Frjáls verslun - 01.01.1953, Blaðsíða 27

Félagsmál
Nýir launakjarasamningar verzlunarmanna.
Þann 31. desember s.l. voru undirritaSir samningar um kaup
og kjör verzlunarfólks, milli Verzlunarráðs íslands, Sambands
smásöluverzlana og K.R.O.N. annars vegar og launþegadeildar
V.R. hins vegar.
Samningarnir eru svohljóðandi:
Undirritaðir aðilar samþykkja að framlengja samning um
kaup og kjör verzlunarfólks frá 3. marz 1948 og viðbótarsamn-
ing frá 10. ágúst 1950 með eftirtöldum breytingum:
1. 2. grein B-liður, 3. flokkur orðist þannig:
„Byrjunarlaun ..............kr. 1.351,36
Eftir 1 ár ................. — 1.491,32
Eftir 2 ár.................. — 1.667,25“
2. Fjórða grein orðist þannig:
„Allar framangreindar launaupphæðir eru grunnlaun og
greiðast að viðbættri vísitölu samkvæmt eftirfarandi ákvæðum:
a. Framfærsluvísitala nóvembermánaðar s.l., 163 stig, lækk-
ar um 5 stig í 158 stig, og kaupgjaldsvísitalan, sem miðað er
við í samningi þessum í 148 stig með óbreyttu kaupgjaldi. —
Hækki eða lækki framfærsluvísitalan úr 158 stigum, greiðist
kaup samkvæmt kaupgjaldsvisitölu með 5 stiga álagi. Á
grunnlaun, sem eigi eru hærri en kr. 1.830,00 á mánuði,
greiðist þó vísitöluuppbót samkvæmt kaupgjaldsvísitölu að
viðbættum 10 stigum. Fari kaup á þennan hátt upp fyrir kaup
í hærri kaupgjaldsflokki, hækkar kaup þess flokks upp í
sömu upphæð.
b. Á grunnlaun, sem eigi eru hærri en kr. 2.200,00 á mán-
uði, skal greiða fulla vísitöluuppbót, samkvæmt a-lið. Á þann
hluta grunnkaups, er umfram kann að vera, greiðist sama
vísitöluálag og áður.
Launagreiðslur skulu fara fram mánaðarlega og eigi síðar
en annan dag hvers mánaðar eftir á.“ —
3. 6. grein orðist þannig:
„Sumarleyfi skal vera 15 virkir dagar á ári fyrir eins árs
starfstíma, sem er 5% af árskaupi. Eftir 12 ára starf bjá sama
fyrirtæki fær starfsmaður 3 daga frí til viðbótar, og sé það
tekið að vetri til. Samkomulag við atvinnurekanda ræður, hve-
nær leyfið er tekið.“
4. 7. grein breytist þannig:
í stað setningarinnar: „Aðfangadag jóla o.s.frv.“, komi:
„Aðfangadag jóla skal eigi loka síðar en kl. 13 og á gamlárs-
dag kl. 12. Þriðja dag jóla skulu sölubúðir opnaðar kl. 10“.
5. 12. grein orðist þannig:
„Verði úgreiningur um framkvæmd þessa samnings, s. s.
flokkun launa o.fb, skal gerðadómur, skipaður 3 mönnum,
skera úr málum. Gerðadómurinn skal þannig skipaður: Einn
maður tilnefndur af Verzlunarráði íslands eða einn af sam-
bandi smásöluverzlana eða einn af Kaupfélagi Reykjavíkur og
nágrennis, eftir því, hvern þeirra mélið varðar. Einn skipaður
af Verzlunarmannafélagi Reykjavíkur, og skal hann vera laun-
þegi, og einn af borgarfógeta, og skal hann vera oddamaður."
6. 13. grein orðist þannig:
„Samningur þessi gildir frá 1. janúar 1953 til 1. júlí 1953
og framlengist sjálfkrafa um 6 mánuði í senn, verði honum
ekki sagt upp með eins mánaðar fyrirvara. Þó skal starfsmað-
ur, er nýtur betri kjara en ákveðin eru í samningi þessum,
halda þeim réttindum óskertum, meðan hann gegnir sama
starfi."
Aöalfundur Félags vefnaöarvörukaupmanna var
haldinn 11. febrúar s.l. í stjórn félagsins voru kosn-
ir: Jón Helgason, formaður, Árni Árnason. Björn
Ófeigsson, Gunnar Hall og Halldór Gunnarsson.
Varastjórn skipa: Helga Thorberg og Hjörtur Jónsson.
Skókaupmannafélagið hélt aðalfund sinn 29. jan-
úar s. 1. og voru kosnir í stjórn: Óli J. Ólason, for-
maður, Björn Ófeigsson og Lárus G. Jónsson með-
stjórnendur. Varamenn voru kosnir: Björgúlfur Stef-
ánsson og Jón Guðmundsson.
•
Aðalfundur Styrktar- og sjúkrasjóðs verzlunarmanna
var haldinn 26. febrúar s.l. Stjórn sjóðsins var end-
urkosin, en hana skipa: Helgi Bergs, formaður, Ingi-
mar Brynjólfsson, gjaldkeri, Guðmundur Þórðarson,
ritari. Meðstjórnendur eru: Sigurjón Jónsson og Er-
lendur Ó. Pétursson. Varastjórn skijta: Henrik Thor-
arensen, Nieljohníus Ólafsson og Sigurður Einarsson.
Eignir sjóðsins nema nú kr. 438.008,78 og höfðu
aukizt um kr. 20.275,45 á árinu. í árslok voru 437
félagar í sjóðnum. Á árinu 1952 var veittur styrkur
til 22 manna samtals að upphæð kr. 24.900,
Hver sá, sem búinn er að vera félagi í sjóðnum í
fimmtíu ár, er gerður að heiðursfélaga. Að þesstt sinni
voru lilnefndir tveir nýir heiðursfélagar, Carl Finsen,
forstióri, og Einar Magnússon, fyrrverandi sparisjóðs-
gjaldkeri.
FRJÁLS VERZLUN
27