Morgunblaðið - 12.08.2000, Blaðsíða 1

182. TBL. 88. ÁRG.
LAUGARDAGUR 12. ÁGÚST 2000 PRENTSMIÐJA MORGUNBLAÐSINS
Palestmumenn
hvattir til aðgætni
Moskvu, Barcclona, Ósló, Hclsinki. AP, Reuters, AFP.
YASSER Arafat, leiðtogi Palestínu-
manna, sem hefur verið á ferðalagi
um Evrópu og Arabalönd á undan-
förnum dögum, ítrekaði í Helsinki í
gær að Palestínumenn myndu lýsa
einhliða yfir sjálfstæðu ríki Palestínu
þann 13. næsta mánaðar, þrátt fyrir
að sú ákvörðun mæti ekki fullum
stuðningi annarra ríkja. Utilokaði
hann þó ekki frekan samningavið-
ræður við ísraela. í ferð sinni til
Egyptalands og Sádi-Arabíu var
Arafat heitið stuðningi en önnur ríki
hafa hvatt til aðgætni og farið þess á
leit að Arafat frestaði sjálfstæðisyfir-
lýsingu og héldi frekari friðarviðræð-
ur við Israela.
A fundi sínum í gær með norskum
ráðamönnum var Arafat hvattur til
aðgætni. „Við styðjum rétt Palestínu-
manna til stofnunar sjálfstæðs ríkis
en best væri ef þeir gerðu það innan
ramma samningaferlisins,“ sagði
Thorbjöm Jagland, utanríkisráð-
herra Noregs, í gær. Fyrr um daginn
var Arafat í Moskvu og sögðu Rússar
þar Palestínumönnum að fara með
gát við stofnun sjálfstæðs ríkis. Varð
Arafat, eftir fund sinn með Vladímir
Pútín, forseta Rússlands, og ígor ív-
anov utanríkisráðherra, að láta sér
nægja loforð Rússa um að þeir
myndu beita áhrifum sínum til að
reyna að tryggja að heildstætt friðar-
samkomulag náist milli Palestínu-
manna og Israelsmanna.
„Rússar gætu vandræðalaust við-
urkennt sjálfstætt ríki Palestínu-
manna. En varðandi tímasetningu við
að lýsa yfir sjálfstæði teljum við að
taka verði þá ákvörðun með ýtrustu
gát,“ sagði Ivanov í Moskvu.
Shlomo Ben Ami, nýskipaður utan-
rflrisráðherra |sraels til bráðabirgða,
sagði í gær að Israelar væm um þess-
ar mundir að ræða við forystu Palest-
ínumanna um skipulagningu „stuttra
og afgerandi" friðarviðræðna. „Hvor-
ugur aðilinn getur leyft sér að ganga
ekki til samninga," sagði utanríkis-
ráðherrann og lagði áherslu á dag-
setninguna 13. september nk.
Helsti ásteytingarsteinninn í frið-
arumleitununum er framtíð Jerú-
salem og að mati stjórnmálaskýr-
enda kann lausn deilunnar að vera
fólgin í tfllögu á borð við þá sem páf-
inn hefur lagt fram, en hún felst í því
að borgin verði gerð að alþjóðlegu
svæði.
Þýzka farsímarásauppboðið
Boð komin yfir
2300 milljarða
BOÐ í hin eftirsóttu rekstrar-
leyfi á UMTS-farsímarásum í
Þýzkalandi fóru í gær, er ann-
arri viku uppboðsins lauk, yfir
63 milljarða marka, andvirði um
2.330 milljarða króna. Debitel,
eitt fyrirtækjanna sjö sem hófu
kapphlaupið, játaði sig sigrað í
gær og verður ekki með er upp-
boðið heldur áfram á mánudag-
inn. Kemur þetta fram á frétta-
vef dagblaðsins Die Welt.
Hæstbjóðandi er sem stendur
finnsk-spænska samsteypan G3,
sem býður sem svarar 588
milljörðum króna í þrjár af þeim
tólf rásum sem í boði eru. Þrjár
rásir þarf til að hægt sé að
tryggja endurvarp um allt
Þýzkaland þegar UMTS verður
tekið í notkun árið 2003. Það
mun leysa GSM-farsímakerfið
af hólmi.
Sérfróðir segja nú stefna í að
þegar upp verður staðið muni
enn meii'a skila sér í þýzka rík-
iskassann fyrir UMTS-rekstrar-
leyfin en í hliðstæðu uppboði
brezkra stjórnvalda fyrr á ár-
inu, en samtals var boðið sem
svarar yfir 2770 milljörðum
króna í brezku rekstrarleyfin.
Þýzki fjármálaráðherrann, Hans
Eichel, hefur heitið því að allt
sem uppboðið skilar verði notað
til að greiða upp skuldir ríkis-
sjóðs. Hann hafði áður lýst sig
ánægðan ef sala rekstrarleyf-
anna skilaði sem svarar rúmum
800 milljörðum króna.
