Morgunblaðið - 16.12.1998, Page 6

6 MIÐVIKUDAGUR 16. DESEMBER 1998
MORGUNBLAÐIÐ
FRÉTTIR
Áfram gert ráð fyrir umferð um görnlu Hringbrautina eftir að hún verður færð
Skerðir
nýtingar-
möguleika
GERT er ráð fyrir því í samkomu-
lagi Reykjavíkurborgar og Ríkis-
spítala um flutning Hringbrautar
til suðurs að áfram verði leyfð um-
ferð um götuna þar sem hún liggur
nú, þ.e. að önnur akrein hennar
verði notuð áfram. Er ætlunin að
hún greiði leið inn á Landspítalalóð
og að strætisvagnar fari um hana.
Framkvæmdastjóm Ríkisspítala
telur að gatan skerði möguleika á
tengingu bygginga á Landspítala-
lóð ofan og neðan Hringbrautar.
Ingólfur Þórisson, aðstoðarfor-
stjóri Ríkisspítala, tjáði Morgun-
blaðinu að til að ná samkomulagi
við borgina um leyfi til fram-
kvæmda við nýjan bamaspítala
hefði framkvæmdastjórn Ríkisspít-
ala orðið að samþykkja umferðai--
götu þar sem Hringbraut liggur
nú. Sagði hann borgaryfírvöld hafa
viljað spyrða þetta við veitingu
byggingarleyfís.
I Púlsinum, fréttabréfi Ríkisspít-
ala, segir að stjórnendur og starfs-
menn spítalans megi ekki láta und-
an síga og verði að berjast gegn
þessari götu þegar að því komi að
leggja hana árin 2001 til 2002.
„Verði gatan lögð mun hún skerða
verulega möguleika á þróun Land-
spítala og tengingu bygginga neð-
an núverandi Hringbrautar við efri
hluta lóðarinnar. Ekki er ljóst á
hvern hátt á að leysa bílastæða-
vanda spítalans þegar Reykjavík-
urborg hefur tekið það landsvæði
sem nota átti til að leysa þann
bráða vanda,“ segir m.a. í Púlsin-
um.
Greiðari Ieið inn
á Landspítalalóð
Stefán Hennannsson borgar-
verkfræðingur segir að umferðar-
s\ v;.
ÚÚÚ 'r REYKJAVÍK
gata á sama stað og núverandi Hr-
ingbraut er sé m.a. hugsuð til að
leyfa umferð strætisvagna sem
þjóna myndu m.a. Landspítalanum
og gera aðgang að Landspítalalóð
greiðari úr austri en ætlunin væri
að einstefna væri á götunni til vest-
urs. Hann sagði götuna aðeins
verða tvær akreinar og forráða-
menn spítalans fengju að ráða því
hvort notuð yrði sú syðri eða
nyrðri.
Þá sagði hann mögulegt að
sveigja götuna eitthvað til ef það
mætti verða til að ná betri nýtingu
á bílastæðum. Stefán sagði umferð
um þessa götu verða margfalt
minni en um núverandi Hringbraut
eða kannski 5’ til 8 þúsund bíla á
dag. Um Hringbrautina fara nú um
50 þúsund bílar. Borgarverkfræð-
ingur benti og á að mjög mikil um-
ferð væri að og frá Landspítalan-
um og því yrði að gera ráð fyrir
góðum tengingum. Hámarkshrað-
ann sagði borgarverkfræðingur
verða 40 km á þessari götu.
Ekki liggja fyrir teikningar að
endanlegum frágangi götunnar en
gert er ráð fyrir að unnið verði að
þeim í tengslum við deiliskipulag
eigi síðar en á miðju næsta ári.
Vigdís
hiuttiií
stjórn IE
VIGDÍS Finnbogadóttir, fyrr-
um forseti Islands, hefur
ákveðið að ganga úr stjórn Is-
lenskrar erfðagreiningar frá
og með 1. janúar næstkomandi.
Var þetta ákveðið á stjórnar-
fundi fyrirtækisins 18. nóvem-
ber síðastliðinn.
