Dagblaðið Vísir - DV - 14.08.1996, Blaðsíða 15
MIÐVIKUDAGUR 14. ÁGÚST 1996
15
Breytingar á leiöakerfi SVR:
Bætt þjónusta við farþega
„Dregiö er úr ýmsum útúrdúrum og lykkjum sem vagnarnir taka á feröum
sínum um hverfin," segir m.a. í grein Arthurs.
Þær breytingar
á leiðakerfí SVR,
sem taka gildi nú
15. ágúst, eru
mestu breytingar
sem átt hafa sér
stað á leiðakerfi
SVR sl. rúmlega
tuttugu ár. Sam-
hliða breytingum
á sjálfu leiðakerf-
inu er byggð upp
ný skiptistöð í Ár-
túnshöfða til mik-
illa hagsbóta fyrir
farþega í Grafar-
vogi og Árbæ, Sel-
ás- og Ártúns-
hverfum. Jafh-
framt er aðstaða
fyrir farþega stór-
bætt í Kvosinni meö veigamiklum
breytingum á allri aðstöðu við
Lækjartorg þar sem vagnar á
þessu svæði hafa aðstöðu í stað
þess sem áður var, að biðstöðvum
var dreift hér og þar um Kvosina
til ama fyrir fjölmarga farþega
sem þar ætluðu sér að taka strætó.
Þær miklu breytingar, sem nú er
verið að gera á Hverfisgötunni
með því að gera hana að tvístefnu-
akstursgötu fyrir strætisvagna,
eru liður í því að tengja almenn-
ingssamgöngukerfið betur mið-
borginni og gefa íbúum Reykjavík-
ur aukna möguleika á að ferðast
um miðbæinn.
Helstu breytingar
Þær miklu breytingar, sem nú
eru gerðar á leiðakerfi SVR, hafa
verið í undirbúningi undanfarin
tvö ár. Þar hafa komið að málum
bæði danskir sérfræðingar sem
þekkja vel til umferðarmála í
Reykjavík eftir áratuga rágjafar-
vinnu fyrir Reykvíkinga
og fjöldi starfsmanna
SVR sem þekkja vel til
leiðakerfisins. Þær
breytingar sem nú eru
kynntar eru því árangur
af samstarfi innlendra
og erlendra sérfræðinga
í leiðakerfi SVR. Mark-
miðið með breytingun-
um, sem nú eru fram
undan, er að bæta þjón-
ustu við farþega SVR,
ekki síst þá sem búa í
austurhluta borgarinn-
ar, í hverfum sem ekki
voru byggð þegar núver-
andi leiðakerfi var kom-
ið á 1974.
Hér verða nú í örstuttu
máli taldar upp helstu
breytingamar sem nú eru fram
undan.
* Aukin tíðni ferða verður á
skilgreindum álagstímum á
morgnana og seinni hluta dags.
Þetta er gert til þess að auðvelda
fólki að taka srætó til og frá
vinnu.
* Jafhframt er aukin tíðni á
laugardögum milli 11.00 og 17.00 til
að mæta aukinni verslunarþörf á
þessum tíma.
* Dregið er úr
ýmsum útúrdúr-
um og lykkjum
sem vagnamir
taka á ferðum
sínum um hverf-
in, við það stytt-
ist aksturstími
milli helstu
áfangastaða frá
því sem er í dag.
* íbúar í Grafar-
vogi eiga i flest-
um tilvikum að
geta nú valið á milli vagna sem
fara með 10 mínútna millibili til og
frá hverfunum á álagstímum.
* íbúar í Árbæ, Selási og Ártúni
eiga í flestum tilvikum að geta nú
valið á milli vagna sem fara með
10 mínútna millibili til og frá
þeirra hverfi á álagstímum.
* íbúar í Breiðholtshverfum eiga
í flestum tilvikum að geta valið á
milli vagna sem fara með 10 min-
útna millibili til og frá þeirra
hverfum á álagstimum.
