Morgunblaðið - 07.03.1987, Blaðsíða 30
30
MORGUNBLAÐIÐ, LAUGARDAGUR 7. MARZ 1987
Landsfúndiir Sjálfstæðisflokksins
Ráðherrar Sjálfstæðisflokksins sitja fyrir svörum: Albert Guðmundsson, Sverrir Hermannsson, Þorsteinn Pálsson, Magnús L Sveinsson
fundarstjóri, Matthías Bjarnason og Ragnhildur Helgadóttir. Morgunblaðið/ói.K.M.
Fyrirspurnatími ráðherra á Landsfundi:
Þróun byggðamála veru-
legt áhyggjuefni fyrir-
spyrjenda og ráðherra
Formaður flokksins sagðist sjálfur ætla að gera
tillögur til þingflokks um næstu ráðherraefni
flokksins, ef hann hlýtur endurkjör
RÁÐHERRAR Sjálfstæðisflokks-
ins, allir nema Matthías Á.
Mathiesen utanríkisráðherra,
sem var við jarðarför Knuds
Frydenlunds i Noregi , svöruðu
í gær hátt í eitt hundrað fyrir-
spurnum frá á áttunda tug
landsfundarfulitrúa. Það kom
m.a. fram i svörunum, að for-
maður flokksins, Þorsteinn
Pálsson, hyggst sjálfur gera til-
lögur um næstu ráðherraefni
flokksins og leggja þann lista
fyrir þingflokk, ef hann gegnir
þá stöðu formanns. Lög um fæð-
ingarorlof og umferðarlög verða
afgreidd á þessu þingi. Ákveðinn
vilji er meðal ráðherranna um
hert viðurlög við sölu fíkniefna
og sagðist Sverrir Hermannsson
jafna því lögbroti við morð. End-
anlegrar ákvörðunar um, hvort
kísilmálmverksmiðja verður
reist við Reyðarfjörð verður tek-
in í lok maí eða byijun júní.
Engin ákvörðun hefur verið tek-
in um staðsetningu varaalþjóða-
flugvallar. Þorsteinn Pálsson
telur mikið upp úr því Ieggjandi
að flokkurinn hljóti ráðuneyti
sjávarútvegsmála, ef hann á að-
ild að ríkisstjórn eftir komandi
kosningar. Samgönguráðherra
Matthías Bjarnason sagði fráleitt
að selja Póst og síma einkaaðil-
um.
Landsfundurinn hófst, þegar nokk-
uð var liðið á tíunda tímann í
gærmorgun, en ráðherrarnir svöruðu
fyrirspumum, skriflegum og munn-
legum, fram til klukkan 12 á hádegi.
Fundarstjóri var Magnús L. Sveins-
son. Fulltrúar af landsbyggðinni voru
fjölmennir í hópi fyrirspyrjenda og
kom fram nokkur ótti við þróun
byggðamála í spurningum þeirra.
Hjörleifur Hringsson spurði m.a. um
skoðun ráðherra á „eignaupptöku þá,
sem landsbyggðarfólk yrði fyrir við
sölu eigna sinna". Þórarinn Þorvalds-
son sagði mjög mikla byggðaröskun
blasa við vegna flótta fólks til Faxa-
flóasvæðisins. Hildur Einarsdóttir
spurði hvort yfirskrift landsfundarins
„Á réttri leið“ ætti yfirleitt við hvað
varðar byggðamál.
Byggðamálin
meginverkef nið
I svari Þorsteins Pálsson kom m.a.
fram vegna ofangreindra fyrirspuma,
að það væri virkilega ástæða til að
hafa áhyggjur vegna byggðaþróunar-
innar. Þó væri yfírleitt næg atvinna
úti á landsbyggðinni, en huga þyrfti
að heilbrigðis- og samgöngumálum
til að tryggja byggð í dreifbýlinu.
Sverrir Hermannsson svaraði þeim
því til, að þetta væri eitt af megin-
verkefnum Sjálfstæðisflokksins á
næstunni. Matthías Bjamason tók í
sama streng, en Ragnhildur Helga-
dóttir sagði varðandi lágt íbúðarverð,
að það hlyti að verða til þess að ungt
fókk streymdi út á landsbyggðina þar
sem það gæti eignast ódýrt húsnæði.
Halldór Jónsson og Júlíus Antons-
son spurðu báðir um staðarval fyrir
varaalþjóðaflugvöll og annarri spum-
ingunni fylgdi, hvort fyrirhugað væri
að láta Atlantshafsbandalagið taka
þátt í kostnaði við byggingu slíks
flugvallar. Þorsteinn Pálsson sagði,
að engin ákvörðun lægi fyrir, en
rætt hefði verið um sex staði á
landinu í þessu sambandi. Hann kvað
engan hafa gert tillögu um, að Atl-
antshafsbandalagið tæki þátt í að
byggja slíkan flugvöll. Hrafnkell
Jonsson Eskifírði spurði, hvort Aust-
firðingar gætu afskrifað kísilmálm-
verksmiðju við Reyðarfjörð, þ.e. hvort
nokkrar líkur væru nú á, að hún verði
byggð. Iðnaðarráðherra, Albert Guð-
mundsson, svaraði því til, að nú færu
fram hagkvæmniskannanir og endan-
leg ákvörðun yrði tekin í lok maí eða
byrjun júní. Hann sagði ljóst, að hann
tæki ekki ákvörðun um verksmiðju-
bygginguna, ef ekki yrði sýnt fram
á hagkvæmni hennar.
