Dagur - 21.11.1951, Blaðsíða 9

Miðvikudaginn 21. nóv. 1951
D A G U R
9
önnið í sumar §8. jarSabófum
með yfir 40 skurðgröfum
Sums staðar er viimu haldið áfrám ennþá
Yfir 40 skurðgröfur hafa verið
í notkun hingað og þangað út um
byggðir landsins í sumar og er
víða grafið af kappi enn.
Greftri er nú lokið eða að ljúka
á vegum Nýbýlastjórnar ríkisins,
þar sem kominn er 3 þml. klaki í
jörð. Sunnanlands og í Borgar-
fjarðarhéraði er gröftur enn í
fullum gangi. Þó hafa komið
frost í Borgarfjarðarhéraði, en
ekki komið að sök enn, a. m. k.
ekki í lágsveitum.
Annars er það ekkert eins-
dæmi, að unnið sé sunnanlands
með skurðgröfum fram eftir
hatisti. Frá því 1947 hafa skurð-
gröfur Nýbýlastjórnar verið í
notkun öll árin fram undir ára-
mót, nema í fyrra, — þá lauk
greftri í byrjun nóvember. Hitt
er svo annað mál, að vinnuveður
hefur víðast verið með afbrigðum
gott á þessu hausti.
Skurðgröfur í notkun.
Nýbýlastjórnin hefur 5 skurð-
gröfur, og hefur í sumar verið
unnið með þeim í Skagafirði, að
Reykhólum, Skinnastöðum, í
Hornafirði og Þingeyjarsýslu, á
öllum stöðunum til undirbúnings
nýbýlahverfum.
Auk þess hafa í sumar og haust
verið í notkun 38 skurðgröfur,
sem eru eign búnaðarsambanda
o. fl.j og mun enn unnið með
flestum þeirra, a. m. k. sunnan-
lands.
Nákvæmt yfirlit um vinnuna á
sumrinu og í haust verður að
sjálfsögðu ekki unnt að fá, fyrr
en haustgreftri lýkur. Þó má
fullyrða, að mjög mikið hafi ver-
ið grafið í sumar, og að verkið
hafi yfirleitt gengið vel hvar-
vetna.
Grafið til nokkurra ára í senn.
Fjöldamargir bændur sunnan-
lands og vestan eru búnir að
grafa nægilega til ræktunar
næstu ár, og margir sennilega
meira en þeir geta lagt í að rækta
í bili. Kemur þar til greina skort-
ur á húsdýraáburði og hátt verð
á tilbúnum áburði, en hins vegar
er mikið við það unnið, að geta
grafið nægilega til nokkurra ára
ræktunar — bæði er það, að
margir bændur verða að grípa
tækifærið, er það gefst, að fá
grafið hjá sér, og landið verður
þurrara og auðunnara, ef það
stendur eftir að greftri lýkur.
Tvö merk og fjöllesin erlend
tímarit kynna ísland með
lofsamlegum greinum
Ferðafélag
unnið mikið menningarstarf með
kynningarferðum um byggðir og
öræfi landsins, fræðslufundum og
með útgáfu hinna gagnmerku
árbóka félagsins. Fyrir starfsemi
sína hefur félagið hlotið vinsæld-
ir almennings og aflað sér fylgis,
svo að félagatalan er komin á sjö-
unda þúsund.
Ferðafélag Akureyrar er deild
í Ferðafélagi íslands og starfar á
sama grundvelli. Það er auðvitað
„litli-bróðir“ borið saman við að-
alfélagið. En því hefur samt tek-
izt að afla sér vinsælda með
starfi sínu og um síðustu áramót
voru félagar þess orðnir fimm
hundruð og þrjátíu.
