Morgunblaðið - 04.11.1993, Blaðsíða 23
MORGUNBLAÐIÐ FIMMTUDAGUR 4. NÓVEMBER 1993
23
Jan Timman.
Efasemd-
ir um tit-
il Karpovs
Jakarta. Reuter.
HOLLENSKI skákmeistarinn
Jan Timman, sem tapaði fyrir
Anatólíj Karpov í FIDE-
heimsmeistaraeinvíginu, seg-
ist hafa miklar efasemdir um
titilinn, sem Karpov vann til.
„Hann er einfaldlega ekki
besti skákmaðurinn,“ sagði
Timman á fréttamannafundi í
Jakarta í Indónesíu í gær.
„Garríj Kasparov hefur sýnt,
að hann er sá besti, hvort sem
er á mótum eða einvígjum.
Karpov er hins vegar opinber
heimsmeistari en ég veit ekki
hvað það þýðir,“ sagði Timman.
Karpov er nú annar í röð sterk-
ustu skákmanna á eftir Kasp-
arov en óvænt mótspyrna Tim-
mans í FIDE-einvíginu varð ekki
til að fjölga skákstigunum hans.
Bróðir
Ulvangs
drepinn?
Ósló. Reuter.
NORSKI skíðagöngumaðurinn
Vegard Ulvang, sem fékk þrenn
gullverðlaun á síðustu vetrar-
ólympíuleikum, kvaðst í gær telja
að bróðir hans, Ketil, hafi verið
drepinn en hann hvarf á dularfull-
an hátt í síðasta mánuði.
Ketil lagði upp í skokkferð í Norð-
ur Noregi 13. október. Nokkrir bíl-
stjórar sáu mann á hlaupum á vegin-
um um það leyti sem Ketil hvarf og
Vegard segir að einhver kynni að
hafa ekið á hann og orðið honum
að bana. Ökumaðurinn gæti hafa
falið líkið af ótta við refsingu.
fækkað í námavinnslu og samdrátt-
ur hefur orðið í landbúnaði vegna
alvarlegra þurrka.
Lýsingsstofninn innan landhelgi
Namibíu hefur stækkað verulega
frá því landið öðlaðist sjálfstæði
árið 1990. Stærð stofnsins er talin
um 810.000 tonn og búist er við
að veidd verði 120.000 tonn í ár,
en aðeins 80.000 í fyrra. Ennfrem-
ur er talið að sardínuveiðamar auk-
ist úr 90.000 tonnum frá því í fyrra
í 120.000 tonn í ár. Vinnsla sjávar-
afurða hefur aukist jafnt og þétt
og verðmæti afurðanna einnig. Til
að mynda eru nú 60% sardínuaflans
soðin niður í dósir, en aðeins 20%
fyrir nokkrum árum þegar stærstur
hluti aflans var notaður í mjöl.
íslendinganýlenda
25-30 íslendingar hafa búið_ í
Namibíu í tengslum við aðstoð ís-
lendinga við uppbyggingu sjávarút-
vegsins. Fimm íslendingar hafa
starfað á rannsóknarskipinu
Benguela; skipstjóri, tveir stýri-
menn og tveir vélstjórar. Þá hafa
tveir vísindamenn, sjávarlíffræðing-
ur og haffræðingur, starfað á veg-
um Þróunarsamvinnustofnunar Is-
lands í rannsóknastofnun í Swakop-
mund. Þróunarsamvinnustofnunin
hefur einnig lagt til kennara við
sjómannaskólann í Liideritz og
níundi Islendingurinn stjómar þró-
unaraðstoðinni.
Repúblikanar vinna sæti
borgarsljóra í New York
Boston. Frá Karli Blöndal, fréttaritara Morganblaðsins.