Vægi atkvæða og búsetan
Reynir Hauksson spurði um jöfnun
atkvæðisréttar, hvort ekki væri orðið
tímabært að hver maður hlyti eitt
atkvæði. Matthías Bjamason svaraði
því játandi, slíkt væri tímabært, en
þá þyrfti um leið að jafna búsetuskil-
yrðin. Þorsteinn Pálsson sagðist líta
á það sem sjálfsögð mannréttindi en
samhliða þyrfti að jafna aðstöðumun
hvað varðar búsetu. Ragnhildur
Helgadóttir sagði aftur á móti, að
hún liti á það sem óskyld mál, vægi
atkvæðisréttar og búsetu manna.
Annað mál væri að hún sæi ekki
breytingar yrðu í bráðum hvelli, þetta
myndi smámjakast í rétta átt.
Það var Rögnvaldur Ólafsson sem
spurði formanninn, hvort hann hygð-
ist velja meðráðherra sína sjálfur
næst, í stað þess að þingflokkurinn
kysi þá. Þorsteinn svaraði því til, eins
og að framan greinir, að hann myndi,
ef hann yrði kjörinn formaður á ný,
leggja sinn ráðherralista fyrir þing-
flokkinn, eins og formenn flokksins
hefðu gert fram til ársins 1974. Hlaut
formaðurinn klapp fundarmanna fyr-
ir þetta svar.
Tómas Ingi Olrich og Theódór
Blöndal spurðu um þátt ríkisins í
endumýjun fískveiðiflotans og hvort
ekki væri unnt að koma nýsmíði físki-
skipaflotans inn í landið. Iðnaðarráð-
herra, Albert Guðmundssonm, svarði
því til, að hann hefði gert tillögu hér
að lútandi í ríkisstjóm, þ.e. að ein-
vörðungu yrði lánað til lagfæringar
skipa innanlands, en tillagan hefði
ekki hlotið fýlgi innan ríkisstjómar-
innar.
Vextir af viðskiptavíxlum
ekki eðlilegir
Mjög margir fundarmenn spurðu
um vaxta- og bankamál. Þórir F.
Kjartansson spurði, hvort eðlilegt
gæti talist að bankar tækju 30% vexti
af viðskiptavíxlum. Matthías Bjama-
son kvað nei við og sagðist gjaman
vilja fá sendar upplýsingar um ein-
stök mál af þessum toga. Ámi
Helgason spurði hver væri verðbólg-
an í dag, hveijar erlendar skuldir,
hvort þær hefðu hækkað eða lækkað
o.fl. í svari Þorsteins Pálssonar kom
m.a. fram, að verðbólgan er nú 10
af hundraði og að erlendar skuldir
fara lækkandi. Guttormur Einarsson
spurði ennfremur um vaxtamál, m.a.
um hver skil væru milli dráttarvaxta
og venjulegra vaxta. Matthías
Bjamason benti á í svari sínu, að
frumvarp til vaxtalaga kæmi fram á
Alþingi á næstu dögum, væntanlega
á mánudag. Hann sagði, að breyting-
ar á þessu sviði mættu aldrei verða
til þess, að menn högnuðust á því
að stofna til vanskila. Hólmgeiri Ein-
arssyni lék einnig hugur á að vita,
hvort ráðherrunum þætti rétt að al-
mennir vextir væru 30% á meðan
verðbólgan stæði í um 10 af hundr-
aði. Matthías svarði: „Ég verð að
svara þessu já og nei.“
„Er ekki stefna Sjálfstæðisflokks-
ins að fækka ríkisbönkunum?", spurði
Sverrir Leósson. Matthías Bjamason
sagði, að ef tekin hefði verið ákvörð-
un um lokun Utvegsbankans, hefði
um leið verið tokað á fjölmörg at-
vinnufyrirtæki á landsbyggðinni og
þar með hefði atvinnu fólks verið
hætta búin. Þorsteinn Pálsson sagði,
að reynt hefði verið til þrautar að
ná saman með einkabönkunum um
sameiningu við Útvegsbankann en
það ekki tekist.
