Morgunblaðið - 27.09.1979, Blaðsíða 39
MORGUNBLAÐIÐ, FIMMTUDAGUR 27. SEPTEMBER 1979
39
r,
Sagt eftir leikinn
Klaus Jurgen Hilbert
þjálíari ÍA
Þetta er besti leikur ÍA í sumar.
Markmið okkar var að reyna að
leika knattspyrnu en ekki leggjast
í vörn, og að mínum dómi tókst
það bærilega. Barcelona var hepp-
ið að sigra í leiknum 1—0. Við
áttum góð tækifæri sem hæglega
hefðu getað gefið okkur mörk. Mér
fannst lið Barcelona ekki leika
neitt sérlega vel. Það vill nefnilega
brenna við að atvinnumenn líti
niður á áhugamannalið.
— Þá fór það greinilega í taug-
arnar á sumum þeirra hversu illa
þeim gekk að komast inn í leikinn.
Ég vil þakka leikmönnum mínum
fyrir leikinn, þeir léku allir vel, og
síðast en ekki síst áhorfendum
fyrir frábæran stuðning þeirra í
leiknum.
Joaquin Rife þjálfari
F.C. Barcelona:
— Þetta var ekki mjög erfiður
leikur fyrir okkur. En þó verð ég
að viðurkenna að leikmenn ÍA
komu okkur nokkuð á óvart, þeir
börðust allan tímann af dugnaði
og virtist ekki skorta úthald.
Leikmenn IA eru hávaxnir, og
sterkir, og ég varð að gera breyt-
ingu á liði mínu í síðari hálfleik,
fá meiri brodd í sóknina, og það
heppnaðist. Það munar miklu að
Asensi og Migueli voru ekki með.
Þeir leika í Barcelona á miðviku-
dag og þá er ég ekki hræddur um
útkomuna. Völlurinn hér var
þungur og illa yfirfarinn. — Mér
fannst enginn einn í liði ÍA skara
fram úr. Liðið er jafnt, helstu
kostir þess eru hversu skipulega
þeir verjast og halda boltanum
vel.
Árni Sveinsson:
— Það var slæmt að skora ekki
mark úr þessu góða marktækifæri
sem ég fékk í síðari hálfleiknum.
Ég var kominn úr jafnvægi og
náði ekki til knattarins á réttu
augnabliki, fór undir hann og
sópaði honum framhjá. Þetta var
greinilega gott lið, en vörn okkar
var sterk og þeim gekk illa að
komast í gegn um hana.
Bjarni Sigurðsson
markvörður í A:
— Ég reiknaði boltann framhjá
markinu, en svo skyndilega snar-
beygði hann og hafnaði alveg í
samskeytunum. Ég er efins um að
mér hefði tekist að verja skotið
sem var glæsilegt þó að ég hefði
lagt mig allan fram. Framlína
þeirra sýndi ekkert sérstakt og
það fór lítið fyrir stórstjörnunum
Simonsen og Krankl.
Jón Alfreðsson lék sinn 15.
Evrópuleik fyrir íA:
— Þetta var mjög góður leikur
af okkar hálfu. Sérstaklega þó í
fyrri hálfleiknum. Lið Barcelona
er svipað að styrkleika og þau
bestu lið sem ég hef mætt í
Evrópukeppni. Róðurinn á Spáni
verður sjálfsagt erfiður fyrir okk-
ur.
Jón Gunnlaugsson:
— Mér fannst lítið fara fyrir
Krankl í fyrri hálfleik og þá gekk
vel að gæta hans. í þeim síðari var
það erfiðara, þá hreyfði hann sig
meira. Satt að segja reiknaði ég
með þeim betri.
Allan Simonssen:
— Við áttum ekki góðan dag,
við getum leikið svo miklu betur
en við gerðum hér í dag. En ég er
ekki að gera lítið úr leik ÍA, þeir
eru með gott áhugamannalið og
léku vel.
Þeir voru allir góðir og barátta
þeirra var einstök. Einna mesti
munur sem ég finn frá því að ég
lék hér síðast er sá að lið í A hefur
meira og betra úthald en þau
íslensku lið sem ég hef mætt.
Hans Krankl:
— Við gerum betur úti í Barce-
lona, þetta var ekki okkar dagur.
Lið IA var gott af áhugamannaliði
að vera.
ÞR.
Seint í síðari hálfleik i leiknum i
gær, var Sveinbjörn Hákonarson
sparkaður svo illa niður af Lopz
Canito, að hann varð að yfirgefa
leikvöllinn. Félagi hans í ÍA,
Guðjón Þórðarson, lyfti þá hend-
inni með krepptum hnefanum
framan í Spánverjann, en hann
gerði sér lítið fyrir og hrækti
framan í Guðjón. Við þetta reidd-
ust svo féiagar hans í Barcelona
að um tíma Iá við handalögmál-
um milli þeirra inni á vellinum.
Á myndinni sem óiafur K. Magn-
ússon ljósmyndari Mbl. tók má
sjá hvar leikmennirnir eru að
rífast innbyrðis, en fjær er
stumrað yfir Sveinbirni.
BORÐTENNIS-
KLÚBBURINN
ÖRNINN
Æfingar eru hafnar. Skráningar
f borðfennissal Laugardalshall-
ar mánudaqa og fimmtudaga kl.
18—20.
Hans Krankl hafði ekki erindi sem erfiði í leiknum í gær. Hér sést kappinn skjóta þrumuskoti að marki ÍA.
en vörn þeirra var vel á verði og bjargaði.
Ljósm. Kristján Einarsson
USA
SWEATSHIRTS
(háskólabolir
Osvikin amerísk gæðavara
á góðu verði.
Litir: dökkblátt — rautt Stærðir: 12 — 14 — 16
hvítt — grátt — beige| S — M — L — XL
Sendum í póstkröfu samdægurs
Laugavegi 37,______Laugavegi 89,
sími 12861. sími 10353.
Stjórnin.