Morgunblaðið - 15.03.1986, Blaðsíða 22

22 MQRGUNPLAÐIÐ, LAUGARDAGUR15. MARZ1986
Rækilega var sagt frá sjóstangaveiðimótinu hér á íslandi sl. haust í blaðinu Sea
Angler og það hefur haft sitt að segja í þeim vinsældum, sem sjó- og strandveiði
virðist ætla að njóta meðal Breta.
Afmovt 1,800 ib o 1 ftoit takon In two tíayo
rö£IV£dfiO'GCO.UiVIfí/£S___
THERE'S GOLF TO YOUfí LIKING
IN THE LANDS OF THE VIKING
í blaðinu Golf World, febrúarhefti, er kynning á golfvöllum á íslandi. Ekki lítil
auglýsing fyrir íslenzkt golf.
Búist við yfir 10 þúsund
Bretum til Islands í sumar
Margar nýjungar á döf inni hjá
Lundúnaskrifstofu Flugleiða
ÞAÐ VAR gott hljóð í starfsmönnum Flugleiða í London, þegar
blaðamaður var þar á ferð nýlega. Jóhann Sigurðsson forstöðumaður
Lundúnaskrifstofunnar sagði að fyrirspurnir um íslandsferðir hefðu
aldrei verið fleiri og pantanir væru með mesta móti. Taldi Jóhann
líklegt að árið í ár yrði metár, ef veðrið setur ekki strik í reikning-
inn. — Ég tel að í ár muni í fyrsta sinn i sögunni fleiri en 10 þúsund
Bretar leggja leið sína til íslands. Margt hefur hjálpast að við að
vekja athygli á íslandi. Jón Páll Sigmarsson og Hólmfríður Karls-
dóttir hafa slegið í gegn í sjónvarpi og haldnar hafa verið vel
heppnaðar kynningar á íslandi og náttúru landsins.
Sumarið 1985 olli okkur miklum
vonbrigðum, segir Jóhann. Það leit
vel út framan af og í lok júlí voru
farþegar frá Bretlandi til íslands
27% fleiri en á sama tíma árið áður.
En seinni hluti sumarsins var
hræðilegur. Sumarið í Bretlandi var
bæði kalt og vott og Bretar flykkt-
ust til sólarlanda í frí í stað þess
að fara norður til íslands. Ágúst
og september urðu því mjög lélegir
mánuðir hjá okkur. Og það bætti
ekki úr skák að fískeldissýning, sem
var í Laugardalshöll í september
hafði miklu minna aðdráttarafl en
við höfúm reiknað með.
Öll þau ár sem ég hef verið hér
í Englandi hef ég ekki fyrr upplifað
tvö votviðrasumur í röð. Það er
útilokað að fá þriðja rigningar-
sumarið í röð og því erum við bjart-
sýn á útkomuna í sumar. Fýrir-
spumir um ferðir til íslands, bæði
til okkar og ferðaskrifstofa sem
selja íslandsfeðrir ýta undir bjart-
sýnina, því þær hafa aldrei verið
fleiri. Það bendir margt til þess að
við seljum í fyrsta skipti meira en
10 þúsund ferðir héðan til íslands
íár.
Hvemig hefur kynningar-
starfinu verið háttað?
— Kynningarstarfíð er unnið á
margvíslegan hátt. Við auglýsum í
betri helgarblöðunum, t.d. Sunday
Times, Observer, og Sunday Tele-
graph. Magnús N. Magnússon, sem
er mjög þekktur og vinsæll hér í
Bretlandi eins og Islendingar vita
mætavel, kemur fram í auglýsing-
unum og hann kynnir náttúru
landsins og þá sérstaklega fuglalíf-
ið. Þess utan höfum við dreift 60
þúsund bæklingum til ferðaskrif-
stofa og fleiri aðila um allt Bretland
og þar skrifar Magnús formála. Þá
héldum við í janúar námskeið fyrir
starfsfólk ferðaskrifstofa í 11
helstu borgum Bretlands og komu
700 manns á námskeiðin. Við efnd-
um til verðlaunagetraunar meðal
þessa fólks og voru fyrstu verðlaun
Islandsferð fyrir tvo. Við fengum
feikna góðar undirtektir hjá ferða-
skrifstofufólkinu og vonumst til að
námskeiðin skili miklum og góðum
árangri. Loks má nefna að við
efndum til fyrirlestra í nokkrum
borgum um náttúru íslands og
fuglalífíð sérstaklega. Þeir voru
afar vel sóttir og gefa vonandi góð-
an árangur.
