Morgunblaðið - 27.06.1992, Blaðsíða 45
MORGUNBLAÐIÐ LAUGARDAGUR 27. JÚNÍ 1992
45
Munið - björgunarvesti fyrir alla bátsveija. Klæðist hlýj-
um fatnaði og góðum hlífðarfötum í áberandi lit. Ofhlaðið
ekki bátinn og jafnið þunganum rétt. Hreyfíð ykkur sem
minnst og sýnið sérstaka varúð, er skipta þarf um sæti.
LEIÐRÉTTINGAR
Frank var tekinn
af lífi
GLÖGGUR lesandi hafði samband
við Morgunblaðið og benti á að at-
riði í frétt sem birtist á miðvikudag
upp úr viðtali danska dagblaðsins
BT við nasistaveiðarann Simon
Wiesenthal stangaðist á við sögu-
legar staðreyndir. í viðtalinu var
haft eftir Wiesenthal að hann hefði
nýverið fundið á Kanaríeyjum Hans
Frank, yfirmann þýska hernáms-
liðsins í Póllandi. Væri hann kominn
á tíræðisaldur og yrði vart dreginn
fyrir dóm úr þessu. Lesandinn benti
á að Hans Frank hefði verið dæmd-
ur í Niimberg-réttarhöldunum eftir
stríð og síðan tekinn af lífi. Morgun-
blaðið hafði samband við blaða-
mann BT sem tók viðtalið og full-
yrti hann að rétt væri eftir Wiesent-
hal haft. Ekki hefur náðst í Wies-
enthal sjálfan.
Hínn Tælands-
farinn
Morgunblaðinu hefur verið bent á,
að maðurinn, sem handtekinn var
í söluturni við Rauðarárstíg í fyrra-
dag og getið var í frétt á bls. 4 í
blaðinu í gær, og hafði áður komið
við sögu þegar hann fór ásamt
tveimur öðrum í ferð til Tælands
sem greitt var fýrir með falsaðri
ávísun, hafi ekki verið sá þeirra
þremenninga sem talinn er hafa
falsað ávísun fýrir farseðlakaupun-
um. Það mátti skilja af frétt blaðs-
ins um handtöku hans í fyrradag.
VELVAKANDI
KETTIR
Niggó, smágerð svört læða
með hvítar loppur og trýni, tapað-
ist frá Hörgsholti 9 í Hafnarfirði
21. júní. Vinsamlegast hringið í
síma 651245.
Tveir sjö vikna kassavandir
kettlingar af blönduðu angóra-
kyni fást gefins á góð heimili.
Upplýsingar í síma 27949.
Svört læða, Dimmalim, tapað-
ist sunnudaginn 21. júní í Þing-
holtunum. Hún var merkt með
nafni og símanúmeri. Vinsamleg-
ast hringið í síma 18692 ef hún
hefur komið fram.
Tvær sex mánaða læður sem
eru ekta síamskettir fást gefíns.
Mannelskar og vel aldar. Upplýs-
ingar gefur Ólafur í síma 26117.
Kötturinn Lúsífer tapaðist sl.
sunnudag frá Vatnsendabletti
27. Hann er geltur fressköttur,
tæplega tveggja ára gamall,
svartur með hvítan blett á trýni,
hvíta bringu og iappir og hvítan
rófubrodd. Hann var með hálsól
og tvær bjöllur en ekki merkis-
spjald. Vinsamlegast hafíð sam-
band við Hallveigu i heimasíma
673621 eða vinnusíma 19200 ef
hann hefur komið fram. Húsa-
og sumarbústaðaeigendur við
Elliðavatn eru beðnir að athuga
í geymslur og bílskúra.
Fimm kettlingar fást gefins.
Upplýsingar í síma 20267.
Tapast hefur grá læða, þriggja
eða fjögurra ára gömul, frá Háa-
leitisbraut 56. Hún var með rautt
hálsband sem var merkt. Þeir
sem geta gefíð upplýsingar um
hana eru beðnir að hringja í síma
31651.
HJÓL
Hjól af tegundinni Pro style
2000 var skilið eftir á leiksvæð-
inu við Kleifarsel fyrir skömmu.
Upplýsingar í síma 71137.
GLERAUGU
Gyllt karlmannsgleraugu töp-
uðust 3. apríl í Landsbankanum
við Austurstræti eða á leið þaðan
í íslandsban'ka við Lækjargötu.