* íbúar í austurhluta borgarinn-
ar, sem vilja fara úr Breiðholti í
Árbæ eða Grafarvog og öfugt, geta
nú tekið vagn á 20 mínútna fresti
miili þessara hverfa að deginum
til.
* íbúar í Þingholtum fá nú
strætó sem fer niður Skólavörðu-
stíg og þjónar þeim betur en verið
hefur til skamms tíma. Keyptur
hefur verið lítill vagn sem hentar
vel í þröngum götum á þessu
svæði
* íbúar sem búa í miðbænum fá
nú vagna niður Hverfisgötu sem
styttir gönguvegalengdir þeirra til
og frá strætó mjög.
* íbúar í Skerjafirði fá nú gam-
alt baráttumál sitt uppfyllt þess
efnis að leið 5 fer inn á Hagana,
þannig að böm þeirra sem stunda
Hagaskóla og Melaskóla geta nú
komist með strætó á 20 mínútna
fresti að skólunum án þess að fara
yfir hina fjölfömu Suðurgötu sem
valdið hefur mörgum slysum.
* Ibúar sem búa vestast i vestur-
bæ eða á Seltjamamesi og stunda
nám í Háskóla íslands eiga nú kost
á því að komast með strætó nánast
aö Háskólanum sem ekki hefur
verið hægt fram að þessu nema
skipta um vagn á Lækjartorgi.
Ekki lokaskrefið
* Með aukinni tiðni ferða í mið-
borginni og tvístefnu fyrir strætó
um Hverfisgötu geta farþegar SVR
nú tekið strætisvagn á 3-5 mín-
útna fresti milli Hlemms og Lækj-
artorgs, og batnar því þjónusta á
þessu svæði mjög verulega frá því
sem nú er.
* Með auknum ferðum á Miklu-
braut eykst þjónusta SVR við þá
farþega sem vilja versla í Kringl-
unni verulega frá því sem nú er.
Vonandi verður þess síðan ekki
langt að bíða að stórbætt biðstaða
strætisvagna við Kringluna verði
að veruleika.
* Með tilkomu nýju skiptistöðv-
arinnar í Ártúnshöfða eiga íbúar í
Grafarvogi, Árbæ, Ártúni og Selási
aukna möguleika á ferðum um alla
borgina með strætisvögnum.
* Með þeim veigamiklu breyt-
ingum sem nú er verið að gera við
Lækjartorg mun aðstaða farþega
batna mikið og hlaup á milli
margra biðstöðva í Kvosinni mun
nú heyra sögunni til. Jafnframt
mun aðstaða fyrir vagnstjóra stór-
batna frá því sem verið hefur og er
svo sannarlega kominn tími til.
Nauðsynlegt er að undirstrika að
hér er ekki um lokaskref að ræða i
bættum almenningssamgöngum í
Reykjavík; heldur fyrsta skrefið af
mörgum sem þarf að taka til að
bæta þjónustu við farþega SVR á
næstu árum.
Arthur Morthens
Kjallarinn
Arthur Morthens
formaöur stjórnar SVR
„Nauðsynlegt er að undirstríka
að hér er ekki um lokaskref að
ræða í bættum almenningssam-
göngum í Reykjavík; heldur fyrsta
skrefið af mörgum sem þarf að
taka til að bæta þjónustu við far-
þega SVR á næstu árum.u
íslensk stjórnvöld læri
af Namibíumönnum
Nú er á döfinni ýmis aðstoð við
Namibíu. íslendingar ætla sér að
uppfræða Afríkubúa um ýmsar
staðreyndir í stjórnun fiskvinnslu
og markaðsmálum og hjálpa þeim
að nálgast 20. öldina. Vonandi
verður þetta báðum þjóðunum til
góðs.
