Morgunblaðið - 21.03.1999, Blaðsíða 18

18 SUNNUDAGUR 21. MARZ 1999
LISTIR
MORGUNBLAÐIÐ
Málað í þoku
^ Morgunblaðið/Golli
FÉLAGAR í Nemendaleikhúsi Leiklistarskóla fslands.
Nemendaleikhúsið æf-
ir nýtt íslenskt leikrit
MYJVPLIST
Gallerf Hornið
MÁLVERK
SESSELJA BJÖRNSDÓTTIR
Sýningin er opin frá 10-23
og stendur til 24. mars.
VIÐFANGSEFNI málara eru
misjöfn og mismunandi en fyrst og
fremst er málverkið þó alltaf rann-
sókn á eigin eðli, samhengi lita og
flata, forma, hlutfalla og línu. Hvort
sem málverkið er hlutbundið eða
óhlutbundið, fígúratíft eða afstrakt,
er fengist við sömu grunnþættina,
sömu eilífu viðfangsefnin. Málverk-
ið er hugsun
um þessa
hluti. Það er
ekki tjáning á
hugsun ef við
meinum með
því að hugs-
unin hafí í
einhverjum
skilningi ver-
ið til fyrst, áð-
ur en mál-
verkið var til.
Hugsunin er í
málverkinu
og verður til
þegar það er
málað.
Það sem
ræður síðan
mestu um upplifun okkar af mál-
verkinu er hvernig málaranum
tekst til við þessa rannsókn sína,
hvort í málverkinu er einhver hugs-
un, einhver hugmynd sem við fáum
greint og skilið og sem okkur finnst
einhverju varða. Með öðrum orðum
er það ábyrgðarhluti að mála mál-
verk, ekki síður en að staðhæfa
eitthvað með orðum. Líkt og orð
eru málverk dýr og vandmeðfarin.
Astæðan fyrir þessum hugrenn-
ingum er að á sýningu Sesselju
Björnsdóttur á Horninu virðist
vanta herslumuninn á að hugsun
verkanna gangi upp. Myndirnar
átta sem hún sýnir eru allar af-
straktverk, leikur með form, birtu
og liti. Málverkin virðast kvikna af
sjálfum sér og vera tilraun til að
skoða hvað orðið getur til af ein-
fóldum tilbrigðum við lit og fleti.
Slíkt er að sjálfsögðu gott og bless-
að; eins og að ofan var sagt eru
rannsóknir af því tagi einmitt höf-
uðviðfangsefni málverksins, sú
rannsókn sem málarinn helgar
vinnu sína. En hér er hugsunin of
almenn og þokukennd til að hún
skili sér á einhvem áhugaverðan
hátt til áhorfandans. Hugsuninni í
þessum verkum mætti kannski
helst líkja við orð nýaldarspekinga
eða dulhyggjumanna, hugtök sem
virðast þrungin merkingu og fela í
sér einhverja lausn, en em þegar
betur er að gáð bara innihaldslaust
orðagjálfur.
Að þessu sögðu verður þó að
bæta við að hér er ekki ætlunin að
dæma Sesselju og myndir hennar
alveg úr leik. Málverkin vitna um
gott vald hennar á ýmsum þáttum
málaralistarinnar og ekki síst um
einlægan áhuga á eðli og möguleik-
um málverksins. En ef vinna á úr
þeim möguleikum verk sem hafa
einhverju að miðla til áhorfandans
verður að taka á verkinu af meiri
festu og móta betur hugsunina sem
fer í úrvinnslu efnisins.
Jón Proppé
ÆFINGAR eru hafnar á Ioka-
verkefni Nemendaleikhússins.
Það er nýtt Ieikrit eftir Einar Örn
Gunnarsson, Krákuhöllin. Leik-
stjóri er Hilmir Snær Guðnason.
Leikmynd og búninga hannar Jór-
unn Ragnarsdóttir og lýsingu Eg-
ill Ingibergsson. Fyrirhugað er að
frumsýna í lok apríl.
I Nemendaleikhúsinu eru nem-
endur á lokaári Leiklistarskóla
íslands. Þeir eru Egill Heiðar
Anton Pálsson, Hinrik Hoe Har-
aldsson, Jóhanna Vigdís Arnar-
dótiir, Laufey Brá Jónsdóttir,
María Pálsdóttir, Nanna Kristín
Magnúsdóttir, Rúnar Freyr
Gíslason og Stefán Karl Stefáns-
son.
Krákuhöllin er lokaverkefni
Nemendaleikhússins í ár og jafn-
framt síðasta leiksýning sem sýnd
verður í Lindarbæ, leikhúsi Nem-
endaleikhússins til tuttugu og
fjögurra ára.
I febrúar lauk tökum á sjón-
varpsmyndinni Guð er til og ástin
eftir Illuga Jökulsson í leikstjórn
Hilmars Oddssonar. Um kvik-
myndatöku sá Ólafur Rögnvalds-
son. Myndin er samvinnuverkefni
Ríkissjónvarpsins og Leiklistar-
skóla íslands og verður sýnd í
Sjónvarpinu um páskana.
MYND nr. 6 „Á leiðinni upp“ eftir Sesselju Bjömsdóttur.