í stuttu máli er ekki hægt að
lýsa ferðastarfi félagsins, eða því,
sem það hefur gert til að kynna
öræfin og greiða fyrir umferð um
þau. En aðeins bent á í því sam-
bandi á Vatnahjallaveg, Sælu--
húsið við Laugafell og göngu-
brúna á Kreppu. Einnig á órsrit-
ið ,,Ferðir“, sem ætíð hefur flutt
einhverjar leiðarlýsingar. En
viðkomandi nágrenni Akureyrar
má minna á útsýnisskífuna, norð-
austan við Brekkugötuna og á
kvöldferðir félagsins á sl. sumri,
sem voru sérstaklega vinsælar,
svo að eftirspurn var oft meiri en
hægt var að flytja.
Árbækur Ferðafélags íslands
eru gagnmerkar héraðslýsingar,
og svo eftirsóttar, að eldri ár-
gangar gengu fljótlega alveg upp.
En nú er búið að ljósprenta þrjá
fyrstu árgangana, og geta félags-
menn fengið þær bækur hjá
gjaldkera félagsins, Þorst. Þor-
steinssyni. Einnig hefur hann
síðustu árbók félagsins og einnig
nokkra fleiri árganga. Nýir
félagar geta einnig fengið þessar
bækur.
Ljósprentuðu bækurnar eru
um Þjórsárdal, Kjöl og Þingvelli.
Allar með mörgum myndum til
skýringar á staðháttum.
Síðasta árbókin er um Vestur-
ísafjarðarsýslu og bókin 1949 var
um Norður-ísafjarðarsýsju, pg er
ennþá nökkuð til af þeim báð-
um.
Vígsluathöfn og
afmselisfögnuður að
Völlum í Svarfaðardal
n. k. sunnudag
VÍGSLUBISKUP VÍGIR
KLUKKUTURNINN NÝJA/
Hinn nýi kirkjuklukkuturn að
Völlum í Svarfaðardal verður
vígður næstkomandi sunnudag.
Framkvæmir séra Friðrik J.
Rafnar vígslubiskup vígsluna.
Þann dag verður einnig haldið
upp á 90 ára afmæli kirkjunnar
með almennri samkomu í kirkj-
unni.
Söngkennsla hafin
við Tónlistarskóla
Akureyrar
Eins og auglýst er á öðrum
stað í blaðinu, hefst nú á vegum
Tónlistarskólans hér kennsla í
söng og raddþjálfun. Hefur ung-
frú Ingibjörg Steingrímsdóttir
kennslu þessa með höndum, en
hún héfui' dvalið undanfarin
fjögur ár í Kaupmannahöfn við
söngnám hjá frú Dóru Sigurðs-
son, konu prófessors Haraldar
Sigurðssonar, píanóleikara, en
frú Dóra er þekkt sem afburða
söngkennari. Hefur ungfrú Ingi-
björg fengið þar staðgóða mennt-
un og lofsamleg ummæli hjá sín-
um ágæta kennara. Er því ekki
að efa, að hún mun starfi sínu
fullkomlega vaxin.
Blaðið vill hvetja konur og
karla, sem hug hafa á söngnámi,
að nota þetta tækifæri og snúa
sér hið fyrsta til skólastjórans,
Jakobs Tryggvasonar, sem veitir
allar nánari upplýsingar.
Ungfrú Ingibjörg hefur nýlega
haldið hljómleika í Reykjavík
við góðan orðstír og ágæta dóma.
Nýkomiö:
PELIICAN-lím á glösum og túbum.
★
PELKAN-vatnslitir í túbum.
PELIKAN-trélitir.
PELI KAN-olíukr ítarlitir.
★
PELIKAN-olíulitakassar, vandaðir.
★
— Lítið í gltiggana. —
Bókaverzlun Axels Kristjánssonar h.f.
Frá Ferðafélagi Akureyrar
Akureyrar hefur
Greinin í Geograpliic Magazine.
