Morgunblaðið - 13.12.2000, Blaðsíða 13
MORGUNBLAÐIÐ
MIÐVIKUDAGUR 13. DESEMBER 2000 13
FRÉTTIR
Stofna samtök áhuga-
manna um íslensku kúna
Morgunblaðið/Arnaldur
Undirbúningur er hafinn að stofnun félags áhugamanna um íslensku kúna.
Uppsagnir hjá Genea-
logia Islandorum
Gert ráð
fyrir end-
urráðn-
ingu allra
ÖLLUM starfsmönnum Gen-
ealogia Islandorum hefur verið
sagt upp störfum vegna skipu-
lagsbreytinga, en gert er ráð
fyrir að þeir verði allir end-
un-áðnir og er stefnt að því að
búið verði að ganga frá því fyr-
ir áramót.
Tryggvi Pétursson, stjórn-
arformaður fyrirtækisins,
sagði aðspurður í samtali við
Morgunblaðið að um innri
skipulagsbreytingar væri að
ræða á fyrirtækinu. Starfs-
mennirnir hefðu allir verið
ráðnir hjá Genealogia, en nú
væri unnið að því að skipta
þeim niður á þrjú undirfyrir-
tæki, en þau væru Sögusteinn,
sem væri í ættfræðiútgáfu,
JPV-forlag, sem væri í bókaút-
gáfu og Islenska myndasafnið.
Formsins vegna hefði þurft að
segja fólkinu upp störfum, en
gert væri ráð fyrir að það yrði
allt endurráðið og að þessari
endurskipulagningu yrði lokið
fyrir áramót.
Samanlagt starfa rúmlega
50 manns hjá Genealogia Is-
landorum.
UNDIRBÚNINGUR er nú hafinn
að stofnun félags áhugamanna um
íslensku kúna. í yfírlýsingu frá
undirbúningshópnum segir að mikil
andstaða hafi verið meðal bænda
vegna fyrirhugaðs innflutnings á
fósturvísum úr norskum kúm af
NRF-stofni. Þá skorar hópurinn á
landbúnaðarráðherra að afturkalla
leyfí til innflutnings á erfðaefni úr
norskum kúm í tilraunaskyni þar til
tekist hefur að kortleggja umfang
kúariðu í Evrópu, greina smitleiðir
og koma upp varanlegum vömum
gegn útbreiðslu sjúkdómsins.
Þá segir í yfirlýsingunni að laga-
skilyrðum varðandi innflutninginn
hafi ekki verið fullnægt.
Sigríður Jónsdóttir, bóndi í Gýgj-
arhólskoti í Árnessýslu, á sæti í
undirbúningshópnum. Hún segir
kúariðu það ungan sjúkdóm að fátt
sé í raun vitað um smitleiðir hans.
íslenska kýrin safngripur
verði af kynblöndun
„Sjálf er ég sannfærð um ágæti
íslenskra búfjárstofna og tel að sag-
an hafi sýnt að við höfum ekki
grætt nokkurn skapaðan hlut á því
að kynbæta sauðkindina með er-
lendum stofnum," segir Sigríður og
bætir við að vart væri íslenski hest-
urinn vinsæl útflutningsvara hefði
hann verið blandaður með erlendu
kyni.
„Eg get ekki séð að það gildi
önnur lögmál um kúna. Mér þykir
fáheyrt að jafna íslenska kúakyninu
við kjúklinga og svín sem eru rækt-
uð hér í verksmiðjubúum," segir
Sigríður. Kjúklinga- og svínastofnar
hafi verið hér skemur en eina öld.
„Þar hefur ekki verið stundað
ræktunarstarf á landgrundvelli með
samstarfi bænda líkt og gert hefur
verið í nautgriparækt í áratugi.“ Þá
sé hið íslenska kúakyn verðmætt í
sjálfu sér. Það sé upprunalegt nor-
rænt kyn en slík kyn séu nánast í
útrýmingarhættu. Sigríður segir
augijóst að verði norska kynið not-
að hér til kynbóta verði ekki stund-
uð hreinrækt á íslenska kúakyninu.
Til þess sé íslenski stofninn of lítill.
„Með innflutningi myndum við
þrengja enn frekar að stofninum og
hann yrði úr sögunni nema sem
safngripur."
I drögum að stefnuskrá samtak-
anna segir að samtökin séu stofnuð
til þess að standa vörð um íslenska
kúakynið og verja það erfðameng-
un, efla kúabúskap og ræktun kýr-
innar. Einnig að halda í heiðri sögu
og menningu tengda kúnni og
tryggja velferð hennar og hollustu
afurðar. Þá segir að samtökin verði
stofnuð af kúabændum og þeim
verði stýrt af þeim en öllum sé
heimil þátttaka. Hægt er að skrá
sig í félagið í netfanginu bukolla@-
isl.is.
Morgunblaðið/Jón Svavarsson
Karen Björk Björgvinsdóttir og Adam Reeve sýna dans á íslandi.
