Morgunblaðið - 26.01.1983, Blaðsíða 3

MORGUNBLAÐIÐ, MIÐVIKUDAGUR 26. JANÚAR 1983
3
Flugleiðir auglýsa eftir flugfreyjum:
Hátt í fimm hundr
uð sótt um starf
„VIÐ fengum hátt í fimm hundruð
umsóknir, sem er mun meira en við
höfðum reiknað með,“ sagði Már
Gunnarsson, starfsmannastjóri
Flugleiða, í samtali við Mbl., er
hann var inntur eftir viðbrögðum við
auglýsingu félagsins cftir flugfreyj-
um og flugþjónum til tímabundinna
afleysingastarfa á komandi sumri.
„Af þessum umsóknum eru hátt
á fjögur hundruð nýjar, en síðan
eru 70—80 umsóknir frá fólki, sem
hefur verið hjá okkur áður,“ sagði
Már Gunnarsson.
Aðspurður sagði Már Gunnars-
son, að töluverður fjöldi karl-
manna hefði nú sótt um, reyndar
hlutfallslega fleiri en nokkru sinni
áður. „Svo virðist sem starfið
höfði meira til karlmanna nú en
það gerði áður“.
Már Gunnarsson sagði aðspurð-
ur, að aðeins brot af þessum fjölda
yrði ráðinn. „Það hefur ekki verið
endanlega ákveðið hversu margt
fólk við ráðum, en við erum
kannski að tala um ráðningu á tí-
unda hverjum þeim, sem sótti um,
eða 40—50 manns," sagði Már
Gunnarsson.
Lögreglumenn fóru umsvifalaust um borð ásamt tollþjónum eftir að menn-
irnir höfðu verið teknir með góss á Kalkofnsvegi. Mynd Mbi. Júlíus
Á þessari mynd má sjá brúna yfir Litlu-Laxá, við veginn að Auðsholti sem stendur á eystri bakka Hvítár. Til
hægri sést móta fyrir bænum í Auðsholti, en algengt er að bærinn einangrist i vetrarflóðum.
Ljósm. Sig.Sigm.
Hafrannsóknarstofnunin:
Otíð undanfarið hefur haml-
að síldar- og loðnuleit
Teknir med fíkniefni, áfengi og tóbak:
Voru í annarri ferð
með góss úr skipinu
ÞUNGHLAÐIN bifreið á Kalkofn.v
vegi vakti athygli lögreglumanna að-
faranótt mánudagsins og grennsluð-
ust þeir fyrir um hverju það sætti. í
Ijós kom að skipverjar á m/s Mar
voru að flytja smygl úr skipinu í
land. Skipverjar voru tveir ásamt
fyrrum skipsfélaga sínum. Voru þeir
í sinni annarri ferð, en skipið var að
koma frá Alsír. Þeir voru teknir með
áfengi, tóbak og fíkniefni.
Þegar ljóst var að þeir voru að
flytja smygl úr skipinu, var um-
svifalaust settur öflugur vörður
um m/s Mar og var gerð víðtæk
leit í skipinu, meðal annars leitaði
fíkniefnahundur lögreglunnar.
Ekki fannst mikið til viðbótar — á
milli 2 og 3 grömm af fíkniefnum.
Hins vegar fannst áfengi við hús-
leit á heimili þeirra.
Alls fundust 165 grömm af mar-
ijúana, 75 grömm af hassi og lít-
ilræði af amfetamíni. Þá fundust
10 flöskur af áfengi og 140 flöskur
af bjór og um 1200 vindlingar, auk
smáræðis af kjöti. Einn skipverj-
anna hefur viðurkennt að vera
eigandi fíkniefnanna.
BÆÐI síldar- og loðnurannsóknir
hafa gengið illa hér við land undan-
farnar vikur vegna ótiðar og gæfta-
leysis, að því er fiskifræðingarnir
Jakob Jakobsson og Hjálmar Vil-
hjálmsson tjáðu blaðamanni Morg-
unblaðsins í símtali um Nesradió.
