Morgunblaðið - 29.12.1984, Qupperneq 7
MORGUNBLAÐIÐ, LAUGARDAGUR 29. DESEMBER 1984
7
Morgunblaðið/Bjarni.
Forsætisráðherra tekur á móti undirskriftarlistum með nöfnum 4032 „áhugamanna um framfarir í Eyjafirði",
frá vinstri: Jón Arnþórsson, Steingrímur Hermannsson, Steindór Steindórsson frá Hlöðum og Gunnar Ragnars.
Næsta stóriðjufyrirtæki
verði við Eyjafjörð
Rúmlega 4000 íbúar við Eyjafjörð undirrita áskorun til stjórnvalda
„Við undirrituð, íbúar á Akur-
eyri og í Eyjafirði, teljum nauð-
synlegt að næsta stóriðjufyrirtæki,
sem byggt verður á íslandi, verði
valinn staður við Eyjafjörð, enda
verði talið tryggt að rekstur þess
stefni ekki lífríki fjarðarins í
hættu,“ segir meðal annars í
áskorun, sem forsætisráðherra,
Steingrímur Hermannsson, veitti
viðtöku í Stjórnarráðinu laust fyrir
hádegi í gær. Áskorunin var undir-
rituð af 4032 íbúum á Akureyri og
í Eyjafirði að frumkvæði „Áhuga-
manna um framfarir við Eyja-
fjörð“, en listana afhentu fyrir
hönd heimamanna Jón Arnþórs-
son, Steindór Steindórsson frá
Hlöðum og Gunnar Ragnars.
Jón Arnþórsson hafði orð fyrir
norðanmönnum og sagði hann
m.a. að undirskriftasöfnunin
hefði hafist í júní sl. og staðið í 4
vikur, en hefði þá verið hætt
vegna sumarleyfa og að fyrir-
huguð var ferð til Alcan í Kan-
ada til könnunar á aðstæðum
þar. Eftir þá ferð töldu „áhuga-
menn um framfarir við Eyja-
fjörð" næsta víst að kynntar
yrðu niðurstöður ferðarinnar,
þess efnis, að hvergi hefði fund-
ist mengun hjá Alcan eftir 60
ára álvinnslu. Þegar ekkert gerð-
ist hins vegar í kynningunni
tóku áðurnefndir áhugamenn til
sinna ráða í desemberbyrjun og
gáfu út rit með helstu rökum
fyrir stóriðjukostinum, sem
dreift var á öll heimili í Eyja-
firði. Jafnframt var hafist handa
við undirskriftir á nýjan leik
með þeim árangri, sem skilað
var á skrifstofu forsætisráð-
herra í gær. Steingrímur Her-
mannsson kvaðst myndu koma
þessari áskorun á framfæri við
ríkisstjórn og iðnaðarráðherra
og hafði jafnframt á orði að und-
irskriftirnar væru ívið fleiri en
undirskriftir álandstæðinga sem
honum voru afhentar fyrr á
þessu ári.
Undirskriftalistarnir voru
fluttir frá Akureyri til Reykja-
víkur í peningakassa, og var það
táknrænt fyrir þá skoðun undir-
skriftarmanna, „að sterk efna-
hagsleg rök séu fyrir því að stór-
iðja verði efld í Eyjafirði í góð-
um félagsskap við fjölbreytt at-
vinnulíf þar, sem bíður fleirum
til samstarfs, og í trausti þess að
áliðja geti hér eins og víðar lifað
í góðu samlyndi við gjöfula nátt-
úru er þetta bundið í sauðskinn,"
eins og Jón Arnþórsson komst að
orði er hann afhenti forsætis-
ráðherra undirskriftalistana.
Gunnar Ragnars lagði áherslu
á, að það væri skoðun þeirra sem
skrifuðu undir áskorunina, að ál-
ver við Eyjafjörð myndi draga
úr fólksflótta þaðan, sem fyrir-
sjáanlegur væri á næstu árum
yrði ekki eitthvað að gert í at-
vinnumálum og ný atvinnutæki-
færi sköpuð fyrir íbúa þar.
Steindór Steindórsson frá Hlöð-
um tók í sama streng og kvaðst
hann upphaflega ekki hafa verið
ginnkeyptur fyrir hugmyndum
um álver í Eyjafirði vegna
meintrar mengunarhættu, sem
mjög var haldið á loft af ál-
andstæðingum. En eftir að
niðurstöður hefðu legið fyrir um
að mengunarhættan væri hverf-
andi lítil sem engin hefði hann
snúist á sveif með áhuga-
mönnum um framfarir í Eyja-
firði, enda mætti engu tækifæri
til fjölgunar starfa í byggðarlag-
inu kasta frá sér í bráðræði.
íþrótta- og tómstundaráð
Reykjavíkur:
Omar Einars-
son ráðinn
framkvæmda-
stjóri
ÓMAR Einarsson hefur verið ráð-
inn framkvæmdastjóri íþrótta- og
tómstundaráðs Reykjavíkur og
tekur hann við starfinu nú um ára-
mótin. Stefán Kristjánsson lætur
þá af störfum sem íþróttafulltrúi,
en íþróttaráð og /Eskulýðsráð
verða sameinuð í Iþrótta- og tóm-
stundaráð, samkvæmt þeim stjórn-
kerfisbreytingum sem samþykktar
hafa verið í borgarstjórn.
