Morgunblaðið - 06.12.1994, Blaðsíða 68

MORGUNBLAÐIÐ, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRl: HAFNARSTRÆTl 85
ÞRIÐJUDAGUR 6. DESEMBER 1994
VERÐ í LAUSASÖLU 125 KR. MEÐ VSK
Forsvarsmenn heilbrigðisstofnana
leita til landlæknis vegna verkfallsins
• •
Oryggi sjúklinga
stundum ótryggt
FORSVARSMENN nokkurra heilbrigðisstofnana telja að ekki sé í öllum
tilvikum hægt að tryggja öryggi sjúklinga og vistmanna eða veita þeim
lágmarksþjónustu með því starfsfólki sem er við störf á heilbrigðisstofnun-
um. Landlæknir hefur beint þeim tilmælum til fulltrúa sjúkraliða í undan-
þágunefndum að þeir tryggi að lágmarksþjónustu sé mætt á öllum stofnun-
um þar sem ákvörðun um starfsmannafjölda er borin undir nefnd.
Kristín Á. Guðmundsdóttir, for-
maður Sjúkraliðafélagsins, sagði að
félagið gæti ekki veitt rýmri undan-
þágur en hingað til hefðu verið veitt-
ar. Hún sagði að ábyrgðin í þessu
máli hvíldi ekki síður hjá ríkisvaldinu
og því væri eðlilegt að málið væri
einnig rætt við heilbrigðisráðherra
og ijármálaráðherra.
Fundur með ráðherra
í framhaldi af bréfi landlæknis
og viðræðum sem fram hafa farið
milli sjúkraliða og Ólafs Ólafssonar
landlæknis hefur Ólafur óskað eftir
fundi með heilbrigðisráðherra vegna
ástandsins sem skapast hefur á heil-
brigðisstofnunum í verkfalli sjúkra-
liða. Búist er vi.ð að að fundurinn
verði haldinn í dag.
Engir sjúkraliðar eru nú á vakt á
Landakoti, en sjúkraliðar hafa hafn-
að öllum undanþágubeiðnum. Krist-
ín sagði að sjúkraliðar væru ekki
að veita undanþágur til Landakots
á meðan hjúkrunarfræðingar gengju
í störf sjúkraliða og spítalinn væri
að ijölga skurðaðgerðum.
Rakel Valdimarsdóttir, hjúkrun-
arforstjóri á I,andakoti, sagði að
Sjúkraliðafélagið væri að refsa spít-
alanum fyrir að hjúkra sjúkum.
Samninganefndir ríkisins og
sjúkraliða komu saman til fundar í
gær. Enginn árangur varð á fund-
inum. Um 20 samningafundir hafa
verið haldnir í deiiunni frá því að
verkfallið hófst 10. nóvember.
■ Engir sjúkraliðar/4
Morgunblaðið/Kristinn
Snjórinn veldur erfiðleikum
SNJÓRINN vill gjarnan verða
ökumönnum til trafala, einkum
ef bílar eru illa búnir til aksturs
í snjó og hálku. Víða um borgina
mátti sjá menn í vandræðum, en
þessi litli snáði var á leiksvæði
barnaheimilisins við Hörðuvelli
í Hafnarfirði í gær og virtist sem
aðrir eiga í miklum erfiðleikum
með að komast áfram í snjónum.
Engu að síður finnst unga fólk-
inu gaman þegar snjórinn kem-
ur og er ekki á piltinum annað
að sjá en hann uni sér vel í leikn-
um.
Framkvæmdastj óri VSÍ um kröfu fiskvinnslufólks um aukið starfsöryggi
Yrði pólitísk ákvörðun
um að fækka störfum
ÞÓRARINN V. Þórarinsson, framkvæmdastjóri VSÍ, segir að verði orðið
við kröfu fiskverkafólks innan VMSÍ um að Alþingi endurskoði löggjöf til
að takmarka möguleika atvinnurekenda á að bregðast við hráefnisskorti
með því að senda verkafólk heim án launa jafngildi það pólitískri ákvörð-
un um að fækka atvinnutækifærum í landinu.
Slík lagasetning mundi fyrst og
fremst snerta smærri fískvinnslu-
fyrirtæki, sem byggi starfsemi á
afla krókabáta og afla keyptum á
markaði. Þau hafí ekki möguleika
á að tryggja stöðuga vinnu með
eigin hráefnisöflun.