Jógaleikfimi fyrir konur
Kyrrð, friður, hlýlegt umhverfi, litlir
hópar. Engin jógakunnátta
nauðsynleg. Reyndur jógakennari.
Jógaleikfími í Mjódd.
Uppiýsingar í síma 587 7228 og 897 7225
ragnh@mmedia.is
RagnheiSur Oladóttir
Fyrirlestur um
hönnun á
Kjarvalsstöðum
BRESKI hönnuðurinn Michael
Young fjallar um verk sín í fyrir-
lestri sem haldinn verður á Kjarvals-
stöðum á morgun, mánudag kl. 22.
Young tekur þátt í sýningu á verk-
um þriggja hönnuða sem opnuð var
sl. fimmtudag en ásamt honum sýna
þeir Jasper Morrison og Marc New-
son.
Aðgangur er ókeypis.
xVIörkinni 3
sími 588 0640
man.-tos.
iau. 11-16
sun. 13-17
Árni Þórbergur
Þórarinsson Þórðarson
Nýjar bækur
Ævisaga séra
Arna endur-
útgefín
# ÆVISAGA Árna prófasts Þór-
arinssonar eftir Þórberg Þórðar-
son er endurútgefin í tilefni af því
að hinn 12. mars sl. voru 110 ár lið-
in frá því Þórbergur Þórðarson
fæddist.
„Ævisaga Árna prófasts Þórar-
inssonar eftir Þórberg Þórðarson
er ein helsta og frægasta ævisaga
íslenskra bókmennta og meðal höf-
uðrita Þórbergs. í þessari bók set-
ur hann sig í spor skrásetjarans og
lifir sig inn í viðburðaríka ævi hins
aldna prófasts, sem Þórbergur kall-
aði „síðasta fulltrúa íslenskrar frá-
sagnarsnilli“.
Séra Arni var faeddur árið 1860
og lést árið 1948. A ógleymanlegan
hátt nær Þórbergur, ofvitinn úr
Suðursveit, að skila minnisstæðum
frásögnum og leiftrandi gamansemi
séra Arna“, segir í fréttatilkynn-
ingu. Útgefandi er Mál og menn-
ing. Bókin er gefín útí þremur
bindum og kostar hvert þeirra
3.980 kr. Bækurnar eru unnar í
Prentsmiðjunni Odda hf.
Orðið er
laust í
London
London. Morgunblaðið.
ORÐIÐ er heitið á alþjóðlegri
bókmenntaviku, sem er hafín í
London og stendur til 28.
marz. Á sjöunda tug rithöf-
unda mun lesa upp úr verkum
sínum víðs vegar um London,
þar á meðal fimm nóbelsverð-
launahafar í bókmenntum og
fjöldinn allur annar mun koma
fram á rösklega 350 bók-
menntakynningum í bóka-
verzlunum, bókasöfnum, leik-
húsum, listamiðstöðvum,
klúbbum og kvikmyndahúsum.
Meðal rithöfundanna, sem
fram koma, eru Joseph Heller,
Germaine Greer, Michael
Moorcock, Doris Lessing,
Walter Mosley, Margaret
Atwood, John le Carré, Nadi-
ne Gordimer, Martin Amis,
Sue Townsend, Simon Armita-
ge, Terry Pratcherr og Ian
McEwan svo einhver nöfn séu
sett á blað.
Tríó Björns
Thoroddsen
og Egill
Olafsson í
Hafnarborg
TRÍÓ Björns Thoroddsen og
Egill Ólafsson koma fram á
tónleikum í Hafnarborg á
morgun, mánudag kl. 20.30, á
vegum verkefnisins Tónlist
fyrir alla. Með þeim tónleikum
er lokið tónleikasyrpu vorann-
arinnar í Hafnarfirði á vegum
verkefnisins. Þá hafa Tríó
Bjöms Thoroddsen og Egill
Ólafsson flutt grunnskólanem-
um dagskrá sem byggist á ís-
lenska þjóðlaginu Ljósið kem-
ur langt og mjótt og nefnist
Heimsreisa Höllu.
Söngsveit og
Senjorítur í
Hveragerðis-
kirkju
SÖNGSVEIT Hveragerðis og
Senjórítur Kvennakórs
Reykjavíkur halda tónleika í
Hveragerðiskirkju í dag,
sunnudag, kl. 17.
Stjórnandi Söngsveitar
Hveragerðis, Margrét S. Stef-
ánsdóttir, mun einnig syngja
eingöng á tónleikunum.
Stjórnandi Senjorítukórsins er
Rut Magnúsdóttir. Ástríður
Haraldsdóttir leikur á pínaó.
Á efnisskránni eru lög eftir
íslenska og erlenda höfunda.
Miðasala er við innganginn.
Málmblásara-
nemar í Há-
teigskirkju
MÁLMB LÁSARASVEIT
Tónlistarskólans í Reykjavík
heldur tónleika í Háteigskirkju
í dag sunnudag kl. 17. Einleik-
arar eru Guðmundur Vil-
hjálmsson básúnuleikari og
Toríi Þór Gunnarsson horna-
leikari. Stjórnandi er Einar
Jónsson.
Á efnisskrá eru verk eftir
Georg Friederieh Hándel,
Hoagiand Howard Carmich-
ael, Carl Theodorus Pachelbel,
Remo Giazotto og Tomas Al-
binoni.