Frjáls verslun - 01.12.1981, Blaðsíða 55

Þetta veldur vissum erfiðleikum í
allri skipulagningu og kostar mikla
fjármuni. Svo þegar svona óhapp
kemur fyrir, missum við af sölu og
þetta kostar okkur töluvert, en í
þessu eins og sjálfsagt flestu öðru
tekur maður alltaf vissa áhættu."
Opna listamannastúdíó
Glit hefur alla tíð verið opið
listamönnum, sem hafa viljað not-
færa sér þá aðstöðu, er fyrirtækið
hefur uppá að bjóða. Til dæmis
hefur verið staddur hér á landi
danskur leirkerasmiður, sem hélt
sýningu á verkum sínum og fékk
hann inni hjá Glit. Þar áöur var þar
írsk stúlka og svo framvegis. Til að
auðvelda þessu fólki starfið er nú
verið að ganga þar frá sérstöku
listamannastúdíói. Verður það
fyrst og fremst fyrir gesti og að öll-
um líkindum verður Ragnar Kjart-
ansson, myndhöggvari, sá fyrsti
sem nýtur þessarar aðstöðu. En
hvernig kom þetta til?
,,Við vildum með þessu veita
listamönnum tækifæri til að gera
meiri háttar verk, sem ekki var
hægt áður. Við höfum hér alla að-
stöðu, hér eru sérfræðingar á
hverju strái, hér eru öll tæki og svo
framvegis. Á móti kemur svo, að ef
listamennirnir koma með góðar
hugmyndir í sambandi við fram-
leiðsluna hjá okkur, gerum við þá
kröfu til þeirra að ganga fyrir um
alla framleiðslu á því.“
„Ég er trúaður á leirinn“
— Nú hafa leirvörur verið eins-
konar tískuvara hjá yngri kynslóð-
inni. Heldur þú, að vörur úr leir fari
einn daginn úr tísku eða er þetta
orðin klassísk vara?
,,Ég er sannfærður um, að leir-
inn heldur velli, hann er klassískur
og stendur alltaf fyrir sínu. Ég er
ekki mikill fagmaður í þessu, en ég
les mikið um leir og það er greini;
lega mikil gróska á þeim vettvangi,
það er farið að nota hann miklu
meira en áöur, til dæmis í Banda-
ríkjunum eru þeir farnir að gera
ýmsa vélahluti úr leir.
Annars tekur maður alltaf
áhættu í svona viðskiptum. Við
erum þó alltaf að hugsa fyrir nýj-
ungum. Á næsta ári ætlum við að
koma enn með nýjungar á mark-
Nýja „stúdíóið" fyrir listamenn sem verða gestir Glits.
Páll Pálsson, verksmlðjustjórl, vlð ofninn,
aðinn í leirnum, en þetta er hörð
samkeppni og framleiðnin þarf að
aukast gífurlega til að halda velli.
Þetta ár hefur verið erfitt, það hafa
verið um 50 prósent kostnaðar-
hækkanir hér innanlands, svo sem
laun, hiti, rafmagn og svo fram-
vegis. Gengið hefur lækkað á
þessum tíma um 14 til 18 prósent.
Þrátt fyrir þetta hefur okkur tekist
að halda velli og rúmlega það.
Aöalatriðið í rekstri eins og þess-
um er að vera nógu frjór og koma
með nýjar hugmyndir. Meðan við
getum þaðerég trúaðurá leirinn,"
sagði Orri Vigfússon.
55