Þjóðviljinn - 21.07.1983, Blaðsíða 6

6 SÍÐA - ÞJÓÐVILJINN Fimnitudagur 21. júlí 1983
Bandarísk herskip á vettvang:
Stríð gegn
Nicaragua
virðist
vofa yfir
Jean Kirkpatrick sendiherra Bandaríkjanna hjá Sameinuðu
þjóðunum hefur í ræðu hvatt almenning í Nicaragua til að
rísa upp gegn vinstristjórn Sandinista og steypa henni. Jafn-
framt þessu hafa Bandaríkjamenn sent átta herskip til
stranda Mið-Ameríku og bandarísk stórblöð hafa birt áform
leyniþjónustunnar CIA um að stórefla þann her andstæð-
inga Sandinista, sem hefur bækistöðvar í Honduras.
Eins og skýrt hefur verið frá hér í
blaðinu á dögunum lúta áform CIA
að því, að stórefla stuðninginn við
þjóðvarðliða einræðisherrans
Somoza og aðra andstæðinga
Sandinista svo að þeir geti komið
sér upp 12-15 þúsund manna her til
innrásar í landið. Gagnbyltingar-
menn hafa aðsetur í Honduras sem
fyrr segir, en stjórn þess lands hef-
ur tekið að sér að gerast erindreki
og framkvæmdaraðili fyrir þeirri
stefnu Reagans í Mið-Ameríku
sem hann kallar að „hrinda eigi á -
rás kommúnista“.Honduras hefur
um 16 þúsund manna her á að
skipa, sem er mjög vel búinn nýj-
um bandarískum vopnum.
Friðartilboð
Fréttamenn hafa undanfarna
daga og vikur verið að spá stríði
milli Honduras og Nicaragua, sem
gagnbyltingarherinn mun að sjálf-
sögðu taka þátt í. Ortega, utanrík-
isráðherra Nicaragua, lagði það til í
ræðu, sem hann hélt í fyrradag í
tilefni fjögurra ára afmælis bylting-
arinnar gegn Somoza, að Hondur-
as og Nicaragua gerðu með sér
griðasáttmála með tilstilli þeirra
fjögurra ríkja sem hafa reynt að
finna pólitískar lausnir á átökum í
Mið-Ameríku - Venesúelu, Kol-
umbíu, Panama og Mexíkó.
Ekkert lært
En þau tíðindi sem áður voru
rakin benda ekki til þess að samn-
ingaleiðir verði farnar. Bandaríska
þingið mun að vísu hafa samþykkt í
fyrra lög sem banna að veittur sé
stuðningur til að steypa stjórn
Sandinista, og til þessa hefur form-
úlan verið sú hjá Reaganstjórn-
inni, að það sé reynandi að þjarma
að henni til að fá hana til að breyta
um stefnu. En nú sýnist ódulbúin
íhlutunarpólitík í ætt við fallbyssu-
bátastefnu breska heimsveldisins
áður fyrr vera í uppsiglingu. Til
viðbótar við það sem fyrr var nefnt
skipaði Reagan forseti á dögunum
sérstaka nefnd undir forsæti Henry
Kissingers sem á að finna nýjar
leiðir til að „hrinda árás kommún-
ista“ í Mið-Ameríku.
Ekki alls fyrir iöngu birti þýska
vikuritið Spiegel viðtal við Wayne
Smith, bandarískan stjórnarerind-
reka sem um alllangt skeið gætti
hagsmuna lands síns á Kúbu. Hann
hefur nú sagt af sér vegna þeirrar
stefnu sem Reaganstjórnin hefur
fylgt í málefnum Mið-Ameríku, en
þá stefnu telur Smith skaðlega og
háskalega Bandaríkjunum sjálf-
um. Stjórnin geri, segir Smith allt
til að hrekja Nicaragua inn í hina
sovésku blökk - í stað þess að
byggja á tiltölulega góðum sam-
skiptum Vestur-Evrópu við Sand-
inista og svo við vinstrifylkinguna í
E1 Salvador til að„koma af stað
diplómatískri þróun“.
' Rökrétt framhald
Reaganstjórnin er órafjarri slík-
um möguleikum. Stefna hennar
fylgir þeirri línu sem fyrrnefnd Je-
an Kirkpatrick lagði um það leyti
Andstæðingar Sandinista í þjálfun í Florida í Bandaríkjunum. CIA ætlar að stórauka styrk til þeirra.
Stjórn Nicaragua getur boðið út fjölmennum alþýðuher.
sem Reagan tók við. Hún er fólgin í
því, að „marxistastjórnir" séu óal-
andi og óferjandi og réttlætanlegt
að styðja við bakið á „hefðbundn-
um harðstjórnum" til að koma í
veg fyrir vinstriþróun. Rökrétt
framhald af þeirri kenningu er stríð
gegn Nicaragua, sem væntanlega
verður sviðsett sem stríð milli þess
lands og Honduras - meðan banda-
rísk herskip loka öllum aðflutn-
ingsleiðum undir því yfirskini að
koma eigi í veg fyrir afskipti annar-
legra afla.
Nicaragua og Honduras hafa að
vísu háð fjórar styrjaldir sín í milli á
árum áður. En sú saga er ekki á
dagskrá núna, heldur það, að eins
og Carlos Bueso, foringi lítils
stjórnarandstöðuflokks í Hondur-
as, Kristilegra demókrata, kemst
að orði, þá hefur stjórn lands hans
játast undir þá stefnu Reagans að
steypa stjórn Nicaragua. ÁB
Horfði á
prinsessu
og missti
FRIDARGANGA ’83
laugardaginn
6. ágúst____________
Skráið ykkur strax
á skrifstofu SHA
(opið alla daga eftir hádegi)
Símar: 1 79 66
(sjálfvirkur símsvari utan opnunartíma skrifstofu)
og 2 92 12
a Herstöðin á Keflavíkurflugvelli kl. 8.30
í Saudi-Arabíu hafa menn átt í
sérstæðum erfiðleikum - valds-
menn vilja annarsvegar fylgja sem
ýtarlegast fyrirmælum helgrar
bókar, Kóransins, um refsingar og
annað þesslegt - hinsvegar vilja
þeir forðast það að verða fyrir
harkalegum árásum fyrir miðalda-
grimmd og villimennsku.
Af þessu er nýleg saga og sér-
stæð. Þýskum verkfræðingi, sem
starfaði í Saudi-Arabíu, varð það á
að lyfta andlitsblæju af prinsessu
einni göfugri. Hann var handtek-
inn fyrir þetta ódæði og samkvæmt
lögum hlaut hann að missa hönd
sína sem hver annar þjófur þar í
landi.
Verkfræðingurinn missti að -
sönnu hönd sína. En hún var tekin
af honum með skurðaðgerð. Síðan
var höndin fryst og send með verk-
fræðingnum hið snarasta flugleiðis
úr landi - í þeirri von kannski að
takast mætti að græða á hann hönd-
ina aftur.
Skemmst er þess að minnast, að
ekki alls fyrir löngu var maður einn
hálshöggvinn fyrir að giftast prins-
essu í óleyfi. Saudi-Arabar fóru
síðan í mikið diplómatastríð út af
breskri sjónvarpskvikmynd um
þetta mál - reyndu þeir hvað þeir
gátu til að koma í veg fyrir að
myndin yrði sýnd.
(Panorama)