Morgunblaðið - 29.12.1984, Side 37
MORGUNBLADIÐ, LAUGARDAGUR 29. DESEMBER 1984
37
Á SKÍÐUM
í FRAKKLANDI
„Dalirnir
þrír“
Þó að ýmsum íslendingum þyki
snjórinn nægur hér heima á
veturna eru aðrir sem kjósa um-
hverfi og aðbúnað í fjarlægum
löndum ef á að bregða sér á skíði.
Undanfarin ár hafa margir
brugðið sér t.d. í Austurrísku alp-
ana og nú er nýverið búið að opna
landanum leið til frönsku alpanna.
Blm. hafði samband við einn úr
fyrstu formlegu hópferðinni þang-
að, Atla Vagnsson, og spurði
hvernig ferðin hefði verið og um
svæðið.
„Við vorum um fjörutíu á vegum
Úrvals sem fórum og fararstjórinn
okkar var Valdimar örnólfsson
sem flestir kannast nú við. Svæðið
sem kallast „Dalirnir þrír“ er
stærsta skíðasvæði heims suðvest-
an til í Ölpunum og eru dalirnir
samtengdir með lyftukerfi. Ég held
að óhætt sé að fullyrða að hópurinn
hafi notið ferðarinnar. Við dvöld-
um á stað sem heitir Val Thorens
og er á efsta hluta þessa svæðis í
2.300 m hæð. Nokkur hluti fólksins
tók sér skíðafrí einn dag og fór til
Lyon, næst stærstu borgar Frakk-
lands, og eins og sést á meðfylgj-
andi mynd heimsóttum við þá mat-
reiðslumeistarann Paul Bocuse á
meðan aðrir kusu heldur óperuna.
Það var engin lognmolla í kring-
um Valdimar fararstjóra og á
kvöldin að loknum skíðadegi þá var
stiginn dans og sungið í Kerlingar-
fjallastíl. Það var oft undrunar-
svipur á innfæddum yfir þrekinu
sem við íslendingarnir höfðum.“
Svipmyndir úr ferðinni
Á myndinni efst t.v. má m.a. sjá Björn Tryggvason að-
stoðarbankastjóra, Valgarð Briem hrl., Þóru Kristjáns-
dóttur forstöðumann Kjarvalsstaða og Valdimar Örnólfs-
son og frú, en hann var fararstjóri. Myndin við hliðina er
af matreiðslumeistaranum Paul Bocuse og sjá má í Ólaf
Egilsson ásamt fleira fólki. Meðal fólksins á myndinni
fyrir neðan er Inga I. Guðmundsdóttir landfræðingur,
Ármann Ármannsson forstjóri Ármannsfells og Ólafur
W. Stefánsson skrifstofustjóri í Dómsmálaráðuneytinu.
COSPER
— Ef þú dettur í sjóinn, pabbi, með hvaða strætisvagni á ég þá að
fara heim?
Nýja
húsið
hennar
Tinu
Tina Onaissis, milljónamær-
ingur, og franski maðurinn
hennar, Thierry Roussel, eignuð-
ust nýlega þessa villu í þorpinu
Gingins við Genfarvatnið í
Sviss. Húsið heitir „La Bois-
land“, hefur 18 herbergi og
stendur á 40 þús. fermetra lóð.
Það var áður í eigu fransks
skóframleiðanda, en hann vildi
selja í október. Omar Bongo, for-
seti Gabon í Afríku, hafði mik-
inn áhuga á húsinu og bauð 7
milljón sv. franka í það eða um
112 milljón ísl. kr. Bæjarfélagið í
Gingins kom í veg fyrir að hann
eignaðist húsið af því að íbúarn-
ir óttuðust að það þyrfti að gera
of miklar öryggisráðstafanir, ef
forsetinn eignaðist hús í hverf-
inu. Hann hafði þó boðist til að
gefa bæjarfélaginu lóðina sem
fylgir húsinu. — Tina Onassis á
einnig hús í St. Moritz í Sviss. Að
líkindum eignast hún sitt fyrsta
barn í öðru hvoru svissnesku
húsanna um áramótin.
Sprengjuleit í
Flugleiðaþotum
AÐ KVÖLDI jóladags var hringt til
varnarliðsins á Kenavíkurflugvelli og
tilkynnti karlmannsrödd að sprengju
hefði verið komið fyrir í þotu Flugleiða.
Tvær Boeing-þotur Flugleiða voru á
flugvellinum og var leit þegar hafin um
borð í þeim, en fyrirhugað var að þær
færu til Lundúna og Lúxemborgar. Leit
var gerð í farangri farþega, en jafn-
framt voru farþegar beönir að gangast
við töskum sínum. Allar töskur gengu
út nema ein og var hún opnuð en engin
sprengja var í henni.
Þótti ljóst að um gabb væri að
ræða og fóru flugvélarnar skömmu
síðar. Ekki hefur enn tekist að hafa
uppá þeim, sem tilkynnti um
sprengjuna, en grunur leikur á að
Randaríkjamaður hafi verið að
verki.
Þá fór fram vopnaleit t þotu frá
danska flugfélaginu Sterling, sem
millilenti á Keflavíkurflugvelli á leið
frá Kaupruannahöfn til Kanada.
Flugfreyja fann fimrn skot í sæti og
fór flugstjórinn fram á vopnaleit.
Leitað var í farangri farþega, en
engin skotvopn fundust. Líklegast er
taiið að öryggisvörður hafi skilið
skotin eftir í sætinu, en vélin hefur
að undanförnu verið í leiguflugi í
Afríkuríkinu Chad, en þar hefur
borgarastyrjöld geisað um langt
skeið.
FLUGELDAMARKAÐIR
HJÁLPARSVEITA SKÁTA
Sex bombur
og skothólkur
saman í pakka.
Prumur
sem segja sex.
*