Morgunblaðið - 11.12.1983, Blaðsíða 18
66
MORGUNBLAÐIÐ, SUNNUDAGUR 11. DESEMBER 1983
Sjötugur:
Sigurður Jónsson
framkvæmdastjóri
í dag, 11. desember, er einn af
mætustu sonum þessarar þjóðar
sjötugur, en það ér Sigurður
Jónsson, framkvæmdastjóri Sjó-
vátryggingafélags íslands. Hann
hefur í tæpa fimm tugi ára fengist
við fjölbreytt störf og þau mörg
erfið og vandasöm. Með dugnaði
og festu hefur hann stýrt stórfyr-
irtækjum oft í gegnum brim og
boða svo eftirtekt hefur vakið.
Sigurður Jónsson fæddist í
Hafnarfirði 11. desember 1913.
Foreldrar hans voru hjónin Jóna
Gísladóttir og Jón B. Pétursson
skósmiður þar í bæ. Sigurður ólst
upp hjá foreidrum sinum og lauk
gagnfræðaprófi frá Flensborg-
arskólanum vorið 1930. Næstu tvö
árin stundar hann ýmis störf bæði
við fiskverkun og verslun. Haustið
1932 fór hann í Verslunarskóla Is-
lands og lauk þaðan prófi með
ágætiseinkunn vorið 1934. Rúm-
lega tvö ár, eða þar til hann flytur
til Siglufjarðar, vinnur hann á
skrifstofu Sf. Akurgerðis í Hafn-
arfirði, en Akurgerði gerði þá út
tvo togara og starfrækti fiskverk-
unarstöð. Á þessum árum voru
krepputímar, útgerð dróst saman
og víða var atvinnuleysi. Sigurður
naut trausts hjá Akurgerðis-
mönnum, en þegar bókhaldara-
starf losnaði hjá Síldarverksmið-
jum ríkisins í Siglufirði, átti ann-
ar eigandi Akurgerðis, Þórarinn
Egilsson, sem þá sat í stjórn verk-
smiðjanna, hlut að því að Sigurður
flutti norður og tók þar til starfa
eins og fyrr segir.
Þórarinn Egilsson, sem var
mikill mannkostamaður, hafði
oftar en einu sinni orð á því við
mig, að hann hefði ekki eingöngu
verið að hugsa um hlutskipti og
framtíð hins unga Hafnfirðings
þegar hann réð hann norður til
Síldarverksm. ríkisins, heldur
einnig um hag þeirra, því fátt
kæmi fyrirtækjum, smáum sem
stórum, betur en traustir, dug-
miklir og heiðarlegir starfsmenn,
en árin, sem liðin eru frá því þessi
orð voru töluð, hafa sannað að ein-
mitt þessir eiginleikar einkenna
Sigurð.
Ekki veit ég með vissu hvernig
Sigurði var innanbrjósts þegar
hann kom til Siglufjarðar í fyrsta
sinn, en hitt veit ég, að við, sem þá
unnum hjá SR, fögnuðum komu
hans. Það eitt höfðum við af hon-
um heyrt, að hann væri vel í stakk
búinn til að takast á við þau störf
sem biðu hans á skrifstofu þessa
unga en stóra ríkisfyrirtækis, og
störf hans fyrir Akurgerði hefðu
einkennst af dugnaði og reglu-
semi.
Nokkrum mánuðum eftir kom-
una til Siglufjarðar var Sigurður
ráðinn gjaldkeri verksmiðjanna.
Verksmiðjurnar voru þá orðnar
þrjár í Siglufirði í eigu ríkisins, en
auk þess átti SR verksmiðju á
Raufarhöfn. Sigurði var sýnt mik-
ið traust af stjórn SR þegar hann
var ráðinn aðalféhirðir þessa um-
fangsmikla iðnaðarfyrirtækis,
hann sýndi það, eins og síðar verð-
ur að vikið, að hann var traustsins
verður. Það er freistandi hér og nú
að rifja upp í þessum afmælis-
skrifum, sem auðvitað enda með
þakklætisorðum og árnaðaróskum
— minningar frá Siglufjarðardög-
um okkar Sigurðar og samstarfi
'hjá Síldarverksmiðjum ríkisins,
en ég leyfi mér það ekki í þetta
sinn.
