Þjóðviljinn - 17.11.1989, Blaðsíða 25
KVIKMYNDIR
ÞORFINNUR
ÓMARSSON
Heimspekilegt stofudrama
Hin konan (Another Woman), sýnd í
Regnboganum. Bandarísk, árgerð
1988. Leikstjórn og handrit: Woody
Allen. Framleiðandi: Robert
Greenhut. Kvikmyndataka: Sven Ny-
kvist. Aðalhlutverk: Gena Rowlands,
Ian Holm, Mia Farrow, Gene Hac-
kman, Blythe Danner.
Woody Allen hefur gert eina
kvikmynd á hverju ári frá 1977 ef
árið 1981 er undanskilið. Vand-
fundinn sá kvikmyndagerðar-
maður sem gerir tólf kvikmyndir
á jafn mörgum árum án þess að
það komi sýnilega niður á gæðum
myndanna. Þetta er umfram allt
sérstaða Allens. Hann hefur
óþreytandi energí og ímynduna-
rafl sem lýsir sér ekki eingöngu í
snjöllum sögum um lífið og tilver-
una heldur ekki síður afbragðs
meðferð hans á uppbyggingu
kvikmynda. Allen hefur raunar
að mínu mati verið undirmetinn
hérlendis í gegnum tíðina og um
tíma voru ekki sýndar myndir
eftir hann í mörg ár. Það segir
meira en mörg orð að þessi nýja
mynd hans fór rakleiðis í lítinn sal
án þess að hafa viðkomu í stærri
salarkynnum.
En Another Woman er sumsé
enn ein myndin sem Allen hristir
framúr erminni með ekki síðri ár-
angri en fyrr. Allen hefur smám
saman verið að þoka sér úr kóme-
díunni yfir í þyngra drama og
hafa ekici allir verið sáttir við þá
tilhögun hans. Þrátt fyrir lof-
Regnboginn
Another Woman ★★★
(Hin konan)
Woody Allen svíkur ekki meö þessu
heimspekilega stofudrama. Hann segir
skilið við kómedíuna og hefur náð betri
tökum á gerð alvarlegri mynda. Sagan er
snilldarvel skrifuð og samsetning snjöll f
þessari litlu mynd um stór málefni. Gena
Rowlands leiðir stórgóðan leikarahóp af
mikilli fimi.
Indiana Jones III ★★★
(Síðasta krossferöin)
Indiana hefur aftur náð sér á strik eftir
misheppnaða mynd númer tvö. Þessi er
ferskari fantasía en áður og ekki versnar
myndin á því að hafa Connery sem Dr.
Jones eldri. En sértu að leita að rólegri
stund með möguleika á heimspekilegum
vangaveltum skaltu náttúrlega fara
eitthvað annað.
Pelle erobreren ★★★★
(Pelle sigurvegari)
Þá er hún loks komin til Islands og þvílík
kvikmynd! Sannarlega meistarverk ársins
og það albesta sem komið hefur frá Dönum
og jafnframt Norðurlöndum f mörg ár. Bille
August hefur tekist að gæða fjórðung
skáldsögu Nexös einstöku lífi með yndis-
legri epískri frásögn. Samleikur Hvene-
gárd og Von Sydows er með ólíkindum og
kvikmyndatakan gullfalleg. Upplifun sem
enginn má láta fara framhjá sér. Húrra fyrir
Dönum.
The Bear ★★★
(Björninn)
Annaud kemur vissulega nokkuð á óvart
með þessum óð sfnum til náttúrunnar en
það verður ekki frá honum tekið að myndin
er listavel gerð. Falleg og rómantfsk mynd
og góð skemmtun fyrir alla fjölskylduna,
sérstaklega þá sem unna óspilltu náttúru-
Iffi. Aðalleikararnir fara á kostuml
Au revoir les enfants ★★★★
(Bless krakkar)
Snjallt að endursýna þessa mynd sem
var ein allra besta mynd síðasta árs. Gyð-
ingaofsóknir nasista á stríðstímum eru hér
séðar með öðrum hætti en venjulega, en
síst áhrifaminni. Louis Malle kemur reynslu
sinni af stríðsbrölti fram á einstakan hátt í
gegnum barnslegan ungdóminn sem má
ekki vamm sitt vita.
Babette s gæstebud ★★★★
(Gestaboð Babettu)
Babetta býður enn til veislu sem enn
stendur fyrir sínu þótt hún hafi staðið yfir f
tæpt ár. Akaflega Ijóðræn og falleg mynd
um allt sem viðkemur lífi og dauða, bók-
stafstrú og ólfkum menningarheimum.
Laugarásbíó
Scandal ★★
(Hneyksli)
Þegar einblínt er á minniháttar skandala
verður stóri skandallinn útundan og mynd-
in drukknar í smáatriöum. Samt er hún oft
skemmtileg lýsing á tíðaranda síns tíma og
stundum nær úrkynjuð hástéttin að
hneyksla áhorfandann með kynórum sfn-
um. En miklar kröfur heimta betri sögu-
skoðun en þessa.
