Skírnir - 01.01.1882, Blaðsíða 138
140
BANDARÍKIN (norðurfrá).
um sigurinn, sem nú var getið, og þann 17. október lagði
forsetinn niður grundvallarsteininn.
þess er minnzt í „Skírni“ 1880 (160. bls.), hve illa mönn-
um er við aðsókn Sínverja til bólfestu í Bandaríkjunum. Til
þessa ber mart, og það þó helzt, að flestir þeirra sem þangað
fara, eru afhrak borgalýðs hjá Sínverjum, að þeir, sem allir
Sínverjar, bera land sitt í brjósti sjer, og fyrirlíta hvert land
annað — og það virðist, sem þeir örvænti um betri vist í öðru
lifi, ef þeir ná ekki að liggja í sínverskri mold. þessvegna
láta þeir flytja lík sín' til Sinlands, ef þeir látast í öðrum lönd-
um. þar að auki eru lifnaðarhættir þeirra svo óþriflegir og
lífernið sjálft svo seyrið, að San Fransiscómönnum þykir sá
partur borgarinnar vera borgarskömm, sem Sínverjar byggja.
En hitt þykir þó verst og óþegnlegast, er þeir eru flestir hræði-
lega þjófgefnir og stela öllu steini ljettara. þá er og eitt, að
þeir hirða lítið um orð og eiða, og bera ljúgvitni hvenær sem
þeim býður svo við að horfa. Hayes forseti vildi hvorki banna
Sinverjum landsvist, nje takmarka bólfestu leyfið, en leita fyrst
samninga um þetta mál við stjórn keisarans í Peking. Hann
sendi erindreka til Sínlands, en stjórn keisarans tók svo í þetta
mál, sem henni þætti litlu skipta, hvað ráðið yrði íWashington,
og því búast menn við, að lík uppástunga verði upp aptur
tekin, sem fram var borin á þinginu 1880 og þar sammþykkt,
en hún tók til, að fleiri mætti ekki flytja á einu skipi frá Sínlandi
enn 15 til Bandaríkjanna. En vera má, að rammari skorður
verði reistar móti búferlaförum Sínverja.
Á þinginu hefir stjórnin lagt frumvörp til umræðu um að
auka bæði her og flota. Herinn á að auka til 30 eða 32 þús-
unda, en þar þykir mest íá vanta, sem flotinn er. Stjórnin
telur, að af öllum flota Bandaríkjanna sje ekki fleiri skip nýt
enn 32, og því er farið fram á, að reisa skuli 70 ný herskip.
þetta skal gert á fáum árum, og kostnaðurinn reiknaður á 522
millíónir, og kemst þá hvert skipið á nálega 7Vs millión kr.
Sjerilagi skal kostað kapps um að þau verði öll svo skjót i
vikum og hraðsiglandi, að þau fari sem lengst fram úr skipum
annara þjóða.