Morgunblaðið - 08.01.1983, Blaðsíða 19

MORGUNBLAÐIÐ, LAUGARDAGUR 8. JANÚAR 1983
19
Skákskóli Friðriks Ólafssonar stofnaður:
„Viljum miðla af
reynslu okkar
og þekkinguu
- segir Friðrik Ólafsson, stórmeistari í skák
„Stofnun skákskola hefur lengi venð a döfinni, um áratuga skeid hafa
menn rætt um nauðsyn þess að koma á skákskóla hér á landi. Nú höfum
við nokkrir skákmenn ákveðið að stofna skákskóla. Ásamt mér eru það
Guðmundur Sigurjónsson, stórmeistari, Helgi Ólafsson, alþjóölegur
meistari, Jón L. Árnason, alþjóðlegur meistari, og Margeir Pétursson,
alþjóðlegur meistari, og munum við skipta með okkur verkum og sjá um
alla kennslu," sagði Friðrik Ólafsson, stórmeistari i skák á fundi með
blaöamönnum í gær þegar hann tilkynnti stofnun „Skákskóla Friðriks
Olafssonar".
„Við viljum reyna að ná til
sem flestra. Á Islandi eru marg-
ir efnilegir skákmenn. Skákin
virðist okkur í blóð borin, það
hefur sýnt sig í gegn um aldirn-
ar. En ég held að menn geti verið
sammála um, að árangur hafi
ekki verið eins og efni hafa stað-
ið til.
Við viljum með framtaki
okkar ekki bara leiðbeina skák-
mönnum, sem hafa lært mann-
ganginn heldur einnig þeim, sem
lengra eru komnir; þeim sem
vilja gefa sig að skákinni. Því
skiptum við skólanum í flokka,
byrjendaflokk, framhaldsflokk 1
og framhaldsflokk 2.
Skólinn mun beita sér fyrir
eftirfarandi verkefnum; 6—12
vikna námskeiðum, 3—7 daga
námskeiðum, sem miðast við
þarfir taflfélaga úti á landi og
fjölteflum og fyrirlestrum, sem
ekki þurfa að taka meira en eina
kvöldstund.
Skólanum verður skipt í
flokka. Byrjendaflokkur er ætl-
aður þeim sem lítið kunna fyrir
utan mannganginn og vilja auka
þekkingu sína. Við kennslu verð-
ur stuðst við skákbækur sem
komið hafa út á ísienzku auk til-
leggs frá kennurum. Framhalds-
flokkur 1 er ætlaður þeim sem
þegar hafa tileinkað sér grund-
vallaratriði manntaflins. Lögð
verður áherzla á alla þætti skák-
arinnar, byrjanir, miðtaflið og
auk þess endataflið. Kennslu-
Helgi Olafsson, Friðrik Ólafsson, Guðmundur Sigurjónsson og Jón L. Árnason á blaðamannafundi í gær þegar
þeir skýrðu frá hugmyndum sínum um skákskóla. N1.vn<l 'lbl Kri*tj»n.
gögn verða að meginhluta til á
íslenzku og erlendar bækur og
tímarit.
Framhaldsflokkur 2 miðast
við þá, sem náð hafa nokkrum
þroska á sviði skákarinnar; eru
með 1700 Elostig eða meira. Far-
ið verður ofan í saumana á byrj-
unum og þá einkum þeim sem
ofarlega eru á baugi á hverjum
tíma. Miðtöfl og endatöfl verða
krufin til merjar. Við fylgjumst
með þvi sem er að gerast í
skákheiminum, kynnum nýjung-
ar, nýjar byrjanir og auk þess
skákmót sem haldin eru. Þessu
munum við miðla til nemenda.
Kennslugögn munu því saman-
standa af erlendum blöðum og
tímritum, nýjum mótsblöðum og
bókum og fleiru.
