Morgunblaðið - 09.11.2000, Blaðsíða 66

-66 FIMMTUDAGUR 9. NÓVEMBER 2000
MORGUNBLAÐIÐ
MINNINGAR
GUÐR ÚN EINARSDÓTTIR
* við fráfall Guðrúnar vinkonu okkar.
Minningarbrot þjóta um sviðið frá
liðnum dögum, ógleymanlegar ferðir
heima og erlendis og ýmsar
skemmtilegar samverustundir.
Stóratburðir í fjölskyldum beggja í
aldarfjórðung, gagnkvæm vinátta og
hjálpsemi.
Vinátta og gildi vináttunnar vai-
það fyrsta sem kom upp í huga okk-
ar við andlát Guðrúnar. Vinátta
hennar, trygglyndi og hjálpsemi.
Hún var sú sem fyrst var til að bjóða
fram aðstoð sína ef eitthvað stóð til.
Hún var einnig trúnaðarvinur sem
gott var að leita til og án allra for-
dóma. Oft var skipst á skoðunum en
aldrei farið ósátt frá borði, enda var
hún friðarsinni sem vildi gera gott
úr öllu. Alltaf var tekið vel á móti
gestum og stutt í góða skapið, létt-
leikann og brosið. Hæfileikar henn-
ar að töfra fram veisluborð með
stuttum fyrirvara var einstakur.
Viðhorf hennar til lífsins og tilver-
unnar voru full bjartsýni og framtíð-
aráform voru mörg. Margar voru
þær ferðir sem átti eftir að fara og
margt sem fyrirhugað var að gera á
næstu árum. En enginn veit sína æv-
ina fyrr en öll er.
Heimilið var hennar helgireitur.
Hún var einstök húsmóðir sem
' hugsaði fyrir öllum þörfum strák-
anna sinna. Við vinnu var hún ákveð-
in og skipulögð. Fyrir Sölva sinn
gegndi hún ekki aðeins hlutverki
eiginkonu og vinar því hún var einn-
ig hans nánasti samverkamaður
hvað varðar atvinnurekstur hans.
Mesta hamingja okkar er fólgin í
góðri fjölskyldu. Guðrún lifði því
hamingjusömu lífí. Að eiga sam-
henta og góða fjölskyldu er mikil
Guðs gjöf og sú mesta hamingja sem
Guðrúnu veittist. Megi minningin
um Guðrúnu lifa með okkur um
ókomin ár.
En meðan árin þreyta hjörtu hinna,
sem horfðu eftir þér í sárum trega,
þá blómgast enn og blómgast ævinlega,
þitt bjarta vor í hugum vina þinna.
Og skín ei ljúfast ævi þeirri yfir,
sem ung á morgni lífsins staðar nemur,
og eilíflega, óháð því, sem kemur,
í æsku sinnar tignu fegurð lifir?
Sem sjálfur Drottinn mildum iófum lyki
um lífsins perlu í gullnu augnabM
(Tómas Guðmundsson.)
Elsku Sölvi og fjölskylda, missir
ykkar er mikill, megi góður Guð gefa
ykkur styrk á þessum erfiðu tímum.
Ingibjörg og Guðmundur.
Kveðja frá Sundfélaginu Ægi
Segja má, að á laugarbakkanum
hafi leiðir okkar Guðrúnar Einars-
dóttur legið saman. Þannig vildi tíl,
að synir okkar ungir æfðu saman
sund og kepptu undir merkjum
sundfélagsins Ægis. Því til viðbótar
var Guðrún þá einn af forkólfunum í
félagsstarfinu hjá Ægi og formaður
Foreldra- og styrktarfélags Ægis í
allnokkur ár. Eiginkona mín sat í
stjórninni með Guðrúnu eitt kjör-
tímabil og tókust þannig nánari
kynni.
Ekki leyndi sér, hver hugur bjó að
baki störífum Guðrúnar á þessum
vettvangi. Öll voru þau af hendi leyst
af dugnaði og myndarskap, sem
voru henni eðlislægir eiginleikar.
Ósérhlífni var og áberandi í fari
hennar og nutu margir góðs af. Þar
stóð eiginmaður hennar þétt við hlið
hennar og studdi hana í einu og öllu.