Miklir mögnleikar í
sjóstangaveiði
I fyrrahaust komu hingað
brezkir sjóstangaveiðimenn og
létu mjög vel af ferinni. Eru líkur
á að fleiri breskir sjóstangaveiði-
menn komi hingað til veiða?
— Já, það er rétt, sjóstangaveiði-
menn fóru til íslands í fyrrahaust
og veiddu 800 kíló á tveimur dögum
út af Reykjanesi. Þeir voru alveg í
sjöunda himni, enda aldrei kynnst
öðru eins. Ég bind miklar vonir við
að þetta verði upphafið að ferðum
sjóstangaveiðimanna og reyndar
svokallaðra strandveiðimanna til
íslands. Slíkar ferðir tíðkuðust f
nokkrum mæli eftir 1960 en lögðust
af, aðallega vegna þorskastriðanna
og vegna skorts á bátum. En nú
eru engar slíkar tálmanir fyrir
Jóhann Sigurðsson, forstöðu-
maður Flugleiðaskrifstofunnar í
London.
hendi, þorskastríðin gleymd og nóg
að hafa af bátum vegna kvótakerf-
isins.
Áformað er að halda sjóstanga-
veiði mót 18.—20. maí og mun
formaður bresku veiðimannanna
Peter Baler fara til íslands í apríl
til þess að undirbúa mótið. Hann
mun í leiðinni kenna ísslendingum
svokallaða strandveiði, en hún er í
því fólgin að kasta línu frá strönd,
t.d. frá bjargbrún allt að 200 metr-
um á haf út. Þetta er vinsælt sport
hér í Bretlandi en óþekkt heima á
íslandi en vafalaust fysir marga að
reyna það. Þeir sem hafa áhuga á
því að kynnast þessari íþrótt geta
snúið sér til Péturs Jóhannssonar
hjá Víkingaferðum í Keflavík.
Maður hefði nú seint trúað því að
Bretar gætu kennt íslendingum
eitthvað í fískveiðum en í strand-
veiðinni getum við af þeim lært.
Nú þegar hafa 40 manns bókað
sig á sjóstangaveiðimótið í maí og
við vonumst til að þeir verði 60—70
í allt. Þeir munu búa í verbúðum í
Keflavík, t.d. í Röstinni. Ég er mjög
hrifínn af því að geta notað ver-
búðirnar á dauðum tímum og gott
væri að heyra frá fleiri stöðum en
bara Keflavík, þar sem hægt væri
að halda sjóstangaveiðimót. Þar
þyrftu að vera fyrir hendi góð mið,
aðstaða til strandveiði, bátakostur
og gistiaðstaða í verbúðum. Þeir
sem hafa áhuga á samstarfí við
okkur um þessi mál eru beðnir að
hafa samband við okkur eða Vík-
ingaferðir. Þetta getur orið dijúg
tekjulind fyrir alla aðila, Flugleiðir,
bátaeigendur og eigendur verbúð-
anna.
Annar hópur, um 50 manns, fer
væntanlega til íslands 25. maí til
strandveiði á Reykjanesi, og mun
dvelja í eina viku. Þessi hópur hefur
hingað til farið til írlands til strand-
veiði og tekið þar þátt í 250 manna
móti, sem er hið stærsta sinnar
tegundar sem haldið er. Ef ferðin
til íslands tekst vel munu fleiri
Bretar fylgja í kjölfarið og ísland
gæti orðið ieiðandi land í strand-
veiði og mörg hundruð manns
komið hingað til slíkra veiða á ári
hveiju.
