Morgunblaðið - 24.03.1999, Blaðsíða 2

2 MIÐVIKUDAGUR 24. MARZ 1999
MQRGUNBLAÐIÐ
FRETTIR
Norrænt sjónvarpsefni verður í boði 1 Bandaríkjunum frá og með næsta hausti
Ríkissjónvarpið er aðili
að sjónvarpsstöðinni
RÍKISREKNU sjónvarpsstöðvarn-
ar á Norðurlöndum, í Danmörku,
Svíþjóð, Noregi, Finnlandi og ís-
landi, áætla að hefja útsendingar á
samnorrænu sjónvarpsefni í Banda-
ríkjunum 1. september næstkom-
andi. Sjónvarpsstöðin „Scandinavi-
an Channel“ mun einkum sjónvarpa
fréttum, fréttatengdu efni og dæg-
urmálum í áskriftarsjónvarpi sem
ekki síst er ætlað að ná til Banda-
ríkjamanna af norrænu ætterni.
Ríkissjónvarpið er meðal stofnenda.
Hugmyndin að fyrirtækinu mun
vera komin frá norskum einkaaðila
sem hafði áhuga á að ná til áhorf-
enda af norrænum uppruna. Sá aðili
mun hafa leitað til norrænu ríkis-
stöðvanna eftir samstarfi og verður,
ásamt Tele Nord (norska „landssim-
anum“ sem nú stendur til að samein-
ist þeim sænska), einn þein-a aðila
sem koma að sjónvarpsstöðinni.
Samkvæmt upplýsingum sem
fengust hjá Bjarna Guðmundssyni,
framkvæmdastjóra Sjónvarps, er
þessa dagana verið að ganga frá
lögformlegum hliðum samkomu-
lagsins. Ákveðið hafi verið að sjón-
varpsstöðvarnar útvegi 250 klukku-
stundir af efni á ári, nema Ríkis-
sjónvarpið, sem leggi fram 40
klukkustundir. „Sextíu prósent af
því efni sem stöðin mun senda út
eiga að koma frá þessum norrænu
stöðvum en fjörutíu prósent eru
annað efni,“ segir Bjarni.
Að sögn Bjarna mun meginhluti
þeirra 40 klukkustunda af efni sem
Ríkissjónvarpið útvegar verða með
enskum texta. „Efnið verður fyrst
og fremst fréttir, fréttatengt efni og
dægurmálaefni en síðan annað efni
eftir því sem sýningarréttur leyfir.
Reiknað er með að einhver hluti
efnisins, t.d. nýjustu fréttir eða
fréttaþættir, verði sýndur ótextað-
ur. Það gæti þannig orðið nokkurs
konar samtímaspegill af því sem er
að gerast hérna heima fyrir þá ís-
lendinga sem búsettir eru vestra."
RÚV fær hlutdeild í fyrirtækinu
Ekki hefur verið ákveðið með
hvaða hætti ótextaða efnið verður
framreitt en hugsanlegt að dag-
skrárþættir, eins og t.d. „Kastljós“,
verði sýndir í heilu lagi. Bjarni
áréttar þó að stærstur hluti efnisins
verði með enskum texta til að ná til
sem flestra.
„Scandinavian Channel" borgar
útlagðan kostnað Ríkissjónvarpsins
en fyrir sýningarréttinn fær Sjón-
varpið hlutdeild í fyrirtækinu.
„Þetta er áskriftarsjónvarp og áætl-
að er að það nái til um 30 þúsund
heimila í fyrstu umferð en þeim
fjölgi mjög hratt: Gert er ráð fyrir
að rásin nái til um 100 þúsund heim-
ila eftir 2—4 ár.“
En hver er ástæðan fyrir þátt-
töku Sjónvarps? „Þetta samræmist
að okkar mati hlutverki Sjónvarps-
ins; að koma íslenskri menningu og
viðhorfum á framfæri sem víðast. A
meðan útlagður kostnaður er
greiddur af „Scandinavian Chann-
el“ teljum við þetta mjög til góða.
Þetta er ein leið til þess að kynna
menningu og þjóð á erlendum vett-
vangi. Auk þess geta útsendingarnar
hjálpað væntanlegum áskrifendum
að halda íslenskunni við eða læra
hana; þeim gefst kostur á að lesa
enskan texta en hlýða á íslensku.“
Aðspurður hvort aðrir íslenskir
aðilar eða sjónvarpsstöðvar muni
hafa aðgang að áskriftarsjónvarp-
inu segir Bjarni það óútkljáð mál.
„Þetta atriði yrði rætt þegar ósk
þar að lútandi bærist."
Eldsvoðinn
í Galleríi Borg
Talið að um
íkveikju sé
að ræða
RANNSÓKN tæknirannsóknar-
deildar lögi’eglunnar í Reykjavík á
eldsupptökum í Galleríi Borg aðfara-
nótt 20. febrúar sl. hefur leitt í ljós
að flest bendir til íkveikju. Eiganda
íyrirtækisins og framkvæmdastjóra,
Pétri Þór Gunnarssyni, hefur verið
tilkynnt þessi niðurstaða samkvæmt
upplýsingum frá lögreglunni í
Reykjavík.
Ekkert viðvörunarkei’fi fór í gang
þegar í galleríinu kviknaði og fékk
slökkviliðið í Reykjavík fyrst vit-
neskju um brunann frá vegfarendum
sem áttu leið hjá. í samtali Morgun-
blaðsins við Pétur Þór eftir eldsvoð-
ann kvaðst hann telja að um 100
verk af 300 sem geymd voru í hús-
næðinu væru gjörónýt.
Niðurstaða lögreglu byggist á
talsvert viðamikilli rannsókn á brun-
anum og eldsupptökum. Málið verð-
m- rannsakað áfram og ekki unnt að
veita frekari upplýsingar um hvernig
rannsókninni miðai' til að spilla ekki
fyrir henni, samkvæmt upplýsingum
frá lögreglu.
Sævar Ciesielski ósáttur við höfnun
Hæstaréttar um endurupptöku
Vill að dómar-
ar víki sæti
HÆSTIRÉTTUR hefur hafnað
beiðni Sævars Ciesielskis um endur-
upptöku Geirfinns- og Guðmundar-
mála svokallaðra. Sævar hefur farið
fram á við Hæstarétt að óvilhallir að-
ilar fjalli um beiðni hans um endur-
upptöku.
Hæstiréttur hefur áður hafnað
beiðni Sævars um endurupptöku
málsins. Var það 15. júlí 1997 og
komst hann að samsvarandi niður-
stöðu. Sævar fór aftur fram á endur-
upptöku og nú neitar Hæstiréttur
henni á ný og segir ekkert nýtt hafa
komið fram sem geti leitt til þess að
málið verði tekið upp á ný.
í bréfi sem Sævar sendi Pétri Kr.
Hafstein, forseta Hæstaréttar, á
mánudag fer hann fram á að skipaðir
verði óvilhallir aðilar til að fjalla um
beiðnina og þeir sem ^jölluðu um
beiðnina nú víki sæti. „Ég get ekki
fallist á þau sjónarmið Hæstaréttar
að hafna skuli beiðni minni um end-
urupptöku í annað sinn. Hrafn
Bragason og Markús Sigurbjörnsson
ásamt þér fjölluðu um málið á sínum
tíma og eru þar af leiðandi vanhæfir
til að taka afstöðu til málsins,“ segir
meðal annars í bréfi Sævars til Pét-
urs Kr. Hafstein.
Sævar segir einnig að hann hafi
bent á ný atriði sem Hæstarétti beri
að taka tillit til.
■ Ekkert nýtt/12
Morgunblaðið/Kristján
^ Hr x i