Haustið 1944 varð Magnús heit-
inn Blöndal, sá orðheppni ágætis-
maður ráðinn framkvæmdastjóri
SR eftir að hafa gegnt skrifstofu-
stjórastarfi hjá fyrirtækinu allt
frá 1930. Svo vel hafði Sigurður
Jónsson reynst við gæslu fjár-
muna verksmiðjanna, að hann var
ráðinn eftirmaður Magnúsar
Blöndal í skrifstofustjórastarfið.
Magnúsar Blöndal naut ekki lengi
við — hann andaðist 1945, þá
tæpra 48 ára gamall. Eftirmaður
hans varð Hilmar heitinn Krist-
jónsson verkfræðingur, en hann
hafði áður verið verksmiðjustjóri
á Raufarhöfn, gegndi hann einn
framkvæmdastjórastarfinu í eitt
ár, en síðla árs 1946 var talið
nauðsynlegt að framkvæmdastjór-
arnir yrðu tveir, réð þá stjórn SR
Sigurð Jónsson framkvæmda-
stjóra frá 1. janúar 1947. Rúmur
áratugur var þá liðinn frá því Sig-
urður hóf starf hjá SR, fyrst sem
vélritari og bókhaldari.
Ekki veit ég hvort Sigurð hafi
dreymt um það er hann kom í
fyrsta sinn til Siglufjarðar að
hann ætti eftir að verða fram-
kvæmdastjóri þessa stórfyrirtæk-
is sem SR var, en hafi svo verið þá
rættist draumurinn svo sannar-
lega og fyrst og fremst vegna þess
að allir þeir sem fóru með yfir-
stjórn verksmiðjanna, treystu Sig-
urði Jónssyni til ábyrgðarstarfa.
Hilmar heitinn Kristjónsson lét
af störfum framkvæmdastjóra í
lok árs 1947 og var þá ráðinn í
starfið frá 1. janúar 1948 Vil-
hjálmur heitinn Guðmundsson
verkfræðingur. Samstarf Sigurðar
og Vilhjálms stóð í tvo áratugi,
eða allt til þess að Vilhjálmur
andaðist 1968. Samstarf þeirra
var með ágætum, til ómetanlegs
gagns fyrir Síldarverksmiðjur
ríkisins.
Á þessum tveimur áratugum
unnu þeir saman að byggingu
verksmiðjanna á Seyðisfirði og
Reyðarfirði og að endurbótum á
verksmiðjunum sem fyrir voru í
eign SR, svo og að byggingu og
skipulagi Hraðfrystihúss SR og
síldarniðursuðuverksmiðju ríkis-
ins. Ég hef áður látið þess getið á
prenti, að þessir tveir ágætu menn
hafi stýrt siglingu þessa stórfyr-
irtækis með sóma, þó oft væri úf-
inn sjór og krappur.
Sigurð Jónsson hefur eins og að
framan greinir aldrei skort verk-
efni. Þau hrúguðust upp og voru
leyst vel af hendi hverju sinni.
Auk framangreindra starfa var
honum falin framkvæmdastjórn
Bæjarútgerðar Siglufjarðar frá 1.
apríl 1953 og gegndi hann því
starfi í 10 ár, eða til 1963 en þá var
rekstri bæjarútgerðar Siglufjarð-
ar hætt og stofnað Útgerðarfélag
Siglufjarðar. Eigendur voru Siglu-
fjarðarkaupstaður og Síldar-
verksmiðjur ríkisins. Sigurður
varð stjórnarformaður og leit eftir
rekstrinum áfram sem slíkur. í
starfi framkvæmdastjóra bæjar-
útgerðarinnar ávann Sigurður sér
traust bæjarbúa og sjómanna, og
minnist ég þess ekki að togararnir
Elliði og Hafliði væru nokkurn
tíma bundnir við bryggju vegna
vanskila eða fjárskorts þann tíma,
sem hann hélt þar um stjórnvöl-
inn. Úrræði hans og traust það, er
bankastjórar viðskiptabanka bæj-
arútgerðarinnar báru til hans,
tryggðu það, vafalaust hefur hann
í þessu starfi notið reynslu sinnar
frá Hafnarfirði.
