Dagblaðið Vísir - DV - 11.06.2002, Side 28
28
ÞRIÐJUDAGUR 11. JÚNÍ 2002
Sport
DV
Trúðurinn var að gera Gunnari Gunnarssyni lífið leitt í keppninni með
gangtruflunum en Gunnar varð að láta sér lynda 2. sætið.
Hörkukeppni í
götubílaflokknum
Keppnin í götubílaflokki tor-
færunnar er, eins og búist var
viið, bæði jöfn og hörð en þar
elda Ragnar Róbetsson á Pizza 67
Willysnum og Gunnar Gunnars-
son á trúðnum grátt silfur.
Gunnar sigraði i 1. umferð móts-
ins en sl. laugardag var komið að
Ragnari að fara með sigur af
hólmi og eru þeir keppinautar
nú jafnir að stigum.
Fyllti vélina af vatni
,,Ég var ekki alveg sáttur með
árangur minn í dag,“ sagði Ragn-
ar að leikslokum. „Þó gekk ekki
allt eins og ég hefði framast kos-
ið. Ég ætlaði t.d. að ná fullt af
stigum í 3. braut, þá hefði ég
kannski verið enn þá ofar. Mér
gekk mjög vel í mörgum braut-
um en margar þeirra voru mjög
erfiðar, en þó ekkert brjálæðis-
legar. Ég var heppinn og lenti
ekki í bilunum í dag og slapp al-
veg við veltur. Vélin var þó full
af vatni eftir tímabrautina. Við
tókum bara kertin úr henni og
snerum vélinni, létum hana dæla
vatninu úr sér. Ég vona bara að
vélin sé i lagi, hún fretar nú eitt-
hvað og fúskar. Ég lenti í engum
bilunum, nema vatninu. Það var
bara gaman að þessu, nema vatn-
inu,“ sagði Ragnar sem hefur nú
náð Gunnari að stigum í íslands-
meistarakeppninni.
Bras vegna bilana
Gunnar Gunnarsson varð að
sætta sig við að fá Ragnar upp að
hlið sér í forystu götubílaflokks-
ins eftir brösótta keppni. „Við
vorum í vandræðum með gang-
inn í vélinni í Trúðnum í byrjun
keppninnar en svo lagaðist það,“
sagði Gunnar. „Við tókum svo
eftir því eftir tímabrautina þegar
við ætluðum að þurrka kveikj-
una að kveikjuhamarinn var
brunninn, alveg inn að miðju.
Plastið og allt var bráðnað svo að
vélin var ekki að fá rétta kveik-
ingu. Þegar við vorum búnir að
skipta um kveikjuhamar var
Trúðurinn í fínu lagi en það var
bara aðeins of seint. Svo braut ég
millikassa í 3. braut. Við skipt-
um um hann en ég náði ekki á
ráslínu á réttum tima svo að ég
varð að fara aftur fyrir röðina.
Við það töpuðust 60 stig. Það
varð því ýmislegt til að tína af
mér stigin en ég náði þó alla
vega 2. sætinu í dag, þrátt fyrir
allar hrakfarirnar,“ sagði Gunn-
ar ánægður með að vera búinn
að finna út hvað var að angra
Trúðinn í keppninni.
-JAK
Götubílaúrslit
Sæti - Keppandi - Bill - Stig
1. Ragnar Róbertsson, Pizza 67 Willys-
inn ........................1400
2. Gunnar Gunnarss., Trúðurinn 920
3. Bjarki Reynisson, Wilíys .... 900
Götubílaflokkur:
1.-2. Gunnar Gunnarss., Trúöurinn 35
1.-2. Ragnar Róbertss., Pizza 67 W . 35
3. Bjarki Reynisson, Willys.24
Götubílapunktar
Bjarki Reynisson var búinn að
gera ráðstafanir til að verja vélina
í Wiilysnum fyrir vatni en hann
átti von á að þessi keppni yrði
nokkuð blaut, eins og reyndin
varð.