„Einföld lagasetning sem bann-
ar þessum fyrirtækjum að halda
uppi vinnú þegar þau hafa vinnu
að bjóða skapar ekki störf heldur
pyðir þeim,“ sagði Þórarinn í sam-
tali við Morgunblaðið í gær. „Þar
með væri þetta vandamál að vísu
úr sögunni en ég held að það sé
ekki það sem við erum að leita
eftir."
í samhljóða samþykkt ráðstefnu
fískvinnslufólks innan VMSÍ um
helgina er þess krafist að Alþingi
breyti fyrir þingkosningar lögum
um rétt starfsfólks til uppsagnar-
frests þannig að fiskverkafólk njóti
sama starfsöryggis og aðrar
starfsstéttir í landinu.
Vandi smærri fyrirtækja
Þórarinn V. Þórarinsson segir að
það séu einkum smærri fyrirtæki í
sjávarútvegi sem hafí borið sig illa
yfir því að vera bundin af ákvæðum
um kauptryggingu. Möguleikar á
að tryggja hráefni til að halda uppi
stöðugri vinnslu hafi farið minnk-
andi síðustu misseri. Þau um það
bil 30 fyrirtæki, sem verki stærstan
hluta frystra afurða í landinu, hafí
hins vegar ekki átt í erfiðleikum
með að halda uppi fullri vinnslu
enda ráði þau jafnan yfír talsverð-
um veiðiheimildum og geti skipu-
lagt rekstur sinn miðað við heilsárs-
vinnslu.
„Þetta vandamál er ekki síður
vandamál verkendanna, sem eiga
hlut að máli, og vildu öðru fremur
halda uppi stöðugum rekstri allt
árið en hafa ekki átt þess kost
vegna samdráttar og samþjöppun-
ar veðiheimilda."
Morgunblaðið/Sig. Jóns.
11.000 lítrar í súginn
MJÓLKURBÍLL með 11 þúsund lítra af mjólk fór útaf Suðurlands-
vegi í Flóanum í gær mánudag, og valt á hliðina. Bílstjórinn var
fluttur á Sjúkrahús Suðurlands til skoðunar en meiðsli hans voru
ekki talin alvarleg. Mjólkin fór hins vegar til spillis.
Gunnar Helgi Hálfdanarson um greiðslukjör á hlutabréfum
Mun auka verðsveifiur
Skákmaður
hneig niður
Héldum að
hann væri
allur
LITHÁÍSKUR andstæðingur
Margeirs Péturssonar hné nið-
ur eftir rúmlega þriggja
klukkustunda skák í 5. umferð
Ólympíuskákmótsins í Moskvu
í gær. Skákmaðurinn Sulskins
var talinn úr lífshættu í gær.
Samið var um jafntefli á öllum
borðum eftir atburðinn.
„Hann hallaðist náfölur upp
að félaga sínum og valt svo í
gólfíð með korri og starandi
augnaráði. Við héldum að hann
væri allur. Margeir kallaði
strax á lækni. Mikið fjaðrafok
var í salnum og að lokum kom
læknirinn. Síðan var farið með
hann og klukkurnar voru settar
aftur af stað. En skákmennirn-
ir voru slegnir og þegar liðs-
stjóri Litháenana bauð jafntefli
á öllum borðum var því tekið,“
sagði Þráinn Guðmundsson far-
arstjóri Islendinganna.
Þráinn sagðist ekki vita til
að annað eins hafi gerst á
Ólympíuskákmóti.
■ Ólympíuskákmótið/51
FJÖGUR verðbréfafyrirtæki hafa
tekið upp á þeirri nýjung að bjóða
viðskiptavinum sínum að kaupa
hlutabréf á sérstökum afborg-
unarkjörum fyrir áramót. Gunnar
Helgi Hálfdanarson, forstjóri
Landsbréfa, segir að þar taki
menn tilneyddir þátt í þessum leik
og hann telur að áhrifin á hluta-
bréfamarkaðinn geti orðið nei-
kvæð.
Hann segir að lánskjörin séu
líkleg til þess að auka enn frekar
verðsveiflur á íslenska hlutabréfa-
markaðnum. „Það þarf afskaplega
lítið að gerast á þessum markaði
til þess að það hafi áhrif á verð.
Ef lánskjörin verða þess valdandi
að eftirspurnin fyrir áramót eykst
mun það valda verðhækkunum.
Það er síðan líklegt að verð lækki
aftur þegar þessari törn lýkur og
þannig getur fólk sem kaupir
hlutabréf þegar verðið er hátt
brennt sig á þessum viðskiptum."
■ Skandia og Landsbréf/16