Sanngjörn krafa
Við getum lært ýmislegt af
Namibíumönnum því að á íslandi
er á sumum sviðum meira ban-
analýðveldi en finnst í fnnnskóg-
um Afríku. Nægir að nefna mein-
gallaðan kvótatoll kaupahéðna þar
sem sækóngar leigja eða selja öðr-
um íslenskum bátasjómönnum
fiskkvóta til veiöa í íslenskri land-
helgi og stinga endurgjaldinu í eig-
in vasa.
Samrýmist þetta
íslenskum lögum
um að fiskimiðin
séu eign ís-
lensku þjóðar-
innar? Það væri
þó sanngirn-
iskrafa að hand-
höfum kvótaleyf-
is verði gert að
greiða fyrir
rekstur Land-
helgisgæslunnar
á fiskimiðunum
kringum landið ásamt rannsókn-
um á fiskstofnum og fiskigengd.
Sækóngar hafa komið ár sinni
vel fyrir borö enda hafa þeir
smokrað sér í löggjafarvaldið og
þingmennsku. Þingheimur og rík-
isstjórn landsmanna líkist
strengjabrúðum meðan þetta við-
gengst því það er lögleysa og sið-
laust að hagræða lögum í eigin
þágu, að sitja beggja megin borðs-
ins og geta heft þingið í lagasetn-
ingum. Á sama tíma
herðir þjóðin sultaról-
ina og heilbrigðiskerf-
ið er lagt í rúst. Sam-
kvæmt Ríkisendur-
skoðun stefnir ríkis-
sjóður í 12 milljarða
hallarekstur í ár (DV
2. ág. ’96). Þarf einhver
að velkjast í vafa um
hverjir stjórni í raun
þjóðarskútunni?
Leigutekjur vítt
um heim
Þegar Nujoma, for-
seti Namibíu, kom til
íslands árið 1993 í
einkaþotu sinni í opin-
bera heimsókn sagði
hann að Namibíu-
menn ættu ekkert fjár-
magn til að leggja fram til fisk-
veiðisamstarfs, hann vonaðist
hins vegar til að íslendingar legðu
fram fjármagn í uppbyggingu út-
gerðarfyrirtækja og fiskvinnslu ís-
lands og Namibiu í Afríku en þar
sem Namibíumenn ættu fiskimið-
in fengi Namibía helming tekju-
afrakstursins.
Namibíska þjóðin
hefur borið gæfu til
að njóta gjöfulla
fengsælla fiskimiða
en ekki afhent þau,
eins og hefur við-
gengist hérlendis,
endurgjaldslaust til
kauphéðna léns-
fursta. Sú framtíðar-
sýn blasir hins vegar
við íslensku þjóðinni
að afkomendur auð-
ugra sækónga, bú-
settir jafnvel í öðr-
um heimsálfum, eigi
að fá leigutekjur af
íslandsmiðum á
meðan þjóðin sjálf
er rúin auðlind
sinni.
Já, íslendingar geta
vafalítið veitt Namibíumönnum
ráðgjöf því að vítin eru til þess að
varast þau. Vonandi er ekki verið
að senda okkar bestu menn í út-
legð til Namibíu því við þörfnumst
sjálf hugsjónamanna sem eiga það
markmið að verða þjóð sinni að
gagni.
Ólöf S. Eyjólfsdóttir
„Sækóngar hafa komið ár sinni
vel fyrir borð enda hafa þeir
smokrað sér í löggjafarvaldið og
þingmennsku. Þingheimur ogrík-
isstjórn landsmanna líkist
strengjabrúðum meðan þetta
viðgengst..
