Morgunblaðið - 29.10.2000, Blaðsíða 40

40 SUNNUDAGUR 29. OKTÓBER 2000
MINNINGAR
MORGUNBLAÐIÐ
+
Við sendum stjórn og starfsfólki Slysavarna-
félagsins Landsbjargar, starfsfólki heima-
hlyningar Karitas og þeim mörgu einstakling-
um, sem gáfu okkur styrk, hjartans þakkir fyrir
samúð og hluttekningu vegna andláts og út-
farar
ÓLAFS GUÐJÓNS ÁRSÆLSSONAR,
Brekkustíg 17,
Reykjavík.
Guð blessi ykkur öll.
Jónína J. Brunnan,
synir og fjölskyldur.
Innilegar þakkir sendum við öllum sem sýndu
okkur samúð við andlát og útför
SVEINS KRISTDÓRSSONAR
bakarameistara.
Sérstakar þakkir til Bakarameistarafélags
íslands, Starfsmannafélags Hofsstaðaskóla
og Gunnþjörns Steinarssonar.
Guð þlessi ykkur öll.
Aðstandendur.
SOFFÍA
GÍSLADÓTTIR
+ Soffía Gísladótt-
ir var fædd í
Suður-Nýjabæ,
Þykkvabæ, Rang.
25. september 1907.
Hún lést á Elliheim-
ilinu Grund í Rvk.
20. október síðast-
liðinn. Foreldrar
hennar voru hjónin
Guðrún Magnús-
dóttir, húsfreyja, f.
24.6. 1886, d. 17.1.
1979 og Gísli Gests-
son, bóndi, f. 8.9.
1878, d. 9.4. 1979,
Suður-Nýjabæ. For-
eldrar Guðrúnar voru Guðrún
Runólfsdóttir, f. 4.11. 1857, d.
17.2. 1951 og Magnús Eyjólfsson,
f. 13.3. 1862, d. 26.07. 1940. For-
eldrar Gísla voru Ingibjörg Ólafs-
dóttir, f. 3.7. 1842, d. 8.5. 1925 og
Gestur Gestsson, f. 5.5. 1832, d.
28.3. 1895. Systkini Soffíu voru
alls 14 og var hún sú Qórða í röð-
inni. Þau voru í aldursröð: Krist-
inn, fyrst kvæntur Margréti
Gestsdóttur og eftir lát hennar
Ingiríði Friðriksdóttur; Ingi-
mundur, kvæntur Guðrúnu Þor-
steinsdóttur; Gestur,
kvæntur Líneyju
Bentsdóttur; Jónína,
hún lést í barnæsku;
Guðbjörg, gift Jens
Pálssyni; Guðjón,
kvæntur Jónu Þ.
Gunnlaugsdóttur;
Gísli, lést í frum-
bernsku, Dagbjört,
gift Sveini Ogmunds-
syni; Kjartan, kvænt-
ur Þórleifu Guðjóns-
dóttur; Óskar,
kvæntur Lovísu Önnu
Árnadóttur; Ágúsf,
lést í bamæsku;
Dagbjartur, lést í frumbernsku;
Ágúst, kvæntur Nínu Jenný Krist-
jánsdóttur.
Soffía giftist hinn 19. júní 1934
Auðunni Pálssyni, f. 10.5. 1908, d.
18.1. 1966, frá Nikulásarhúsum í
Fjótshlíð, Rang. Foreldrar Auð-
uns voru hjónin Sigríður Guð-
mundsdóttir, f. 24.6. 1877, d. 12.1.
1958 og Páll Auðunsson, f. 13.10.
1877, d. 15.11. 1951. Þau bjuggu í
Nikulásarhúsum.
Soffía og Auðunn eignuðust
átta börn, sem öll komust upp, ut-
+
Innilegar þakkir fyrir auðsýnda samúð, hlýhug
og vináttu við andlát og útför föður okkar,
tengdaföður, afa og langafa,
JÓHANNESAR KRISTJÁNSSONAR
fyrrv. bónda,
Ytri-Tungu, Staðarsveit,
Karfavogi 44,
Reykjavík.
Gunnar Jóhannesson,
Jóna Jóhannesdóttir, Elfar Sigurðsson,
Hrólfur Sæberg Jóhannesson, Hrönn Sigurgeirsdóttir,
barnabörn og barnabarnabörn.