Fráleitt að selja Póst og
síma
Amar Hákonarson spurði um
margt sem varðar íjarskipti og Póst
og síma, m.a. hvort réttlátt væri, að
Póstur og sími hefði söluumboð fyrir
símtæki á sama tíma og hann ætti
að vera eftirlitsaðili með síkum tækj-
um. Matthías Bjamason taldi full-
komlega eðlilegt að hann annaðist
það eftirlit, enda fyrirtækið deilda-
skipt. Þá sagði Matthías í svari við
fyrirspurn Þorsteins Gíslasonar að
fráleitt væri að selja Póst og síma
til einkaaðila. Fyrirtækið þyrfti að
koma fram á alþjóðavettvangi vegna
samskipta við umheiminn og fleira
tiltók hann sem mælti því í mót.
Áfengis- og fíkniefnamál voru
mönnum ennfremur hugleikin. Rúnar
Guðbjartsson spurði alla ráðherrana
álits á niðurstöðum nefndar, sem
nýverið hefur skilað áliti um áfengis-
varnarmál. Ragnhildur Helgadóttir
heilbrigðisráðherra sagði m.a., að hún
aðhylltist þá lausn í sölumálum, að
hafa létt vín ódýrari en sterk. Sverr-
ir sagðist ekki tilbúinn að lýsa yfir
skoðunum á einstökum atriðum úr
skýrslu nefndarinnar, en ljóst væri
að auka þyrfti forvamarstarf. Hið
sama sagði Matthías Bjamason og
Albert Guðmundsson sagðist fagna
öllum öfgalausum tillögum til lausn-
ar.
Dreif ing til barna og
unglinga jafngildi morði
Unnur Pálsdóttir spurði ráðherr-
ana álits á því að Hæstaréttur létti
dómi yfir fíkniefnasölum nýverið og
spurði hvað þeir hygðust gera í þess-
um málum. Ragnhildur Helgadóttir
sagðist hafa verið alin upp við að
deila ekki við dómarann, en hún hefði
frétt að unnt væri með ýmsum rann-
sóknum að átta sig á því hvar
vandann ætti eftir að bera niður og
þannig mætti koma í veg fyrir skað-
ann. Sverrir sagðist þeirrar skoðunar
að herða ætti viðurlögin stórlega og
kvaðst jafna dreifíngu eiturefna til
bama og unglinga við morð. Ragn-
hildur tók þá fram, að refsingar í dag
væru í samræmi við lög en það væri
alþingismannanna að þyngja viðurlög
með breytingum á lögum.
Albert sagðist sammála ráðherrun-
um um að þyngja þyrfti viðurlögin.
Ragnar Ingi Aðalsteinsson spurði um
afstöðu ríkisstjómarinnar til einkaað-
ila, sem sinna vildu meðferðarmálum,
t.d. varðandi eiturlyfjamál. Hvort hún
væri á því að styðja þessa aðila eða
færa slíkan rekstur yfír á ríkið. Ragn-
hildur svaraði og sagði að engin
breyting væri á stefnu ríkisstjórnar-
innar í þeim málum, hún myndi
styrkja einkaaðila til góðra mála hér
eftir sem hingað til.
Þess má geta að lokum, að spurn-
ingum um samningamál var svarað
á þá lund að ekkert væri unnt að
segja um viðbrögð, ef samningar t.d.
við kennara tækjumst ekki. Þetta
væru viðkvæm mál sem best væri
að ræða sem minnst um á þessu
stigi. Ráðherramir sögðu þó að engin
lagasetning væri í undirbúningni
hvað kjaramál opinberra starfsmanna
varðar.
Þorsteinn Pálsson sagði í svari við
fyrirspurn Einars Kjartanssonar o.fl,
að ekki væri ætlunin að gefa innflutn-
ing á landbúnaðarvörum fijálsan. Þá
lýst Matthías Bjamason sig andvígan
öllum höftum hvað varðar útflutning
fisks í gámum og kvað menn, sem
teldu sig boðbera frelsis í viðskiptum,
æpa hvað hæst á höft þegar eitthvað
bjátaði á. Hann sagðist lítið hrifínn
af því.
Dagskrá Landsfundur Sjálfstæðisflokksins:
Afgreiðsla slj óramálaályktuiiar
og kosningar á sunnudaginn
DAGSKRÁ Landsfundar Sjálf-
stæðisflokksins í dag, laugar-
dag, hefst klukkan 10.00
árdegis, en þá munu starfs-
hópar, sem eru 19 talsins, halda
áfram þar sem frá var horfið
í gær. Þá verða sameiginlegir
hádegisverðarfundir hvers
kjördæmis um sig. í Laugar-
dalshöll hefst fundur klukkan
14.30 og verða þá afgreiðslur
ályktana og almennar umræð-
ur.
Fundarstörf á sunnudag hefjast
klukkan 10.00 árdegis með um-
ræðum og afgreiðslu ályktana.
Klukkan 13.00 verður á dagskrá
afgreiðsla stjórnmálaályktunar og
klukkan 15.00 heijast kosningar
formanns, varaformanns og mið-
stjórnarmanna. Landsfundinum
lýkur síðan með kvöldfagnaði í
Laugardalshöll og hefst fagnaður-
inn klukkan 20.00.