Skírnir - 01.01.1892, Side 32

32
Frá öðrum löndum.
Hrakför Boulangers var hrakför fyrir greifann. Þeir liðar hans, sem
höfðu verið bandamenn Boulangers, sögðu slitið vinfengi sínu við hann.
Margir ílokksmenn hans gengu ftr skaptinu, og kváðust mundu ganga í
lið þjóðveldisins sem apturhaldsmenn og mynda hægrimannaflokk. Þeir
hætta við að reyna að koma á konungdæmi. Hertoginn af Orleans, sonur
greifans af París, kom til Parísar til að ganga í herinn franska og var
settur í fangelsi, en þó sleppt fljótt aptur. Þótti mönnum hann vænleg-
ur til frama eptir þetta, en svo komst hann i mök við gipta söngmoy
og höfðaði maður hennar mál á hendur þeim, en var þaggað niður. Spillti
þetta fyrir honum.
Greiflnn af Paris átti mörg af hlutabréfum Panamafélagsins. Qeta
menn sér til, að hann hafi viljað skemma fyrir þjóðveldinu með því, að
koma upp óknyttum um Panamafélagið, sem helztu menn þjóðveldisins eru
riðnir við. Enn sem komið er hcfur honum þó ekki orðið kápan ftr því
klæðinu.
Kanada. Þess er getið í síðasta ári Skírnis, að fylkisstjórinn i
Quebec hefði árið 1891 upp á sitt eindæmi vikið frá völdum Meroiers-
ráðaneytinu, með því að sterkur grunur lék á því, að sú stjórn hefðí farið
óráðvandlega með allmikið fé úr fylkissjóði. Tiltæki fylkisstjóra mæltist
nokkuð misjafnt fyrir, sem von var, með því að mörgum virtist það vera
andstætt öllu hrezku stjórnarfyrirkomulagi, að fylkisstjóri, sem er ábyrgð-
arlaus gagnvart almenningi, víki frá völdum stjórn fylkisins og setji aðra
í hennar stað eptir eigin geðþótta. En þrátt fyrir það, hve ísjárvert til-
tæki þetta var, leyndi það sér þó ekki, að fylkisstjórinn hafði á sinu bandi
rnikinn meira hluta landsmanna, og kom það vitaskuld til af því, að með-
ferð Merciers á almenningsfé var mjög illa ræmd. Jafnvel mótstöðumenn
fylkisstjórans utan Quebecfylkis klöppuðu honum lof í lófa. Kosningar
fóru svo fram í Quebec í öndverðum marzmánuði, og skyldi almenningur
þá staðfesta ráð fylkisstjóra, eða hafna því, og var til þeirra kosninga
hugsað og að þeim unnið af svo miklum áhuga, sem sögur fara framast
af í þessu landi. Lauk þeim svo, að fylkisstjórinn vann hinn mesta sigur.
Á undan kosningunum höfðu fylgismenn Merciers í þinginu verið 50 og
andstæðingar hans 23. En eptir kosningarnar voru fylgismenn hinnar
nýju stjómar 53, en Merciers-menn 20 að eins.
Lang-merkasta málið, sem uppi hefur verið í Canada á síðastliðnu ári,
er alþýðuskólamál Manitobafylkis. Eins og kunnugt er, er Canada mest-