Morgunblaðið - 30.01.1980, Blaðsíða 2

2
MORGUNBLAÐIÐ, MIÐVIKUDAGUR 30. JANÚAR 1980
Prófessorsembættið í sögu:
Ráðherra endur-
sendir málið til
heimspekideildar
VILMUNDUR Gylfason
menntamálaráðherra hef-
ur sent til baka til Heim-
spekideildar Háskóla
íslands niðurstöður deild-
arinnar og umsagnir um
þá þrjá menn, sem í haust
sóttu um stöðu prófessors í
sögu við Háskólann. Sagði
Vilmundur í gærkvöldi, að
hann hefði sitthvað við
niðurstöður dómnefndar
og atkvæðagreiðslu að at-
huga. Umsækjendur um
prófessorsembættið eru
Þór Whitehead, Svein-
björn Rafnsson og Ingi
Sigurðsson.
Niöurstöður atkvæðagreiösl-
unnar í Heimspekideild bárust
menntamálaráðuneytinu í lok nó-
vember.— Eftir að vera búinn að
yfirfara þetta þá skrifaði ég Há-
skólanum í síðustu viku, þar sem
mér fannst sitthvað orka tvímælis
í afgreiðslu á þessum málum, m.a.
í umsögn dómnefndar, sagði Vil-
mundur. — Óskaði ég því eftir, að
málið yrði skoðað betur og verður
það væntanlega gert.
— Almennt er málið sent Há-
skólanum á ný vegna álits dóm-
nefndar, en það er líka ýmislegt að
athuga við atkvæðagreiðsluna.
Heimspekideild, sem afgreiðir
málið, er samsett af mönnum á
ólíkum sviðum. Því skiptir álit
dómnefndar mjög miklu máli og
gera má ráð fyrir því, að menn
kynni sér það eitt í þessu sam-
bandi og því má spyrja frekar út í
atkvæðagreiðsluna eins og hún fer
fram.
— Hér er um embætti að ræða,
sem skiptir miklu máli, og minna
má á, að annað embætti í sögu er
einnig laust. Um það hefur álit
dómnefndar ekki borizt. Þessi tvö
mál hanga saman að mínu viti og
ég lít svo á, að ekki liggi nein
reiðinnar býsn á og við óvissar
stjórnmálaaðstæður kaus ég að
fara þessa leið, sagði Vilmundur
Gylfason.
UTANRIKISRAÐUNEYTIÐ hef-
ur tilkynnt sovézka sendiráðinu í
Reykjavík að starfsmenn á Kefla-
víkurflugvelii muni ekki af-
greiða eldsncyti á rússnesku þot-
una, sem væntanleg var til lands-
ins um næstu helgi. Frekari
fréttir um áform Sovétmannanna
höfðu ekki borizt er Mbl. hafði
síðast fregnir af í gær.
Eins og fram hefur komið í
Morgunblaðinu, hafa starfsmenn
á Keflavíkurflugvelli, sem eru
aðilar að Verkalýðs- og sjómanna-
félagi Keflavíkur, neitað að af-
greiða sovézkar vélar „fyrr en
Sovétmenn hafa flutt her sinn frá
Afganistan" eins og haft var eftir
einum þeirra.
Ölkaup Davíðs í
frekan rannsókn
BJÓRKAUPAMÁL Davíðs
Schevings Thorsteinssonar hefur
að undanförnu verið til athugun-
ar hjá embætti rikissaksóknara.
Þórður Björnsson ríkissaksókn-
ari sagði í samtali við Mbl. í gær,
að eins og málið lægi fyrir væri
ekki hægt að taka efnislega af-
stöðu til þess. Sagði saksóknari að
nokkrar viðbótarupplýsingar
vantaði, fyrst og fremst frá toll-
vörðum á Keflavíkurflugvelli og
yrði málið sent til lögreglustjór-
ans á Keflavíkurflugvelli til frek-
ari rannsóknar.
h- w*Sp!
v-', i
. *
•nsaa&iBííK
i!’ í'!$»*"
Sovétmönnum kynnt
afstaða starfsmanna
á Keflavíkurflugvelli
bað er vetrarlegt um að litast á Egilsstöðum þessa dagana. enda kannski ekki við öðru að búast i byrjun
þorra. (Ljósm. Jóhann).
