Morgunblaðið - 17.04.1998, Blaðsíða 16

16 FÖSTUDAGUR 17. APRÍL 1998
MORGUNBLAÐIÐ
AKUREYRI
Morgunblaðið/Kristján
ÞÆR söfnuðu peningum og gáfu til söfnunar endurhæfíngarsundlaugar við Kristnesspítala, í neði i röð frá
vinstri, Eyrún, Sunna Brá, Lára, Þórný og Friðný, en í efri röð eru Sigríður, Júlía, Laufey, Sæunn og Anna
Kristfn. Með þeim eru Stefán Yngvason yfirlæknir sem tók við gjöfinni og Magnús Aðalbjörnsson, aðstoð-
arskólastjóri Brekkuskóla.
Boro Kapor
sýnir í Gamla
Lundi
BORO Kapor opnar myndlist-
arsýningu í Gamla Lundi við
Eiðsvöll á Akureyri á laugar-
dag, 18. apríl. Hann er fæddur
í Split í Króatíu og stundaði
nám í listaháskólanum í Za-
greb þaðan sem hann lauk
námi í listmálun og lagfæring-
um á gömlum listaverkum.
Hann stundaði einnig frekara
nám á þessu sviði á Italíu um
tveggja ára skeið.
Boro Kapor hefur unnið að
list sinni í tuttugu ár og haldið
sýningar í Króatíu, Austurríki,
Ítalíu, Þýskalandi og Hollandi.
Hann kom til íslands árið 1992
og hefur haldið tvær sýningar
hér á landi, í Keflavík og á
Vopnafirði. Hann hefur orðið
íyrir miklum áhrifum af lögum
Bjarkar Guðmundsdóttur og
því hvemig hún kynnir ís-
lenskt landslag. I framhaldi af
þeim hughrifum byrjaði hann
að mála íslenskar landslags-
myndir.
TIU ungar stúlkur sem efndu fyrir
nokkru til tónlistarmaraþons af-
hentu Stefáni Yngvasyni, yfirlækni
á Kristnesspítala, peninga að gjöf
en þeir renna í söfnunarsjóð vegna
byggingar endurhæfingarsund-
laugar.
Stúlkumar sem em í Brekku-
skóla utan ein í Lundarskóla léku
samtals í 36 klukkustundir á sal í
gagnfræðaskólahúsinu, en áður
höfðu þær safnað áheitum og safn-
að þannig 100 þúsund krónum.
Akváðu þær að gefa afraksturinn
á tvo staði. Á dögunum afhentu þær
Gáfu í
sundlaug-
arsjóð
forsvarsmönnum Tónlistarskólans á
Akureyri helming upphæðarinnar
sem rennur í Minningarsjóð Þor-
gerðar Eiríksdóttur sem ætlaður er
til að styrkja efnilega nemendur
skólans til framhaldsnáms.
Hinn helmingiirinn fer til upp-
byggingar sundlaugarinnar við
Kristnesspítala. Söfnunin hófst
haustið 1994 og hafa safnast 16,4
milljónir króna, en gert er ráð fyrir
að heildarkostnaður verði um 35
milljónir króna.
Stúlkurnar vildu umfram allt
styrkja góð málefni og var mikill
hugur í þeim að efna til tónlistar-
maraþons að ári, gera það að ár-
vissum viðburði og þá töldu þær
ekki úr vegi að fleiri myndu feta í
fótspor sín og leggja góðum mál-
um lið.
AÐALFUNDUR
Kaupféíags Eyfirðinga
verður haldinn í Alþýðuhúsinu á Akureyri
laugardaginn 18. apríl nk. og hefst kl. 10.00.
Dagskrá
1. Fundarsetning.
2. Rannsðkn kjörbréfa og kosning starfsmanna fundarins.
3. Skýrsla stjórnar.
4. Skýrsla kaupfélagsstjóra.
Reikningar félagsins.
Umsögn endurskoöenda.
Tillögur félagsstjórnar um ráðstöfun eftirstöðva o.fl.
5. Afgreiðsla reikninga og tillagna félagsstjórnar.
6. Skýrsla stjórnar Menningarsjóðs KEA.
7. Erindi deilda.
8. Þóknun stjórnar og endurskoðenda.