í nóvemberheftí hins heims-
kunna og stórmerka tímarits
landfræðifélagsins ameríska „The
National Geographic Magazine“
birtist löng og mjög vinsamleg
grein um ísland og íslenzka
menningu. Er greinin prýdd
miklum fjölda glæsilegra lit-
mynda, landabréfa og annarra
mynda héðan. Höfundur mynd-
anna er Göran Algárd, en höf-
undur greinarinnar, sem nefnist
„Iceíand Tapestry“, er Deena
Clark, sem ferðaðist víða um hér
á landi nú nýlega, þ. a. m. kom
hún hingað til Akureyrar og víð-
ar norðanlands. Er grein hennar
rituð af mikilli góðvild, hrifn-
ingu og skilningi í garð ísl. þjóð-
arinnar, saga hennar rakin í stór-
um dráttum og lýst skilmerkilega
þeirri gjörbyltingu í menningar-
lífi og atvinnuháttum, sem orðið
hefur hér á landi nú hin síðvistu
árin. Lýkur greininni á þá leið,
að tollvörðurinn á La Gardia-
flugvellinum í New York, spyr
höfundinn, hvort frúin hafi ekki
annað meðferðis af tollskyldum
varningi frá íslandi en ísl. víra-
virkis-armbandið, æðardúns-
sængina og brúðuna í ísl. þjóð-
búningnum, og kveður hún nei
við því. „Hvorki tollvörðuring né
eg gátum séð né þreifað á þeim
minningaaauði, sem mér hafði
áskotnazt á þessu landi elds og
ísa. En þá fjársjóðu gátu engin
mannleg máttarvöld skattlagt né
gert upptæka, þótt eg tæki þá
heim til mín yfir landamæri og
tollmúrá.“
Greinin í „Vi“.
í hinu víðlesna og ágæta viku-
riti samvinnufélaganna sænsku,
„Vi“, birtist og nýlega (26. okt.
sl.) alllöng og ágæt grein, er
nefnist „Island, dár jorden ryker
av várme“, eftir Jöran Forss-
lund. Var ferðar hans hér á landi
getið hér í blaðinu á sínum tíma.
Er grein þessi einnig mjög vin-
samleg og lofsamleg í garð lands
og þjóðar. Fylgir henni margt
ágætra mynda frá íslandi. Er víða
komið við í frásögninni, en þó
einkum dvalið við jarðhitann og
notkun hans í þágu hinnar nýju
menningar. Nálægt lokum grein-
arinnar kemst höfundur svo að
orði: „Ja det ár ett imderligt og
underbart land. Fyllt av motsats-
er ock överraskningar." (Þetta pr
undarlegt og dásamlegt land.
Fullt andstæðna og furðuefna).
«***íKhkhkhkhkhwh>*******<bkhkhkhkbkhkhkbkhkhkhkhkhkhkhkhkhkb:w»<^^
Brunatrygging
Undirrituð fyrirtæki vilja með auglýsingu þessari tilkynna
viðskiptavinum sínum, að frá deginum í dag að telja, verða
allir bílar, sem teknir eru til viðgerðar í verkstæðum vorum,
brunatryggðir.
Ef til bruna kemur, verða bílar þeir, sem brynnu að öllu
eða einhverju leyti, bættir samkvæmt mati, framkvæmdu af
fulltrúum tilnefndum af oss og fulltrúum tilnefndum af vá-
trvggingarfélögum þeim, sem brunatryggt er hjá.
Fyrir greinda brunatryggingu munum vér innheimta hjá
viðskiptavinum vorum 2ja krónu gjald fyrir sólarhring eða
hluta úr sólarhring, sem bíll er til viðgerðar hjá oss.
Akureyri, 21. október 1951.
Bifreiðaverkstæðið Þórshamar h.f.
B. S. A.-verkstæðið h.f.
Bifreiðaverkstæðið Jóhannes Kristjánsson h.f.
Bifreiðaverkstæði Lúðvíks Jónssonar.
Bifreiðaverkstæðið Víkingur s.f. g
,Ö<bKHKhXBKHKBKhKhKhKHKBKhKHKhKbKhKBKBKbKHKhKhKHKHKbKBKHKBKBK.ÖÍHKBKBKHKBkÍÍ