REPÚBLIKANAR fögnuðu ákaft í gær eftir að frambjóðendur
úr þeirra röðum báru sigur úr býtum í borgarstjórakosningum
í New York og ríkisstjórakosningum í New Jersey og Virginíu,
sem haldnar voru á þriðjudag. Viðbrögð úr herbúðum Bandaríkja-
forseta í gærmorgun voru á þann veg að úrslitin boðuðu ekki
illt fyrir demókrata heldur bæru vitni þeirri kröfu kjósenda um
breytingar, sem Bill Clinton reisti á framboð sitt.
Borgarstjórnarkosningar voru
haldnar víða um Bandaríkin á þriðju-
dag og víðast hvar héldu demókratar
velli, kosningarnar í New York, New
Jersey og Virginíu voru taldar skipta
mestu máli.
Giuliani í annarri tilraun
I New York vann Rudolph Giul-
iani nauman sigur yfir David Dink-
ins eftir harða kosningabaráttu, sem
bar svip af kynþáttafordómum.
Þetta var annað borgarstjórafram-
boð Giulianis, sem fyrir fjórum árum
tapaði naumlega fyrir svörtum
demókrata, David Dinkins. Nú tókst
Giuliani að snúa taflinu við og um
leið varð hann fyrsti repúblikaninn
síðan 1965 til að verða borgarstjóri
í New York. Sitjandi borgarstjóri í
New York hefur ekki tapað kosning-
um frá árinu 1933 þegar kjósendur
úthýstu Fiorello LaGuardia.
Dinkins stærði sig af því að vera
sameiningartákn þeirra kynþátta,
sem búa í New York. Giuliano gerði
lítið úr hæfni Dinkins og kvaðst
mundu taka harkalega á glæpum.
Svo fór að Giuliano fékk atkvæði
75 af hundraði hvítra kjósenda, en
Dinkins atkvæði 95 af hundraði
svartra kjósenda og stuðning þorra
kjósenda af suður-amerískum upp-
runa. Giuliani fékk 51 af hundraði
atkvæða, en Dinkins 49 af hundraði
og munaði aðeins tæpum 50 þúsund
atkvæðum á þeim.
„Fólkið hefur talað ... Styðjum
okkar næsta borgarstjóra," sagði
Dinkins í gærmorgun á meðan
stuðningsmenn hans umkringdu
hann og heimtuðu endurtalningu.
Repúblikanar ættu hins vegar að
hugsa sig um tvisvar áður en þeir
guma sig af sigrinum í New York.
Giuliano er lítill rebúlikani þegar
kemur að einstökum málaflokkum
og hans keppikefli í kosningabarátt-
unni var að laða til sín kjósendur,
sem alla jafna leggjast á sveif með
demókrötum.
Kjósendur fordæma
skattheimtu
Álíka mjótt á munum var í New
Jersey þar sem Christine Todd Whit-
man bar sigurorð af Jim Florio í
rikisstjórakosningum eftir að hafa
rekið lestina samkvæmt skoðana-
könnunum mestalla kosningabarátt-
una. Whitman fékk 50 af hundraði
atkvæða og Florio 48 af hundraði
og hefur sitjandi ríkisstjóri aldrei
áður tapað kosningum í New Jersey.
Whitman gerði eitt málefni að
aðalatriði og hamraði á því jafnt á
kosningafundum sem í viðtölum:
Skattahækkun Florios fyrir þremur
og hálfu ári. Þessi skattahækkun jók
tekjur ríkisins um 2,8 milljarða doll-
ara. Stjórnmálaskýrendur voru
margir þeirrar hyggju að yrði Florio
kápan úr því klæðinu að hækka
skatta svo um munaði væri það vís-
bending um að vindáttin hefði breyst
í hugum bandarískra kjósenda.
Þessi úrslit sýna hins vegar að
buddan ræður enn hugum kjósenda
og þegar grynnkar í henni taka kjós-
endur til sinna ráða. Aukin skatt-
heimta er kjósendum einfaldlega
ekki að skapi og ætti það að vera
Clinton umhugsunarefni i umbóta-
viðleitni sinni, hvort sem það er í
heilbrigðismálum eða viðureigninni
við _ fjárlagahallann.
