Dagur - 25.07.1998, Blaðsíða 16

.t - #H i í . ? s. !í i!H.(v«k; ;•
32-LAUGARDAGUR 25. jULÍ 19 9 8
LÍFIÐ í LANDINU
r.oO-

LJÓS-
BROT
Gunnar
Sverrisson
myndar
ÁJfabyggðin við Austurvöll
í nýlegri skoð-
JÓHANNESAR- anakönnun DV
kemur fram að
54,4 prósent ís-
lendinga trúa á
álfa og huldu-
fólk. Og kemur
ekki á óvart
enda fyrirfram
vitað. Hinsvegar
hafa væntanlega
færri vitað um
samhengi álfa-
trúar og fylgi við
tiltekna stjórnmálaflokka, en
þetta kemur einmitt fram í
könnun DV og er forvitnilegt og
vekur um leið ýmsar spurningar.
Rauðgrani á þingi
Stuðningsmenn Framsóknar-
flokksins eru mestir álfatrúar-
menn á landinu, einkum fram-
sóknarkonur, en rúm 80 prósent
framsóknarkvenna trúa á álfa,
en í heildina trúa 64 prósent
framsóknarfólks á álfa og huldu-
fólk. Um 53 prósent sjálfstæðis-
manna eru trúaðir á álfa, 50
prósent stuðningsmanna AI-
þýðuflokks og Kvennalista og 48
prósent allaballa.
Um þessar niðurstöður er
margt hægt að fabúlera og
spekúlera. Þannig eru fyrirbærin
álfar og huldufólk ekki skil-
greind í könnuninni og eins víst
að einhveijir svarendur séu á
þeirri skoðun að stærsti álfa-
steinn á landinu standi einmitt
við Austurvöll og þar starfi 63
þingálfar. Ef svo er þá varpar
þetta um leið ljósi á skefjalausa
þörf stjórnmálamanna fyrir hól.
Flestir hljóta þó að viður-
kenna að 63-menningarnir í
álfasteininum við Austurvöll séu
réttir og sléttir mannálfar en
ekki ekta. En sterkar líkur eru
þó á að þar innan veggja geti
Ieynst raunverulegir álfar sem
hafi áhrif á ákvarðanatöku
mannálfa.
Hér er líka hugsanlega komin
fram skýring á Hulduhernum
Alberts forðum tíð. Stjórnmála-
skýrendum gekk illa að henda
reiður á þeim hópi og átta sig á
því hveijir skipuðu hann. Skoð-
anakönnun DV bendir til að þar
í flokki hafi riðið dvergurinn
Rauðgrani, (tvífari Steingríms
J?), Alfinnur Álfakóngur, Olafur
Liljurós og fleiri slíkir hulduher-
menn.
Álfkirkjulegt starf
Niðurstaða skoðanakönnunar
DV hljdur að hafa verulegar
pólitískar og trúarlegar afleið-
ingar. Stjórnmálamenn hafa
löngum verið þefvísir á mál sem
njóta almannahylli og eru líkleg
til að afla þeim vinsælda og skila
þeim fjöldafylgi í kosningum.
Málefni álfa falla greinilega
undir mál af því tagi. Þar er
sannarlega óplægður akur fyrir
stjórnmálamenn, ef það er stað-
reynd að Islendingar séu í raun
helmingi fleiri en manntalstölur
Hagstofunnar herma.
Flvað varðar trúarleg áhrif þá
er alveg Ijóst að álfatrúarsöfnuð-
urinn er annar stærsti söfnuður
landsins á eftir fylgjendum Lút-
ers heitins. Milljörðum er varið í
þágu kirkju og ríkistrúar í land-
inu en fjárveitíngar til álfatrúar-
bragða hafa hingað til verið af
skornum skammti og er ótækt
þegar á annað hundrað þúsund
landsmanna trúa á álfa, eða Iitlu
færri en þeir sem trúa á Jesús
Krist. Nauðsynlegt er að hafa
upp á eintaki af álfabiblíunni og
þýða á manníslensku. Skipu-
leggja þarf álfkirkjulegt starf frá
grunni og hefja skjólbeltaræktun
við álfasteina, þannig að trúaðir
þurfi ekki að híma í roki og rign-
ingu við klettakirkjur í óbyggð-
um. Og þar fram eftir götum.
Álf-Finnur álfþingismaður
Hvað pólitíkina varðar þá má
t.d. leggja afturvirka fasteigna-
skatta á alla álfasteina og aðra
staði sem grunur leikur á að álf-
ar og huldufólk byggi. Ef skatt-
heimtumenn koma að tómum
kofunum, eða öllu heldur stein-
unum, þá ber að sjálfsögðu að
krefja Iandeigendur um skatt-
inn. Þrautpíndir bændur hafa
axlað þyngri byrðar á síðustu
árum.
Kanna þarf réttindi og skyldur
álfa og huldufólks á ýmsum
sviðum, skoða þarf trygginga- og
lífeyrismál þeirra og síðast en
ekki síst hugsanlegan kosninga-
rétt álfa. Því á meðan hálf þjóð-
in hefur ekki kosningarétt þá er
tómt mál að tala um raunveru-
legt lýðræði í þessu landi. Þetta
er ekki síst brýnt hagsmunamál
fyrir menn á borð við Sverri
Hermansson og Steingrím J.
Sigfússson sem sannarlega
þurfa á nýju fylgi að halda, vilji
þeir komast til áhrifa, enda vitað
að Vestfirðir og Þistilfjörðurinn
eru mjög fjölálfuð svæði.
Ef hinsvegar kemur í ljós að
álfar eru þegar komnir með eig-
ið Alþingi eða öllu heldur Alf-
þingi, þá er sjálfsagt að kanna
möguleika á að sameina þingin,
enda sameining lausnarorðið í
dag.
Og verður auðvitað forvitni-
legt að fá að sjá (sjá?), nýja þing-
menn á sameinuðu Alálfþingi á
borð við Álf-dór, Álf-Iaf, Álf-
grím, Álf-geir, Álf-björgu, Álf-
hvat og Álf-Finn.
Alltént er alveg ljóst að ráða-
menn þjóðarinnar, geistlegir og
veraldlegir, geta ekki setið með
hendur í skauti og Iátið sem trú
og fullvissa 54 prósenta Iands-
manna og 80 prósenta fram-
sóknarkvenna, komi þeim ekki
við. Það þarf að gera stórátak í
álfamálum þjóðarinnar og rétta
hlut álfa og álfatrúarmanna,
sem svo sannarlega og sam-
kvæmt DV eru ekki lengur
neinn minnihlutahópur eða sér-
trúarsöfnuður.
SPJALL
Jóhannes
Sigurjonsson
skrifar