Páfa-
gaukur
sektaður
Aþenu. Reuters.
GRÍSKUR lögregluþjónn í
borginni Patras var í gær full-
viss um að páfagaukur sem hélt
til á gangstétt í miðborginni
hindraði ferðir vegfarenda og
sektaði hann fuglinn snarlega.
Fagurfiðruðum sökudólgn-
um hafði verið komið íyrir íyrir
utan gæludýraverslun í borg-
inni og kvartaði eigandinn sár-
lega undan því að lögreglu-
þjónninn hefði látið bifreiðar,
sem lagt hafði verið ólöglega,
eiga sig. Var honum síðar tjáð
að laganna vörður hafi verið
gerður út gagngert til að sekta
fuglinn Coco. Gríska sjónvar-
pið sýndi í gær myndir af því er
eigandinn rétti Coco sektar-
miðann, sem var umsvifalaust
rifinn í tætlur.
Reuters
Frakkar kanna möguleika á að hamla aðgang að vefsíðum Yahoo!
Segja lög’sög'u franskra
dómstóla ná til Netsins
París. AFP, Kcuters.
FRANSKUR dómari skipaði í gær sérfræðingum
að rannsaka hvernig hægt sé að takmarka aðgang
franskra notenda Netsins að vefsíðum íyrirtækja
sem selja muni frá nasistatímanum, en síður þessar
hefur mátt nálgast í gegnum leitarþjónustu vefset-
ursins Yahoo!. Hafnaði dómarinn þar með megin-
rökum fyrirtækisins, sem voru á þá leið að það sem
kæmi fram á síðum Yahoo.com, sem ritaðar eru á
ensku, væri utan lögsögu franskra dómstóla.
Jean-Jacques Gomez sagði í úrskurði sínum að á
næstu tveimur mánuðum muni þrír sérfræðingar
kanna hvernig standa megi að því að hrinda í fram-
kvæmd þriggja mánaða gömlum úrskurði sem
kveður á um að Yahoo! beri að meina aðgang að
bandarískum vefsíðum sem bannaðar eru sam-
kvæmt frönskum lögum. Er þetta í annað sinn sem
Gomez dómari fer fram á aðstoð sérfræðinga í mál-
inu, sem höfðað er á hendur Yahoo! af samtökum
sem berjast gegn kynþáttafordómum. En jafn-
framt því hafnaði dómarinn kröfu sækjenda í mál-
inu um að fyrirtækinu bæri að greiða skaðabætur.
í málsvörn sinni hefur Yahoo! sagt að ekki sé til
staðar tækni sem geri frönskum stjómvöldum
kleift að hamla aðgang að vissum heimasíðum á
Netinu og í gær fagnaði Christophe Pecnard, lög-
maður fyrirtækisins, skipan sérfræðinganefndar-
innar. „Við munum starfa saman með sérfræðing-
unum með það fyrir augum að kanna hvort lausn sé
möguleg," sagði Pecnard við fréttamenn í gær.
Samtök baráttumanna gegn kynþáttafordómum
voru í gær vonsvikin með niðurstöðu dómarans og
hétu því að halda baráttunni gegn vefsíðum sem
auglýsa vaming sem rakinn er til nasismans til
streitu. Ef Yahoo! neitaði því að hindra aðgang að
vefsíðunum, „mun verða kominn tími til þess eftir
tvo mánuði að tala við [fyrirtækið] og segja því að í
Frakklandi eru það frönsk lög sem skipta máli, ekki
bandarísk lög,“ sagði Marc Knobel, einn ákærenda.
Dómsmálið gegn Yahoo! þykir hafa undirstrikað
erfiðleika þess að beita landslögum gegn svo hnatt-
rænu kerfi sem Netið er. Telja sérfræðingar að fyr-
irtæki er veiti Netþjónustu eigi erfitt með að hindra
aðgang að vefsíðum sem innihalda efni sem mis-
bjóði fólki, þar eð notendur geti alltaf fundið leiðir
utan um svokallaðar vefsíur.
Mikil flóð
á Indlandi
MILLJÓNIR þorpsbúa í norðaustur-
hluta Indlands og í Nepal og Bangla-
desh hafa þurft að yfirgefa heim-
kynni sín á undanfömum dögum
vegna gríðarlegra flóða á svæðinu.
Margir íbúar þorpa á Austur-
Indlandi eru innilokaðir vegna
vatnavaxtanna og hafa verið matar-
lausir lengi. Mikil hætta er á matar-
skorti og útbreiðslu smitsjúkdóma
og sendi Alþjóða Rauði krossinn
m.a. út hjálparbeiðni vegna flóðanna
í gær. Þessar konur stóðu fyrir utan
kaþólska kirkju í bænum Rangiya í
norðausturhluta Indlands í gær og
biðu þess að fá mat og hjálpargögn.
MORQUNBLAOW12. ÁGÚST 2000