Minningarkort
Hjartaverndar
535 1825
Gíró- og greiðslukortaþjónusta
RÁÐHÚSBLÓM
Opicf frá kl. 10-21 alla daga.
BAIVIKASTRÆTI 4 SÍMI 551 6690
O ÚTFARARÞJÓNUSTAN
Persónuleg þjónusta Höfum undirbúið og séð um útfarir i\ a
fyrir landsmenn í 10 ár. LéM
Sími 567 9110 & 893 8638 Rúnar Geinnundsson Sigurúur Rúnarsson
www.utfarir.is utfarir@utfarir.is_________________útfararstjóri_____útfararstjóri
— - . í i -> * ' j LEGSTEINAR
. Komið og skoðið
í sýningarsal okkar eða
fáið sendan myndalista
í -
, p* MOSAIK
Hamarshöfði 4, 112 Reykjavík si'mi: 587 1960,fax: 587 1986
Soffía Gísladóttir tengdamóðir
mín hefur kvatt þennan heim rétt
orðin 93 ára. Það var fyrir tæpum
fjörutíu árum sem ég hitti Soffíu
fyrst þegar Gísla syni hennar
fannst orðið tímabært að kynna mig
fyrir foreldrum sínum, sem bjuggu
á Bjargi rétt fyrir utan Selfoss. Ein-
hverra hluta vegna sendi Gísli mig á
undan sér í rútu til Selfoss ásamt
Kristínu systur sinni. Hann hefur
efalaust talið að mér yrði ekki
skotaskuld úr því að kynna mig sjálf
og brjóta ísinn án hans hjálpar. Frá
þessum degi er mér minnistæðust
hún tengdamóðir mín. Hún heilsaði
mér kurteislega og alvarleg í
bragði.
Seinna um daginn er við sátum í
eldhúsinu hjá henni þar sem hún
stóð við eldavélina og var að hræra í
stóru pottunum sínum tók ég eftir
því að hún á sinn hægláta hátt
grandskoðaði mig og velti því trú-
lega fyrir sér hvort þessi unga
stúlka væri nokkuð samboðin hon-
um Gísla sínum. Eg held að ég hafi
staðist prófið hjá henni tengdamóð-
ur minni því með okkur tókst góður
vinskapur sem varði æ síðan.
Soffía fæddist í Suður-Nýjabæ í
Þykkvabæ og ólst þar upp í stórum
systkinahópi. Húsakynnin voru
ekki stór né efni mikil, en í Þykkva-
bænum eru lendur víðar og því
nægt pláss til ærsla og leikja. Og
eftir því sem ég kynntist glaðværð
systkinahópsins á fullorðinsárum
get ég vel ímyndað mér að þar hafi
oft verið ærlsast mikið og flogist á.
Reyndar leið Soffíu sjaldan betur
en þegar hún var innan um þennan
hóp.
Soffía kynntist eiginmanni sín-
um, Auðunni Pálssyni frá Nikulás-
arhúsum (Niku) í Fljótshlíð á vertíð
í Vestmannaeyjum. Þau voru við-
loða við Eyjarnar fyrstu árin en
fluttust síðan að Niku þar sem þau
hófu búskap með foreldrum Auð-
uns. Nikulásarhús standa hátt í
Hlíðinni austan Hlíðarenda.
Þaðan er útsýni ægifagurt, Eyja-
fjallajökull blasir við og Vest-
mannaeyjar rísa úr sæ undan Land-
eyjasandi. Jörðin var mjög
brattlend og erfið og því ólík slétt-
lendi Þykkvabæjarins. Það var
kannski þess vegna sem Soffía fann
sig aldrei fullkomlega í Fljótshlíð-
inni. f Niku fæddust sjö af átta
börnum Soffíu og Auðuns og var því
í nógu að snúast fyrir tengdamóður
mína.
Þvottur þveginn í höndum og
borinn í bæjarlækinn til skolunar,
matseld og bakstur, saumaskapur
og viðgerðir og hlaupið í útiverk
þess á milli.
Soffía var mikill dugnaðarforkur
til allra verka. Þetta var líf alþýðu-
konnunnar fyrr á öldinni, eitthvað
svo fjarlægt nút.ímakonnunni.
