Morgunblaðið - 30.10.1985, Blaðsíða 40
40
MORGUNBLAÐIÐ, MIÐVIKUDAGUR 30. OKTÓBER1985
Fri afmslishitíðinni i Laugum.
40 ára starfsafmæli
Laugaskóla í Dölum
Laugar í Dalasýslu.
Hvoli, Saurbie, 20. oktiber.
Laugardaginn 12. október sl. var
þess minnst á Laugum að á nýliðnu
vori var Laugaskóla í Dölum slitið
í 40. sinn. Af þessu tilefni var efnt
til hátíðarsamkomu í skólanum
þennan dag og sótti hana mikill
fjöldi fólks, líklega um eða yfir 400
manns. Margir eldri nemendur
skólans, kennarar og aðrir velunn-
arar auk heimafólks.
Samkoman hófst með því að
skólastjórinn, Guðjón Sigurðsson,
flutti ávarp og bauð gesti vel-
komna. Þá flutti skólanefndarfor-
maður, sr. Ingiberg J. Hannesson
ræðu og rakti sögu skólans í fjóra
áratugl og árnaði honum heilla í
framtíðarstörfum. Fyrrverandi
skólastjóri, Einar Kristjánsson og
sá er lengst hefur setið í því
embætti á Laugum og átti stærst-
an þátt í að móta þennan skóla,
flutti minningar sínar frá liðnum
starfsárum og kom víða við. Þá
flutti Snorri Þorsteinsson fræðslu-
stjóri ræðu og ræddi um gildi
skólastarfsins í nútíð og framtíð
og árnaði skólanum allra heilla í
framtíðarstörfum.
Þá flutti Þrúður Kristjánsdóttir
skólastjóri í Búðardal ávarp og
árnaði skólanum heilla og færði
honum að gjöf frá Búðardalsskóla
tvær myndir eftir Sigrúnu Eld-
járn, og lét þess getið að þessar
myndir skyldu ávallt vera saman
á vegg, og gæti það verið táknrænt
um gott samstarf og samvinnu
beggja skólanna.
Skólastjóri þakkaði og flutti
lokaorð, las heillaskeyti og skýrði
frá gjöfum, er skólanum höfðu
borist í tilefni afmælisins. Þar má
m.a. nefna að kennarar og starfs-
fólk skólans gáfu peningaupphæð
sem verja skal til píanókaupa fyrir
skólann. Einar Kristjánsson og
fjölskylda hans ætla að gefa skól-
anum trjáplöntur á vori komanda
til gróðursetningar á lóð skólans.
Þá fékk skólinn hina nýju ensk-
íslensku orðabók í minningu ólafs
Eggertssonar frá Kvennabrekku,
fyrrum nemanda í skólanum, frá
bekkjarsystkinum hans, en hann
lézt ungur að aldri í vinnuslysi.
Þá var stofnaður minningarsjóður
um Hallgrím Sæmundsson frá
Tungu, nemanda í skólanum, af
bekkjarsystkinum hans en hann
fórst í bílslysi fyrr á þesu ári.
Skal sjóðurinn vera til styrktar
félagsstörfum í skólanum í fram-
tíðinni. Þá bárust skólanum pen-
ingagjafir frá fyrrverandi nem-
endum og verða þeir fjármunir
væntanlega notaöir til aö koma
upp og efla tölvuvæðingu í skólan-
um og kennslu í þeim fræðum. Að
samkomu lokinni var öllum við-
stöddum boðið til kaffiveizlu í skól-
anum þar sem vel var veitt og
myndarlega svo miklum mann-
fjölda.
í tilefni afmælisins var komið
upp sýningu á göngum skólans,
sem unnin var af kennurum og
nemendum síðustu vikurnar og
sýndi þróunarsögu hans og starf í
gegnum tíðina, einkar smekklega
og skemmtilega af hendi leyst, auk
þess sem sýndur var tækjakostur
skólans, gamall og nýr, og var
gaman að sjá þá öru þróun sem
átt hefur sér stað í þeim efnum
Þarna hittust nemendur sem
e.t.v. höfðu ekki sést í mörg ár og
rifjuðu upp gömul kynni og sér-
staka ánægju vakti skuggamynda-
vél, sem sýndi stöðugt gamlar
myndir úr skólastarfinu og höfðu
gamlir nemendur augsýnilega
mikla ánægju af að rifja með þeim
hætti upp gamla daga og ánægju-
leg skólaár.