Nú hefur þér orðið tíðrætt um
Reykjanesið. Eru miklir mögu-
leikar þar í ferðamannaiðnaði?
— Já, ég tel að Suðumesin eigi
mikla möguleika á þessu sviði. í
Keflavík er einn besti golfvöllur
landsins, miklir möguleikar í hesta-
mennsku, um 200 fuglategundir,
sem vert er að skoða, Bláa lónið
og miklir möguleikar í sjóstanga-
veiði og strandveiði. Þá má ekki
gleyma nálægðinni við alþjóðaflug-
völlinn í Keflavík. Til þessa hefur
skortur á hótelum háð ferðamanna-
iðnaði á Suðumesjum en nú stendur
það allt til bóta. Hótel er risið við
Bláa lónið fyrir nokkrum ámm og
nú er verið að byggja hótel í Kefla-
vík og annað í Njarðvíkunum.
Artic Open,
ný golfkeppni
Þú minntist á golfvöll. Eru
einhver áform um að kynna
Bretum íslenzka golfvelli?
— Ég leik sjálfur golf og hef
lengi gengið með það í maganum
að kynna landið okkar fyrir golfá-
hugamönnum. Það eru margir
skemmtilegir golfvellir heima á Is-
landi og þeir vellir eru frábrugðnir
völlunum í Englandi, t.d. er lítið af
tijám við vellina. í febrúarblaðinu
af Golf World, sem er annað stærsta
golfblað í heimi, er kynning á völl-
um víða í heiminum, þar á meðal
íslenzkum völlum.
Nú hefur verið ákveðið að setja
upp golfmót á vellinum á Akureyri
uppúr miðjum júní, þegar sólin er
hæst á lofti og hægt að leika golf
allan sólarhringinn. Þetta mót á að
heita Artic Open. Ég geri mér vonir
um að mikiis metnir menn í golf-
heiminum verði meðal þátttakenda
og kynni þessi keppni svo vel að
þátttaka útlendinga verði þar hefð.
Ég tel talsvert mikla möguleika
fyrir hendi í golfinu, t.d. gætu
golfáhugamenn sem eru á ferð milli
Bandaríkjanna og Bretlands stopp-
að hér í einhveija daga og leikið
golf.
I sambandi við Artic Open golf-
mótið er boðið upp á vikuferð til
íslands. Farið er til íslands föstu-
daginn 27. júní og til Akureyrar
sama kvöldið. Á laugardag og
sunnudag fer Artic Open golfmótið
fram á golfvellinum á Akureyri. Á
mánudag er hægt að leika golf á
Akureyri og fara í skoðunarferðir.
Á þriðjudeginum verður farið til
Reykjavíkur og spilað golf í Grafar-
holti. Á miðvikudeginum fara þátt-
takendur til Keflavíkur og leika
golf á Leirunni og á fímmtudeginum
verður boðið upp á golf í Reykjavík.
Heim verður haldið föstudaginn 4.
júlí. Ég bind miklar vonir við þessa
ferð.
Ef við snúum okkur að nátt-
úruskoðendum. Hafa þeír sýnt
íslandi áhuga?
— Já, breskir náttúruunnendur
hafa lengi haft áhuga á íslandi
vegna serátæðrar náttúru landsins.
Upp á síðkastið höfum við reynt
að beina sjónum fuglaskoðara að
landinu og notið þar aðstoðar
Magnúsar Magnússonar, en hann
er forseti breskra fuglavemdunar-
manna, Royal Society for the
Protection of Birds. Við stóðum
fyrir sex fyrirlestrum um fuglalífíð
á íslandi og náttúru landsins dag-
ana 25. febrúar til 6. mars og í
mars er væntanleg bók, Iceland,
Natures Meeting Place eftir Mark
Garwardine. Það er Haraldur
Hamar sem gefur bókina út. Ég tel
líklegt að fjölmargir fuglaskoðarar
ferðist til íslands þegar varptíminn