar, en leik-
mynd er eftir Jónas Þór Pálsson.
Sama dag verður opnuð í Safna-
húsinu málverkasýning, Mynd-
hópurinn á Akureyri, alls 12
málarar.
Mánudagurinn er einkum helg-
aður börnum, Gagnfræðaskólinn
verður með söng- og leikþætti,
Leikfélagið sýnir Kjarnorkuna og
um kvöldið verður unglingadans-
leikur í Bifröst. Þetta sama kvöld
verður kirkjukvöld í Sauðárkróks-
kirkju og verður það einnig á
þriðjudagskvöldinu, en þar syngur
Kirkjukór Sauðárkróks undir
stjórn Jóns Björnssonar tónskálds.
Undirleikari er Gunnlaugur Olsen
og einsöngvarar Ragnhildur
Óskarsdóttir, Sólborg Valdimars-
dóttir og Þorbergur Jósepsson. Dr.
Broddi Jóhannesson flytur ræðu á
þessu kirkjukvöldi og nemendur úr
Tónlistarskólanum á Akureyri
koma fram.
Leikfélag Skagfirðinga sýnir
barnaleikritið Kardimommubæinn
eftir Torbjörn Egner og leikstjóri
er Sólhild Linge.
Á fimmtudag syngur Samkór
Sauðárkróks, stjórnandi er Lárus
Sighvatsson, og á laugardag syng-
ur hér í sælunni Karlakórinn
Stefnir úr Mosfellssveit undir
stjórn Lárusar Sveinssonar. Á
laugardaginn mun Gísli Jónsson
Menntaskólakennari frá Akureyri
flytja fyrirlestur á vegum Safna-
húss Skagfirðinga.
Kvikmyndasýningar og leiksýn-
ingar hjá Leikfélagi Sauðárkróks
eru alla daga vikunnar og dans-
leikir eru flesta daga og þar leikur
Hljómsveit Geirmundar Valtýs-
sonar.
Félagsheimilið Bifröst sér um
framkvæmd Sæluvikunnar og for-
maður framkvæmdastjórnar er
Ólafur Jóhannsson, en
framkvæmdastjóri Félags-
heimilisins er Helgi Gunnarsson.
Að vanda hefur verið gefin út
vönduð Sæluvikudagskrá.
—fréttaritari