Lesbók Morgunblaðsins - 19.02.2000, Side 20

táu L X W?.'
*& , ■. ■* Yi% f
**■*
fe*V '*%, Ov s
*..vh iLst*
■%, \ '&&#?• -«k
t S\-wS
St v %' % « ■* -.. V >
■W % * 4iíS *•% ;
■» v. f -.. '% f»m, ~o»
t **, t S SI CV 4
W \\ k % '
Náttúruteikning Guörúnar Gunnarsdóttur.
Vír, 240x195x7 cm, 1999.
Straumar eftlr Inger-Johanne Brautaset. T|tm þessa verks uilu-Maiju Vikman, 26 352, vísar til fjölda
Handgerður pappir, plgment og plexlgler, 90x85 cm, 2000. þráða í því. Málað viscose, 220x180 cm, 1997.

MORK MILLI LIST-
GREINA ÞURRKUÐ ÚT
Allar eiga þær sterkar rætur í veflistinni og vinna á
grunni hennar en hafa fundið sköpunarkrafti sínum
farveg með því að nota óhefðbundin efni og vinna úr
þeim á eigin forsendum. í Listasafni ASÍ hitti
"MARGRÉT SVEINBJÖRNSDÓTTIR 4 listakonur frá nor-
rænu menningarborgunum þremur, þar sem þær voru
að setja upp sýningu sem opnuð verður í dag kl. 16.
SÝNINGIN, sem ber yfirskriftina Norrút, er á
dagskrá Reykjavíkur menningarborgar
Evrópu árið 2000 og fer héðan til hinna nor-
rænu menningarborganna, Bergen og Hels-
inki. Listakonurnar fjórar eru þær Agneta
Hobin og Ulla-Maija Vikman frá Helsinki, Ing-
er-Johanne Brautaset sem kemur frá Bergen
og Guðrún Gunnarsdóttir sem er fulltrúi
Reykjavíkur.
Sýningarstjóri er Kristín G. Guðnadóttir,
* forstöðumaður Listasafns ASÍ. Hún fylgir sýn-
ingunni úr hlaði með aðfaraorðum í ítarlegri
sýningarskrá. Þar segir meðal annars að í vef-
list undangenginna ára hafi mátt sjá
sterka tilhneigingu til að sprengja
ramma hefðar og efnis. „Nýjar
víddir eru kannaðar, mörk milli list-
greina þurrkast út. Hin nýja veflist er
afsprengi nýrra skilgreininga á eðli og
inntaki listgreinarinnar. Vefstóll og
band er lagt til hliðar, en nýjar
og oft afar persónulegar vinnu-
aðferðir og efnistök ryðja sér til
rúms. Þanþol efnisins er kannað til hlítar,
vinnuferli verksins verður sýnilegt í end-
anlegri gerð þess,“ skrifar Kristín.
Stefnumóti listakvennanna fjögurra
lýsir hún þannig: „Á sýningunni Norrút
^mætast fjórar norrænar listakonur sem á
grunni veflistarinnar hafa hver á sinn hátt
þróað persónulegt myndmál þar sem greina
má norræna festu, samtvinnaða eigindum úr
deiglu hins alþjóðlega listheims. Þær eiga það
sameiginlegt að finna sköpunarkrafti sínum
nýjan farveg með því að nota óhefðbundin efni
og vinna úr þeim á eigin forsendum. Þær leit-
ast við að finna verkum sínum formgerð þrí-
víddar, virkja rými og tíma, en hafa samtímis
sterka tilfinningu fyrir efniskennd, áferð og yf-
irborði. Skírskotun til ólíkra þátta hinnar nor-
rænu náttúru er auðsæ í verkum þeirra, ýmist í
efni verkanna, formi eða inntaki þeirra.“
Guðrún Gunnarsdóttir segist vinna með
. ^þráðinn eins og í þrívídd. „Eg veit ekki hvort
þetta getur flokkast undir skúlptúr, þar sem ég
hengi það upp á vegg, en ég kalla þetta þrívídd-
arteikningu, hvað sem það nú annars er,“ segir
hún. Guðrúnu þykir línan afar spennandi.
„Línan í lífinu, í náttúrunni, í landslaginu, í
ljóðinu. Mér hefur líka alltaf þótt mjög spenn-
andi að vinna með rýmið milli línanna eða þráð-
anna - það sem ekki sést.“
Um verk Ullu-Maiju Vikman hefur verið
sagt að þau séu á mörkum textíls og sjónlista.
„Þetta eru málverk,“ segir hún ákveðin og
bendir á stór og mikil verk úr löngum þráðum
sem hanga lóðrétt niður og hún hefur málað á.
í eitt verkanna sem sjá má á sýningunni kveðst
hún hafa notað meira en 50 kílómetra af þræði.
Ulla-Maija er fædd í Rovaniemi í Norður-
Finnlandi, norður við heimskautsbaug, og
sækir innblástur í tæra liti og birtu norðursins.
Þetta er í þriðja sinn sem hún sýnir verk
sín á Islandi en áður hefur hún
sýnt í Hafnarborg og Galleríi
Úmbru.
Agneta Hobin er líka upptekin af
norðrinu og kuldanum og þess sér
merki í verkum henn-
ar, sem bera einmitt
nöfn á borð við Norð-
ur, Jökull og ís. Síðastlið-
in tíu ár hefur hún unnið mikið með steinteg-
undina muskovit, sem hún grefur upp úr
gamalli námu í Austurbotni. ,Áður fyrr var
muskovit m.a. notað sem einangrun í strau-
járn, það var líka kallað moskvugler. Það hefur
meðal annars þann kost að vera gegnsætt en
endurspegla samtímis,11 segir Agneta. Hún
kveðst líta á sig sem bæði textíllistamann og
myndhöggvara. „Þetta eru einskonar létt-
skúlptúrar," segir hún.
Verk Inger-Johanne Brautaset eru úr papp-
írsmassa sem hún vinnur sjálf og málar í hann
meðan hann er enn blautur. Blár litur er áber-
andi í verkunum, einnig öldur, hvirflar og
straumar, enda horfir hún beint út á haf úr
glugga vinnustofu sinnar í Bergen og sækir
mikinn innblástur í hreyfingar þess og liti.
Sýningin er opin alla daga nema mánudaga
kl. 14-18 og stendur til 12. mars nk. Frá Lista-
safni ASÍ liggur svo leiðin til Bergen, þar sem
hún verður sett upp í Bryggens Museum í vor,
og loks til Helsinki, þar sem hægt verður að sjá
hana í Taideteollisuusmuseo frá miðjum
nóvember og fram yfir áramót.
Morgunblaðiö/Þorkell
Ulla-Maija Vikman, Kristín G. Guðnadóttir, Agneta Hobin,
Guðrún Gunnarsdóttir og Inger-Johanna Brautaset.
ís heitir þetta verk Agnetu Hobin úr muskovitl, stáli og bronsi. 300x300x50 cm, 1997.
20 LESBÓK MORGUNBLAÐSINS - MENNING/LISTIR 19. FEBRÚAR 2000
4.