Þjóðviljinn - 05.01.1989, Blaðsíða 12
ALÞYÐUBANDALAGIÐ
Alþýðubandalagið á Akureyri
Bæjarmálaráðsfundur
Fundur í bæjarmálaráði mánudaginn 9. janúar kl. 20.30 í Lárusarhúsi.
Fundarefni: 1) Dagskrá bæjarstjórnarfundar 10. jan.
2) Fjárhagsáætlun.
3) önnur mál. Stjórnin
Alþýðubandalagið Reykjavík
Spilakvöld ABR
Fyrsta spilakvöld ársins hjá ABR verður þriðjudagskvöldið 10. janúar kl.
20.30 að Hverfisgötu 105. ctiAmin
Allirvelkomnir. btiornin
Símahappdrætti 1988
Eftirtalin símanúmer hlutu vinning:
1. vinningur Nissan Pathfinder
nr. 91-53520.
2.-4. vinningur Nissan Sunny Coupé
nr. 91-621445 -91-12338 - 94-80108.
5.-9. vinningur Nissan Sunny Sedan
nr. 91 -38200 - 91-687409 -91-651153
-92-15857-98-21244.
10.-29. vinningur vöruúttektir
91-22367 - 91-19725 - 91-38382 -
91-72017 - 91-673373 - 91-671848 -
91-74509 - 91-674100 - 91-26676 -
91-51045 - 91-52273 - 91-52837 -
93-13099 - 93-41226 - 96-71700 -
96-22320 - 96-22079 - 97-11094 -
98-22560 - 98-11533.
Styrktarfélag lamaðra og fatlaðra.
Náttúruverndarráð
auglýsir námskeið í
náttúruvernd
Tilgangur námskeiösins er aö gefa fólki innsýn í
náttúruvernd á íslandi, þjálfa þaö til að hafa eftirlit
með friðlýstum svæðum og fræða fólk um náttúru
landsins.
Þátttakendur í námskeiðinu skulu vera orðnir 20
ára og hafa staðgóða framhaldsmenntun.
Fjöldi þátttakenda verður takmarkaður.
Þátttaka í námskeiði þessu er skilyrði fyrir ráðn-
ingu í landvörslustörf á vegum Náttúruverndar-
ráðs, en tryggir þátttakendum þó ekki slík störf.
Námskeiðið verður haldið í Reykjavík og stendur
yfir eftirfarandi daga:
17., 18. og 19. febrúar, 10., 11. og 12. mars, 7., 8.
og 9. apríl og dagana 19.-23. apríl verður dvalið
utan Reykjavíkur.
Skriflegar umsóknir, með heimilisfangi og síma,
er greina frá menntun, aldri, störfum og áhuga-
málum og öðru sem máli skiptir, skulu berast
Náttúruverndarráði, Hverfisgötu 26,101 Reykja-
vík, fyrir 25. jan. 1989.
ERLENDAR FRÉTTIR
Hefnd! Hefnd! Við bíðum átekta, fiskarnir og ég.
Líbýa
Gaddafí hyggst hefna
Klögumálin ganga á víxl og Líbýumenn óskaþess að Örygg-
isráðið verði kvatt saman til fundar
Muammar Gaddafí, leiðtogi
Líbýumanna, hét í gær að ná
sér niðri á Bandaríkjamönnum
og fulltrúi hans hjá Sameinuðu
þjóðunum fór þess á leit við Ör-
yggisráðið að það þingaði hið
bráðasta. Orsök þessa er alkunn:
í gærmorgun skutu bandarískar
orrustuþotur tvær líbýskar niður
í Miðjarðarhaf, alldrjúgan spöl
undan ströndum Líbýu.
„Þrátt fyrir stóraukna opin-
bera hryðjuverkastarfsemi
Bandaríkjastjórnar ... hyggjast
byltingarsinnar þess stórbrotna
lands, Líbýu, ekki láta deigan
síga og hvergi hvika frá grund-
vallarstefnu sinni og viðhorfum,“
er haft eftir Gaddafí.
„Þeir munu láta hart mæta
hörðu. Hafi Bandaríkin komist af
vegna þess að þau eru risaveldi í
lofti og legi er óhjákvæmilegt að
þau lúti í lægra haldi á láði. Við
bíðum átekta, rétt einsog fiskarn-
ir gera,“ sagði leiðtoginn að lok-
um.
Fastafulltrúi Líbýumanna hjá
Sameinuðu þjóðunum heitir Alí
Súnní Múntasser. Hann sagði
bandarísku orrustuflugmennina
seka um hinn svívirðilegasta glæp
því líbýsku þoturnar hefðu verið
vopnlausar og á hefðbundnu eft-
irlitsflugi þegar þeir réðust á þær.
Af þessum sökum ætti hann ekki
annars úrkosti en heita á Öryggis-
ráðið að láta málið til sín taka.