Criminal Law ★★★
(Refsiréttur)
öllu vitrænni tryllir en gengur og gerist
þótt vissulega bregði fyrir gamalkunnum
senum. Sagan gengur að mestu upp, en
slíkt vill gleymast í myndum af þessari teg-
und nú á dögum. Oldman sýnir á sér nýja
og áður óþekkta uppahlið með ágætum
árangri og Bacon er sannfærandi sýkópati.
Kvikmyndatakan er virkilega frumleg og
smart.
Halloween IV 0
Ekki heldur fyrir gallhörðustu Hallow-
een-aðdáendur.
Bíóhöllin
Cannonball Fever 0
(Á fleygiferð)
Ég hélt að minnst áratugur væri liðinn frá
því menn fengu leiða á þessum húmor.
Metnaðarleysi f sinni verstu mynd.
Batman ★★
Vinsældimar eru greinilega djörfu
auglýsingasukki Warner-bræðra að þakka
fremur en kvikmyndinni sjálfri. Myndin á
sínar fyndnu hliðar þegar Jókerinn spriklar
og sprellar, en annars nær Batman ekki
uppí nefið á sér fyrir útjaskaðri klisju. Ba-
singer er ekki einu sinni sexf og þá er nú
mikið sagt.
Licence to Kill ★★★
(Leyfið afturkallað)
Ein besta Bond-myndin í langan tíma.
Dalton er 007 holdi klæddur og spannar allt
frá hörkutóli til sjentilmanns. Broccoli hefur
hrist, en ekki hrært, upp í Bond-ímyndinni
með góðum árangri.
Bíóborgin
The Abyss ★★★
(Hyldýplð)
Tæknilegt meistaraverk sem fer eilítið úr
böndunum undir lokin sökum ótimabærra
Spielberg-takta. Myndin er þó hin ágæt-
asta skemmtun f hálfan þriðja tfma og vera
gjörðina hér að ofan hafa þessar
tilraunir hans verið nokkuð mis-
jafnar og nægir að nefna myndina
September sem dæmi um mis-
heppnað stofudrama. En Allen
lætur slíkt ekki á sig fá og tekst
alveg ljómandi vel upp í þessari
nýjustu mynd sinni (New York
Stories er reyndar nýrri og verður
sýnd hér innan skamms, en þar
leikstýrir Allen við þriðja mann).
Einsog nafnið gefur til kynna
er kona höfuð persóna myndar-
innar og er óhætt að segja að All-
en hafi ávallt tekist vel upp þegar
hann fjallar um konur. Gena
Rowlands leikur miðaldra
heimspeking sem er sérlega vel
metin og virðist varla geta verið
annað en hamingjusöm. Þegar
hún sest niður við ritstörf leiðir
hún hugann að lífi sínu og sér það
í nýju ljósi. Hún sér að líf hennar
er í raun innantómt og til-
breytingarlaust en á í miklum erf-
iðleikum með að breyta því.
Þessi saga er alveg sérstaklega
vel skrifuð, bæði hvað varðar tex-
ta og fléttu í myndmáli og ein-
lægari hefur Woody Allen líkast
til aldrei verið. Enda þótt Anot-
her Woman skoðist alls ekki sem
gamanmynd er auðvitað stutt í
húmorinn hjá meistaranum. En
ánægjulegast er að Allen hefur
náð góðum tökum á því formi
sem drama kallar á, án þess að
ofgera tilfinningalífið á nokkurn
hátt. Stofudramað er síðan kór-
ónað með útsjónarsamri kvik-
myndatöku Sven Nykvist.
Það kemur ekki á óvart að
leikur er með mestum ágætum
undir stjórn Allens, enda velur
söguhetjanna neðansjávar er virkilega
þrúgandi. Sjáir þú hana ekki á stóru tjaldi
má draga amk. eina stjörnu frá.
When I Fall in Love ★★
(Náin kynni)
Hackford heldur sig enn við hetjur amer-
íska draumsins, að þessu sinni án vemmi-
legra stóráfalla nema ef vera skyldi of mikil
nostalgía. Jessica Lange stendur uppúr
ágætum leikarahóp og hrífur áhorfandann
með sér. En þessi mynd er vitanlega ætluð
engum öðrum en Kananum sjálfum.
Dead Calm ★★
(Á síðasta snúningi)
Þokkalegasti tryllir frá Ástralanum Philip
Noyce og beitir hann öllu skemmtilegri
vinnubrögðum en flestir kollega hans í Am-
eríkunni í svona myndum. Samt nær hann
ekki að toga myndina nógu langt uppúr
meðalmennskunni og ýmsar athafnir aðal
kvenpersónunnar eru með öllu óskiljan-
legar.
Lethal Weapon II ★
(Tveir á toppnum 2)
Gibson og Glover eru gott gengi og
Pesci skemmtilega óþolandi en því miður
er myndin yfirkeyrð af ófrumlegum byssu-
bardögum og hvimleiðum hrottaskap. Ekk-
ert er þó verra en steingeldur söguþráður-
inn sem allir hafa séð áður.