En víkjum nú örlítið að 40 ára
sögu skólans og aðdraganda þess
að skólinn reis á þessum stað. Um
það segir Einar Kristjánsson,
fyrrv. skólastjóri svo: „í júnímán-
uði vorið 1929 komu nokkrir menn
með handverkfæri og hestvagna
upp á grasbalann við Hvergilið á
Laugum. Það skyldi byrjað að taka
grunn að einni fyrstu yfirbyggðu
sundlaug landsins. Fyrst i stað
skyldi væntanlegt húsnæði vera
notað fyrir sundnám. En jafnhliða
var í hugum manna skólasetur á
staðnum. En fyrst og síðast skyldi
hin nýja sundlaug verða bauta-
steinn í minningu mesta sund-
manns sögualdar. Þannig hófst
mannvirkjagerð í almenningsþágu
að Laugum í Sælingsdal. Févana,
tvö hundruð manna hópur ung-
mennafélaganna í sýslunni réðist
í fyrsta byggingarmannvirki á
staðnum, sem eftir núgildandi
verðlagi myndi nema mörgum
milljónum króna.
Forystumenn Sælingsdalslaug-
ar dreymdi stóra drauma. Yfir-
byggð sundlaug var aðeins fyrsta
sporið í uppbyggingu hins heita
staðar. Svo skemmtilega vildi til
að maðurinn sem fyrstur bar fram
opinberlega hugmyndina um sund-
laug á Laugum, valdist sem verk-
stjóri við byggingu hennar. Það
var Guðbjörn Jakobsson frá Más-
keldu í Saurbæ.
Á útmánuðum árið 1910 þegar
Guðbjörn dvaldi sem vinnupiltur
í Gerði í Hvammssveit, bar hann
fyrstu manna fram tillögu um
byggingu sundlaugarinnar á ung-
mennafélagsfundi í Hvammi. Vildi
hann að laugin yrði byggð úr stein-
steypu. Þá var það að í fjörugum
og heitum umræðum um málið á
fundinum, varð einum fundar-
manna að orði: „Ef við eigum að
byggja sundlaug úr steypu, þá
getum við alveg eins byggt hana úr
gulli." Felst í setningunni mikil
lýsing á viðhorfi þess tíma til
steinsteypunnar, enda ekki að
undra meðan klakkurinn, kerran
og báturinn voru einu flutninga-
tæki landsins. En verkið var unnið
og sundlaugin var vígð í júnímán-
uði 1932.
Um 1940 bættist nýr og harla
framandi þáttur í starfsemi sund-
laugarhússins. Stríðsóttinn rak
foreldra í Reykjavík til að senda
börn sín til sumardvalar út um
landið. Laugar f Sælingsdal þótti
kjðrinn staður til þeirrar starf-
semi. Barnaheimili á vegum Rauða
kross íslands var rekið á Laugum
í átta sumur. Starfsemi þessi
krafðist meira húsrýmis en fyrir
var á staðnum. Rauði krossinn lét
þá byggja timburviðbyggingu við
sundlaugarhúsið. Timburviðbygg-
ing þessi varð svo eign ungmenna-
félaganna er starfsemi RKÍ hætti.
Aukið húsrými leiddi svo til þess
að fastur barnaskóli fyrir
Hvammshrepp tók til starfa 7.
desember 1944. Svo hafði þá í
fyrsta skipti skipast málum að nú
hófst barnakennsla í föstum
heimavistarskóla 1 sýslunni.
Haustið 1944 náðist samstaða
um þetta mál og átti báverandi
skólanefndarformaður, Agúst Júl-
íusson á Laugum þar stærsta þátt
að ásamt Þórleifi Bjarnasyni
námsstjóra. Þórleifur hafði þá á
héraðsmóti um sumarið á Laugum
hvatt mjög, í ræðu er hann flutti
á mótinu, til samstöðu um heima-
vistarskóla á staðnum. Fyrsti
skólastjórinn sem ráðinn var að
Laugaskóla var sr. Pétur T. Odds-
son, þá sóknarprestur í Hvammi.