Atvik þetta siglir í kjölfar um-
ræðna um nýreista efnavopna-
verksmiðju á Líbýuströnd. Hefur
Bandaríkjastjórn verið uggandi
vegna þessa og Reagan forseti
látið svo ummælt að til greina
komi að sprengja hana í loft upp.
Stjórnvöld í Washington þver-
taka þó fyrir að loftrimman í gær-
morgun komi efnavopnafram-
leiðslu Líbýumanna hið minnsta
við.
Líbýumenn taka vitaskuld
annan pól í hæðina. Þeir standa á
því fastar en fótunum að títtnefnd
verksmiðja framleiði lyf og ann-
að ekki, staðhæfingar um efna-
vopn séu uppspuni frá rótum.
Engu að síður hafi þeir um skeið
búist við loftárásum Bandaríkja-
manna á mannvirki þetta og ljóst
megi vera að árásin á þoturnar
tvær sé undanfari annarra og
meiri tíðinda.
Formælandi Hvíta hússins lýsti
yfir því í gær að tvær F-14 þotur
bandaríska flotans hefðu skotið
eldflaugum að tveim líbýskum
MIG-23 þotum á alþjóðlegri sigl-
ingaleið og grandað þeim eftir að
þær hefðu látið ófriðlega og gert
sig líklegar til árása. Bandarísku
þoturnar hefðu snúið heilu og
höldnu að flugvélamóðurskipi
sínu. Skipverjar hefðu séð í sjón-
aukum hvar líbýsku flugmennirn-
ir svifu niður í fallhlífum.
Reuter/-ks.
Angóla
UNITA lýsir
yfir sigrum
í tilkynningu frá angólsku upp-
reisnarhreyfingunni UNITA seg-
ir, að liðsmenn hennar hafi frá
því á jóladag tekið tvær smáborg-
ir, Quibocolo í nyrsta hluta lands-
ins og Ussongue í miðju landi, og
fellt við þessi tækifæri og fleiri 29
hermenn Angólustjórnar. Sjálfir
segjast UNITA-menn ekki hafa
látið nema fjóra menn fallna í
bardögum þessum.
UNITA er iðin við að senda
fréttamiðlum frásagnir af hern-
aðaraðgerðum sínum, en umdeilt
er hvað hæft sé í þeim. Hreyfing
þessi er ekki aðili að samningi
þeim, er nýlega var gerður að til-
stuðlan risaveldanna til að binda
endi á stríðið í Angólu, og hefur
lýst því yfir að hún muni halda
áfram hernaði gegn stjórn lands-
ins.
Reuter/-dþ.
Afganistan
Bregðumst ekki Najibullali
Skæruliðar taka samninga við Kabúlstjórn ekki í mál og hyggjast
kveðja saman bráðabirgðaþing
Júlí Vorontsov, fyrsti aðstoðar-
utanríkisráðherra Sovétríkj-
anna og ambassador þeirra í Ka-
búl, kom til Pakistan í gær þeirra
erinda að ræða við forustumenn
þeirra afgönsku skæruliðasam-
taka, sem bækistöðvar hafa þar-
lendis. Hefur Vorontsov undan-
farið verið á faraldsfæti í við-
ræðum við ýmsa aðila í þeim til-
gangi að reyna að koma á ein-
hverskonar samkomulagi með
skæruliðum og Kabúlstjórn Naji-
bullah forseta, sem Sovétmenn
styðja.
Vorontsov kvað Sovétmenn
reiðubúna að viðurkenna nýja
Afganistansstjórn, er mynduð
yrði á breiðum grundvelli. Virð-
ist með því vera átt við að Naji-
bullah og fylgismenn hans verði
þar með, því að ráðherrann kvað
ekki til greina koma að Sovétrík-
in gæfu Kabúlstjórnina upp á bát-
inn. Skæruliðasamtökin hafa til
þessa ekki tekið í mál neinar
samningaviðræður við Najibull-
ah og segja að stjórn hans muni
falla jafnskjótt að Sovétmenn
verði á brott með her sinn úr Af-
ganistan, en samkvæmt gerðum
samningi eiga síðustu sovésku
hermennirnir að vera farnir það-
an 15. febr. n.k. Najibullah lýsti í
s.l. viku einhliða yfir vopnahléi,
en skæruliðar segjast ætla að
halda áfram hernaðaraðgerðum
eigi að síður.
Sibghatullah Mojaddidi, sem
um áramótin tók við formennsku
fyrir bandalagi sjö skæruliðasam-
taka, er bækistöðvar hafa í Pak-
istan, segir skæruliða hafa níu tí-
undu hluta Afganistans á sínu
valdi og muni samtök þeirra í
þessum mánuði útnefna menn á
bráðabirgðaþing, er starfa muni
þangað til hægt verði að hafa al-
mennar þingkosningar.
Reuter/-dþ.
12 SÍÐA — ÞJÓÐVILJINN Fimmtudagur 5. janúar 1989