Loðnuveiðarnar ekki
stöðvaðar fyrr en við
160—180 þúsund lestir
ÁKVEÐIÐ hefur verið að heimila
veiði á 60—80 þúsund lestum af
loðnu fram yfir þær 100 þúsund
lestir, sem ákveðið hafði verið að
veiða mætti í janúarmánuði. Áð-
ur hafði verið gert ráð fyrir 180
þúsund lesta veiði til frystingar
og hrognatöku, en vegna þess hve
söluhorfur á frystri loðnu eru
slæmar á þessum afurðum er nú
ekki gert ráð fyrir meira en 100
þúsund lesta veiði í þessu skyni.
Loðnan heldur sínu striki aust-
ur á bóginn, en hefur verið erfið
viðfangs síðustu daga, auk þess
Þriðji viðræðu-
fundurinn í dag
SAMNINGANEFNDIR aðila vinn-
umarkaðarins, Alþýðusambands
íslands og Vinnuveitendasambands
íslands munu í dag hittast á þriðja
viðræðufundi sínum. Fundurinn er
að þessu sinni i húsakynnum ASÍ, en
fyrri fundir hafa verið haidnir til
skiptis í húsakynnum sambandanna.
Á fundinum í dag verður áfram
fjallað um kröfur aðila og ennfremur
verður rætt, hvort ástæða þyki til á
þessu stigi málsins, að skipaðar verði
undirnefndir til þess að taka fyrir
einstaka málaflokka. Fundurinn
hefst klukkan 15.
sem erfitt veður var komið á
miðunum í fyrrinótt. Heildarafl-
inn var í gærkvöldi orðinn um 120
þúsund lestir, en eftirtalin skip
tilkynntu um afla í fyrrakvöld og
gær: Mánudagskvöld: ísleifur 430,
Börkur 1120, Bergur 500. Samtals
á mánudag 9 skip með 5730 lestir.
Þriðjudagur: Húnaröst 620, Magn-
ús 520, Þórshamar 550, Seley 390,
Sigurfari 680, Pétur Jónsson 540,
Gullberg 520, Keflvíkingur 380.
Verðlagsstjóra falið að
setja reglur um verðsaman-
burð á afborgunarkjörum
„Ég tel að Islarjd eigi
að taka þátt í OL“
— segir Gísli Halldórsson, formaður íslenzku
ólympíunefndarinnar
„ÉG TEL að íslendingar eigi að
taka þátt í Ólympíuleikunum í
Moskvu. Íþróttaíólk verður að
standa vörð um Ólympíuleik-
ana. Ég held. og er raunar viss
um. að heimsfriðnum stafaði
hætta af ef Ólympíuleikarnir
féllu niður. Við viljum því
Ieggja okkar lóð á vogarskál-
arnar svo Ólympíuhugsjónin
megi lifa," sagði Gísli Halldórs-
son, formaður íslenzku ólymp-
íunefndarinnar og forseti ISÍ.
Islenzka ólympíunefndin held-
ur í dag fund, þar sem meðal
annars verður rædd þátttaka
Islands í Ólympíuleikunum.
„Engin ákvörðun verður tekin að
svo stöddu,“ sagði Gísli enn-
fremur. Hann sagði að endanleg
ákvörðun yrði tekin um miðjan
febrúar. Nefndin vjldi bíða þess
að íþróttaráðherrar V-Evrópu-
ríkja funduðu í Strassbourg
þann 5. febrúar, auk þess sem
framkvæmdastjórn alþjóða ol-
ympíunefndarinnar þingaði í
Mexíkó og alþjóða ólympíu-
nefndin kemur saman í Lake
Placid þann 10. febrúar.
„Ég á ekki von á deilum innan
ólympíunefndarinnar um þátt-
töku íslands. Framkvæmda-
nefndin hefur verið einhuga um
að halda áfram undirbúningi
leikanna. Hins vegar er óvarlegt
að spá nokkru — ástandið hefur
breyst frá degi til dags og fljótt
geta veður skipast í lofti,“ sagði
Gísli að lokum.
I íslenzku ólympíunefndinni
eiga sæti Gísli Halldórsson
formaður, Sveinn Björnsson
varaformaður, Örn Eiðsson,
Hermann Guðmundsson, Bragi
Kristjánsson, Gunnlaugur J.
Briem, Sigurður Jónsson, Frið-
jón B. Friðjónsson, Torfi B.