Sigurður Jónsson er kvæntur
ágætri konu, Guðnýju Jóhanns-
dóttur frá Þrasastöðum. Er hún
dóttir Jóhanns Guðmundssonar
bónda þar og konu hans, Sigríðar
Gísladóttur, eiga þau tvo syni,
Valtý héraðsdómslögmann og dr.
Jóhann Ágúst lækni í Hafnarfirði.
Þeir eru báðir kvæntir og eru
barnabörnin orðin sex.
Heimili Gyðu og Sigurðar í
Siglufirði og síðar hér í Reykjavík
hefur einkennst af myndarskap og
hlýju. Á þeirra heimili hefur jafn-
an verið gott að koma.
Þau ár, sem Sigurður bjó í
Siglufirði, lagði hann mörgu góðu
máli lið. Hann var m.a. um ára-
tuga skeið virkur félagi í karla-
kórnum Vísi enda hefur hann fal-
lega rödd og er mjög músíkalskur.
Félagi í Rotary hefur hann einnig
verið um árabil og gegnt þar for-
setastörfum.
f október 1971 urðu þáttaskil í
lífi Sigurðar og fjölskyldu hans.
Það ár sagði hann starfi sínu
lausu, hafði þá verið ráðinn fram-
kvæmdastjóri Sjóvátrygginga-
félags íslands hf. í stað Stefáns G.
Björnssonar er þá lét af störfum
framkvæmdastjóra.
Mér er kunnugt um, að verk-
smiðjustjórnarmenn og fleiri
reyndu að fá Sigurð til þes að vera
lengur framkvæmdastjóri verk-
smiðjanna, en til þess var hann
ófáanlegur. Hér skal þess getið, að
eftir andlát Vilhjálms Guð-
mundssonar var Jón Reynir
Magnússon verkfræðingur ráðinn
í hans stað. Samvinna hans og
Sigurðar var einnig með ágætum,
en engu að síður vildi nú Sigurður
sigla suður. Hér í borg hefur hann
stjórnað í 12 ár, og það með prýði
sem fyrr, einu elzta og virtasta
vátryggingafélagi landsins. Þeir,
sem stóðu að þeirri ráðningu,
vissu hvað þeir voru að gera.
- O -
Eftir nokkra daga lætur hann af
stjórnarstörfum eftir farsælan
feril norðanlands og sunnan.
í 35 ár starfaði Sigurður í Siglu-
firði. Samstarf okkar flest þessi ár
var náið og ég minnist fjölmargra
tillagna hans á fundum stjórnar
SR þegar úr vöndu var að ráða.
Stundum fannst mér hann of
íhaldssamur og það af gamla skól-
anum, en þegar litið er til baka
eftir öll þessi ár, þá var það e.t.v.
þessi varfærni Sigurðar með fjár-
mál verksmiðjanna, sem urðu til
þess á kreppu- og síldarleysisár-
um, að endar náðu saman eins og
það er kallað þegar rætt er um
afkomu fyrirtækja.
- O -
Á þeim 47 árum, sem við Sig-
urður Jónsson höfum þekkzt, hef-
ur margt breytzt, en Sigurður er
hinn sami, léttur í spori eins og
hann var þegar hann kom fyrst til
Siglufjarðar, harðduglegur eins og
þá, fylginn sér og gerir hverju
starfi góð skil eins og við upphaf
starfsferils síns.
Ég lýk svo þessari fátæklegu af-
mæliskveðju, þar sem svo margt
er ósagt, með því að þakka Sigurði
Jónssyni fyrir vináttu, og sam-
vinnu á liðnum áratugum. Fjöl-
skylda mín og ég óskum afmælis-
barninu alls velfarnaðar á kom-
andi árum, svo og húsi hans öllu,
afbragðs konu, góðum sonum,
tengdadætrum og barnabörnum.
Ég veit, að það verða margir
gamlir samstarfsmenn hans og
aðrir, sem taka undir þær óskir í
dag, enda er Sigurður vinmargur
og vinsæll.
Núerf^taHe9urn' .. tré.
*******
g
út*
Oróðurnús,nU
^0SiWaI'
Jón Kjartansson