ómar Einarsson hefur um
langt árabil starfað hjá Æsku-
lýðsráði Reykjavíkur og undan-
farin ár sem framkvæmdastjóri
ráðsins. Samkvæmt þeim stjórn-
kerfisbreytingum sem sam-
Omar Einarsson.
þykktar hafa verið í borgar-
stjórn verður ráðinn einn fram-
kvæmdastjóri íþrótta- og tóm-
stundaráðs og mun ómar gegna
því starfi til bráðabirgða þar til
breytingarnar verða formlega
staðfestar af ráðherra, en starfið
verður þá auglýst laust til um-
sóknar.
Metsala Ásgeirs RE
í Cuxhaven:
Fékk 44 kr.
fyrir karfa-
kílóið
SKUTTOGARINN Ásgeir RE fékk í
gær hæsta meðalverð á kfló fyrir
karfa, sem íslenzk fiskiskip hafa
fengið í Þýzkalandi frá því skrásetn-
ingar LfÚ hófust árið 1979. Meðal-
verðið var 43,95 krónur.
Ásgeir RE seldi alls 105,1 lest í
Cuxhaven. Heildarverð var
4.617.800 krónur, meðalverð á kíló
43,95. Er þetta hæsta verð, sem
um getur bæði talið í þýzkum
mörkum og íslenzkum krónum.
3,42 þýzk mörk fengust fyrir hvert
kíló að meðaltali, en áður hafði
Engey RE fengið hæst meðalverð i
þýzkum mörkum á þessu ári. Hún
fékk 3,04 mörk í janúar síðastliðn-
um. Gamla metið átti Karlsefni
RE er hann fékk 3,20 þýzk mörk
fyrir kílóið í janúar 1981.
Utflutningur íslenskrar þekkingar:
Fyrirhuguð verkefni í
Indónesíu og Costa Rica
„ÍSLENSKA ráðgjafarfyrirtækið
„Ice-Fish-Co“ hefur að undanfornu
átt í viðræðum við aðila á Costa Rica
varðandi útgerð á íslenskum skipum
þar um slóðir, en fyrirtækið er nú að
hasla sér völl á alþjóðavettvangi
með ráðgjöf og aðtoð um hvaðeina
er lítur að sjávarútvegi og útgerð.
Auk þessa verkefnis á Costa Rica er
fyrirtækið aðili að norrænu sjávar-
útvegsverkefni í Indónesíu.
Ingimar Hansson, fram-
kvæmdastjóri Rekstrarstofunnar,
sem er aðili að hinu nýstofnaða
íslenska ráðgjafarfyrirtæki „Ice-
Fish-Co“, sagði í samtali við blm.
Mbl. að fulltrúar fyrirtækisins
hefðu átt viðræður við aðila á
Costa Rica og kannað ýmis atriði
varðandi þennan rekstur, svo sem
skattamál og fjárhagsliði ýmiss
konar auk þess sem markaðsmál í
Bandaríkjunum voru könnuð.
Ingimar sagði, að reiknað væri
með að fulltrúar þessara aðila á
Costa Rica kæmu hingað til lands
í byrjun næsta árs til að kanna
aðstæður hér og kvaðst hann
vongóður um að samningar gætu
tekist um þetta verkefni.
Varðandi aðild „Ice-Fish-Co“ að
norræna sjávarútvegsverkefninu í
Indónesíu sagði Ingimar að hér
væri um að ræða afar viðamikið
verkefni, sem væri meðal annars
fólgið í að koma upp höfnum, skip-
um og aðstöðu fyrir fiskiflota með
því lokamarkmiði að setja þar á
stofn útgerð með innlendum aðil-
um. Aðalsvæðið sem haft er í huga
er eyjan Bali og nágrannaeyjarnar
Lombok og Sumbawa. Hér er um
að ræða samvinnu 8 norrænna
fyrirtækja með stuðningi Nor-
ræna verkefnasjóðsins i samvinnu
við Norræna fjárfestingarbank-
ann. í hlut hins íslenska fyrirtæk-
is kemur skipulagning á veiði-
tækni og vinnslutækni auk athug-
ana á markaðsmálum.
Magnús Þ. Torfa-
son forseti
Hæstaréttar
MAGNÚS Þ. Torfason hæstarétt-
ardómari hefur verið kjörinn for-
seti Hæstaréttar frá 1. janúar
1985 að telja til ársloka 1986. Sig-
urgeir Jónsson hæstaréttardómari
var kjörinn varaforseti til sama
tíma.
trésskemmtun
sunnudaginn 30. desember kl. 2—5
Öll fjölskyldan fer saman á jólaball.
Jólasveinarnir mæta ásamt Grýlu.
• Teiknimyndir,
limbókeppni og
húla-hopp og þeir
bestu fá verö-
laun.
• Jólasveinarnir
dansa í kringum
jólatréö meö
börnunum.
• Allir krakkar fá jolapoka.
• Bjarkirnar úr Hafnarfiröi
leika listir sínar.
• Verö kr. 225, fritt fyrir
fullorðna.
• Forsala aógöngumiöa er i
Broadway i dag kl. 11 —17,
simi 77500.
Veriö öll velkomin á
jólatrésskemmtun í
Broadway.