Við munum reyna að hafa
skólann eins lifandi og skemmti-
legan og kostur er. Gert er ráð
fyrir að nemendur, eins og í
hverjum öðrum skóla, búi sig
undir skáktima með því að lesa
sér til um ákveðið efni hverju
sinni og komi því vel búnir undir
tíma.
Við munum reyna að byggja
upp skákmennt á skipulegan
hátt meðal unglinga og þeirra
sem eldri eru. Eg held sérstak-
lega, að efnilegir skákmenn
mundu hafa gott að tilsögn frá
sér reyndari skákmönnum. Það
hefur verið svo að íslenzkir
skákmenn hafa þurft að læra af
sjálfum sér, og með lestri bóka.
Skákþjálfarar hafa engir verið.
Með þessu teljum við að hægt sé
að þroska hæfileika ungra
skákmanna fyrr. Við höfum
reynslu, þekkingu og kunnáttu.
Höfum telft á skákmótum um
allan heim og við viljum að aðrir
fái að njóta þessarar reynslu.
Þetta fyrst og fremst vakir fyrir
okkur; að efla skáklíf á íslandi.
Það má segja að þetta sé hug-
sjónastarf," sagði Friðrik
Ólafsson.
Djúpivogur:
Deila milli kanadískra verkamanna og
framkvæmdastjórn Búlandstinds hf.
DEILUR hafa að undanförnu orðið milli framkvæmda-
stjóra hraðfrystihúss Búlandstinds hf. á Djúpavogi og
nokkurra kanadískra stúlkna er þar hafa starfað. Hafa
dcilurnar snúist um það hvort staðið hafi verið við samn-
inga er gerðir voru við Kanadamennina áður en þeir komu
hingað, og hvort aðbúnaður á hótelinu þar sem þau bjuggu
geti talist viðunandi. Alls komu hingað til lands 17 Kan-
adamenn, og hafa fjórir þeirra, allt stúlkur, nú hætt. Þrjár
eru í Reykjavík, en hin fjórða hefur fengið vinnu á Flateyri.
Þau voru ráðin hingað til lands fyrir milligöngu Garðars
Garðarssonar, ræðismanns íslands í Kanada, en flestir
Kanadamannanna eru Vestur-íslendingar. Alþýðusamband
íslands hefur blandast i málið. Haukur Már Haraldsson,
blaðafulltrúi ASÍ, lét hafa eftir sér í útvarpi að Ijóst væri að
Búlandstindur hefði ekki staðið við gerða samninga. Þessu
mótmælti Gunnlaugur Yngvarsson, framkvæmdastióri Bú-
iandstinds, og Ásmundur Stefánsson, forseti ASI, hefur
beðist afsökunar á ummælum blaðafulltrúans. Það hefur
svo aftur leitt til þess, að Haukur Már hefur sagt upp
störfum hjá Alþýöusambandinu eins og Mbl. hefur þegar
skýrt frá. — Arnmundur Barhmann, lögmaður, hefur mál
Kanadamannanna nú til athugunar, og mun væntanlega
skýrast næstu daga, hvert framhald málsins verður.
Hér á eftir verða rakin sjónarmið þriggja Kanadamann-
anna, og framkvæmdastjóra Búlandstinds.
Höfum staðið
við alla samn-
inga og vel það
- segir Gunnlaugur
Ingvarsson framkvæmda-
stjóri Búlandstinds
„ÞAÐ er leiðinlegt að þetta skyldi
fara svona, i fyrsta lagi að fólkið
skuli hafa sagt það sem eftir því hef-
ur verið haft, og í öðru lagi hvernig
sumir fjölmiðlar hafa tekið á þessu,"
sagði Gunnlaugur Ingvarsson, fram-
kvæmdastjóri Búlandstinds hf. á
Djúpavogi, i samtali við blaöamann
Morgunblaðsins, er hann var spurður
um málið.