Gunnar Gunnarsson var í vand-
ræðum með Trúðinn stuttu áður
en keppnin átti að hefjast en þá
voru svo miklar gangtrtuflanir i
vélinni að Trúðurinn hélst varla í
gangi.
Bjarki Reynlsson velti Wiliysnum
sínum út úr endahliði 1. brautar-
innar og tókst ekki að mæta á rétt-
um tíma í 2. brautina og varð að
fara aftur fyrir röðina. Við það
missti hann 60 stig.
Bjarki Reynisson velti Willysnum í fyrstu brautinni og mætti of seint á
ráslínu annarrar brautarinnar svo að hann varð að fara aftur fyrir röðina.
Ingi Bjarnar Guðmundsson aðstoðar Ragnar Róbertsson, sigurvegarann í
götubílaflokki, við að setja á sig armólarnar en þær eiga að koma í veg
fyrir að handleggir ökumannsins lendi á milli veltibúrsins og jarðarinnar
ef bíllinn veltur. D-myndir JAK
Veiðivon
Gunnar og Magnús Gunnarssynir meö fyrsta lax sumarsins, 7 punda fisk
úr Laxá í Kjós en hann veiddu þeir í Laxfossi sunnan megin.
DV-mynd Ásgeir Heiðar
Laxá í Kjós:
Fýrsti laxinn í súpuna
- einn lax á land í Aðaldalnum
„Þetta er fírm lax í súpuna, það
er ekki hægt að hafa þá betri,“
sagði Sigurður L. Hall við Laxá í
Kjós í gærmorgun, þegar fyrsti
laxinn úr ánni fór í súpuna í há-
deginu í veiðihúsinu í gær.
En þessi hefð hefur viðgengist í
fjölda ára í Laxá í Kjós að fyrsti
laxinn sé notaður í súpu.
En það voru Gunnar og Magnús
Gunnarssynir sem veiddu fyrsta
laxinn í Laxá í Kjós á sumrinu í
Laxfossi sunnaverðum.
„Það var annar lax þarna með
skellu á hausnum en hann vildi
alls ekki taka hjá okkur,“ sagði
Gunnar Gunnarsson, rétt eftir að
þeir lönduðu laxinum og bætti við,
„þetta er rólegt og lítið af fiski enn
þá í ánni.“
„Þetta gengur rólega enda lítið
af fiski, ég setti lax á Snældu áðan
við Laxfossinn norðan megin en
hann slapp af eftir nokkra bar-
áttu,“ sagði Ágúst Pétursson við
Laxfossinn.
„Við erum búnir að reyna hérna
við Kvíslarfossinn en ekkert fengið
enn þá,“ sögðu þeir Páll Magnús-
son og Haraldur Eiriksson en þeir
reyndu eins og aðrir við Laxá í
Kjós þennan fyrsta dag sem mátti
veiða.
„Laxinn er mættur, þó auðvitaö
mætti vera meira af honum, en
þetta kemur,“ sagði Ásgeir Heiðar
um leið og Sigurður L. Hall fékk
fyrsta lax sumarins i súpuna.
Veiðin byrjaði einnig í Laxá í
Aðaldal í gærmorgun og það voru
bændur sem reyndu þennan fyrsta
hálfa dag sem þeir mega veiða.
Það kom einn lax á land og var
hann 11 pund.
Norðurá í Borgarfirði hefur gef-
ið 20 laxa og í Blöndu hefur verið
eitthvert líf.
Fyrsti dagurinn gaf fimm laxa
og síðan hefur verið „kropp", eftir
þeim fregnum sem við höfum af
svæðinu.
Mokveiði hefur verið í Hópinu
og líklega hafa veiðst yfir 100
bleikjur um helgina. Veiðimenn
voru einhverjir með á milli 30 og
40 bleikjur, sumar um 4 pund.
Einn lax er kominn úr Hópinu
og veiðimenn urðu varir við fleiri
laxa.
Silungsveiðin er í góðu lagi
þessa dagana, bæði við Borgames
og síðan í Hópinu.
Veiðimaður sem var við Borgar-
nes í gær var kominn með góða
veiði eftir stutt stopp.
G.Bender