Kjallarinn
Ólöf S. Eyjólfs-
dóttir
skrifstofumaöur
Meö og
á móti
Afreksmannasjóður ÍSÍ hjá
Ólympíunefnd
Eölileg breyting
„Ég er þeirr-
ar skoðunar að
öll afreksmál
íþróttahreyf-
ingarinnar eigi
að vera á ein-
um stað og í
þessu tilviki
hjá Ólympíu-
nefndinni. Með
því er ég ekki
að gera lítið úr verkum annarra,
síður en svo, heldur er það stað-
reyndin að Ólympiunefndin
stendur nær íþróttakeppninni og
þeim stóru viðburðum í íþróttum
sem standa upp úr. Það þarf að
hlúa betur að afreksmönnunum
og Ólympíunefndin er vel í stakk
búin að gera það.
Við fáum peninga frá Ólymp-
íusamhjálpinni í Sviss og þeir
peningar mega ekki blandast við
aðra peninga sem fara til afreks-
íþrótta eða önnur verkefni. Þeg-
ar við fámn slíka styrki þá ráða
þeir miklu um hvernig ferðinni
er hagað. Aftur á móti er hægt að
styðja við bakið á slíkum styrkj-
um með öðrum framlögum. Það
þarf að samræma þessa erlendu
styrki og íslenska afrekssjóðinn
og það er aðeins hægt í gegnum
Ólympíunefndina vegna afstöðu
Alþjóða Ólympíunefndarinnar
um meðferð peninga sem koma
frá þeim.
Þá er Ólympíunefndin með á
sinni dagskrá undirbúning
Ólympíuleika, sumar- og vetrar-
leika, Smáþjóðaleika, Ólympíu-
daga æskunnar, bæði sumar- og
vetrarleika, og er því með stór
íþróttamót á hverju ári. Þess
vegna er nefndin í nánara sam-
starfi við sérsamböndin um
íþróttakeppni en aðrir aðilar í
íþróttahreyfingunni. Meðal ann-
ars þess vegna tel ég eðlilegt að
þessi breyting komist á.“
Sameining leysir
vandann
„Afreks-
mannasjóður ÍSÍ
var stofnaður
fyrir nokkrum
árum með það í
huga að auk ÍSÍ
fengjust ljárveit-
ingar frá ríki,
sveitarfélögum,
fyrirtækjum,
Ólympíuhreyf-
ingunni og öðrum til að standa
undir styrkjum til afreksfólks í
íþróttum. Því miður hefur það
ekki tekist. íþróttasambandið
leggur eitt til fé i þennan sjóð af
sjálfsaflafé sínu. Sjóðnum stýrir
sérstök stjóm sem starfar á
ábyrgð framkvæmdastjómar ÍSÍ
og samkvæmt reglum sem
íþróttaþing hefur lagt blessun
sína yfir. Allar ákvarðanir um
styrkveitingar eru bomar undir
framkvæmdastjóm ÍSÍ og gerð er
grein fyrir þeim í reikningum
sambandsins gagnvart iþrótta-
þingi. ÍSÍ á þennan sjóð og ber
ábyrgð á honum gagnvart
íþróttahreyfingunni allri. Fram-
kvæmdastjóm ÍSÍ hefur hvorki
umboð né leyfi til að ráðstafa
sjóðnum í heilu lagi til nefndar
sem ber enga pólitíska né fjár-
hagslega ábyrgð gagnvart
íþróttaþingi.
Með sameiningu ÍSÍ og Óí í ein
samtök, sem sækja rétt sinn og
skyldur til íþróttaþings, kemur
það að sjálfu sér að þeir sem
stýra Ólympíumálum og íþrótta-
málum almennt hafa jafnframt
stjóm á afreksmannasjóðnum.
Því fyrirkomulagi er ég hlynnt-
ur. Þá veit hægri höndin hvað sú
vinstri gerir og forystan ber lýð-
ræðislega ábyrgð á ákvörðunum
sínum gagnvart öllum þeim sem
leggja til fé í sjóði og starfa inn-
an heildarsamtakanna." -HK
Ellert B. Schram,
forsetl ÍSÍ.
Júlíus Hafstein,
formaöur Ólympíu-
nefndar íslands.