Finnandi er vinsamlegst beðinn
að hringja í síma 679463.
Fundarlaunum heitið.
ÚR
Mánudaginn 1. júní tapaðist
kvengullúr með armbandi á
handavinnusýningu aldraðra í
Bólstaðahlíð 43 eða þar fyrir
framan. Finnandi er vinsamleg-
ast beðinn að hringja í Sigríði
Valdimarsdóttur í síma 15413.
HÁ SÖLULAUN
Ingibjörg Ottósdóttir, Sævar-
görðum 10 Reykjavík:
Ég er ósátt við hvað fasteigna-
salar taka mikið fyrir sína vinnu,
tvö prósent af andvirði seldrar
fasteignar. Þeir geta t.d. fengið
300 þúsund krónur fyrir að selja
eina íbúð í raðhúsi. Fyrir að
skreppa heim til fóks og meta
íbúð fá þeir 9.500 krónur en þar
er oftast um litla vinnu að ræða.
Fólk verður sjálft að greiða aug-
lýsingarnar og fasteignasalinn
skiptir sér ekkert af því hvort
kaupandi stendur í skilum eftir
að sala hefur farið fram. Miðað
við þá þjónustu sem fasteignasal-
ar veita finnst mér sölulaun
þeirra allt of há. Hver staðfestir
þessa háu taxta sem fasteigna-
salarnir hafa komið sér upp?
EITURLYFJA-
OG ÖLVUNAR-
AKSTUR
Fanný Halldórsdóttir:
Kvöldið 14. júní sl. var viðtal
við gatnamálastjóra í sjónvarpi.
Málið snerist um að fólk virti
ekki reglur um umferðarljós og
að of margir færu yfir á rauðu
ljósi. Mér kom í huga, að hér
þyrfti fleira að koma til, ef vel
ætti að fara í umferðinni t.d.
ætti að veita meira fé til lög-
gæslu svo lögreglan gæti kannað
ástand ökumanna.
Við vitum öll að vín er bölvald-
ur og að það fer ekki saman
áfengi og akstur. En að vita að
fólk sem neytir vímuefna er blint
og heymarlaust við stýri er al-
gjört víti. Þessum vágestum er
sífellt að fjölga og við getum
ekki lokað augunum fyrir því.
Mér finnst að við, skattborgarar
þessa lands, sem höfum um lang-
an tima verið skattpínd við að
greiða niður verðbólgu og margt
annað, getum hiklaust farið fram
á meiri fjárveitingar til löggæslu.
Ef hér er um að ræða peninga-
leysi þá mætti bara spara matar-
og drykkjuveislur yfírmanna
þessarar þjóðar og jafnvel utan-
landsferðir, en svona er enda-
laust hægt að telja upp í sam-
bandi við spamað. Við erum vön
skattpíningu en krefjumst þess
að fá þá löggæslu sem til þarf
til að uppræta þennan voðalega
eiturlyfjavágest sem nú virðist
ganga allt of langt. Þetta er ekki
hægt að sætta sig við.
N ýr sérrétta- m
■ matseðill l
í Hallargarðinum
Hiísi verslunar s
Súpur
Kraftmikil fiskisúpa
með glóðuðum brauðsnittum
Grœnmetssúpa
með basil og beikoni
Forréttir og fiskréttir
Humarkalar
að austurlenskum hœtti
lnnbakaðir sjávarréttir
í turni með paprikussósu
Laxapizza
með fersku grœnmeti
Hörpuskels lasagna
með camembert ostasósu
Grillsteikt hámeri á teini
með rauðvínssósu
S niglapokar
með hvítlaukssósu
Gufusoðnar rauðspretturúllur
með sveppamauki
Kjötréttir
Svartfuglsbringur
með humarsmjörsósu og grœnmetiskörfu
G lóðarsteiktu rlam bahryggsvöðvi
með hnetusmjörsósu
Nautalund með hvítlauk
og shallottulauk í rauðvínssósu
i
Eftirréttir
Gljáðar perur með hunangsís
Súkkulaðiterta
borin fram með þeyttum rjóma
Pistasíuís
með plómusósu
Sex rétta kvöldverður
Matreiðslumaður kvöldsins mælir með sex
rétta óvæntum málsverði. Minnst fyrir tvo.
Höfum sali tíl leigu fyrir 10-100 manns.
Hallargarðurinn
Húsi verslunar
BORÐAPANTANIR í SÍMA 678555
...alltafþegar
við erum vandlát