Jakob hefur að undanfornu verið í
leiðangri með hafrannsóknarskipinu
Árna Friðrikssyni, og Hjálmar á
Bjarna Sæmundssyni, en árangur
beggja leiðangranna hefur verið lít-
ill.
„Við fundum nokkra sild við Eyj-
ar i upphafi leiðangursins," sagði
Jakob, „en við gátum ekki lokið við
að mæla það, enda vita allir lands-
menn hvernig veðrið hefur verið að
undanfornu. Þá höfum við verið á
Austfjörðum og fundið dálítla síld
hér í Berufirði og Reyðarfirði, og
erum búnir að mæla það. Þær mæl-
ingar sýna fyrst og fremst að þar er
á ferðinni þriggja og fjögurra ára
síld, en það eru einmitt árgangar
sem okkur vantaði upplýsingar um.
Við höfum hins vegar fundið lítið af
stórsíld, af þeim stofni sem veiðarn-
ar hafa byggst á hingað til, svona
átta ára síld, og ennþá eldri. Ungsíld
höfum við því fundið en lítið af stór-
síld, en mikilvægt er fyrir framtíð-
arspá að vita hvað er að bætast við
stofninn. Síðar er veðráttan breytist
verður svo væntanlega mælt við Suð-
urland, en mælingar þurfa að fara
fram i blíðuveðri, annars eru þær
gagnslitlar. Enn þá vantar því dálítið
á að hægt sé að segja nokkuð um
veiðar næsta haust, enda enn nokk-
ur tími til stefnu.“
Hjálmar Vilhjálmsson tók mjög í
sama streng og Jakob varðandi ótíð-
ina, en þá lá Bjarni Sæmundsson í
vari við Langanes. „Það er búin að
vera ótið síðan við fórum,“ sagði
Vilhjálmur, „og þvi getum við lítið
sagt enn sem komið er. Við höfum
þó orðið varir við loðnu hér fyrir
utan. Við verðum hér áfram við
Austfirði og Norðausturland, og Árni
Friðriksson bætist í hópinn, þannig
að við verðum að vona að betur fari
að gefa til rannsókna," sagði Hjálm-
ar að lokum.
Fimm ára dreng-
ur fyrir bíl
FIMM ára drengur varð fyrir bif-
reið í Arnarhrauni í Hafnarfirði
laust eftir klukkan 18 á mánudag.
Hann var að leik við götuna og
hljóp fyrirvaralaust út á götun
milli tveggja kyrrstæðra bifreiða.
Meiðsli hans munu ekki alvarleg
en þó var óttast að hann hefði
lærbrotnað.
Bestu bílakaupin í dag!
Mazda 929 Station SuperDeLuxe árg. 1983
Innifalinn búnaður:
Rafstýrðir útispeglar beggja vegna • Quarts klukka • Stokk-
ur milli framsæta með geymsluhólfi • Opnun á bensínloki
og farangursgeymslu innan frá • Barnaöryggislæsingar •
Halogenframljós • Litað gler í rúðum • 4 hraða miðstöð •
Niðurfellanlegrt aftursæti í tvennu lagi • Hæðarstilling á
ökumannssæti og fjölmargt fleira.
Verð aðeins kr.
218.900
gengisskr. 10. 1. '83
BILABORG HF
Smiöshöföa 23 sími 812 99
Bestu bílakaupin ídag!
Mazda929 Hardtop Limited árg.1983
Innifallnn búnaður:
Veltistýri • Rafdrifnar rúður og hurðarlæsingar • Vatns-
sprautur á aðalljós • „Cruise control" • Mælaborð með
snertirofum • Utispeglar beggja vegna • Aðvörunartölva •
Quarts klukka • Stokkur milli framsæta með geymsluhólfi •
Opnun á bensínloki og farangursgeymslu innan frá • Halo-
genframljós • Litað gler í rúðum • Innfelld rúllubelti á fram
og aftursætum • Hæðarstilling á ökumannssæti og fjölmargt
fleira.
Verð aðeins kr.
242.800
gengisskr. 10. 1. '83
BILABORG HF
Smiöshöföa 23 sími 812 99