Dagblaðið Vísir - DV - 09.07.1991, Blaðsíða 12

12
ÞRIÐJUDAGUR 9. JÚLl 1991.
Spumingin
Gast þú notið góða
veðursins um helgina?
Sigurbjörn Bachmann og dóttir hans
María: Já, ég gat þaö. Ég fór meö
dóttur mína niður aö Tjörn og í
göngu.
Ingibjörg Ingadóttir prentsmiður: Já,
ég fór í húsdýragarðinn og grasa;
garöinn í Laugardal og svo var ég í
garðinum heima hjá mér.
Þorkell Arnar Egilsson bílstjóri: Já,
ég var í sumarbústað um helgina.
Bjarney Sigurjónsdóttir setjari: Já,
ég var heima í garöi og naut góða
veðursins.
Björk Gunnarsdóttir sjö ára: Já, ég
fór til Hveragerðis í afmæli.
Freyja Þorsteinsdóttir kennari: Já,
ég gerði það. Ég fór í hjólreiðatúr
með manninum mínu.
Lesendur
Höf um ekki ef ni á
„byggðastefnu“
Þórarinn skrifar:
Ávallt er einhvers staðar til um-
ræðu hin svokalla „byggðastefna"
sem ég vil nú fremur nefna
„óbyggðastefnu", a.m.k. þegar verið
er að hvetja til þess að halda uppi
byggð þar sem engir möguleikar eru
á að fólki geti eða vilji búa. Staðir
eins og víða á Vesturlandi, Vestfjörð-
um og annnesjum norðaustanlands
eru í raun óbyggilegir og fólk væri
löngu flutt þaðan ef ekki væri haldið
uppi þessari byggðastefnu sem felst
í þvi að ausa fjármunum af opinberu
fé til framkvæmda á þessum stöðum.
Ég get ekki séð hvað mælir á móti
því að íslendingar þjappi sér meira
saman á suðvesturhorn landsins og
tvo til þrjá staði aðra norðan- og aust-
anlands þar sem lífvænlegast er og
veðráttan er viöráðanleg til búsetu
aUt árið. - Ódýrara yrði fyrir þjóðfé-
lagið að ljúka úrbótum í samgöngum
á landi, viðhaldi á fullkomnum flug-
völlum á tveimur eða þremur stöð-
um og hafnarmannvirkjum.
Breytingar sem eru í aðsigi, t.d.
varðandi heilbrigðari fjármálastjórn
hjá hinu opinbera og aðlögun að er-
lendum markaðssvæðum eru þess
eðlis að ekki verður komist hjá að
laða fólk enn frekar til þéttbýlis-
svæðanna þar sem vænlegast þykir
að hlúa að áframhaldandi uppbygg-
ingu. - Þetta mun raunar gerast þótt
engar opinberar aðgerðir verði hafð-
ar uppi.
Það er þegar ljóst að við höfum
ekki efni á að búa í landinu öllu eins
og nú er kappkostað. Það hefur held-
ur ekki verið hægt nema með stór-
felldum erlendum lántökum, t.d. til
samgangna, mannvirkjagerðar, til
framlengingar tapreksturs gjald-
þrota fyrirtækja (sbr. Síldarverksm.
ríkisins o.fl.), og alls þess sem skort
hefur til þess að halda fólkinu í hin-
um dreifðu byggðum. Það verða aldr-
ei sameiginlegir hagsmunir þjóðar-
innar að byggja allt landið.
Og nú er komið að vendipunkti sem
fáir munu geta spornað gegn. Því
fyrr sem við verðum sammála um
að snúa þróuninni við þeim mun fyrr
náum við því takmarki að búa hér
við þær aöstæður sem við erum allt-
af að miða okkur við hjá nágranna-
þjóðum okkar.
Samþjöppun byggðar gerir samgöngumannvirki ódýrari og viðhaldskostnað minni, segir hér m.a.
Lífeyrismál - nauðsyn breytinga:
Tilfærsla lifeyrisaldurs
VR félagi skrifar:
Ég var að lesa VR blaðið sem mað-
ur fær nú sent reglulega. Blaöið er
oft hið fróðlegasta. - í þessu eintaki
vöktu aðallega athygli mína ályktan-
ir frá þingi LÍV sem haldið var á
Akureyri í maí sl.
Af þeim tillögum sem þarna voru
ræddar tel ég merkasta tillöguna um
tilfærslu lífeyrisaldurs, þ.e.a.s. að
gera kleift að hefja töku óskerts líf-
eyris fyrr en reglur segja til um nú.
