Morgunblaðið - 21.07.1983, Blaðsíða 5
MORGUNBLAÐIÐ, FIMMTUDAGUR 21. JÚLÍ 1983
5
Eru
þeir að
fá 'ann
■?
Smár lax í Miðfjarðará
LAXVEIÐIN í Miðfjarðará hefur
gengið sæmilega að undanförnu, en
útlendingar hófu veiðar í ánni sl.
sunnudag. Nú eru komnir á land um
280 laxar, en flestir þeirra eru
fremur smáir og var stærsti laxinn
sem veiðst hefur aðeins 15 pund að
þyngd. Útlendingarnir veiða aðeins
á flugu og eru skæðustu flugurnar
gulur og rauður Frances, og einnig
hefur Collie Dog gefið nokkra veiði.
Samkvæmt upplýsingum sem
Mbl. fékk í veiðihúsinu við ána í
gær er ekki mikill fiskur genginn i
ána og lítið sést stökkva af laxi, en
menn vona að úr rætist. Best veiði
það sem af er hefur verið í Vestur-
ánni, en einnig hefur Núpsá gefið
sæmilegan afla, en Austurá er lak-
ari.
Sæmilegt í Vatnsdalsá
Svipaða sögu er að segja frá
Vatnsdalsá, en þar hefur veiðin
gengið sæmilega, en fiskurinn tekur
heldur illa, samkvæmt upplýsing-
um Mbl. Um 230 laxar höfðu veiðst
í ánni þegar blaðið hafði samband
við veiðihúsið þar í gær, en það er
ívið betri veiði en í fyrra.
Nokkuð mikið vatn hefur verið í
ánni að undanförnu, en fer minnk-
andi, þannig að aðstæður fara held-
ur skánandi. Nú eru útlendingar að
veiðum í Vatnsdalsá. Skæðasta
flugan það sem af er í Vatnsdalsá
er Hairy Mary, sem ekki er að
undra, því samkvæmt heimildum
Mbl. nota veiðimenn lítið annað. Þó
nefur Night Hawk gefið einhvern
afla.
Netaför
GREINT var frá netameiddum löx-
um úr Laxá í Aðaldal með myndum
í Mbl. í gær og eins og þar kom
fram voru ýsunet á Skjálfandaflóa
grunuð um að valda meiðslum lax-
anna. Laxveiði er bönnuð hér á
landi í söltu vatni, en sem kunnugt
er er netaveiði leyfð í mörgum jök-
ulvötnum, t.d. Hvítá í Borgarfirði,
en að sögn netabænda hefur veiði
þeirra í sumar verið einhver sú
mesta í mörg ár, enda hefur lax-
gengd í Borgarfjarðarárnar verið
gífurleg í sumar.
Laxar sleppa úr netum neta-
bænda við Hvítá ekki síður en ýsu-
netum norðanlands og er oft ljót
sjón að sjá slíka fiska. Mbl. hefur
frétt að stundum hafi borið óvenju-
lega mikið á netameiddum laxi.
Nokkrir stangaveiðistaðir eru í
Hvítá, við vatnamót hennar og
bergvatnsánna, svo sem Straum-
arnir, Svarthöfði og fleiri. Stundum
veiðist vel á þessum slóðum, eink-
um er göngur koma og stoppa dá-
litla stund á ármótunum áður en
þær halda ferð sinni áfram. Á ein-
um af veiðistöðum þessum hittu fé-
lagar nokkrir vel á eigi alls fyrir
löngu og fengu 12 laxa á frekar
stuttum tíma. 10 þessara laxa voru
meira og minna rifnir af netum og
sá stærsti, 14 punda lax, hreinlega
eins og hann hefði verið húðstrýkt-
ur með gaddasvipu.
Laxveiði í Laxi í Kjós.
SEtylMARKA
TIMAMOT
Nær allir tölvuframleiðendur setja nafn sitt á einkatölvur (personal com-
puters). Sá sem býður tölvu þarf hinsvegar að hafa meira fram að færa en
nafnið eitt og töluvert meira en tækið sjálft.
í stað þess að hanna eina tölvu er hentaði sem flestum, án þess að mæta
sérþörfum hvers og eins, hefur Digital framleitt 3 tegundir af einka-
tölvum.
Hver og ein þeirra getur annast fjölmörg verkefni s.s. textavinnslu, bók-
hald eða áætlanagerð og mjög auðvelt er að tengja þær saman í net eða
nota sem útstöðvar á stærri tölvur.
Kynning á þessum nýju einkatölvum verður á Hótel Loftleiðum (Kristal-
sal) fimmtudaginn 21. júlí frá kl. 12-21.
KRISTJÁN Ó. SKAGFJÖRÐ, TÖLVUDEILD
HÓLMASLÓÐ 4, ÖRFIRISEY.
S. 24120
Allgott í Víðidalsá
Veiðin í Víðidalsá gengur allvel,
samkvæmt upplýsingum Mbl., en
nú eru komnir á land um 280 laxar
þar, og hefur veiðin verið að glæð-
ast að undanförnu. Fiskurinn það
sem af er veiðitímabilinu hefur ver-
ið mjög vænn, en stærsti fiskurinn
sem komið hefur á land vó 19 pund,
en mikið hefur veiðst af laxi af
stærðinni 12—15 pund.
Skæðustu flugurnar í Víðidalsá
eru nokkrar, en þó engin ein afger-
andi. í þeirra hópi má nefna Pate
Diablo (Black Labrador), og Black
Sheep.
í gær voru heldur slæmar veiði-
aðstæður við Víðidalsá, áin mikil og
gruggug og lítið hafði veiðst þá um
daginn.
Líf í Selá
„ÞETTA hefur verið að lagast svo-
lítið og veiðimenn við ána hafa séð
talsvert líf upp á síðkastið," sagði
Þorsteinn Þorgeirsson á Ytri Nýp-
um í gær, aðspurður um laxveiðina
í Selá í Vopnafirði, en þar má heita
að ördeyða hafi verið 2—3 síðustu
sumrin.
Veiðin hófst um mánaðamótin og
að sögn Þorsteins gekk afar illa
fram til 10. júlí, áin var þá köld,
vatnsmikil og skoluð. „Síðan hefur
gengið betur og komnir eru á land
tæplega 40 laxar. Veitt hefur verið
á fjórar stangir, en framvegis verða
þær sex,“ bætti Þorsteinn við.
Stærsti laxinn til þessa vó 14 pund,
en meðalþunginn hefur verið miklu
lægri, mest af laxinum er smátt.
Lítill áhugi á Hofsá
VEIÐI hófst ekki í Hofsá fyrr en
þann tíunda þessa mánaðar og hef-
ur áin til þessa aldrei verið fullskip-
uð veiðimönnum. Hafa iðulega ver-
ið 2—3 stangir að veiðum af sex
leyfilegum og í gærmorgun til-
kynnti sig enginn í veiðihúsið við
Teig. Dagana tíu frá því að veiðin
hófst hafa veiðst 12 laxar og hafa
þeir fengist jafnt og þétt síðan að
veiðin byrjaði. Eins og í Selá, er
laxinn smár, þeir stærstu 8 pund,
að sögn Bjargar Sverrisdóttur í
veiðihúsinu við Teig.
Ljósm. Gunnar Þór Gíslnson.