Bókasafnið - 01.04.1993, Blaðsíða 33

sem ég tel MikroMARC hafa fer því fjarri að það sé
gallalaust, frekar en önnur kerfi.
Með síðustu útgáfu hætti kerfið að vera allsbert DOS-
forrit og inn voru settar e.k. valmyndir sem í raun ein-
falda kerfið ekki neitt, en að mínu mati færa þær notand-
ann fjær grunni kerfisins og gera DOSskipanir flóknari
og þarf að fara krókaleiðir til að framkvæma þær.
Eg er líka forfallinn Windows notandi og finnst það
umhverfi vera mun betra en DOS. Eg bíð því spenntur
eftir því að forritarar Norsk system umskrifi kerfið fyrir
Windows.
Annar galli að mínu mati er að hver þáttur er aðskilinn
með forriti, þ.e. það þarf að keyra upp sérstakt leitar-
forrit, skráningarforrit, o.s.frv. og vilji maður gera litla
leit, eða „sjá“ færslur í leitarþættinum verður að fara út
úr skráningarþættinum, ræsa leitir, leita, fara út úr, ræsa,
o.s.frv. . . . Þetta er að mínu mati mjög hvimleitt og
tímafrekt, ekki síst hjá þeim notendum sem enn eru með
hæggengar PC vélar. Ég hef því farið í kringum þetta
með því að keyra leitir upp í gegnum Windows. Það er
mjög þægilegt þegar verið er að flytja inn færslur og
flytja milli gagnagrunna. Á sama hátt má skipta milli
skráningar og leita.
Þýðing kerfisins og staðfæring mætti vera betri þó þar
séu engin stórmál á ferðinni. Einnig mætti gefa mögu-
leika á s.k. „Shortcut keys“ t.d. fyrir algengar skipanir.
Það litla sem við höfum þurft að nota þjónustu um-
boðsaðila hér á landi hefur verið með miklum ágætum,
hins vegar mættu höfundar kerfisins sníða af því agnúa
og koma oftar með nýjar útgáfur og handbækurnar eru
orðnar ansi úreltar.
Ég hef átt ágætt samstarf við þau söfn hér á Akureyri
sem nota MikroMARC, en þau eru söfnin í Háskólanum
á Akureyri, MA og VMA. Höfum við skipst á færslum,
ábendingum og reynslusögum. Hafa þau samskipti verið
afargóð bæði þau mannlegu og vélrænu. Einnig hef ég
skrafað við Jóhann bókavörð á Isafirði og við höfum
skipst á færslum, og svo er Þjónustumiðstöð og „sam-
starf“ okkar við hana seint oflofað.
Þrátt fyrir ýmsa þá ókosti og agnúa sem ég hef tíundað
hér að framan er ég enn sannfærður um að það var rétt
ákvörðun að Amtsbókasafnið valdi MikroMARC á sín-
um tíma. Ég held að lokum að ég geti tekið undir orð
norsks kollega míns sem sagði að MikroMARC væri
„vel brukbart system“.
MikroMARC í Windows
✓
g er einn af þeim notendum einkatölva sem hafa
hrifist mjög af forritinu Windows frá Microsoft og
hef orðið svo forfallinn gluggagægir að ég reyni að troða
öllum DOS forritum sem ég get í gegnum glugga. Raun-
ar er ég ekki enn búinn að fá útgáfu 3.1 af Windows, en
samkvæmt því sem ég hef lesið um þá útgáfu er enn auð-
veldara að keyra DOS forrit í glugga í því en áður.
Bókasafnsforritið MikroMARC er eitt af þessum
„dreary DOS“ forritum og því leið ekki mjög langur
tími þar til ég reyndi að keyra það í gegnum Windows.
Raunar var það mjög einfalt, a.m.k. með síðustu útgáfu,
en það er sú útgáfa sem ég hef notað á einmenningsvél.
Að keyra MikroMARC gegnum Windows á neti þarfn-
ast annarra tilfæringa en ég vil lýsa hér.
Uppskriftin er þessi:
Ræsið Windows og veljið PIF editor.
Búið til PIF skrá sem getur heitið t.d. Katalog.pif eða
Skráning.pif þar sem Program filename væri Katalog.exe,
Windows title væri Skráning og Start up directory væri
C:/MM/PROG/. Síðan eru herlegheitin vistuð.
Sama má gera við leitirnar (Online.pif eða leitir.pif, file-
name = online.exe, startup = C:/MM/PROG/), og þó ég
hafi ekki prófað, þá má eflaust gera það sama við Frálag,
ílag o.fl.
Síðan er bara að setja upp Gluggahóp fyrir Mikro-
MARC. I Program manager er valið file og New og Pro-
gram group, sem nefna má t.d. Bókasafn eða Mikro-
MARC.
Veldu þennan nýja hóp og aftur File New og Program
item. Description væri þá t.d. Skráning og Command
line væri þá pif-skráin sem inniheldur Katalog.exe og á
sama hátt er sett upp valtákn fyrir Leitir og fleira ef vill.
Einnig má prófa að setja: C:/MM/PROG/Online.exe
beint í Command line.
Annars verður bara að þreifa sig áfram með þetta og
sjá hvort gengur og hvað þarf að bæta. Til dæmis man ég
eftir því að einu sinni þurfti ég að slá mm og síðan win til
að ræsa Windows svo að þetta gengi, en þá má setja það
inn í Autoexec.bat skrána að gera þetta fyrst.
Til hvers að vera að þessu?
Jú kostirnir eru ótvíræðir. Hægt er að hafa bæði
skráningu og leitir í gangi í einu, þess vegna skráningu í
mörgum grunnum ( það er allavega hægt í netútgáfunni).
Jafnframt er hægt að hafa önnur forrit í gangi, t.d. rit-
vinnslu eða dagbókina í tölvunni, vinna í töflureikni við
gerð fjárhagsáætlunar og alltaf er hægt að smella á milli
forrita með Ctrl+Esc, eða Alt+Tab, gá að bók, slá upp
símanúmeri o.s.frv án þess að slökkva á nokkru forriti.
Oh brave new world.
P.S. Ef þú ert lesandi góður með Word for Windows
er hér ein tillaga: Opnaðu nýtt skjal. Veldu Record
Macro í Tools og búðu til nýjan fjölva sem heitir SPIFF.
Farðu aftur í Tools og veldu Stop recorder, þá fjölvann.
Veldu SPIFF af listanum yfir fjölva og veldu Edit.
Eyddu Sub Main og End Sub skipununum. Lokaðu og
vistaðu tóman fjölvann.
Farðu nú í Help og veldu About og smelltu á merki
Microsoft og bíddu eftir því hvort ekki birtast þar menn.
Ef ekki reyndu aftur.
Hólmkell Hreinsson
33