Áhrifa frá fræðslulögunum er
sett voru 1946, þar sem sérstök
áherzla var lögð á sameiningu hér-
aða um skóla, fór nú meira að
gæta út um landið. Árið 1956 hóf
Hvammshreppur einn byggingu I.
áfanga núverandi skólahúsnæðis.
Árið 1958 gerðist svo Fellsstrand-
arhreppur aðili að skólanum og
átta árum seinna, 1%6, höfðu allir
hreppar sýslunnar, 9 að tölu,
sameinast um rekstur Laugaskóla.
Voru þá liðin 22 ár frá upphafi
skólahalds á staðnum en 56 ár frá
því sundlaugartillagan leit dagsins
ljós. Tími fótfestunnar í heildar-
samstarfi sýslunnar um skólamál
var runninn up. Draumar vordag-
anna í júnímánuði 1929 höfðu
ræzt.“
I gegnum tíðina hefur svo skóla-
húsnæðið aukist jafnt og þétt og
verður nú að teljast mjög gott svo
langt sem það nær, en enn er verið
að byggja á staðnum og nú er það
íþróttahús sem er í byggingu og
er það von okkar Dalamanna að
það komist í gagnið sem allra
fyrst.
Eðlilega hefur skólinn breyzt
mikið í þessa fjóra áratugi. Fyrsta
árið sem skólinn starfaði voru
nemendurnir 19 en á sl. ári voru
í skólanum 129 nemendur og fyrsta
árið var aðeins einn fastráðinn
kennari en á sl. ári störfuðu við
skólann níu kennarar með skóla-
stjóra auk stundakennara.
Skólastjórar hafa verið átta við
Laugaskóla frá byrjun, sr. Pétur
T. Oddsson í 1 ár, Þorsteinn Matt-
híasson í 1 ár, Jens Guðmundsson
í 1 ár, Ágúst Júlíusson í 3 ár, Einar
Kristjánsson í 23 ár, Cecil Har-
aldsson í 1 ár, Valur óskarsson í
5 ár og Guðjón Sigurðsson í sl. 6
ár.
Skólanefndarformenn hafa á
sama tíma verið þessir: Ágúst Júl-
íusson í 3 ár, sr. Pétur T. Oddsson
í 10 ár, Benedikt Gíslason í 9 ár
og sr. Ingiberg J. Hannesson sl.
19 ár.
Á Laugum starfar nú hinn hefð-
bundni grunnskóli og auk þess
framhaldsdeild er svarar til fyrsta
árs í fjölbrautaskólum. Þá hefur
verið starfrækt s.n. öldungadeild í
samvinnu við Búðardalsskóla og
skólasel yngstu barna 7—9 ára í
Saurbænum er nú á öðru starfsári
og hefur gefist afar vel. Þannig
er gengið til móts við kröfur tím-
ans og áfram skal stefnt til betri
menntunar og aukins þroska hinn-
ar ungu kynslóðar. Megi Lauga-
skóli verða það menntasetur fram-
vegis sem hingað til sem eflir
menntun og menningu Dalamanna
og stuðlar að festu og þróun byggð-
arinnar. JJH
raðauglýsingar — raðauglýsingar — raðauglýsingar \
bátar —* skip Fiskiskip Höfum verið beðnir aö bjóöa til leigu 87 tilkynningar |
Fiskiskip
Höfum veriö beðnir aö útvega til leigu 20—50
tonna bát til rækjuveiða. Leigutími ca. 1.
nóvembertil l.apríl 1986.
I
iU
SKIPASALA- SKIPALEICA,
JONAS HARALDSSON, LOCFR SIMI 29500
tonna bát. Leigutími til áramóta.
Einnig kemur til greina að selja kvóta báts-
ins sem er 100 tonn þorskur og 120 tonn
ufsi.
■liiliWrWm.,
SKIPASALA-SKIPALEICA,
KDNAS HARALDSSON, LÖGFR SIMI 2950D
1
Til eigenda smábáta
í Hafnarf jarðarhöfn
Þeir eigendur smábáta sem eru með báta sína
á floti í Hafnarfjarðarhöfn eru hér með áminnt-
ir um að taka þá á land fyrir veturinn.
Bátar sem eru á floti í höfninni eru þar á ábyrgö
eigenda.
Yfirhafnsögumaður.