Morgunblaðið - 13.09.1991, Blaðsíða 15

MORGUNBLAÐIÐ FÖSTUDAGUR 13. SEPTEMBER 1991
15
Fulltrúar úr afmælisnefnd Félags íslenskra leikara. Frá vinstri: Sig-
ríður Gröndal, Guðrún Alfreðsdóttir, Anna Sigríður Einarsdóttir,
Theodór Júliusson og Þóra Friðriksdóttir.
Félag íslenskra leikara 50 ára:
Opið hús í til-
efni afmælisins
I tilefni af 50 ára afmæli Félags íslenskra leikara verður opið hús
í Þjóðleikhúsinu, Borgarleikhúsinu og l\já Leikfélagi Akureyrar á
laugardaginn. Gestum verður boðið að skoða húsin, fylgjast með
þeirri starfsemi sem þar fer fram og þiggja kaffiveitingar. Sjálfur
afmælisdagurinn er 22. september. Þá munu félagsmenn halda upp
á afmælið með lokaðri skemmtun í Borgarleikhúsinu. Aðgangur að
opna húsinu á laugardaginn er ókeypis og öllum fijáls meðan hús-
rúm leyfir.
I Borgarleikhúsinu verður opið
hús milli kl. 10.30 og 16.00. Gestum
er boðið að fylgjast með æfingu á
Dúfnaveislunni eftir Halldór Lax-
ness kl.ll en eftir kl. 13.30 verður
boðið upp á skoðanaferðir um leik-
húsið. Litið verður inn á æfíngu á
Þéttingu á litla sviðinu en í æfinga-
sal á 4. hæð verður sýning fyrir
yngstu kynslóðina. í forsal verður
tónlistarflutningur og kaffiveiting-
ar í matsal á 3. hæð.
I Þjóðleikhúsinu er fólki boðið
að fylgjast með lokaæfingu á barna-
leikritinu Búkollu kl. 13. Ástæða
er til að geta þess að miðar á sýn-
inguna, sem er á stóra sviðinu,
verða afhentir í miðasölu frá kl. 13
á föstudaginn 13. september og
milli kl. 12 og 13 á sýningardag-
inn. Frá kl. 15 er gestum boðið í
skoðunarferð um húsið. Þá verða
ýmsar uppákomur á víð og dreif
um húsið. Kaffiveitingar verða í
Þjóðleikhúskjallaranum. Húsinu
verður lokað kl.18.
Hjá Leikfélagi Akureyrar verður
opin æfing á leikritinu Stálblómum
milli kl. 13 og 15 en á eftir leikur
Valgeir Skagfjörð sönglög úr jóla-
söngleik leikfélagsins, Tjútt og
trega, í andyri hússins. Á meðan
verður hægt að rölta um leikhúsið.
Kaffiveitingar verða í Borgarsal.
Sérstök afmælisnefnd var skipuð
til þess að undirbúa afmæli Félags
íslenskra leikara. Á kynningarfundi
um afmælið sagði Ánna Sigríður
Einarsdóttir, formaður nefndarinn-
ar, að allir ættu að geta fundið eitt-
hvað við sitt hæfí á opna deginum.
Hún sagði að afar gott samstarf
hefði tekist með félaginu og for-
svarsmönnum leikhúsanna um af-
mælið en fram kom að félagsmenn
tækju sér frí á laugardaginn og
gæfu vinnu sína við opna húsið.
Félag íslenskra leikara var stofn-
að í Reykjavík 22. september 1941
og var fyrsti formaður þess Þor-
steinn Ö. Stephensen leikari. Nú
eru félagar 292. Þar af eru leikarar
218, söngvarar 36, listdansarar 19
og leikmynda- og búningateiknarar
19. Félagið á aðild að Bandalagi
íslenskra listamanna og fulltrúa í
Leiklistarráði, Leiklistarsamband-
inu, Þjóðleikhúsráði og skólanefnd
Leiklistarskóla íslands. Þá er Félag
íslenskra leikara aðili að Norræna
leiklistarráðinu, Alþjóðasamtökum
leikara og Alþjóða leikhúsmála-
stofnuninni.
Gefið verður út sérstakt afmælis-
rit í tilefni afmælisins. Þar verður
meðal annars ágrip af sögu félags-
ins, viðtöl og fleira efni. Afmælisrit-
ið kemur væntanlega út snemma á
næsta ári. Guðrún Alfreðsdóttir er
formaður Félags íslenskra leikara.
Sýnir í Hafnarborg
ALDA Ármanna Sveinsdóttir
sýnir málverk og vatnslitamynd-
ir í kaffistofu Hafnarborgar,
menningar- og listastofnunar
Hafnarfjarðar, dagana 14. til 29.
september.
Alda Ármanna sækir efnivið sinn
beint í manneskjuna sjálfa á mynd-
unum á þessari sýningu. Flestar
myndanna eru af konum þó að karl-
ar komi einnig við sögu. Myndirnar
eru málaðar á síðustu tólf mánuð-
um.
Alda Ármanna fæddist á Norð-
firði 2. apríl 1936. Hún stundaði
nám við Myndlistarskólann í
Reykjavík 1954 og var virkur þátt-
takandi í Myndlistarfélagi Nes-
kaupstaðar á árunum 1965 til 1972.
Árið 1984 lauk Alda Ármanna stúd-
entsprófi frá Menntaskólanum við
Hamrahlíð og lokaprófi úr kennara-
deild Myndlista- og handíðaskóla
íslands 1987. Síðastliðinn vetur
lagði Alda Ármanna stund á nám
í lokaáfanga í olíumálun í Myndlist-
askóla Reykjavíkur.
Sýningin í Hafnarborg er 8.
einkasýning Öldu Ármönnu. Auk
Eitt verka Öldu Ármönnu.
þess hefur hún tekið þátt í nokkrum
samsýningum og unnið mikið að
sýningum og kynningum á list fatl-
aðra, meðal annars setti hún upp
sýninguna Úr hugarheimi í Lista-
safni ASÍ árið 1990.
Eftirtaldir opinberir aðilar eiga
verk eftir Öldu Ármönnu: List-
skreytingasjóður Ríkisins, Reykja-
vikurborg, Neskaupstaður, Olafs-
víkurkaupstaður og Vestmanna-
eyjabær.
Það er peningur
i Egils gieril
Allar glerflöskur frá ÖlgerÓinni eru
margnota með IO króna skilagjaldi.
Ekki henda verðmœtum, taktu tómt Egils gler meðferðis
þegar þú endurnýjar Egils birgðirnar í ncestu verslunar-
eða sjoþþuferð.
Það er drjúgur peningur!
Aftur og aftur og aftur!
YDDA F5./64 SlA