Tómasson, Ásgeir Guðmunds-
son, Sigurður Björnsson, Ingi-
mar Jónsson, Eysteinn Þor-
valdsson, Bogi Þorsteinsson,
Björn Lárusson, Björn Haralds-
son, Sveinn Ásgeir Lúðvíksson,
Brynjar Valdimarsson og Þor-
steinn Einarsson. Auk þeirra
hefur Sæmundur Óskarsson,
formaður Skíðasambands Is-
lands, starfað með nefndinni að
undirbúningi vetrarleikanna. í
framkvæmdastjórn nefndarinn-
ar eru þeir Gísli Halldórsson,
Sveinn Björnsson, Örn Eiðsson,
Bragi Kristjánsson og Torfi
Tómasson.
VlðSKIPTARAÐUNEYTIÐ hef-
ur falið verðlagsstjóra að vinna
að því að setja reglur á grund-
velli verðlagslaga, sem gera selj-
endum vöru með afborgunarskil-
málum skylt að tilgreina til
hvaða eiginlegra vaxta sérhver
afborgunarkjör svara. Jafnframt
hefur verðlagsstjóra verið falið
að kanna leiðir til þess að auð-
velda seljendum að mæta þessum
skilyrðum svo sem með reikni-
þjónustu.
Morgunblaðið sneri sér í gær til
Georgs Ólafssonar verðlagsstjóra
og skýrði hann blaðinu frá því, að
Verðlagsstofnunin væri þegar
byrjuð að vinna að þessu verkefni.
Hann kvað ekki unnt að segja
neitt til um það hvenær reglurnar
yrðu tilbúnar.
I fréttatilkynningu frá við-
skiptaráðuneytinu í gær segir, að
afborgunarkjör í ýmsum viðskipt-
um hafi tíðkast mjög um langa
hríð til hagræðis fyrir neytendur
og hafi þetta aðallega gilt um
heimilistæki og húsgögn. Á hinn
bóginn hafi verðsamanburður á
grundvelli afborgana verið afar
torveldur fyrir neytendur. Segir
ennfremur, að ráðuneytið hafi
undanfarið leitað leiða til þess að
auðvelda neytendum slíkan verð-
samanburð á afborgunarkjörum
og í framhaldi af því hafi verð-
lagsstjóra verið falið það verkefni,
sem að framan greinir.
íþróttafólk
geri sjálft
upp hug sinn
RÍKISSTJÓRNIN fjallaði í gær
um bréf það, sem borizt hefur frá
Carter Bandaríkjaforseta, þar
sem hann fer fram á að þjóðir
heims sýni hug sinn til innrásar
Sovétmanna í Afganistan með
því að taka ekki þátt í Ólympíu-
leikunum i Moskvu.
Vísaði ríkisstjórnin málinu til
Ólympíunefndar og íþróttahreyf-
ingarinnar. Vilmundur Gylfason
menntamálaráðherra, sagði í gær,
að sé,r fyndist eðlilegt að það fólk,
sem hlut ætti að máli, sem í þessu
tilviki væri íþróttafólkið og
íþróttaforystan ætti sjálft að gera
upp hug sinn. Hann sagði að um
mál sem þessi ættu stjórnvöld
ekki og gætu ekki skipað fyrir um.
Voru á móti þætti um andófsmenn:
„Nóg komið af Sovétníði“
— lét Jón Múli Árnason bóka
Á FUNDI útvarpsráðs í gær
greiddu fulltrúar AJþýðubanda-
lagsins, Jón Múli Árnason og
Vilborg Harðardóttir, atkvæði
gegn því að þáttur um andófs-
menn yrði á dagskrá útvarpsins
á sunnudaginn. Lét Jón Múli
bóka, að andófsmenn hefðu verið
svo mikið í fréttum að undan-
förnu og nóg væri komið af
Sovétníði.
Fyrir útvarpsráðsfundinn í gær
var lagt fram bréf frá íslenzku
andólfsnefndinni, þar sem hún
oskaði eftir því að standa að
útvarpsþætti um andófsmenn.
Gerði Hjörtur Pálsson dagskrár-
stjóri það að tillögu sinni, að
þátturinn yrði á dagskrá klukkan
19.30 n.k. sunnudag, en þá væri
laus tími. Þessi tillaga var sam-
þykkt með fjórum atkvæðum gegn
tveimur. Þátturinn mun standa í
u.þ.b. 30 mínútur.