Meðal þeirra
beztu í heiminum
ÍSLENZKA parið Adam Reeve og
Karen Björk Björgvinsdóttir hafn-
aði í 5. sæti á heimsmeistaramóti
atvinnudansara í samkvæmisdöns-
unum 10 sem fram fór í París um
helgina. Þetta er langbesti árang-
ur sem íslenzkir dansarar hafa
náð í heimsmeistaramótum í dansi
■ flokki atvinnumanna.
Adain og Karen hafa verið í
mikilli framför á undanförnum
misserum og gert góða hluti í
dansmótum á erlendum vettvangi.
Þau hafa bæði stundað dans til
fjölda ára og unnið til fjölmargra
verðlauna með fyrri dansfélögum.
I samtali við Morgunblaðið
sagði Karen að þau væru mjög
ánægð með þann árangur sem þau
hefðu náð í París. „Við erum í sjö-
unda himni, við trúum þessu varla
ennþá. Við vonuðumst eftir því að
komast í úrslit og það tókst, en
keppnin var gríðarlega hörð, þar
sem yfir 30 pör kepptu.“
Sigurvegararnir komu frá Kan-
ada og voru að sigra annað árið í
röð, þá kom bandarískt par, þýskt
í þriðja sæti og í fjórða sæti var
rússneskt par.
„Um næstu helgi keppum við
svo á Evrópumeistaramótinu í 10
dönsum sem fram fer í Þýskalandi
og hlökkum við mikið til þeirrar
keppni og ætlum svo sannarlega
að láta að okkur kveða.“
Adam er 27 ára fæddur og upp-
alinn í Ástralíu. Foreldrar hans
eru fyrrum ástralskir meistarar í
dansi sem og systir hans Donna
og er fjölskyldan þekkt í dans-
heiminum. Karen er aðeins 19 ára
gömul og vekja ungur aldur henn-
ar og hæfileikar mikla athygli.
Rösklega 48%
vilja færa
klukkuna
Jarðgöng á Austurlandi
Matsáætlun send
Skipulagsstofnun
VEGAGERÐIN hefur sent Skipu-
lagsstofnun tillögu að matsáætlun
vegna mats á umhverfisáhrifum
fyrirhugaðra framkvæmda við
jarðgöng á milli Reyðarfjarðar og
Fáskrúðsfjarðar.
Jarðgöngin eru hluti af jarð-
gangaáætlun Vegagerðarinnar
skv. samþykktri tillögu Alþingis sl.
vor um að næstu jarðgöng á Aust-
urlandi yrðu gerð á milli Reyð-
arfjarðar og Fáskrúðsfjarðar.
Verkfræðistofan Hönnun hf.
vann að gerð tillögunnar í sam-
vinnu við Vegagerðina. Drög að
henni hafa áður komið fyrir sjónir
umsagnar- og hagsmunaaðila þar
sem þeim gafst kostur á að gera
athugasemdir áður en drögin voru
send til Skipulagsstofnunar, að því
er fram kemur í tilkynningu frá
Hönnun.
Matsskýrsla verði
tilbúin í febrúar 2001
Matsskýrslunni er m.a. ætlað að
gera grein fyrir áhrifum jarðgang-
anna með tilliti til fyrirhugaðrar
stóriðju í Reyðarfirði. Almenning-
ur getur gert athugasemdir við til-
löguna en þeim ber að skila á
skriflegu formi til Skipulagsstofn-
unar áður en frestur til þess renn-
ur út. Gert er ráð fyrir að skýrsla
um mat á umhverfisáhrifum jarð-
ganganna og annarrar vegagerðar
á svæðinu verði tilbúin í febrúar á
næsta ári.
RÖSKLEGA 48% landsmanna eru
hlynnt því að klukkan verði færð
fram um eina klukkustund að vori
og aftur um eina stund að hausti.
Kemur þetta fram í nýjum Þjóð-
arpúls Gallups.
Könnunin fór fram dagana 8.-29.
nóvember og var valið 1.642 manna
úrtak á aldrinum 18-75 ára. Tæpt
71% svaraði.
Spurt var: Ertu sammála eða
ósammála því að klukkan verði
færð fram um eina klukkustund á
vorin og aftur um eina klukku-
stund á haustin á íslandi? Heldur
lægra hlutfall, eða 44%, var ósam-
mála og rösklega 8% eru hvorki
sammála né ósammála. Hópurinn
25-44 ára er einna helst fylgjandi
því að færa klukkuna, 58-60% af
þeim eru því sammála. Elsti hóp-
urinn, 55-75 ára, sker sig úr og er
þar 21% fylgjandi því að færa
klukkuna.
fimmtudaginn
14. desember
kl. 14.00-18.00
í Garðsapóteki, Sogavegi.
Komdu við og fáðu
ráðgjöf og ókeypis prufur
sem henta þinni húð.
shóPútsö/
%
GARÐS APÓTEK
Sogavegi 108 - Sími 568 0990