Háskólabíó
The Vidiot ★
(Stöð sex 2)
Nokkrir stórgóðir brandarar koma frá
háðfuglinum Vankovic en þeir fara heldur
halloka fyrir endemis vitleysu.
Stjörnubíó
The Loverboy ★
Mætti ég þá allt eins biöja um ævintýri
gluggahreinsarans.
The Karate Kid III ★
(Karatestrákurinn 3)
Þetta ku vfst vera hetjur ungra sveina f
dag og veit það varla á gott nema þeir
hlusti á spekina á bak við sportið. En mér
leiðast framhaldsmyndir, sérstaklega þær
sem gerðar eru eftir leiðinlegum myndum.
Magnús ★★★
Lang besta kvikmynd Þráins til þessa og
jafnframt í hópi betri kvikmynda sem gerð-
ar hafa verið hér á landi. Þráinn hefur náð
auknum þroska sem listamaður og byggir
mynd sína vel upp til að byrja með en ým-
issa brotalama fer að gæta þegar leysa á
úr vandamálum höfuðpersóna Oft yndis-
legur gálgahúmor og Magnús er
sannkölluð skemmtimynd fyrir alla aldur-
shópa.
hann í hlutverkin af kostgæfni.
Ágætt var að Allen féll ekki í þá
gryfju að skipa Miu Farrow í hlut-
verk söguhetjunnar, en varla er
veikan blett að finna í túlkun
Rowlands. Aðrir leikarar eru
ekkert nema fagmennskan. Það
kemur reyndar ekki á óvart þegar
Allen sendir frá sér enn einn
gullmolann. Another Woman erí
þeirra hópi, stutt og lítil mynd um
stór og mikil málefni.
SJONVARPIÐ
Söngvakeppni
sjónvarpsstöðva
Evrópu 1990
Ríkisútvarpið-Sjónvarp, auglýsir hér með eftir sönglagi til þátttöku í Söng-
vakeppni sjónvarpsstöðva í Evrópu 1990, sem fram fer í Júgóslaviu 5. maí.
Undankeppnin fer fram í Reykjavík í janúar og febrúar.
Skilafrestur er til
15. desember 1989
Þátttökuskilyrði:
Þátttaka er öllum opin. Laginu skal skila á nótum eða hljóðsnældu. Frum-
saminn texti á íslensku skal fylgja. Lagið má ekki taka nema þrjár mínútur í
flutningi. Lagið skal ekki hafa komið út á nótum, hljómplötum, snældum eða
myndböndum, og það má ekki hafa verið leikið í útvarpi eða sjónvarpi.
Nótur, snælda og texti skulu merkt heiti lagsins og dulnefni höfundar. Rétt
nafn höfundar, heimilisfang og símanúmer skulu fylgja með í lokuðu um-
slagi merktu sama dulnefni.
Sendi höfundur fleiri en eitt lag skulu þau send inn, hvert fyrir sig og hvert
undir sínu dulnefni.
Sjónvarpið leggur til útsetjara, hljómsveit og hljómsveitarstjóra.
Ríkisútvarpið áskilur sér einkarétt til flutnings laganna í útvarpi og sjónvarpi
meðan á keppninni stendur.
Kynning laganna:
Dómnefnd velur 12 lög til áframhaldandi þátttöku.
Þegar þau hafa verið valin verða umslögin með dulnefnum höfunda opnuð,
og nöfn þeirra tilkynnt.
Lögin 12 verða síðan útsett og flytjendur valdir í samráði við höfunda og
kynnt í tveim sjónvarpsþáttum í lok janúar. Sex lög verða kynnt í hvorum
þætti. Ahorfendur i sjónvarpssal velja þrjú lög úr hvorum þætti til áframhald-
andi keppni.
Úrstit:
Þau sex lög sem þannig hafa verið valin verða síðan flutt í beinni útsend-
ingu úr sjónvarpssal, þar sem sigurlagið 1990 verður valið.
Verðlaun verða 200 þúsund krónur fyrir sigurlagið og ferð fyrir höfund lags
og texta til Júgóslavíu á úrslitakeppnina 5. maí 1990. Séu höfundar tveir
eða fleiri skiptast verðlaunin milli þeirra eins og úthlutunarreglur STEFS
segja til um.
Sigurlagið verður fulltrúi islenska Sjónvarpsins í „Söngvakeppni
sjónvarpsstöðva Evrópu 1990”.
Nánari upplýsingar um tilhögun keppninnar veitir ritari dagskrárstjóra Inn-
lendrar dagskrárdeildar Sjónvarpsins, sími 693 731, Laugavegi 176,
Reykjavík.
Utanáskrift:
RÍKISÚTVARPIÐ-SJÓNVARP, „SÖNGVAKEPPNI”
LAUGAVEGI 176, 105 REYKJAVÍK.
Föstudagur 17. nóvember 1989 NÝTT HELGARBLAÐ — SÍÐA 25