Morgunblaðið - 14.05.2000, Blaðsíða 64

VlÐSKIPTAHUCBÚNAÐUR
Á HEiSVISMÆLIKVARÐA
NÝHERJI
S: 5697700
MORGUNBLAÐIÐ, KRINGLUNNl 1,103 REYKJAVÍK, SÍMI6691100, SÍMBRÉF6691181, PÓSTHÓLF3040,
ÁSKRIFT-AFGREIÐSLA 5691122, NETFANG: KIJSTJ@MB1.IS, AKUREYRI: KA UPVANGSSTRÆTI1
SUNNUDAGUR 14. MAÍ 2000
VERÐ í LAUSASÖLU150 KR. MEÐ VSK.
Sökk í vök þegar hann gekk
á pólinn í seinna skiptið
HARALDUR Örn Ólafsson, sem
fyrstur Islendinga náði á norður-
pólinn sl. miðvikudag, sökk í vök
þegar hann fór aftur á pólinn á
fimmtudag. Haraldur Örn segir
að vegna hvass mótvinds og mik-
ils ísreks hafi virst sem hann
gengi á færibandi. ísinn hafi
brotnað mikið og rekið til baka.
Hann segir norðurpólinn erfiðan
áfanga og þar gildi allt önnur
lögmál en á Grænlandsjökli og
suðurskautinu.
Haraldur Örn segir að þegar
hann hafi farið yfir stórar vakir
j*»fyrir tveimur eða þremur vikum
hafi þær verið frosnar og göngu-
færi gott en svo virðist sem sjór-
inn hafi hlýnað. Hann segir að ís-
inn hafi verið orðinn krapa-
kenndur og farinn að gefa eftir.
Gat kraflað sig
upp úr vökinni
„Þegar ég fór aftur á pólinn á
fimmtudag sökk ég og var þá
tæpast kominn í ferðinni. Ég
sökk á báðum fótum upp fyrir
ökkla og skíðin fóru í kaf. Ég var
j^að fara yfir frosna vök og allt
virtist í lagi, en ég hélt mér samt
uppi við þykka íshrauka. Þegar
ég sökk fór ég á sekúndubroti í
gegnum þetta ferli, lét mig falla
til hliðar því ég mátti ekki
spyrna niður.
Ég skall með andlitið á ís-
klumpi og náði að grípa utan um
jaka og gat kraflað mig upp.
Þetta var svo lúmskt. Isinn hafði
linast og síðan skafið yfir. Þetta
leit út eins og öruggur ís. Þetta
var það tæpasta sem ég lenti í,“
segir Haraldur Örn.
Morgunblaðið/Einar Falur
Haraldur Örn Ólafsson fagnar unnustu sinni, Unu Björk Ómarsdóttur, eftir að hún hljóp til hans út úr Twin Ott-
er-flugvélinni sem kom til að sækja hann á norðurpólinn á föstudagskvöld. í baksýn blaktir íslenski fáninn við
sleða og tjald Haralds. Una Björk sagði í samtali við Morgunblaðið á norðurpólnum í fyrrinótt, að það væri stór-
kostlegt að fá tækifæri til þess að taka þátt í þessu ævintýri.
Smáralind verður
tæknivædd
Sjálfvirk
mæling á
fjölda gesta
og veltu
SMÁRALIND, stóra verslunar-
miðstöðin sem verið er að byggja í
Smáranum í Kópavogi, verður há-
tæknivædd. Stjórnendur fyrirtæk-
isins hafa ávallt upplýsingar um
veltu allra verslana og fjölda við-
skiptavina í húsinu.
Gert er ráð fyrir að allir búðar-
kassarnir í húsinu verði tengdir
saman í einni miðlægri upplýsinga-
veitu, með sama hætti og þekkist í
nýjustu verslunarmiðstöðvum er-
lendis. Einnig verður sjálfvirk
talning á gestum inn og út úr hús-
inu og bílum inn og út af stæðum.
Stjórnendur verslunarmiðstöðvar-
innar hafa því nokkuð nákvæmar
upplýsingar um fjölda viðskipta-
vina og veltu á hverjum tíma og
þróunina frá einum tíma til ann-
ars.
Reiknað er með 5-6 milljónum
heimsókna í Smáralind á ári, en
það samsvarar því að hvert
mannsbarn á íslandi komi þangað
að meðaltali tuttugu sinnum á ári.
Netið
hagnýtt
Netið verður hagnýtt við versl-
un í Smáralind. Að sögn Pálma
Kristinssonar framkvæmdastjóra
er gert ráð fyrir uppsetningu full-
komins sjónvarpskerfis. Viðskipta-
vinirnir geti þannig skoðað sig um
1 búðunum með því að fara inn á
heimasíðu viðkomandi verslunar
og jafnvel valið sér vörur úr hill-
unum.