Eftir Heklugosið 1947 var orðið
erfitt um búskap í Niku vegna ösku-
lags er huldi jörðina. Soffía og Auð-
unn fluttust þá þaðan að Bakka í
Ölfusi.
Þurftu þau að skera niður allt
sauðfé þar sem ekki mátti flytja það
milli svæða og byrja upp á nýtt með
sauðfjárbúskap en kýrnar tóku þau
með sér.
Fyrstu árin á Bakka voru því erf-
ið. í stað brattans í Fljótshlíðinni
tóku nú við Ölfusforirnar með öllum
sínum skurðum og keldum, börnun-
um til mikillar ánægju en foreldrun-
um til armæðu og ótta. Og áfram
var haldið með matseld og bakstur
á heimilinu stóra, mjaltir og þvottar
og áfram þvegið í höndum en nú var
þvotturinn ekki skolaður í bæjar-
læknum heldur í „stóra skurðin-
um“. Á Bakka var tvíbýli og í hinum
bænum bjuggu hjónin Ragnheiður
Jóhannsdóttir og Engilbert Hann-
esson. Tókst með fjölskyldunum
mikill og náinn vinskapur sem hefur
haldið alla tíð síðan og veit ég að
þessi vinskapur var tengdamóður
minni mikils virði, enda leið henni
afar vel á Bakka.
Árið 1955 brugðu Soffía og Auð-
unn búi og fluttust að Bjargi á Sel-
fossi.
Bjarg stendur á bökkum Ölfusár
og á Bjargi sofnaði maður og vakn-
aði við þungan nið árinnar. Auðunn
starfaði hjá Kaupfélagi Árnesinga
og Soffía sá um heimilið sem fyrr og
starfaði í Sláturhúsinu á haustin.
Tengdabörn og barnabörn fóru að
koma til sögunnar og ijölskyldan
stækkaði. En þótt hópurinn í kring-
um Soffíu og Auðunn væri stór,
höfðu þau þó pláss fyrir fleiri. Þau
tóku að sér Lindu Haraldsdóttur
fimm ára gamla og var hún hjá þeim
í þrjú ár. Linda hefur alla tíð síðan
litið á Soffíu sem fósturmóður sína
og sýnt henni mikla ræktarsemi.
Það var svo í byrjun árs 1966 að
Auðunn lést af völdum bílslyss tæp-
lega 58 ára gamall. Þetta varð
tendamóður minni þungt áfall og
fjölskyldunni allri. Nokkrum árum
síðar flutti hún til Reykjavíkur og
stofnaði í fyrstu heimili með dætr-
um sínum Kristínu og Jónínu. Varð
hún þeim og dætrum þeirra ómet-
anlegur stuðningur. Eftir að þær
höfðu stofnað eigin heimili ílutti
hún til Kristínar dóttur sinnar og
bjó hjá henni þar til hún vegna
heilsubrests fór á Elliheimilið
Grund fyrir fimm árum.
Mér fannst hún tengdamóðir mín
alltaf vera mjög stór kona. Hún var
þó ekki nema rétt yfir meðallagi há.
Að hún var svona stór í mínum huga
held ég að hafi haft með skaplyndi
hennar að gera. Hún var stolt, skap-
mikil og gat verið þrjósk þegar svo
bar undir, þegar hún setti sér eitt-
hvað varð það svo að vera. En undir
an eitt, sem dó á fyrsta ári: 1)
Páll, f. 12.10. 1934, kvæntur Önnu
Þorláksdóttur, þau hafa eignast
fimm börn, stúlku sem lést í frum-
bernsku, hin eru Sigrún, Svala,
Sandra og Auðunn Örvar. 2) Gísli,
f. 05.1. 1937, kvæntur Katrínu
Eymundsdóttir, þau eiga þrjú
börn, Þór, Soffíu og Guðlaugu. 3)
Sigríður f. 20.4. 1939, hún giftist
Birgi Halldórssyni en hann lést
26.8. 1996, þau eignuðust fjögur
börn, Soffíu Auði, Halldór Þor-
stein, Birgi Ellert og Ægi. 4)
Guðmunda Auður, f. 21.6. 1940,
gift Hermanni Ágúst og eiga þau
Qögur börn, Auðunn, Birnu
Gerði, Huldu Soffíu og Auði
Ágústu. 5) Kristín, f. 3.11. 1942,
gift Hafsteini Hjaltasyni, hún á
tvær dætur, Helen og Soffíu Auði.