9. Samþykktarbreytingar.
Lögð verður fram tillaga um breytingu á heiti endurskoðenda
(félagskjörinna) í skoðunarmenn. Þá verður lagt til að þrjá
stjórnarmenn þurfi saman, í stað fjögurra, til að rita firma félagsins, í
samræmi við fækkun stjórnarmanna á síðasta aðalfundi.
10. Kosningar
Fimm menn í stjórn og þrír menn í varastjórn til eins árs í samræmi við
samþykktir félagsins.
Endurskoðandi til tveggja ára f stað Hilmars Daníelssonar, forstjóra.
Varaendurskoðandi til tveggja ára í stað Þórðar Stefánssonar,
skrifstofumanns.
Einn maður I stjórn Menningarsjóðs KEA til þriggja ára í stað Skúla
Jónassonar.
Tveir varamenn í stjórn Menningarsjóðs KEA í staö Hreins
Bernharðssonar og Unnar Hreiðarsdóttur.
Níu fulltrúar á aðalfund Sambands fsl. samvinnufélaga.
11. Önnur mál, sem heyra undir aðalfund skv. félagssamþykktum.
Stjórn Kaupfélags Eyfirðinga
Húsafriðunarmenn ræddu við
bæjarráð um Lækjargötu 6
Fallið frá
niðurrifí verði
húsið fært til
MEIRIHLUTI bæjarráðs Akur-
eyrar lagði til á fundi í gær að fallið
yrði frá niðurrifi hússins við Lækj-
argötu 6 í Innbæ Akureyrar að því
gefnu að unnt verði að færa það
vestar á lóðina og var tæknideild
bæjarins falið að kanna þann mögu-
leika.
Þorsteinn Gunnarsson formaður
húsafriðunarnefndar ríkisins og
Magnús Skúlason framkvæmda-
stjóri komu til viðræðna við bæjar-
ráð í gær um fyrirhuguð niðurrif
tveggja gamalla húsa, Lækjargötu
6 og Hafnarstrætis 103. Á síðasta
fundi bæjarstjórnar var samþykkt
að fresta ákvörðun um afdrif hús-
anna þar til forsvarsmenn bæjarins
hefðu rætt við húsafriðunarmenn,
en áður hafði bæjarstjórn samþykkt
að rífa umrædd hús. Húsið við
Lækjargötu 6 skemmdist í eldsvoða
í janúar síðastliðnum og komst það
þá í sviðsljósið.
Þeir Þorsteinn og Skúli gerðu
bæjarráði á fundinum grein fyrir
varðveislugildi hússins við Lækjar-
götu og lögðu þeir ríka áherslu á að
það yrði gert upp og varðveitt á
sínum stað. Var bæjarráð sammála
um að þiggja boð húsafriðunar-
nefndar ríkisins um uppmælingu
hússins. Ekki var gerð athugasemd
af hálfu húsafriðunarnefndarmanna
við niðurrif hússins við Hafnar-
stræti 103.
Áhersla á að húsið
verði gert upp
Tillaga meirihluta bæjarráðs er
sú að húsið verði ekki rifið verði
hægt að færa það vestar á lóðina,
en það stendur á horninu við Spít-
alaveg og þykir til trafala fyrir um-
ferð.
í bókun tveggja bæjarráðsmanna
kemur fram að þeir eru sammála
því að skoða möguleika á flutningi
hússins, en einnig leggja þeir til að
skipulagsnefnd bæjarins verði falið
að skoða möguleika á breytingu á
aðalskipulagi og umferðarmálum
þannig að húsið geti áfram staðið á
sínum stað.
„Benchmarking“
Leiðbeinendur: Dr. Guðfinna Bjarnadóttir,
sálfræðingur hjá LEAD Consulting í Banda-
ríkjunum og Vilhjálmur Kristjánsson stjórn-
unarfræðingur. Vilhjálmur og Guðfinna hafa
undanfarin ár starfað með íslenskum stofnunum
og fyrirtækjum og nýtt sér aðferðir samanburðar-
fræðinnar f þeim störfum.
Staðun Hótel Loftleiðir, Þingsalur 1.
Tími: Þriðjudagur 21. apríl 1998, kl. 9-13 eða kl. 14-18.