„Stúlkurnar þrjár sem hér um
ræðir," sagði Gunnlaugur, „hættu
hér sitt í hvoru lagi, en áfram
störfuðu 14 Kanadamenn og 1 ís-
lenskur ríkisborgari, sem komu um
leið og þær. Er stúlkurnar þrjár
hættu báru þær fyrir sig ósætti
innan hópsins, og raunar höfðum
við tekið eftir því að svo virtist
sem þær féllu ekki inn í félags-
skapinn. Þær kvörtuðu ekki við
okkur vegna aðbúnaðar né vegna
vinnunnar, og ekki höfðu þær held-
ur samband við trúnaðarmenn
verkalýðsfélagsins vegna þessa
máls. Það er svo ekki fyrr en
blaðafulltrúi Alþýðusambandsins,
Haukur Már Haraldsson, blandast
í málið, að það blæs út. Hann hafði
hins vegar ekki fyrir því að tala við
okkur, hann ræddi ekki við verka-
lýðsfélagið hér, og hann talaði ekki
við þá starfsmenn sem héldu
áfram vinnu sinni hér. Þess í stað
fer hann í útvarpið með ásakanir á
fyrirtækið, sem vitaskuld er alvar-
legt mál. Ásmundur Stefánsson,
forseti ASÍ, hefur beðið mig per-
sónulega og fyrirtækið afsökunar á
þessum vinnubrögðum blaðafull-
trúans, sem hann segir ekki sam-
rýmast vinnubrögðum ASÍ.
Varðandi aðbúnað verkafólksins,
þá er það staðreynd, að hann er
mun betri en almennt gerist með
erlent verkafólk hér á landi. Þau
búa á hótelinu, tvö saman í
herbergi. Hótelið er mjög vistlegt,
teppalagt, gott eldhús er þau hafa
til afnota, matsalur og setustofa,
þar sem er litasjónvarp, jólatré var
sett upp fyrir jólin og blóm eru í
gluggum. Fjögur snyrtiherbergi
eru á hótelinu, en að vísu aðeins
eitt bað. Þess vegna var þeim þeg-
ar bent á að nota sér aðstöðuna
sem er fyrir hendi á vinnustað.
Varðandi gjaldeyrisyfirfærslu
og atvinnuleysi er það að segja, að
Búlandstindur fékk hópatvinnu-
leyfi fyrir allt að tuttugu og fjór-
um kanadískum ríkisborgurum.
Læknisskoðun átti síðan að fara
fram hér, en ekki var unnt að ann-
ast röntgenmyndatöku vegna
berklaprófunar, svo það var látið
bíða þar til hópurinn fór til
Reykjavíkur, og fór í myndatöku á
Borgarspítalanum. Niðurstöður úr
því lágu þess vegna ekki fyrir fyrr
en núna rétt fyrir jólin. Þetta kom
þó alls ekki í veg fyrir að starfs-
fólkið fengi gjaldeyrisyfirfærslu,
hið eina var að ég þurfti að skrifa
uppá hana fyrir þau. Það gerði ég
og Landsbankinn hér veitti okkur
alla umbeðna þjónustu vegna
þessa.
Mergurinn málsins er sá að við
höfum staðið við alla samninga og
öll loforð sem gefin voru fyrirfram,
bæði um laun og annað. Það hlýtur
líka að vera okkur ánægjuefni
fyrst þetta kom upp, að allir frá
Kanada sem eftir eru, hafa gefið út
yfirlýsingu þess efnis að þau séu
hér ánægð og að staðið hafi verið
við það sem samið var um. Það
höfum við gert og vel það. Ég veit
ekki hvað hefur komið stúlkunum
til að segja þetta sem haft hefur
verið eftir þeim. Verið getur að það
skipti einhverju, að þetta eru
Vestur-íslendingar, sem ef til vill
hafa haft í huga sér einhverjar
glanshugmyndir um Island, sem
svo ekki stóðust. Hér er á ferðinni
fólk sem hefur búið við góð lífs-
kjör, þótt sum þeirra hafi lengi
verið atvinnulaus. Hér koma þau
svo í erfitt veður og erfiða vinnu,
og landið ef til vill ekki verið eins
spennandi og „ömmusögurnar"
hafa gefið til kynna. Það gæti verið
skýringin, ég veit það ekki.