6) Þuríður Guðmunda, f. 12.11.
1943, hún lést sex mánaða gömul.
7) Jónína, f. 14.8. 1945, hún Iést
9.3. 1997. Jónína var gift Gunn-
birni Guðmundssyni og áttu þau
tvö börn, Stefán Kristján og Evu
Guðrúnu, áður átti Jónína dóttur-
ina Kolbrúnu. 8) Ólafur, f. 11.6.
1947, kvæntur Sigríði Jónsdóttur
og eiga þau fjögur börn, Sesselju
Jónu, Auði Hlín, Ólaf Má og Auð-
unn. Barnabörnin urðu því 25 og
barnabarnabörnin eru orðin 35.
Útför Soffíu fer fram frá Grens-
áskirkju mánudaginn 30. október
og hefst athöfnin klukkan 13.30.
niðri leyndist líka í henni mikill
prakkari og grínisti. Minnistæð er
mér hennar fyrsta og eina utan-
landsferð. Þá kom hún með foreldr-
um mínum í heimsókn til okkar
hjóna en við bjuggum þá í Glasgow.
Hún naut dvalarinnar í Skotlandi en
fannst þó hápunkturinn vera sigl-
ingin heim með Gullfossi. Er Island
nálgaðist fór Þóra móðir mín, sem
var sjóuð í utanlandsferðum, að
leggja Soffiu lífsreglurnar varðandi
tollinn. En þar sem synirnir og
tengdasynirnir voru margir og fjöl-
skyldan stór og Soffía vildi gleðja
alla fór hún ekkert að ráðum Þóru.
Hún var saklaus á svipinn þegar
hún tjáði tollurunum að hún væri nú
að koma úr sinni fyrstu utanlands-
ferð og hefði bara smávegis með sér
til gjafa. En það dillaði í henni hlát-
urinn þegar hún tók alla pelana upp
úr töskunum og deildi út. (Ég býst
við því að málið sé fyrnt).
Soffía var mikil barnagæla og
hafði næmt innsæi gagnvart börn-
um. Það var gott að kúra sig í henn-
ar sterka og hlýja faðmi. Hún elsk-
aði börn og fannst, að ég held,
aldrei nógu mikið fæðast af þeim.
Það birti yfir svip hennar þegar hún
vissi að von var á nýju barni í fjöl-
skyldunni og vitanlega af hreinni
hlýðni við móður sína og ömmu hafa
börnin og baniabörnin verið iðin við
kolann. Þau hafa fært henni 25
barnabörn og 35 langömmubörn.
Soffía gat því litið stolt yfir hópinn
sinn, börnin sem hún hafði sent út í
lífið sterk og sjálfstæð, barnabörnin
sem engu síður hafa spjarað sig í lífi
og starfi og síðast en ekki síst lang-
ömmubörnin kraftmikil og kát.
Henni hafði svo sannarlega tekist
að ávaxta sitt pund.
Eins og áður sagði dvaldist Soffía
síðustu ár ævi sinnar á Elliheimil-
inu Gi-und. Hún naut þar góðrar að-
hlynningar, þó aldrei væri hún sátt
við að geta ekki verið heima. Dætur
hennar og dótturdætur voru
óþreytandi að heimsækja hana,
lyfta henni upp og gera henni lífið
léttara.
Síðustu mánuði dró mjög af
Soffíu, er hún þurfti að liggja rúm-
föst og hjálparvana, hún missti bar-
áttuþrekið sem til þessa hafði verið
svo mikið og fékk svo loks hvíldina
20. október sl.
Soffia var alla tíð mjög trúuð
kona og kirkjurækin. Ég vil fá að
þakka henni langa samfylgd og vin-
áttu með orðum Hallgríms Péturs-
sonar:
Vaktu, minn Jesú, vaktu í mér.
Vaka láttu mig eins í þér.
Sálin vaki, þá sofnar líf,
sé hún ætíð í þinni hlíf.
Góður guð blessi minningu Soffíu
Gísladóttur.
Katrín Eymundsdóttir.