í dag er reglan sú að við töku lífeyr-
is sjóðfélaga á aldrinum 65-70 ára
skerðist lífeyririnn um nokkur pró-
sent fyrir hvern mánuð. Þetta er
auðvitaö algjörlega út í hött eins og
málum er komið í dag þegar margir
myndu fegnir vilja hætta störfum (ef
þeir geta) 65 ára og sumir jafnvel
þegar þeir ná 60 ára aldri.
Eg er viss um aö þær deilur og sú
óánægja sem margir hafa sýnt vegna
ýmissa ákvæða sem gilda í lífeyris-
málum hjá VR og öðrum myndi
minnka ef bara þetta ákvæði eitt yrði
lagfært. Ákvæðin um erfðamál sjóð-
félaga og eignarhald maka að sjóðfé-
laga látnum er líka óviðunandi og
þar verður að koma annarri skipan
á.
Ég skora á stjórn Lífeyrissjóðs
verslunarmanna að láta til skarar
skríða með lagfæringu ákvæðisins
um flýtingu óskerts lífeyris að fullu
frá og með 65 ára aldri og leyfilega
töku lífeyris við 60 ára aldurinn að
vissum skilyrðum uppfylltum, t.d.
eftir 25 ára samfelldar greiðslur til
sjóðsins. - Ég get ekki séð að leita
þurfi eftir neinu samkomulagi milli
aðila annarra sjóða um þetta atriði.
Ef lífeyrissjóður VR ryður brautina
fylgja aðrir sjóðir einfaldlega á.eftir.
Verði hins vegar ekkert að gert og
þetta sérstaka atriði látið bíða liður
ekki á löngu þar til meiri þrýstingur
veröur á kröfuna um algjöra upp-
stokkun lífeyrissjóðsmála og þar
verði krafan um algjört frelsi manna
til að sjá sjálfir um ávöxtun iðgjalda
sinna sett á oddinn.
Hundar, hestar og Heiðmörkin
Hundavinur skrifar:
Ég leyfi mér sem hundavinur aö
senda þessar línur til allra hesta- og
hundavina hér á höfuðborgarsvæð-
inu. - Ég er nefnilega hræddur um
að Heiðmörkin verði lokuð fyrir okk-
ur ef við förum ékki eftir þeim regl-
um sem þar eru settar. Ég hef verið
í hópi þeirra manna sem virt hafa
að vettugi þær umgengnisreglur en
æfla nú að taka mig virkilega á.
Ég var uppi i Heiðmörk fyrir
nokkrum vikum með hund sem þarf
mikla hreyfmgu. Þama tók ég eftir
því í fyrsta sinni hvað hann gat vald-
ið miklum usla, t.d. hjá fuglum sem
voru uppteknir við hreiðurgerð. í
þessari ferö hitti ég eftirlitsmann.
Við tókum tal saman. Að loknu sam-
VELKOMIN A HEIÐMORK
FRIDLAND REYKVÍKINGA
Stofnaö 1950
Heíömörk er frlöuö tll skógræktar og
. útlvlstar. Vatnsbót Reykjavikur eru
á Helömörk. Gætum því varúöar og
vlröum umgengnlsreglur.
• Aklö ekkl utan vega.
• Umferö vélsleöa og torfærutœkja ohclmll.
• Hlíflö gróörl. Kvelklö ekkl elda.
• Slepplö hestum ekkl lausum.
• TJaldlö aöelns á merktum svæöum.
• Meöferö skotvopna er bönnuö.
• Hundar skulu ekkl ganga lauslr frá
1. apríl tll 1. september.
Skógræktarfélag Reykjavikur
Síml á Etlláávatnl 814142
Umgengnisreglur á friölandi Reyk-
víkinga, Heiðmörk.
tali okkar afhenti hann mér spjald
með umgengnisreglum er þarna
gilda og sem ég sendi með þessu bréfi.
Þarna komu aðvífandi nokkrir
hestamenn með hátt í 30 laus hross.
Þau vom ýmist á veginum eða úti í
móa, þar sem fjöldi smáplantna vex,
og þar er jörð mjög viðkvæm, eink-
um að vorlagi. Þegar eftirlitsmaöur-
inn sneri sér að þeim og ætlaði að
afhenda þeim þessar reglur fyrtust
þeir vlð og létu einungis falla óviður-
kvæmileg orð sem ég hef ekki eftir
hér.