Umhyggjan fyrir unga sundfólkinu
var í fyrirrúmi hjá Guðrúnu og var
hún öðrum fyrirmynd í þeim efnum.
Tileinka má henni það, sem guð-
spjallamaðurinn segir: „Sá, sem er
trúr í því smæsta er einnig trúr í
miklu...“ (Lk. 16.10).
Okkur er efst í huga þakklæti til
Guðrúnar Einarsdótttur fyrir góðar
samverustundir á liðnum árum, alúð
hennar og óeigingjöm störf í þágu
félagsins og sundíþróttarinnar. Við
kveðjum hana með söknuði og biðj-
um Sölva og drengjunum blessunar
Guðs við sviplegt fráfall hennar.
F.h. stjórna Sundfélagsins Ægis
og Foreldra- og styrktarfélags Æg-
is,
Jón Baldursson.
Nú hefur hún Guðrún okkar verið
tekin í burtu og við fáum því ekki
breytt. Að svona hafi farið verður
seint ef nokkurn tímann skilið og
skilur okkur eftir með svo margar
spurningar sem ekki fást svör við.
Guðrún var kona sem öllum þótti
vænt um. Hún sá alltaf fyrir öllu og á
mannamótum var hún alltaf á fullu
að halda utan um alla mögulega
hluti. Guðrún var mjög opin og hún
var alltaf til staðar fyrir mann þegar
eitthvað bjátaði á. Það var gott að
leita til hennar því það var hægt að
tala við hana um allt.
Elsku Guðrún. Tíminn sem þú
varst á gjörgæslu var erfiður fyrir
marga. Fjölskylda, ættingjar og vin-
ir höfðu yfir þér vaktaskipti, því eng-
inn vildi vita af þér einni. Eg man
þegar ég kom fyrst inn á stofuna þar
sem þú lást. Það var svo mikill friður
yfir þér og ekki var hægt að ímynda
sér að þú værir að kveðja okkur.
Biðin var löng og strembin, því eina
stundina fylltist maður von, en aðra
stundina var vonin við það að bresta.
í lokin gat maður varla annað en
verið sáttur við að þú fengir hvíldina
sem bíður okkar allra og það yrði
hætt að gera þessar síendurteknu
rannsóknir á þér. Núna á maður þig
í minningunni og vissulega eru þær
margar og góðar. Takk, elsku Guð-
rún okkar, fyrir þær samverustund-
ir sem við fengum að eiga með þér.
A þessari stundu eru hugur og
hjarta okkar hjá Sölva, strákunum
og tengdadætrum og ég vona að Guð
gefi ykkur styrk í sorginni.
Irena, Ingibjörg, Karl Ótt-
ar og Jón Karl Einarsbörn.
I
í Gyllta salnum á Hótel Borg
Bókaforlögin IÐUNN og JPV FORLAG taka
höndum saman og bjóða til bókaveislu í Gyllta salnum
á Hótel Borg í kvöld.
Boðið verður upp á opna og þægilega dagskrá þar
sem nokkrir höfundar forlaganna lesa upp úr nýjum
verkum sínum — ljóðum, skáldsögum og ævisögum, svo
allir ættu að geta fundið eitthvað við sitt hæfi. Inn á milli
verða sýnd nokkur vel valin atriði úr sígildum kvikmyndum
með leyfi Skífunnar, Kvikmyndasamsteypunnar og Sam-
bíóanna. Einnig verður leikin tónlist af nýjum geisladisk
Kristjáns Jóhannssonar og lög úr Vísnabókinni. Gestir
geta jafnframt vætt kverkarnar eða gert vel við bragðlaukana
meðan þeir njóta dagskrárinnar en hægt verður að velja
um gómsæta rétti, smáa sem stóra.
Dagskráin hefst klukkan 18.00 og stendur
til 22.00. Aðgangur er ókeypis og allir velkomnir.
*- nut
Skr.d. 05.1994 ek. 88.000 km.