Inntak:
Þessi námstefna fjallar um samanburðarfræði (benchmarking) og varpar ljósi á hvernig hægt
er að ná fram og nýta gagnlegustu upplýsingar um fyrirmyndarrekstur. Lærið helstu hugtök í
samanburðarfræði og hvers vegna aðferðin reynist svo áhrifankt tæki á vinnustað nútímafyrirtækja
og stofnana.
Námstefnan höfðar til allra starfsmanna sem koma að sölu, framleiðslu
og þjónustu og er frábær undirbúningur í aukinni samkeppni á nýrri
öld. LEAD Consulting hefur fengið fyrirtækið The Benchmarking
Exchange, sem sérhæfir sig í miðlun samanburðarfræði á Vefnum,
til samstarfs við sig vegna þessarar námstefnu. Mun fyrirtækið bjóða
þeim sem sitja námstefnuna takmarkaða kynningaráskrift að heimasíðu
sinni sem er lykill að víðtækri þekkingu og upplýsingabrunni. Þess má
geta að mörg heimsþekkt fyrirtæki bæði úr opinbera og einka-
geiranum frá um 50 þjóðlöndum nýta sér markvisst þessa þjónustu
The Benchmarking Exchange.
Skráning og nánari upplýsingar
í síma 533 4567 og www.stjornun.is
Stjórpunarfélag
Islands
Vélsleðaferð
í Fjörður
og Flateyj-
ardal
FÉLAG vélsleðamanna í Eyja-
firði gengst fyrir vélsleðaferð á
morgun, laugardag, ef veður
leyfir. Ekið verður um Flateyj-
ardal og Fjörður undir öruggri
leiðsögn kunnugra. Ferðin er
öllum opin og án endurgjalds.
Flateyjardalur og Fjörður
eru sannkallað draumaland
vélsleðafólks. Þessar eyði-
byggðir á skaganum milli
Eyjafjarðar og Skjálfanda eru
eitt snjóþyngsta svæði lands-
ins og þar geta allir fundið leið
við sitt hæfi. Leiðirnar verða
valdar með það fyrir augum að
þær henti jafnt vönu sem
óvönu vélsleðafólki.
Lagt verður af stað á sleð-
unum frá Þverá í Dalsmynni
kl. 13 á morgun og þarf ekki að
taka auka bensín með. Ferðin
tekur 4-6 klukkustundir, en
nánari upplýsingar gefur
Guðni Hermannsson.
Um aðra helgi, 25. og 26.
apríl, er fyrirhuguð ferð um
Tröllaskaga og verður farið frá
Olafsfirði undir leiðsögn Gott-
liebs Konráðssonar.
Barbara í
Borgarbíói
KVIKMYNDAKLÚBBUR
Akureyrar sýnir um helgina
dönsku myndina Barböru sem
hlotið hefur einróma lof gagn-
rýnenda bæði hér heima og í
útlöndum.
Myndin er byggð á sam-
nefndri skáldsögu .Jorgen-
Frantz Jacobsen og er gríp-
andi frásögn af ungri fær-
eyskri konu sem með ástríðu
sinni kveikir eld í hjörtum
karlmanna. Stórbrotin náttúra
Færeyja prýðir myndina, en
það er Barbara sjálf sem er
drifkrafturinn. Leikstjóri er
Nils Malmros.
Sýningar verða á sunnudag
19. apríl kl. 17 og á mánudag
kl. 18. Sýnt er í Borgarbíói.
Vorhrein-
gerning
ÁMUNDI Loftsson var í full-
um herklæðum við að hreinsa
málningu af steyptum skjól-
veggjurn við bensínstöðvar
Esso við Leirunesti á Akureyri
í gær en hann hafði öfluga há-
þrýstidælu við það verkefni.
Hafði hann á orði að víðar
þyrfti að gera vorhreingem-
ingar en fyrir sunnan.
Föstudagur 17. apríl
21.00 ►Níubíó - Lff mitt (MyLife)
Bob sem er dauðvona rekur líf sitt
með aðstoð myndbandstökuvélar fyr-
ir
ófætt barn sitt. Myndin á erindi við
alla sem velta fyrir sér spurningum
um líf og dauða, vonina og samskipt-
um við þá sem standa okkur næst.
Að-
alhlutverk: Michael Keaton og Nic-
oleKidman. 1993