Ég vil svo að lokum segja það, að
við höfum verið ánægð með það
fólk frá Kanada sem hér hefur
unnið, og eru stúlkurnar þrjár þar
ekki undanskildar, þær unnu hér
vel sín störf. Þá erum við einnig
mjög ánægðir með milligöngu ís-
lenska ræðismannsins í Winnipeg,
þetta hefur allt gengið vel, og því
leiðinlegra að þetta mál skuli hafa
komið upp,“ sagði Gunnlaugur.
Hótelid var raf-
magns- og hita-
laust allt að
20 klst. í einu
- segja þrjár kanadísku
stúlknanna í yfirlýsingu
MORGUNBLAÐINU hefur borist
yfirlýsing frá þremur kanadísku
stúlknanna, þar sem þær rekja
viðskiptin við Búlandstind eins og
þau horfa við frá þeirra sjónarmiöi.
Stúlkurnar eru Kim Orvis, Norma
Thomas og Sandra Nelson, og hafa
þær allar hætt störfum hjá Bú-
landstindi eins og annars staðar
kemur fram.
Stúlkurnar segjast hafa verið á
fundi í lok ágúst á heimili Garð-
ars Garðarssonar í Kanada, þar
sem saman voru komin 16 af þeim
17 sem voru á leið til starfa á
íslandi, hjá Búlandstindi. Þar
hafi þeim verið sagt að kaup
þeirra yrði sem svarar 4,50 til 5,00
Kanadadollurum á tímann. Fyrir
næturvinnu yrði greitt hærra
kaup. Þeim hafi verið sagt að
verðbólguþróunin myndi ekki
hafa áhrif á þær. í ljós hafi komið
að þeim hafi verið greiddar 43
krónur á tímann, eða 3,30 Kan-
adadollarar. — Þær segjast hafa
fengið þær upplýsingar að þau
yrðu skattlögð hærra en íslend-
ingar, en m.vndu fá mest af því
endurgreitt er þau færu af landi
brott. Þeim hafi verið sagt að þau
gætu fengið hærra kaup eftir bón-
uskerfi, en ekki verið sagt að það
væri innifalið í kaupinu 4,50 til
5,00 dollarar. Enn hafi þeim verið
lofað að Búlandstindur myndi
annast útvegum atvinnuleyfis, en
hinn 4. janúar hafi það enn ekki
sést. Sex úr hópi Kanadamann-
anna hafi farið í brjóströntgen-
myndatökur í Reykjavík vegna at-
vinnuleyfisins, í eigin tíma og á
eigin kostnað, og hafi þeir sjálfir
þurft að greiða fargjaldið.
Kim Orvis og Norma Thomas
segja að Garðar Garðarsson hafi
sagt þeim í símtali að eldhús hót-
elsins væri skipt niður í einingar,
og hefði hvert herbergi sína eld-
unaraðstöðu. Einnig að sturta
fylgdi hverju herbergi. — Þetta
hafi reynst fals eitt, því eldhúsið
hafi aðeins verið eitt á hótelinu og
þar hafi aðeins verið ein sturta
fyrir þau tuttugu sem þar bjuggu.
Þá segja þær að það séu helber
ósannindi að þær hafi farið frá
Djúpavogi af félagslegum ástæð-
um. Þær hafi farið vegna þess að
ekki hafi verið staðið við gerða
samninga, og vegna aðbúnaðar-
ins. Hótelið hafi í sjálfu sér verið
ágætt, en ekki þó þegar þar
bjuggu að staðaldri tuttugu
manns. Langtímum saman hafi
það verið rafmagns- og hitalaust,
ekki sjaldnar en tvisvar í viku,
jafnvel allt að tuttugu klukku-
stundum í einu. — Þegar svo loks
hafi.komið hiti og heitt vatn hafi
sumt fólkið þurft að bíða dögum
saman eftir því að þvo föt sín og
komast í sturtu.