Þjóðviljinn - 26.04.1984, Page 16

DJÚÐVIUINN
Fimmtudagur 26. aprfl 1984
Aðalsimi Þjóðviljans er 81333 kl. 9 - 20 mánudag til föstudags. Utan þess tima er haegt að ná í blaðamenn og aðra starfsmenn blaðsins í þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná í afgreiðslu blaösins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
Vita- og hafnarmálastofnun tapar gerðardómsmáli
5 miljónirí skaða-
bætur til verktakans
Óvíst um frekari framkvœmdir á Bakkafirði
Gerðardómur Verkfræðingafélags-
ins kvað á dögunum upp þann úrskurð
að Vita- og hafnarmálastofnun fyrir
hönd Skeggjastaðarhrepps í Norður-
Múlasýslu bæri að greiða verktakafyr-
irtæki Ellerts Skúlasonar 5 miljónir í
skaðabætur vegna rangra útbcðs-
gagna við gerð grjótfyllingar við
hafnarmannvirki á Bakkafirði.
„Maður gat alltaf átt von á því að svona
færi þegar tveir deila en kannski ekki að
þetta yrði svona há upphæð“, sagði Aðal-
steinn Júlíusson vita- og hafnarmálastjóri á
samtali við Þjóðviljann.
Hann sagðist ekki vilja meina að útboðs-
gögn stofnunarinnar hefðu verið röng varð-
andi þessar framkvæmdir. „Ef eitthvað er
þá var þetta betur undirbúið núna en oft
áður. Við höfðum gert þarna reynslu-
sprengingu sem sýndi betri árangur en verk-
takanum hefur tekist að ná.Það hefur kom-
ið greinilega í ljós að verktakinn hafði ekki
góð tök á þessu til að byrja með“, sagði
Aðalsteinn.
Framkvæmdir við grjótvarnargarðinn á
Bakkafirði sem á að vera 200 m langur hef-
ur dregist mikið vegna deilna verktakans
við vita- og hafnarmálastofnun sem sá um
framkvæmdahlið mála fyrir hönd verk-
kaupans, Skeggjastaðahrepps. Grjótfyll-
ingin átti að hefjast snemma sl. sumar og
ljúka um áramótin sl. Famkvæmdir hófust
ekki fyrr en er leið á haustið og á enn eftir
að bæta þó nokkru við garðinn. Upphafleg
kostnaðaráætlun hljóðaði uppá 12 miljónir
en eins og áður sagði hafa verktakanum
verið dæmdar 5 miljónir í skaðabætur.
Aðspurður sagði vita- og hafnarmála-
stjóri að það væri ekki stofnunarinnar að
greiða þessar skaðabætur. Eignaraðilinn
væri Skeggjastaðahreppur en ljóst væri að
ríkið myndi greiða mestan partinn af þess-
ari upphæð.
Það er óvíst hvað verður um framhald
framkvæmda á Bakkafirði. Við höfum
hvorki stoppað verktakann né gengið frá
f/ekari framkvæmdum ennþá en það er
heilmikið eftir“.
í gerðardómi Verkfræðingafélagsins áttu
sæti þeir Hannes J. Valdimarsson verk-
fræðingur hjá Reykjavíkurhöfn, Jónas Frí-
mannsson verkfræðingur hjá ístak og
Gaukur Jörundsson lagaprófessor sem var
dómsforseti.
-Ig-
Bogi GK 24 strand-
aði í Grindavík
Náðist
út í gær
„Þetta var ekkert annað en
óhapp því það þarf afskaplega
lítið til að skip lendi utan renn-
unnar í innsiglingunni í Grinda-
víkurhöfn“, sagði Garðar
Magnússon útgerðarmaður
Boða GK 24 sem strandaði í
höfninni þar í fyrrinótt. Skipið
náðist út um 3 leytið í gær.
„ Við siglum skipinu til Njarð-
víkur þar sem það verður
skoðað en eina sem við vitum
um að hafi skemmst er sitthvað í
brúnni", sagði Garðar enn-
fremur.
Dráttarbáturinn Goði náði
skipinu á flot. Áhöfn þess var
allan tímann um borð og sakaði
engan við óhappið.
Lögmenn vara við söluskattinum:
Bitnar á þeim er síst skyldi Lögmannafélag íslands bend- ir á að fyrirhuguð söluskatts- innheimta af lögmannaþjónustu bitni fyrst og frenist á því fólki sem síst hefur bolmagn tij að bera aukna skatta. í ályktun fundar í Lög- mannafélaginu sem haldinn var í gær segir að viðskiptavinir lög- manna séu m.a. þeir sem ekki geti staðið í skilum við greiðslur fjárkrafna, erfingar látinna, slasað fólk og fólk sem er að skipta búi eftir hjónaskilnað. Þetta yrðu að stórum hluta skattgreiðendurnir ef tillögur ríkissjórnarinnar yrðu að lögum. Lögmannafélagið sendi al- þingismönnum þessa ályktun sína í gær áður en fundir hófust hjá þeim um fjárlagagat rt'kis- stjórnarinnar. -V.
Stefán Ásmundsson, KatrínEyjólfsdóttirogGyðaÁsmundsdóttirvirðafyrirsérteikningarbarnafráEISalvador f bókasafni Norræna hússins. Mynd-ATLI
Teikningarnar eru
allar um stríðið
sögðu krakkar sem voru á sýningu á teikningum barna
frá El Salvador sem opnuð var íNorrœna húsinu ígœr
Sýning á teikningum barna frá El
Salvador var opnuð í bókasafni
Norræna hússins í gær. Myndirnar
eru teiknaðar af börnum sem nú
dveljast í flóttamannabúðum í ýms-
um löndum Mið-Amcríku. Ljós-
myndir fylgja einnig sýningunni
þar sem sjá má aðstæður og lifnað-
arhætti í búðunum þar sem börnin
sem teiknuðu myndirnar dvelja í.
Teikningarnar sýna vel hugarheim
barna í þessum stríðshrjáða
hcimshluta.
Við fórum á sýninguna sem
Mannréttindasamtök E1 Salvador
og Mið-Ameríku fékk hingað til
lands. Hittum við nokkur börn sem
voru að skoða myndirnar og voru
þau sammála um að annað væri að
sjá þessar teikningar eftir jafnaldra
sína heldur en ljósmyndir og sjón-
varpsmyndir af þeim.
„Teikningarnar eru allar um
stríð. Krakkar hér myndu frekar
velja sér annað efni til að teikna
eins og t.d. fólk á götu eg dýr. Það
gerist svo lítið hjá okkur en í E1
Salvador hafa t.d. verið myrt 27
börn á einum degi“, sagði Stefán
Ásmundsson 11 ára. Tvær vinkon-
ur 12 ára gamlar töluðu einnig um
að hugmyndir að baki þessum
teikningum væru ólíkar því sem
þær eiga að venjast. „Mér finnst
sjást svo vel hvað krakkarnir lifa
allt öðruvísi lífi en við. Það er líka
svo skrítið að hugsa um það að
börnin sem teiknuðu myndirnar
gætu bara vel verið dáin núna“,
sagði Katrín Eyjólfsdóttir.
„Það færir mig nær þessum
krökkum að sjá myndir þeirra.
Þeim líður örugglega ekki vel fyrst
þau teikna svona myndir“, sagði
Gyða Ásmundsdóttir. _ip