Samkvæmt upplýsingum frá
Islenskri erfðagreiningu þykir
Vigdísi ekki fara saman að
sitja í stjórn IE og gegna for-
mennsku í nefnd á vegum
UNESCO, sem fjallar um sið-
fræði í vísindum og tækni, en
hún hefur tekið að sér for-
mennsku í þeirri nefnd. Nefnd-
in mun taka til starfa í aprfl á
næsta ári. Vigdís hefur setið í
stjórn IE frá upphafi og tók
þátt í að ýta fyrirtækinu úr
vör, samkvæmt upplýsingum
ÍE.
„Vigdís var mjög mikilvæg
fyrir starf íslenskrar erfða-
greiningai-. Strax í upphafí
lagði hún mjög mikla áherslu á |
siðfræði í því sem við fáumst
við og vakti af miklum krafti
yfir séríslenskum hagsmunum
og hagsmunum sjúklinga, segir
Kári Stefánsson, forstjóri ÍE.
Anægðir með snjóinn
FÉLAGARNIR Elvar og Aron
voru hæstánægðir með snjóinn
sem sett hefur niður á höfuð-
borgarsvæðinu síðustu daga og
renndu sér kátir niður brekku
við Fífuhvammsveg í Kópavogi
þegar ljósmyndari Morgun-
blaðsins átti Ieið þar um í gær.
HOLTAGARÐAR
OPIÐ I PAG KL«
10-22
Morgunblaðið/RAX
Samkeppnisstofnun svarar sjö kærum vegna auglýsinga LIU
Brjóta ekki í bága
við samkeppnislög
KÆRUM frá Samtökum um þjóð-
areign og Sigurgeiri Jónssyni í
Sandgerði til Samkeppnisstofnun-
ar vegna auglýsinga Landssam-
bands íslenzkra útvegsmanna, sem
birtust í Morgunblaðinu í septem-
ber, október og nóvember hefur
verið vísað frá. Telur stofnunin
auglýsingarnar ekki brjóta í bága
við samkeppnislög og mun því ekki
hafa af þeim frekari afskipti.
í erindi frá Samtökum um þjóð-
areign til Samkeppnisstofnunar 2.
nóvember er því haldið fram að
með auglýsingunum hafi LÍÚ
brotið gegn ákvæðum 20., 21. og
22. greinar samkeppnislaga. Þær
fjalla m.a. um góða viðskiptahætti,
að óheimilt sé að veita rangar,
ófullnægjandi eða villandi upplýs-
ingar, að þær skuli þannig úr garði
gerðar að ekki leiki vafi á að um
auglýsingar sé að ræða og að sýna
verði sérstaka varkámi vegna trú-
girni barna og unglinga.
I bréfi Sigurjóns Heiðarssonar,
lögfræðings Samkeppnisstofnun-
ar, til kæranda segir að LÍÚ hafi
ekki verið að auglýsa vöru eða
þjónustu, auglýsingarnar séu
gerðar í tilefni fræðsluátaks
tengdu ári hafsins og beri merki
upplýsingar og fræðslu. „Þó svo
að kvartandi telji fullyrðingarnar
sem fram koma í auglýsingunum
rangar er að mati Samkeppnis-
stofnunar ekki um að ræða skað-
leg áhrif í skilningi samkeppn-
islaga, neytendum eða keppinaut-
um til skaða,“ segir m.a. í bréfinu.
Þá er því einnig vísað á bug að
ekki sé auðvelt að átta sig á að um
auglýsingar sé að ræða og sömu-
leiðis er það niðurstaða lögfræð-
ingsins að ekki verði séð að aug-
lýsingarnar geti valdið skelfingu
hjá börnum né að þær sýni hættu-
legt fordæmi.
Sigurgeir Jónsson í Sandgerði
kærði vegna auglýsingar með titl-
inum „velkomin um borð“ og birt
var í nafni íslenskra útvegsmanna
sem hann telur villandi þar sem
ekki standi allir útvegsmenn að
henni. Fær Samkeppnisstofnun
ekki séð hvernig samkeppnislög
geti átt við í þessu tilviki, auglýs-
ingin sé ekki birt með viðskipta-
hagsmuni í huga heldur sem þátt-
ur í fræðsluátaki.