Morgunblaðið - 03.03.1985, Blaðsíða 76

76
MORGUNBLAÐIÐ, SUNNUDAGUR 3. MARS 1985
Norður-Kórea:
Kafbátur fórst
meö allri áhöfn
WashinKton, 28. febníar. AP.
Bandaríkjamenn eru sannfærðir
um að kafbátur frá Norður-Kóreu
hafi farist með allri áhöfn í síðustu
viku á 100 metra dýpi undan strönd-
um N-Kóreu. Af hálfu Pentagon og
leyniþjónustunnar er varist allra
frétta um atvikið. Samkvæmt skipa-
bók Jane's eiga Norður-Kóreumenn
19 gamla kafbáta, 15 kínverska kaf-
báta af Rómeó-gerð og fjóra sovézka
af Whiskey-gerð, en báðar tegund-
irnar hafa jafnan um 54 manna
áhöfn.
Heimildarmaður úr varnar-
málaráðuneytinu, sem aðeins
féllst á að veita upplýsingar gegn
nafnleynd, segir kafbátinn hafa
sokkið 20. febrúar sl. Skip frá
Norður-Kóreu og Sovétríkjunum
hefðu reynt að ná honum upp.
Enginn von væri til að áhöfnin
væri á lífi þar sem Norður-Kóreu-
menn ættu ekki kjarnorkukafbáta
og díselkafbátar hefðu ekki nægt
súrefni til svo langrar dvalar neð-
ansjávar.
Talsmaður Pentagon neitaði að
svara spurningum um þetta atvik
og heimildarmaðurinn kvaðst ekki
geta skýrt frá tegund kafbátsins
eða fjölda áhafnarmanna. Reynst
hefur ókleift að fá embættismenn
í Suður-Kóreu til að staðfesta
fréttina um kafbátinn, og her-
málasérfræðingur kóreska sendi-
ráðsins í Washington kvaðst ekki
geta rætt um atburðinn þar sem
hann hefði engin fyrirmæli fengið
þar að lútandi frá stjórnvöldum í
Seoul.
Sýning um
arkitektúr
í ÁSMUNDARSAL við Freyju-
götu stendur þessa dagana yfir
sýning, sem ber nafnið Árchitect-
ure and Renewal in USA. Sýning-
in fjallar, eins og nafnið bendir til,
um arkitektúr og endurbætur
gamalla bæjarhluta. Lýst er í máli
og myndum nokkrum viðfangsefn-
umn arkitekta i Bandaríkjunum,
m.a. endurskipulagningu íbúða-
hverfa í miðborgum, breytingu
verslunarhverfis í íbúðahverfi,
göngugötur, breytingu gamals
húss í tónlistarhöli o.fl.
Sýningin var sett saman um
mitt ár 1983 og hefur áður farið til
Póllands, V-Þýskalands, Tyrk-
lands, Kýpur og Grikklands.
Sýningin er opin frá 2.—14.
mars virka daga frá kl 10.00 til
21.00, laugardaga og sunnudaga
frá kl. 14.00 til 21.00.
Grænland:
Verkfalli
hjúkrunar-
fólks afstýrt
Kaupmannahöfn, 27. febrúar. Frá Grænlandæ
fréttaritara MorgunblatVsin.s, Nils J. Rruun.
TEKIZT hefur að koma í veg fyrir
vinnudeilur innan grænlenzku heil-
brigðisþjónustunnar. Náðist sam-
komulag á síðustu stundu milli hins
opinbera annars vegar, það er lands-
stjórnarinnar og stjórnar sveitarfé-
laganna, og svo samtaka starfs-
manna heilbrigðisþjónustunnar hins
vegar.
Samið var um launahækkun upp
á 2 lA% en krafizt hafði verið 3%
hækkunar, eins og opinberir
starfsmenn höfðu fengið. Hið
opinbera hafði komið með tilboð
upp á 2%, þannig að með sam-
komulaginu var mætzt á miðri
leið.
Líbýumanni
sýnt tilræði
í Vínarborg
Vjnarborg, 28. febrúar. AP.
EZZEDDIN Ghadamsi, fyrrum
scndiherra Líbýu í Austurríki og
andstæðingur Khadafys Líbýuleið-
toga, var særður skotsári fyrir utan
heimili sitt í 19. hverfi Vínarborgar í
kvöld.
Skotið var á Ghadamsi úr bif-
reið á ferð og hæfðu hann tvær
kúlur, en fjögur tóm skothylki
fundust á árásarstaðnum. Var
honum ekið í skyndingu á nær-
liggjandi sjúkrahús, þar sem gerð
var skurðaðgerð til að fjarlægja
kúlurnar úr kviðarholi. Er hann
lífshættulega særður.
TEPPABÚÐIN
ER
FLUTT
AÐ
SUÐURLANDSBRAUT 26
Stózt og rúmgott húsnœði gerir okkur kleiít
að veita viðskiptavinum okkar enn betri þjón-
ustu en áður. Áhersla verður lögð á að hafa
á boðstólum teppi sem henta öllum, hvað
varðar verð og gœði. Milliliðalaus innflutn-
ingur, persónuleg ráðgjöf og góð þjónusta
tryggja hagstœð kaup.