Ég vona nú samt að við öll sem
þarna komum látum skynsemina
ráða og fórum eftir þessum reglum
því þessi perla, sem Heimörkin er
sannarlega, er jú okkar allra.
DV
Tölvunefndfyrir
takmarkanir
Einar Árnason skrifar:
í DV sl. miðvikudag (3. júlí) er
um sundurliðun sfmareíkninga.
Mörgum sinnum hefur því verið
lofaö, m.a. af samgönguráðherra
(kannski fleirura en einum), að
sundurliðun þessara reikninga
verði framkvæmd hér líkt og
annars staðar. Sundurliðun
sMptir máli fyrir notandann hvað
sem líöur áliti sérsMpaðrar
Tölvunefndar ríkisins.
Tölvunefnd flokkar sundurlið-
un símreikninga hins vegar und-
ir „viðkvæmu“ málin. RíMð
sMrrist þó ekki við að birta opin-
berlega upplýsingar um einka-
mál manna, t.d. varöandi skuldir
' þeirra við opinberar stofnanir,
nauðungaruppboð o.þ.h. Heitiö
„Tölvunefnd" vírðist einkum
standa fyrir annað orð sem mikiö
er notað hér - takmarkanir. Ég
skora á ráðherra símamála að
leysa þetta mál nú í eitt sMpti
fyrir öll.
VarRósaað
rugla?
Páll hringdi:
Ég var að hlusta á morgunút-
varp Rásar 2 í morgun (4. júlí).
Þar var kona að nafni Sigríður
Rósa að ræða um þjóðmálin og
m.a. um EB-málið. Hún hélt því
fram að við íslendingar myndum
missa sjálfstæði okkar ef viö
tengdumst þessu bandalagi. -
Gott og vel. Þetta er skoðun Rósu
og má vera að hún hafi rétt fyrir
sér. - Eða var Rósa að rugla?
En ég spyr þá á móti: Missum
við bara ekM líka sjálfstæðið ef
við göngum ekki í EB? Bjóðast
okkur íslendingum yfirleitt
nokkrir aðrir kostir en að hanga
i Evrópuveldinu úr því enga aðra
kosti má skoða? - Fríverslunar-
bandalög við aðrar þjóðir utan
Evrópu eru t.d. algjört bannorð í
munni stjórnmálamanna hér.
Þeir hafa a.m.k. ekki sinnt neinni
hugmynd af því tagi.
írland ogísland:
Tvenntólíkt
Magnús Bjarnason skrifar:
í sjónvarpsfréttum á Stöð 2 hef-
ur Omar Ragnarsson verið að
flytja okkur fréttir frá írlandi.
Þetta eru skemmtilegir þættir og
sýna miMnn mismun á þessum
tveimur löndum þótt Ómar vilji
líkja okkur við íra að mörgu leyti.
írar hafa t.d. verið óhræddir við
að leyfa erlendum bönkum að
stofna útibú í landi sínu og hafa
auðvitað notið góðs af sjálfir. I
Dyflinni eru útibú fjölmargra er-
lendra banka og fyrirtæMa sem
flyija með sér fjármagn og hvers
konar umsvif inn í þjóðfélagið.
Þessi þáttur er ávallt á umræðu-
stigi hér en ekkert gerist. Hræðsl-
an verður áræðinu yfirsterkari. -
Nei, það er ekki hægt aö líkja
saman írlandi og fslandi á neinn
hátt. Síður en svo.
Reykingar:
Ekkialvondar
Margrét skrifar:
Ég las nýlega pistil í blaði um
reykingar og afleiðingar þeirra.
Þar segir m.a. að auðvitað geti
fáir mælt meö því aö reykja eða
nota tóbak. Hins vegar verði aö
telja að það þurfi alls ekM að vera
skaölegt að nota tóbak sé það gert
íhófi.
Þaö er alkunna aö tóbak getur
skerpt minni manna og rifiö
mann upp úr sleni. íslensk dæmi
eru um þetta, t.d. frá sjómönnun-
um á skútunum sem tóku hraust-
lega 1 nefið þegar þeir þurftu að
halda sér vakandi. - Einnig er
upplýst að þeir sem reykja að
staðaldri fá sjaldnar alzheimer
sjúkdóminn en hinir sem ekki
reykja. Reykingar þurfa þvf ekki
að vera alvondar - síður en svo.