■ Risinn i Smáranum/10
'’Frumvarp um rafræna
undirskrift í haust
Frumvarp um lögleiðingu ólympískra
hnefaleika fellt með einu atkvæði
Viðhorf þing-
manna þvert
á flokkslínur
FRUMVARP um rafræna undir-
skrift er tilbúið og stendur til að
kynna það helstu hagsmunaaðilum
á næstu dögum. Gangi það eftir
ætti að vera unnt að leggja frum-
varpið fram á Alþingi í haust.
Upplýsingar um þetta fengust í
iðnaðar- og viðskiptaráðuneytinu,
en innan ráðuneytisins hefur um
^keið verið starfandi nefnd sem
unnið hefur að því að undirbúa
innleiðingu laga um þessi mál.
Tillaga að tilskipun um rafrænar
undirskriftir var sett fram af
framkvæmdastjórn Evrópusam-
bandsins í maí 1998 í því augna-
miði að setja niður lágmarksreglur
varðandi ábyrgð og öryggi. Einnig
er markmiðið að setja reglur sem
tryggja að rafrænar undirskriftir
njóti viðurkenningar að lögum í
löndum sambandsins. Tillagan var
síðar samþykkt og íslendingar eru
skuldbundnir til að taka hana upp
á grundvelli samningsins um hið
Evrópska efnahagssvæði.
Rafræn undirskrift er forsenda
þess að frekari þróun verði í átt til
rafrænnar stjórnsýslu hér á landi.
Hingað til hefur rafræn undir-
skrift ekki notið sömu stöðu að
lögum og hefðbundin undirskrift
og því hefur ekki verið hægt að
ganga endanlega frá eyðublöðum á
Netinu.
Færanlegar skrifstofur
bæjarfulltrúa í Hafnarfirði
Verkefnisstjórn um upplýsinga-
samfélagið hefur lagt til að stjórn-
völd geri rafræn viðskipti og raf-
ræna stjórnsýslu að fjórða
forgangsverkefni sínu við fram-
kvæmd stefnunnar um upplýsinga-
samfélagið.
í Hafnarfirði hefur verið hleypt
af stokkunum verkefni undir yfir-
skriftinni UTA - Upplýsingatækni
fyrir alla.
Á fundi bæjarráðs Hafnarfjarð-
ar á dögunum var samþykkt að all-
ir bæjarfulltrúar fengju útbúna
eigin skrifstofu með þráðlausri
tengingu inn í fundarherbergi bæj-
arstjórnar og bæjarráðs. I skrif-
stofunni, sem getur verið hvar sem
er, felst fullkomin fartölva, inn-
hringimótald og fleira sem þarf til
að tengjast stjórnsýslu bæjarins
hvaðan sem er.
■ Gagnvirk miðlun/22
ALÞINGISMENN felldu í gær-
morgun frumvarp um að lögleiða
ólympíska hnefaleika. Við aðra
umræðu um frumvarpið voru
greidd atkvæði um fyrstu grein
þess, sem gerir ráð fyrir að keppa
og sýna og kenna þessa íþrótt, og
var hún felld með 27 atkvæðum
gegn 26. Telst frumvarpið þar með
fallið.
Viðhorf til frumvarpsins - sem
Gunnar Birgisson, Sjálfstæðis-
flokki, lagði fram ásamt níu öðrum
þingmönnum - fóru ekki eftir
flokkslínum. Raunar klofnuðu allir
flokkar í málinu nema Vinstri-
hreyfingin - grænt framboð, en
allir þingmenn vinstrigrænna voru
á móti frumvarpinu.
Sextán sjálfstæðismenn
með tillögunni
Sextán þingmenn Sjálfstæðis-
flokks greiddu atkvæði með tillög-
unni í atkvæðagreiðslunni en sex á
móti, þrír þingmenn Framsóknar-
flokks voru með en sex á móti, sex
þingmenn Samfylkingar voru með
en átta á móti og tveir þingmenn
Frjálslynda flokksins stilltu sér
hvor í sitt hornið í þessum bar-
daga. Einn sat hjá við atkvæða-
greiðsluna, Guðni Ágústsson, land-
búnaðarráðherra og þingmaður
Framsóknarflokks.
Nefna má að ráðherrarnir Davíð
Oddsson, Geir H. Haarde, Árni M.
Mathiesen og Valgerður Sverris-
dóttir greiddu atkvæði með frum-
varpinu, en Valgerður var reyndar
einn af flutningsmönnum þess. Á
móti voru hins vegar ráðherrarnir
Halldór Ásgrímsson, Ingibjörg
Pálmadóttir, Páll Pétursson, Siv
Friðleifsdóttir og Sturla Böðvars-
son. Björn Bjarnason menntamála-
ráðherra hafði fjarvistarleyfi við
atkvæðagreiðsluna.