ALDARMINNING
Bíldshöföa 6 • Sími 515 7025 Tryggvabraut 5 • Akureyri • Sími 462 2700
www.brimborg.is
JULIUS
SIGURÐSSON,
MARGRÉT
GÍSLADÓTTIR
í dag, hinn 9.
nóvember, er 100
ára fæðingardag-
ur föður míns,
Júlíusar Sigurðs-
sonar skipstjóra.
Af því tilefni vil
ég minnast hans
og móður minn-
ar, Margrétar
Gísladóttur, eig-
inkonu hans, sem
varð 100 ára 13.
desember á síðasta ári.
Júlíus fæddist á Akranesi 9. nóv-
ember árið 1900. Hann ólst þar upp
til 14 ára aldurs, þegar hann fór á
sjóinn, eftir fermingu, eins og siður
var á þeim tíma.
Hann var á ýmsum skipum, m.a.
frá Akranesi, Sandgerði, Viðey og
Hafnarfirði þar til hann fpr í Stýri-
mannaskólann og lauk þaðan prófi
árið 1930. Hann var síðan skipstjóri
og stýrimaður á ýmsum skipum,
sigldi m.a., á stríðsárunum til Eng-
lands með fisk, og tók þátt í útgerð
með mágum sínum Jóni og Torfa
Gíslasonum. Hann stundaði um tíma
vörubílaakstur, en 1944 réðst hann
sem vélgæslu- og Bader-maður við
frystihús Jóns Gíslasonar, Frost hf.,
í Hafnarfirði og vann þar til dauða-
dags, 19. janúar 1967.
Faðir Júlíusar var Sigurður sjó-
maður, Melshúsum á Akranesi Jóns-
son Melshúsum, Akranesi Ásbjöms-
sonar. Móðir Sigurðar var Arnbjörg
Sigurðardóttir, b. á Bakka í Mela-
sveit, Þórðarsonar, systir Þórðar á
Fiskilæk, föður Ágústar Flygenring,
alþm. í Hafnarfirði og Mattíasar
Þórðarsonar þjóðminjavarðar. Móð-
ir Júlíusar var Kristín Árnadóttir
Velding, sjómanns í Hafnarfirði,
Kristjánssonar Velding, sjómanns í
Hafnarfirði, Friðrikssonar Velding,
verslunarskrifara í Hafnai'firði.
Faðir Margrétar var Gísli, hafn-
sögumaður og vitavörður í Hafnar-
firði, Jónsson, hafnsögumanns í
Hafnarfirði, Guðmundssonar, b. í
Brúarhrauni í Hafnarfirði, Jónsson-
ar, Þorsteinssonar, b. á Hvaleyri við
Hafnarfjörð, Jónssonar. Móðir Gísla
var Margrét Kristjánsdóttir Veld-
ing, sjómanns í Hafnarfirði, bróður
Friðriks sjómanns. Móðir Margrét-
ar var Hallgerður Torfadóttir, sjó-
manns í Hafnarfirði, Jónssonar og
Kristínar Kristjánsdóttur Velding.
Júlíus og Margrét eignuðust átta
börn. Þar af komust fjögur til full-
orðinsára, Gísli, f. 4.9. 1927; Sigurð-
ur, f. 4.10.1928, d. 7.1.1999; Kristín,
f. 19.3.1931 og Hallgeir, f. 1.7.1937.
Afkomendur þeirra eru orðnir 34.
Júlíus söng í kirkjukórnum í Hafn-
arfjarðarkirkju í meira en 40 ár og
var formaður hans í 12 ár. Hann var
einnig í Karlakórnum Þröstum í yfir
40 ár. Margrét söng einnig í kirkju-
kórnum í nokkur ár og var formaður
kvenfélags kirkjunnar í fjölda ára.
Gísli Júlíusson.
—
Aukabúnaður:
Topplúga
Geislaspilari
16" álfelgur
Viðarútlit á innréttinga
ABS Hemlalæsivörn
Líknarbelgir
Rafdrifnar rúður
Komdu og skoðaðu fjölda
annarra notaðra bíla í 1000
fermetra sýningarsal okkar að
Bíldshöfða 6 ogtryggðu þér
einstakan úrvalssbíl.
Opið laugardagkl. 11-16.
Birting afmælis- og
minningargreina
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjóm blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
brimborg