, I\ j

A- " ^|
Islandsflug fær nýja þotu
ISLANDSFLUG hefur tekið á
leigu til tveggja ára aðra Boeing-
þotu og er hún af gerðinni 737-300
og verður notuð til skiptis í frakt-
og farþegaflug. Hefur verið samið
við DHL-hraðflutningafyrirtækið
um flutninga milli Suður-Frakk-
lands og Brussel fyrir þotuna.
Ómar Benediktsson, fram-
kvæmdastjóri íslandsflugs, tjáði
Morgunblaðinu að gengið hefði
vei'ið frá samningum um verkefnið
fyrir DHL virka daga. Væri nú
unnið að því að fá verkefni fyrir
þotuna út frá Brussel eða nálægum
borgum um helgar og þá helst í
farþegaflugi. Þrjár til fjórar flug-
áhafnir þarf á þotuna og kvaðst
Ómar gera ráð fyrir að bæði ís-
lenskir og erlendir flugmenn yrðu
ráðnir og hugsanlega nokkrir aðrir
starfsmenn til viðbótar.
Reka aðra þotu
Islandsflug rekur aðra þotu, B
737-200, í frakt- og farþegaflugi frá
íslandi. Flýgur hún virka daga frá
Keflavík til Brussel með viðkomu í
Englandi en er auk þess notuð í
farþegaflug. Þá rekur fyrirtækið
tvær ATR-vélar og kom önnur
þeirra til landsins í gær eftir verk-
efni í Noregi og Afríku frá áramót-
um. Hin hefur verið notuð í innan-
landsflugið og verða þær nú báðar
notaðar í innanlandsáætluninni. í
næstu viku byrjar Islandsflug að
fljúga til Grænlands fyrir Græn-
landsflug.
Framtíð Akureyr-
arvallar rædd
FRAMTÍÐ Akureyrarvallar var
rædd á fjölmennum borgarafundi
sem Útvai'p Norðurlands og út-
varpsstöðin Frostrásin efndu til í
Sjallanum í gærkvöldi, en sem
kunnugt er hafa Rúmfatalager-
inn og KEA Nettó sótt um að
byggja 12 þúsund fermetra versl-
unarhúsnæði á lóð vallarins.
Vinnuhópur á vegum skipulags-
nefndar bæjarins hefur málið til
umfjöllunar og íþrótta- og tóm-
stundaráði bæjarins hefur verið
falið að kanna hvað kostar að
reisa ný mannvirki verði völlur-
inn lagður niður. Gert er ráð fyr-
ir að niðurstaða í málinu fáist
innan skamms. Greinilegt var á
þeim fundarmönnum sem tjáðu
sig að um mikið tilfinningamál er
að ræða en skoðanir eru mjög
skiptar.

► VERIÐ í dag er að miklu leyti helgað alþjóðlegu
sjávarútvegssýningunni Boston Seafood, sem haldin var
í sfðustu viku. Nokkur íslenzk fyrirtæki voru á sýning-
unni og seldi eitt þeirra tæki fyrir 20 milljónir króna.
4^l»UíÍ
UJDUR
Tillögur um breytingar á
handboltaregium/C4
Skoskur leikmaður gengur
í raðir Víkinga/C1
Fylgstu
með
nýjustu
fréttum
www.mbl.is