Úrsíitin í New Jersey eru einnig
áfall fyrir slyngasta kosningaher-
fræðing demókrata. James Carville
þótti hafa sannað færni sína er hann
stjórnaði kosningabaráttu Clintons í
fyrra og leiddi hann til sigurs. Hon-
um tókst hins vegar ekki að hjálpa
Florio að halda forskoti sínu fram
að kosningum.
Repúblikanar sigruðu einnig í
Virginíu. George Allen batt þar enda
á 12 ára valdasetu demókrata og
fékk 58 af hundraði atkvæða, en
andstæðingur hans, Mary Sue Terry,
41 af hundraði. Núverandi ríkis-
stjóri, L. Douglas Wilder, mátti sam-
kvæmt lögum í Virginíu ekki bjóða
sig fram til endurkjörs.
Vinsældir forsetar smita út frá
sér í kosningum og að sama skapi
má segja að óvinsældir forsetar eitri
út frá sér. Þegar greiða skal at-
kvæði um málefni, sem eru óvinsæl
meðal kjósenda, þurfa þingmenn að
hafa fullvissu um að áhætta þeirra
sé ekki of mikil. Ef Clinton getur
ekki vegið upp á móti slíkri áhættu
gæti farið illa fyrir frumvörpum á
borð við fríverslunarsáttmálann við
Kanada og Mexíkó (NAFTA) sem
greidd verða atkvæði um um miðjan
þennan mánuð.
Úrslitin í þessum kosningum gætu
því dregið dilk á eftir sér.
Svíni úthýst
Víða voru önnur mál á kjörseðlin-
um. Kaliforníubúar felldu tillögu um
að allir foreldrar fengju afsláttar-
miða að andvirði 2.600 dollara til
að senda börn sín í ríkis- eða einka-
skóla. íbúar í Cincinnati og Lewi-
stone í Maine samþykktu að fella
úr gildi lög, sem banna að hommum
og lesbíum verði mismunað og í
Portsmouth í New Hampshire var
tillaga um réttindi homma og lesbía
felld.
Steininn tók þó úr í Piqua í Ohio
þar sem kjósendur höfnuðu því að
fjölskylda ein fengi áfram að hafa
svínið Roxanne sem gæludýr á heim-
ili sínu.
# LOWARA
JARÐUATNS-
DÆLUR
Gæðavara,
mikið úrval,
hagstætt verð,
örugg þjónusta.
= HÉÐINN =
VERSLUN
SELJAVEGI 2 SÍMI 91-624260
Þú svalar lestrarþörf dagsins
Raflagnaefni
IK
í miklu úrvali
RAFSOL
Skipholti 33
S.35600
Fagmenn
aöstoða
FERÐATILBOÐ í VIKU • FERÐATILBOÐ í VIKU % FERÐATILBOÐ í VIKU % FERÐATILBOÐ í VIKU
Háskólabolur barna
ÁAun lu. I.iI95T~
Ferðatilboð
Háskólabolur
með rennilás
Áðui IU.1.67T7
Ferðatilboð
Nú færðu ofangreindar vörur á einstöku ferðatilboði i viku, 4-1 I. nóv.
Lyftu þér nú upp og nýttu þér ferðatilboð í verslunum Hagkaups
í vikunni. Ef Hagkaup er ekki í byggðarlaginu þá er
hægt að notfæra sér þjónustu Póstverslunar
Hagkaups, grænt simanúmer 99 66 80.
Tilboðiö gildir á meðan birgðir endast
UKr
Háskólabolur
með reimum
_Áðu»u|«v*OTS;
Ferðatílboð
1.79.V
HAGKAUP
Taktu
Kuldaskór
-Áðui' lu. 1.8977-
Ferðatilboð
i im.-
Dömunærbuxur
með biúndu
■Áðni'lii
Ferðatilboð